పంచాయతీ కార్మికులను ఘనంగా సన్మానించిన గౌడవెల్లి మాజీ సర్పంచ్

 పంచాయతీ కార్మికులను ఘనంగా సన్మానించిన గౌడవెల్లి మాజీ సర్పంచ్

పెన్ పవర్, మేడ్చల్

ప్రపంచ కార్మికుల దినోత్సవం సందర్భంగా మండల పరిధిలోని గౌడవెల్లి గ్రామంలో మాజీ సర్పంచ్ అప్పమ్మగారి జగన్ రెడ్డి ఆధ్వర్యంలో పంచాయతీ కార్మికులను ఘనంగా సన్మానించారు. ఈ సందర్భంగా ఆయన మాట్లాడుతూ సమాజ పురోభివృద్ధి లో కార్మికులు, కర్షకులదే కీలకపాత్ర అన్నారు. కార్మికులు అంటూ లేకపోతే ప్రజా జీవనం స్తంభించి పోతుంది అని అన్నారు. కరోనా కాలంలో గ్రామాల్లో పారిశుద్ధ్య కార్మికులు అందిస్తున్న సేవలు వెలకట్టలేనివి అని ఆయన పేర్కొన్నారు. ఈ కార్యక్రమంలో ఉప సర్పంచ్ పెంటమ్మ, వార్డ్ సభ్యులు సుదర్శన్ రెడ్డి, సదానందం గౌడ్, ప్రభాకర్ ముదిరాజ్, ప్రాథమిక వ్యవసాయ  సహకార సంఘం డైరెక్టర్లు కృష్ణ యాదవ్, గోమారం శ్రీనివాస్ రెడ్డి మరియు తదితరులు పాల్గొన్నారు.

మల్లాపూర్ డివిజన్ లో ఘనంగా మేడే వేడుకలు

 మల్లాపూర్ డివిజన్ లో ఘనంగా మేడే వేడుకలు 

తార్నాక,  పెన్ పవర్ 

తెరాస  కార్మిక విభాగం  కాప్రా సర్కిల్ అధ్యక్షులు కుర్మన్న ఆధ్వర్యంలో మల్లాపూర్ డివిజన్ లో నిర్వహించిన జెండా ఆవిష్కరణ కార్యక్రమానికి అతిధిగా స్థానిక కార్పొరేటర్  పన్నాల దేవేందర్ రెడ్డి హాజర్యయారు. ఈ సందర్బంగా  దేవేందర్ రెడ్డి మాట్లాడుతూ శ్రామికులు,  కార్మికుల్లో  మేడే కొత్త స్ఫూర్తిని రగిలించాలని పన్నాల దేవేందర్ రెడ్డి ఆకాంక్షించారు. కార్మికుల్లో చైతన్యం వెల్లివిరియాలన్నారు. శ్రమ దోపిడీని అరికట్టేందుకు ఉద్యమ స్పూర్తితో పోరాడాలన్నారు. ప్రపంచ కార్మిక దినోత్సవం పీడిత జాతికి మహోత్సవమన్నారు.  తెలంగాణ  ప్రభుత్వం అసంఘటిత కార్మికుల సంక్షేమానికి కృషి చేస్తోందన్నారు. ప్రస్తుత కరోనా పరిస్తుతుల్లో ప్రాణాలను సైతం లెక్కచేయక  విధులు నిర్వహిస్తున్న   మున్సిపల్, గ్రామ పంచాయతీ పారిశుద్ద కార్మికుల సంక్షేమానికి ప్రభుత్వం కృషి చేస్తోందన్నారు.. ఈ సందర్భంగా కార్మిక, కర్షక, శ్రమజీవుల లోకానికి దేవేందర్ రెడ్డి  మేడే శుభాకాంక్షలు తెలిపారు. ఈ కార్యక్రమం లో డివిజన్ ప్రధాన కార్యదర్శి తాండ వాసుదేవ్ గౌడ్ , డివిజన్ బీసీ సెల్ అధ్యక్షులు సానాల రవి చారి , శ్రవణ్ , జిఎచ్ఎంసి  కార్మికులు గోవెర్దన్ రెడ్డి , మల్లేష్ , నరసింహ , తదితరులు పాల్గొన్నారు

