పింగళి వెంకయ్యకు ఘన నివాళులు అర్పించిన సిటీ కాంగ్రెస్
స్వతంత్ర సామరయోదులు పింగళి వెంకయ్య జాతీయ జెండా రూపకల్పన చేసి 100 సంవత్సరాలు పూర్తి అయిన అయిన సందర్భంగా గురువారం ఉదయం విశాఖ నగర కాంగ్రెస్ పార్టీ ఆఫీస్ సిటీ కాంగ్రెస్ ఆధ్వర్యoలో జాతీయ జెండా ఏగురు వేసి నివాళులు అర్పించడం జరిగింది ,ఇందులో పాల్గొన్న వారు పిసిసి కార్యదర్శి సోడాదశి సుధాకర్, కార్పొరేటర్ అభ్యర్థులు కస్తూరి వెంకటరావు, వైఎస్ జగన్,ఎండీ అర్షద్,యూత్ కాంగ్రెస్ శివకుమార్,షేక్ మొహిద్దిన్,వణం తాతారావు మరియు కాంగ్రెస్ కార్యకర్తలు పాల్గొన్నారు.
ఉపాధిహామీ పనులను ప్రారంభించిన ఎంపిపి
ఎల్లారెడ్డిపేట మండలం అక్కపల్లి. శ్రీ బుగ్గ రాజేశ్వర తండా గ్రామాల్లో ఎంపిపి పిల్ల రేణుక కిషన్ సర్పంచ్ లు అజ్మీర రజిత తిరుపతి నాయక్. ముక్క మధుకర్ గురువారం ఉపాధి పనులను ప్రారంభించారు. ఈ సందర్భంగా ఎంపిపి పిల్లి రేణుకా కిషన్ మాట్లాడుతూ ఎండ ఏక్కువగా కొడుతోంది. పనికి వచ్చే టప్పుడు ప్రతి ఓక్కరు నీళ్ళ బాటిల్ ను తెచ్చుకోవాలని ఆమే సూచించారు. ప్రతి ఓక్కరు ఉపాధి పనిని సద్వినియోగం చేసుకోవాలన్నారు ప్రతి ఓక్కరు పనికి వచ్చే విధంగా చూడాలనీ కార్యదర్శి సరియా ను ఆదేశించారు. పల్లె పకృతి వనం. మంకీపుడ్ కోర్టు ను. స్మశానవాటికను పరీశీలించారు. ఈ కార్యక్రమంలో మండల ప్రజా పరిషత్ ఉపాధ్యక్షులు కదిరే భాస్కర్ గౌడ్. సర్పంచ్ లు ముక్క మధుకర్. ఆజ్మీరా రజిత .టిఆర్ఎస్ పార్టీ సీనియర్ నాయకులు పిల్లి కిషన్. ఆజ్మీర తిరుపతి నాయక్. ఉపసర్పంచ్ గోగూరి ప్రదీప్ రెడ్డి. దేవేందర్. శ్రీ నివాస్. రాములు. నరేష్.పద్మ. రమేష్. వార్డు సభ్యులు వర్కుటీ రాజు. జిన్నా . రేష్మ. రెడ్డి నాయక్. ఉపాధి కూలీలు పాల్గొన్నారు.
