గ్రామ పంచాయతీ పాలక మండలి ప్రత్యేక సమావేశం
చిన్నగూడూరు మండల కేంద్రంలోని గ్రామ పంచాయతీ భవనం లో గురువారం పాలక వర్గ సభ్యులతో సర్పంచ్ కొమ్ము మల్లయ్య అద్యక్షతన సమావేశం చేపట్టారు. ముఖ్యంగా తాగునీటి సమస్య మిషన్ భగీరథ నీళ్ల గురించి సభ్యులు అంశాన్ని సర్పంచ్ దృష్టికి తెచ్చారు.సభలో పాల్గొన్న మిషన్ భగీరథ ఏఈ విష్ణువర్థన్ మాట్లాడుతూ మే చివరి నాటికి పైపులైన్లు బిగించి ప్రతి ఇంటింటికీ భగీరథ నీళ్లందిస్తామని పాలక వర్గ సభ్యులకు తెలిపారు.మండల కేంద్రంలో ఉన్న వర్తక, వ్యాపార సంబంధించిన పన్నుల వసూలుపై పాలక వర్గ సభ్యులతో సర్పంచ్ చర్చించారు.అదే విధంగా మినరల్ వాటర్ గ్రామ పంచాయతీ కీ అప్పచెప్పే విషయంలో ప్రత్యేక సమావేశం నిర్వహించవలసిందే నని సభ్యులు అభ్యంతరం వ్యక్తం చేయడంతో సర్పంచ్ రెండు, మూడు రోజుల్లో ప్రత్యేక సమావేశం ఏర్పాటు చేస్తామని తెలిపారు. ఈ సమావేశానికి ప్రత్యేక అతిథులుగా వైస్ ఎంపీపీ పిల్లి వీరన్న, మండల కో ఆప్షన్ సభ్యులు మీర్జా మోసిన్ బేగ్ పాల్గొనగా..ఈ కార్యక్రమంలోవార్డు ఉప సర్పంచ్ దుండి ఉపేందర్, సెక్రటరీ అజీమ్, వార్డు సభ్యులు పసునాధి లావణ్యవిజయ్, కొత్త పుష్ప, చిత్తరి విరన్న, వీరాచారి, రవి, సుమన్ గ్రామ పంచాయితీ మల్టీవర్కర్స్ సిబ్బంది పాల్గొన్నారు.