నాచారం డివిజన్ లో వ్యాక్సిన్ కేంద్రాన్ని ఏర్పాటు చేయాలి

 నాచారం డివిజన్ లో వ్యాక్సిన్ కేంద్రాన్ని ఏర్పాటు చేయాలి  

అధికారులు తీరు ఫై మండిపాటు స్పందించక పోతే ధర్నా 

కార్పొరేటర్ శాంతి సాయిజెన్ శేఖర్ 

తార్నాక , పెన్ పవర్ 

కరోనా కేసులు పెరిగుతుండటంతో నాచారం డివిజన్ లో ప్రజలు భయబ్రాంతులకు గురవుతున్నారని నాచారం డివిజన్ కార్పొరేటర్ శాంతి సాయి జెన్ శేఖర్ ఆందోళన వ్యక్తం చేశారు. చాల రోజులుగా నాచారం డివిజన్ లో కోవిద్ పరీక్షా కేంద్రం ఏర్పాటు చేయాలనీ అధికారులను కోరామని తెలిపారు. ఉప్పల్ ఎమ్మెల్యే బేతి సుభాష్ రెడ్డి, మంత్రి మల్లారెడ్డి లు ఆదేశాలు జారీ చేసిన డిఎంఎచ్ఓ కాలయాపన చేయడంపై కార్పొరేటర్ శాంతి సాయి జెన్ శేఖర్ మండిపడ్డారు.  నాచారం ప్రజలు కోవిద్ పరీక్షలకు వెళ్ళాలి అంటే మల్లాపూర్ ఆరోగ్య కేంద్రానికి వెళ్ళలిసిన పరిస్థితి ఏర్పడిందని ఆవేదన వ్యక్తం చేశారు. ఇప్పటికైనా అధికారులు స్పందించి నాచారం లో కోవిద్ పరీక్షా కేంద్రం తో పాటు, వాక్సిన్ కేంద్రాన్ని ఏర్పాటు చేయాలన్నారు. నాచారం లో రైతు బజార్ బస్తి దవాఖాన తో పాటు కోవిద్ వ్యాక్సిన్ కేంద్రాన్ని ఏర్పాటు చేయాలనీ అధికారులను కోరారు. అధికారులు స్పందించకపోతే  ఆందోళన చేస్తామని , డిఎంఎచ్ఓ కార్యాలయం ముందు ధర్నాకు దిగుతామని హెచ్చరించారు.

నేటి నుండీ కొత్తగూడ లో స్వచ్ఛంద లాక్​డౌన్

 నేటి నుండీ కొత్తగూడ లో స్వచ్ఛంద లాక్​డౌన్

పెద్దగూడూరు, పెన్ పవర్ 

మహబూబబాద్ జిల్లా కొత్తగూడ మండల కేంద్రంలో నేటి (ఆదివారం) నుంచి పరిమిత స్వచ్ఛంద లాక్​డౌన్ ను విధిస్తున్నట్లు గ్రామపంచాయతీ పాలక వర్గం నిర్ణయం తీసుకుంది. కరోనా కట్టడిలో భాగంగా ఈ నిర్ణయం తీసుకున్నట్లు సర్పంచ్ రణధీర్  తెలిపాడు. స్థానికుల సౌకర్యార్థం ఉదయం ఆరు గంటల నుంచి మధ్యాహ్నం రెండింటి వరకు వ్యాపార వాణిజ్య వర్తక సంఘాలు తెరిచి ఉంటాయని సూచించారు. మండల కేంద్రంలో కరోనా వైరస్ రోజురోజుకు తీవ్రం రూపం దాల్చుతున్న దృష్ట్యా... నేటి నుంచి  పరిమిత స్వచ్ఛంద లాక్​డౌన్​ విధిస్తున్నట్లు తెలిపారు. ప్రజల శ్రేయస్సు కోసం స్వచ్ఛంద లాక్​డౌన్​కు ముందుకొచ్చినట్లు, అందరు ఈ నిర్ణయానికి కట్టుబడి ఉండాలనీ, లేనిచో రూ.5000/- జరిమాన విధించబడుతుందని సర్పంచ్ తెలిపాడు. కొత్తగూడ మండల కేంద్రానికీ పరిసర ప్రాంతాల్లో నుంచి ప్రజలు అధిక సంఖ్యలో వస్తుంటారని... ఇటువంటి సమయంలో కరోనా కేసులు ఎక్కువయ్యే అవకాశముందని తెలిపారు. కరోనా కట్టడిలో భాగంగా తమ వంతు చర్యగా పాలకవర్గం ఈ నిర్ణయం తీసుకున్నట్లు తెలిపారు. ప్రజలంతా కరోనా నిబంధనలు పాటించాలని... మాస్కులు ధరించి... తమ కుటుంబాలని కాపాడుకోవాలని సూచించారు. ఈ విపత్కర పరిస్థితుల్లో ఎవరి జాగ్రత్తలో వారు ఉంటూ కేసులు పెరగకుండా చూసుకునే బాధ్యత అందరిపై ఉందని వ్యాపారస్థులు విజ్ఞప్తి చేశారు. స్థానికుల సౌకర్యార్థం ఉదయం ఆరు గంటల నుంచి మధ్యాహ్నం రెండింటి వరకు వ్యాపార వాణిజ్య వర్తక సంఘాలు తెరిచి ఉంటాయని సూచించారు.