బయట ఆహ్లదకరం - లోపల సమస్యల తాండవం
ఫ్యానులు తిరగక ఉక్కపోతతో రోగులు ఉక్కిరిబిక్కిరి
భద్రగిరి సి.హెచ్.సీ లో ఉట్టిపడుతున్న నిర్వహణ లోపం
గుమ్మలక్ష్మీపురం,పెన్ పవర్
రోగుల పరిస్థితితో పాటు ఆసుపత్రి లో విధులు నిర్వహిస్తున్న వైద్యులు,సిబ్బందికి కూడా ఉక్కపోత తిప్పలు తప్పడం లేదు.వైద్య అధికారి గదిలోని కూడా ఏ.సీ పనిచేయకపోయినప్పటికి వాటి నిర్వహణకు నోచుకోవడం లేదు. ఇన్ని సమస్యలు కంటికి కనిపిస్తున్న ఆ సమస్యలను మాత్రం పట్టించుకోవడంలో అధికారులు ఎందుకు ముందుకు రావడం లేదో తెలియడం లేదు.ఆసుపత్రిలో ఇంజెక్షన్లు,డ్రెస్సింగ్స్ చేసే గదులను పరిశీలిస్తే లోపల నిర్వహణ పరిస్థితులు అద్దంపడతాయి. ఆసుపత్రి బయట మొక్కలతో చూడముచ్చటగా ఆహ్లాదకరంగా ఉన్నప్పటికి లోన మాత్రం సమస్యల ద్వారానికి కేరాఫ్ గా దర్శనమిస్తాయి.ఇంజెక్షన్ రూమ్ పైకప్పు నుండి నీరు కారుతూ ఉన్నా కనీసం మరమ్మత్తులకు నోచుకోని పరిస్థితిలో విధులను ముందుకు నడిపే పరిస్థితి కనపడుతుంది. ఇప్పటికైనా అధికారులు ఈ సమస్యలపై దృష్టి పెట్టి పరిష్కారం చూపుతారని ప్రజలు,ఆసుపత్రికి వచ్చిన రోగులు కోరుతున్నారు.ఎండిపోయిన ఏకరం వరి పంటకు 25 వేలనష్టపరిహారం ఇవ్వాలి
లంబాడి హక్కుల పోరాట సమితి డిమాండ్
పంటపోలాలను పరీశీలించిన నాయకులు
ఎల్లారెడ్డిపేట, పెన్ పవర్
రాజన్న సిరిసిల్ల జిల్లా వీర్నపల్లి మండలంలోనీ వివిధ తండాల్లో తెలంగాణ రాష్ట్ర లంబాడి హక్కుల పోరాట సమితి రాష్ట్ర నాయకులు ఎండిపోయిన పంట పోలాలను గురువారం పరీశీలించారు. ఈ సందర్భంగా లంబాడి హక్కుల పోరాట సమితి రాష్ట్ర ఉపాధ్యక్షులు భూక్య గజన్ లాల్ నాయక్ మాట్లాడుతూ ఎండిపోయిన ఎకరం వరి పంటకు 25 వేల రూపాయల చొప్పున నష్టపరిహారం ఇవ్వాలని ఆయన డిమాండ్ చేశారు. ఆరుగాలం కష్టపడి పండించిన వరి పంట ఒక వారం రోజుల్లో బోర్లు ఎత్తీపోయి ఎండిపోయాయనీ ప్రభుత్వం ఎకరానికి 25 వేలు ఇవ్వాలని రాష్ట్ర లంబాడి హక్కుల పోరాట సమితి రాష్ట్ర ఉపాధ్యక్షుడు భూక్య గజన్ లాల్ నాయక్ కోరారు. వీర్నపల్లి మండలంలోనీ పలు తండాలలో తిరుగుతూ తండా లో ఉన్న సమస్యలపై అడిగి తెలుసుకున్నారు. ప్రత్యేకంగా పోడు భూములకు పట్టాలు ఇవ్వాలని గిరిజనులకు 12 శాతం రిజర్వేషన్ అమలు చేయాలని డిమాండ్ చేశారు. అలాగే పోడు భూములకు పట్టాలు ఈయకపోతే లంబాడి హక్కుల పోరాట సమితి రాష్ట్ర కమిటీ ఆదేశాల మేరకు త్వరలోనే పాదయాత్ర చేస్తామని అన్నారు. ఆయనతో పాటు జిల్లా గిరిజన విద్యార్థి సంఘం ప్రధాన కార్యదర్శి భాస్కర్ నాయక్. ఉపాధ్యక్షులు లక్ పతి నాయక్. భూపతి నాయక్ . రాజు నాయక్. దేవేందర్ నాయక్ లు పర్యటించారు.
