ఓ వ్యక్తిని ఏప్రియల్ పూల్ చేస్తే ఏమొస్తుంది-అదే ఓ మొక్క నాటితే ఏప్రియల్ కూల్ అవుతుంది
తాళ్లపూడి రెవెన్యూ కార్యాలయంలో ఏయస్ఓ జోడాల వెంకటేశ్వరరావు పలు సేవా కార్యక్రమాల్లో పాల్గొంటువుంటారు. వారి కుటుంబంలో పెళ్లి రోజులు, పుట్టినరోజులు వచ్చినప్పుడు అర్భాటాలకు, హంగులకు ధనం వెచ్చించకుండా తమకు ఉన్నంతలో, స్తోమతను బట్టి వృద్ధులకు బట్టలు పంపిణీ, స్కూల్ పిల్లలకు పుస్తకాలు, పెన్నులు పంపిణీ, వృద్దాశ్రమాలకు ధనం, ఆహారం, నిత్యావసరాలు, మొక్కలు నాటే కార్యక్రమాలు ఇలాఎన్నో మంచి కార్యక్రమాలు చేయడం అలవర్చుకున్నారు. అదేక్రమలో గురువారం వినూత్నంగా, సేవాకార్యక్రమాల్లో భాగంగా తహశీల్దార్ కార్యాలయ ప్రాంగణంలో తహశీల్దార్ ఎం.నరసింహమూర్తి కి మొక్కలు అందించి, నాటించారు. అదేవిధంగా తోటి ఉద్యోగుల కు మొక్కలు అంధించి, నాటించారు. ఈయన కూడా మొక్కలు నాటారు. జోడాల వెంకటేశ్వరరావు మాట్లాడుతూ విభిన్నంగా ఆలోచించి, పలు సేవా కార్యక్రమాలు చేయడం తన లక్ష్యమని తెలియజేశారు.