 రైతులకు గిట్టుబాటు ధర కల్పించడమే లక్ష్యం

 రైతుల కోసం గుజ్జు పరిశ్రమల యజమానులు అంగీకరించారు
 రోజుకు 500 మెట్రిక్ టన్నుల టమోటోలు కొనుగోలు కు సిద్ధం
 టమోటాల సొమ్ము నేరుగా రైతుల ఖాతాల్లోకి 
చిత్తూరు,  పెన్  పవర్

జిల్లా కలెక్టర్ ఆదేశాల మేరకు నేడు మరోసారి  గుజ్జు పరిశ్రమ యజమానులతో ఉద్యానవన శాఖ మార్కెటింగ్ శాఖల అధికారులు నేడు జరిపిన చర్చల్లో రోజుకు ఐదు వందలు మెట్రిక్ టన్నుల టమోటాలను కొనుగోలు చేసేందుకు అంగీకరించారని ఉద్యానవన శాఖ సంయుక్త సంచాలకులు శ్రీనివాసులు తెలిపారు. జిల్లా కలెక్టర్ ఆధ్వర్యంలో శుక్రవారంనాడు పరిశ్రమ యజమానులతో కలెక్టరేట్ లో సమావేశాన్ని నిర్వహించారు. ఈ క్రమంలో లో రైతుల వద్ద నుంచి నేరుగా ఫ్యాక్టరీలు టమోటాలను కొనుగోలు చేస్తాయని అదేవిధంగా కొనుగోలు చేసిన టమోటా లకు సంబంధించిన సొమ్మును రైతుల ఖాతాల్లోకి నేరుగా జమ చేయడం జరుగుతుందని ఇందుకు సంబంధించి ఏపీ మహిళా సంఘాల సమాఖ్య వారు కొనుగోలుకు మధ్యవర్తిత్వం వహిస్తారు అని ఆయన అన్నారు. అదేవిధంగా మార్కెటింగ్ శాఖ సంయుక్త సంచాలకులు సుధాకర్ మాట్లాడుతూ మార్కెట్ కమిటీల ద్వారా కొనుగోలు చేసి ఫ్యాక్టరీలకు టమోటాలను పంపడం జరుగుతుందని అలా పంపిన టమోటాలను గుజ్జు చేసి మార్కెటింగ్ శాఖ ఆధ్వర్యంలో నిర్వహించడం జరుగుతుందన్నారు. మార్కెటింగ్ శాఖ కార్యదర్శి ఆదేశాల మేరకు వివిధ మార్కెట్లలో కొనుగోలు చేస్తామని ప్రభుత్వం నిర్ణయించినట్లు రైతులకు గిట్టుబాటు ధర కల్పించడమే ప్రధాన ఉద్దేశమని ఆయన అన్నారు. గుజ్జు పరిశ్రమల యాజమాన్యాల తరపున గోవర్ధన్ బాబీ మాట్లాడుతూ ప్రస్తుతం మామిడిపండ్ల సీజన్ మొదలు అయినా ప్రభుత్వ విజ్ఞప్తి మేరకు రైతులకు గిట్టుబాటు ధరలు కల్పించేందుకు అందరూ సహకరించడం ఆనందమని ఈ సందర్భంగా వ్యవసాయ శాఖ కార్యదర్శి ప్రద్యుమ్న, జిల్లా కలెక్టర్ గుజ్జు పరిశ్రమల యజమానులతో టేలికాన్ఫెరెన్స్ ద్వారా మాట్లాడారు. ఈ కార్యక్రమంలో మార్కెటింగ్ శాఖ సంయుక్త సంచాలకులు  సుధాకర్, ఏ డి ఇందుమతి,ఉద్యాన వనశాఖ డి డి శ్రీనివాసులు, ఏ పి మాస్ వినాయక రెడ్డి, గుజ్జు పరిశ్రమ యజమానులు పాల్గొన్నారు.