క్రమశిక్షణతో చదివి పరీక్షల్లో రాష్ట్రంలోనే ప్రథమ స్థానంలో నిలవాలి
విజయనగరం జిల్లా పోలీసుశాఖ ఆధ్వర్యంలో ప్రభుత్వ పాఠశాలల్లో 10వ తరగతి చదువుతున్న విద్యార్థుల తుది పరీక్షలకు ఉపయోగపడే ఆల్-ఇన్-ఒన్ స్టడీ మెటీరియల్ పంపిణీ కార్యక్రమాన్ని జిల్లా ఎస్పీ బంగ్లాలో,బుధవారం నాడు నిర్వహించారు. ఈ కార్యక్రమానికి జిల్లా కలెక్టరు డా ఎం. హరిజవహర్లాల్ ముఖ్య అతిధిగా హాజరై ముందుగా జ్యోతి ప్రజ్వలనం చేసి కార్యక్రమాన్ని ప్రారంభించారు.ఈ సందర్భంగా జిల్లా కలెక్టరు డా ఎం. హరి జవహర్ లాల్ మాట్లాడుతూ - ప్రభుత్వ పాఠశాలల్లో మంచి ఫలితాలు సాధించాలనే లక్ష్యంతో జిల్లా ఎస్పీగారు తమ శాఖ ద్వారా 41 ప్రభుత్వ పాఠశాలలను దత్తత స్వీకరించి, విద్యార్ధులలో శక్తి సామర్థ్యాలను పెంచి, వారిని ఉన్నతమైన స్థానాలకు తీసుకు వచ్చేందుకుగాను, స్టూడెంట్ పోలీసు క్యాడెట్ కార్యక్రమాన్ని నిర్వహిస్తున్నారన్నారు. ఈ పాఠశాలల్లో చదువుతున్న విద్యార్ధులు మంచి ఫలితాలు సాధించేందుకు పట్టుదల, క్రమశిక్షణతో, చదువు పట్ల ఆసక్తితో చదవాలన్నారు.ప్రైవేటు పాఠశాలలకు ధీటుగా మంచి ఫలితాలు సాధించే విధంగా ఉత్తమ ఫలితాలు సాధించాలన్నారు. ప్రతీ ఉపాధ్యాయుడు శక్తి వంచన లేకుండా విద్యార్ధుల ఉన్నతికి కృషి చేయాలన్నారు. విద్య అన్నది ప్రతీ వ్యక్తికి అత్యంత గౌరవాన్ని తీసుకొస్తుందని, ఆగౌరవం ద్వారా విద్యార్థుల తల్లిదండ్రులకు, జన్మ స్థలం యొక్క ఉన్నతిని పెంచుతుందన్నారు. బాగా చదువుకోవడం వలన మీ ప్రాంతం అభివృద్ధి చెందుతుందని, విజయనగరం అంటే విద్యలనగరమని, ఆ పేరుకు సార్ధకత తీసుకువచ్చే విధంగా చదవాలన్నారు.పోలీసుశాఖ వలన క్రమశిక్షణ అలవడుతుందని, క్రమశిక్షణ ద్వారా పట్టుదలను పెంచుకొని, బాగా చదివి ఉన్నతమైన స్థానాలలోకి ఎదిగి, మీ తల్లిదండ్రులను, మంచి పేరు తీసుకువచ్చి, మీ ప్రాంతాలను అభివృద్ది చెయ్యాలని జిల్లా కలెక్టరు ఆకాంక్షించారు. విధ్యార్ధులు క్రమశిక్షణ, పట్టుదలతో చదివి తల్లిదండ్రులకు మంచి పేరు తీసుకురావాలని, ఉన్నత లక్ష్యాలను లక్ష్యంగా చేసుకొని, ఉన్నతమైన వ్యక్తులను ఆదర్శంగా తీసుకొని భవిష్యత్తులో ఉన్నత పౌరులుగా ఎదగాలన్నారు.
స్టూండెంట్ పోలీసు క్యాడిట్ కార్యక్రమంలో విద్యార్ధులకు ఆల్-ఇన్-ఒన్ పుస్తకాలను జిల్లా ఎస్పీబి. రాజకుమారి ఆధ్వర్యంలో పంపిణీ చేయడం చాలా హర్షణీయమని, విధ్యార్థులు ఈ అవకాశాన్ని సద్వినియోగం చేసుకొని సమయాన్ని వృధా చేయకుండా బాగా చదివి 10వ తరగతి పరీక్షలలో మంచి ఫలితాలు సాధించి జిల్లాకు మంచి పేరు తీసుకురావాలని జిల్లా కలెక్టరు డా|| ఎం. హరిజవహర్లాల్ అన్నారు.విజయనగరం జిల్లా ఎస్పీ బి. రాజకుమారి మాట్లాడుతూ - విద్య ఉంటే ప్రపంచంలో ఏదైనా సాధించవచ్చునని అన్నింటికీ మూల కారణం విద్యే అన్న సత్యాన్ని ప్రతీ విద్యార్థి గ్రహించాలన్నారు. విద్య ద్వారా వినయం, తద్వారా సమర్ధత, సంపద, ధర్మం, సంతోషం వస్తాయన్నారు. విద్యార్ధి దశలో వినయం, సమయపాలన, శ్రద్ధ, ఆసక్తి, సానుకూల దృక్పథం, నీతి, నియమాలు అలవరుచుకోవాలన్నారు. ఎపిసి పాఠశాలలకు ఆల్-ఇన్-ఒన్ పుస్తకాలను ఉచితంగా పంపిణీ చేసే కార్యక్రమాన్ని విశాఖపట్నం రేంజ్ డి. ఐ. జి. ఎల్.కే.వి. రంగారావు విజయనగరం జిల్లా ఎస్పీగా పని చేసిన సమయంలో విద్యార్ధుల సంక్షేమాన్ని దృష్టిలో ఉంచుకొని ప్రారంభించారని, అప్పటినుండి ఎస్పీలుగా పనిచేస్తున్న వారంతా ఈ కార్యక్రమాన్ని కొనసాగిస్తున్నారన్నారు. ఈ సంవత్సరం పోలీసు సంక్షేమ నిధి నుండి రూ. 4 లక్షల వ్యయంతో ఆల్-ఇన్-ఒన్ పుస్తకాలను ఎపిసి పాఠశాల విద్యార్ధులకు ఉచితంగా పంపిణీ చేస్తున్నామని, విద్యార్ధులు పట్టుదలతో చదివి జూన్ లో జరగనున్న 10వ తరగతి పరీక్షల్లో 10/10 గ్రేడు మార్కులు సాధించాలన్నారు.
కరోనా తో ప్రజలు జాగ్రత్తగా ఉండాలి ... ఎస్సై సాయన్న
కరోనా విజృంభిస్తున్న నేపథ్యంలో ప్రజలు జాగ్రత్తగా ఉండాలని ఎస్ఐ సాయన్న పేర్కొన్నారు. బుధవారం బేలా మార్కెట్ నందు కోవిడ్ - 19 అవగాహన కార్యక్రమంలో భాగంగా వ్యాపారులు, ప్రజలు అవగాహన కార్యక్రమం ఏర్పాటు చేశారు. ఈ సందర్భంగా ఆయన మాట్లాడుతూ తప్పకుండా మాస్క్ ధరించాలని, కరోనా విషయంలో ప్రతి ఒక్కరు బాధ్యతగా ఉండాలని పేర్కొన్నారు. ప్రజలు మాస్క్ దరించని యెడల విపత్తు నిర్వహణ చట్టం కింద కేసులు నమోదు చేసి, కోర్టుకు పంపటం జరుగుతుందని అన్నారు. వారి వెంట పోలీసు సిబ్బంది ఉన్నారు.
మాస్కులు పంపిణి చేసిన ట్రాఫిక్ సిఐ సుదీర్ కృష్ణ
మల్కాజిగిరి చౌరస్తా లో మాస్కు ధరించకుండా బహిరంగ ప్రదేశాల్లో వెళ్తున్న వాహనదారులు పాదచారులకు మాస్కులు పంపిణీ చేసిన మల్కాజిగిరి ట్రాఫిక్ సీఐ సుధీర్ కృష్ణ. ఈ సందర్బంగా సిఐ సుధీర్ కృష్ణ మాట్లాడుతూ సెకండ్ వేవ్ కోవిడ్ - 19, కరోనా విజృంభిస్తున్న నేఫధ్యంలో ప్రతి ఒక్కరూ మాస్కు ధరించి, బౌతిక దూరం పాటించి, శానిటైజర్ తో ఎప్పటికప్పుడు శుభ్రం చేసుకొవాలని అవగాహన కల్పించారు, వారం రోజుల పాటు అవగాహన కార్యక్రమాలు రాష్ట్ర డిజిపి మరియు రాచకొండ కమిషనర్ సూచనలు మేరకు అవగాహన కల్పిస్తున్నట్లు సిఐ సుదీర్ కృష్ణ తెలిపారు. ఈ కార్యక్రమంలో ఎస్.ఐ. తేజ, ఎ. ఎస్.ఐ.రమేష్, సిబ్బంది పాల్గొన్నారు.