 కేంద్ర ,రాష్ట్ర ప్రభుత్వాల వ్యతిరేక విధానాలను తిప్పికొడదాం

 ఐరాల,  పెన్  పవర్

మేడే సందర్భంగా  మండల కేంద్రమైన ఐరాల లో ఈరోజు సిఐటియు జనరల్ సెక్రటరీ రాజశేఖర్ ఆధ్వర్యంలో డాక్టర్ బిఆర్ అంబేద్కర్ విగ్రహానికి పూలమాల వేయడం జరిగింది. ఈ కార్యక్రమంలో ఆటో కార్మికులు,  భవన నిర్మాణ కార్మికులు,  సంఘమిత్ర రాలు,  ఆశాలు వర్కర్లు,   అంగన్వాడీ వర్కర్లు,  అన్ని కార్మిక సంఘాలనాయకులతో కలసి మేడే కార్యక్రమాన్ని నిర్వహించడం జరిగింది.

కరోనా కట్టడికి ప్రతి ఒక్కరూ సహకరించాలి.

 కరోనా కట్టడికి ప్రతి ఒక్కరూ సహకరించాలి.

పారిశుద్ధ్యం పై ప్రత్యేక శ్రద్ధ వహించాలి.

స్వచ్ఛత ఆటోలను ప్రారంభించిన ప్రభుత్వ విప్ 

పట్టణ కొత్తశోభ సంతరించుకుంటుంది.

పెన్ పవర్ , మందమర్రి

కరోనా కట్టడికి ప్రతి ఒక్కరూ నడుం కట్టాలని ప్రజలు అప్రమత్తంగా ఉండాలని ప్రభుత్వ విప్ చెన్నూరు ఎమ్మెల్యే బాల్క సుమన్ అన్నారు. శనివారం స్థానిక మున్సిపల్ కార్యాలయంలో ఏర్పాటు చేసిన కార్యక్రమంలో ఆయన పాల్గొన్నారు. ముందుగా 1.18.8000 రూపాయలతో కొనుగోలు చేసిన24 స్వచ్చ ఆటోలను, 10.00.000 రూపాయల తో కొనుగోలు చేసిన ట్రాక్టర్ ట్రాలీ, వాటర్ ట్యాoకర్ లను అయన ప్రారంభించారు. మున్సిపాలిటీ లో విధులు నిర్వహిస్తున్న 63 మంది మున్సిపల్ వర్కర్లకు యూనిఫామ్స్, సోప్స్, సానిటైజర్, గ్లౌసెస్ పంపిణీ చేశారు. ఈసందర్భంగా ఆయన మాట్లాడుతూ  రాష్ట్రంలో కరోనా వేవ్ రెండవ దశ అత్యంత ప్రమాదకరంగా మారిందని కరోనా కట్టడికి స్వీయనియంత్రణ మేలని ఆయన చెప్పారు. పట్టణంలో పారిశుద్ధ్య పనులను వేగవంతం చేయాలని 24 వార్డులల్లో ఎక్కడ చెత్త కనపడ కూడదని ఆయన ఆదేశించారు. గౌరవ ముఖ్యమంత్రి కె.సి.ఆర్ నేతృత్వంలో మునిసిపల్ మంత్రి కే.టి.ఆర్ మార్గదర్శకత్వం లో మందమర్రి మున్సిపాలిటీ అభివృద్ధి పనుల కోసం అధిక నిధులు కేటాయించారని త్వరలోనే  ఇంటిగ్రేటెడ్ మార్కెట్ సముదాయం ఏర్పాటు చేస్తామని  ఆయన తెలిపారు.అభివృద్ధి కార్యక్రమాలను వేగవంతం చేస్తామని అన్ని పనులు పూర్తి అయితే పట్టణం క్రొత్త శోభ సంతరించు కుంటదని దని ఆయన పేర్కొన్నారు.ఈకార్యక్రమంలో మున్సిపల్ కమీషనర్  గద్దె రాజు,  ఏ.సి.పి. రహమాన్ , సి.ఐ. ప్రమోద్ , ఎస్.ఐ. లింగంపల్లి  భూమేష్  ఏ. అచ్యుత్, మున్సిపల్ అసిస్టెంట్ ఇంజనీర్, డీ. సౌమ్య టెక్నికల్ ఆఫీసర్, యం. శంకర్ ఇంచార్జి సానిటరీ ఇన్స్పెక్టర్, టి.ఆర్.ఎస్ నాయకులు జె. రవీందర్, కొంగల తిరుపతి రెడ్డి, మెడిపెల్లి మల్లేష్, బొరిగం వెంకటేష్, బట్టు రాజ్ కుమార్, తోట సురేందర్, రాం వేణు, బడికెల సంపత్ స్థానిక ప్రజా ప్రథినిధులు  కార్యకర్తలు  మున్సిపల్ కార్యలయం సిబ్బంది పాల్గొన్నారు.