పద్మశాలి సంఘం ఆధ్వర్యంలో ఆర్థికసాయం అందజేత

 పద్మశాలి సంఘం ఆధ్వర్యంలో ఆర్థికసాయం అందజేత

లక్షెట్టిపెట్, పెన్ పవర్

పద్మశాలి సంఘం ఆధ్వర్యంలో అనారోగ్యానికి గురైన వ్యక్తి కి గురువారం ఆర్థిక సహాయం అందజేశారు.మున్సిపాలిటీ పరిధిలోని ఇటిక్యాల గ్రామనికి చెందిన వేముల భూమయ్య  అనే వ్యక్తి అనారోగ్యానికి గురికావడంతో కుటుంబం ఆర్థిక ఇబ్బందులలో ఉందని విషయం తెలుసుకున్న పద్మశాలి సంఘం సభ్యులు మానవత్వంతో పన్నెండు వేల రూపాయల ఆర్థిక సహాయం అందజేసి కుటుంబానికి బాసటగా నిలిచారు.ఈ సందర్భంగా సంఘ  సభ్యులు పలువురు మాట్లాడుతూ అనారోగ్యం నుండి భూమయ్య తొందరగా కోలుకోవాలని దేవున్ని ప్రార్దిస్తున్నట్లు తెలిపారు.ఈ కార్యక్రమంలో మండల పద్మశాల అద్యక్షుడు వేముల రాజగురువయ్య,ఇటిక్యాల పద్మశాల అద్యక్షుడు కట్ల చంద్రయ్య,ఉపాద్యాక్షాలు హన్మండ్ల రాంచందర్,సభ్యులు వేముల గుండ శోభన్,కట్ల శ్రీనివాస్ సత్తయ్య,అంకం రమేష్,వేముల రామన్న ,సత్తయ్య,తదితరులు పాల్గొన్నారు.

ఎమ్మెల్యే కు సన్మానం

 ఎమ్మెల్యే కు సన్మానం

నెన్నెల, పెన్ పవర్

 మంచిర్యాల జిల్లా నెన్నెల మండలం సర్పంచ్ ల సమస్యలపై,సర్పంచ్ లు ఎదుర్కొంటున్న ఇబ్బందుల గురించి ఇటీవల అసెంబ్లీలో మాట్లాడిన బెల్లంపల్లి ఎమ్మెల్యే దుర్గం చిన్నయ్యను నెన్నెల మండల సర్పంచుల ఆధ్వర్యంలో శాలువాతో ఘనంగా సన్మానించారు. నెన్నెల మండల సర్పంచుల సంఘము అధ్యక్షుడు గొర్లపల్లి బాపు మాట్లాడుతూ సర్పంచుల ఇబ్బందులు సమస్యల కోసం అసెంబ్లీలో మాట్లాడినందుకు ఎమ్మెల్యేకు కృతజ్ఞతలు తెలిపారు.ఇట్టి కార్యక్రమంలో నెన్నెల మండల సర్పంచులు అందరూ పాల్గొన్నారు.

ఏరియాలో 62 శాతం బొగ్గు ఉత్పత్తి

ఏరియాలో 62 శాతం బొగ్గు ఉత్పత్తి

--ఏరియా జిఎం చింతల శ్రీనివాస్

మందమర్రి,  పెన్ పవర్

మందమర్రి ఏరియాలో మార్చి మాసంలో  62 శాతం బొగ్గు ఉత్పత్తిని సాధించినట్లు ఏరియా జిఎం చింతల శ్రీనివాస్ పేర్కొన్నారు. గురువారం స్థానిక జిఎం కార్యాలయంలో నిర్వహించిన విలేకర్ల సమావేశంలో ఆయన మాట్లాడుతూ,మార్చి మాసంలో ఏరియాలోని ఆర్కే 1ఎ‌,కేకే 1,కేకే ఓసిపి గనులు వంద శాతం ఉత్పత్తి సాధించినట్లు ఆయన పేర్కొన్నారు.మార్చి మాసంలో  ఏరియాలోని  కేకే-1 గని 105శాతం ఉత్పత్తి సాధించగా,కేకే-5 గని 79శాతం,ఆర్కే 1ఎ గని 100శాతం,కాసిపేట గని 52శాతం,కాసిపేట-2 గని 17శాతం,శాంతిఖని గని 35శాతం,కేకే ఓసిపి 121శాతం, ఆర్కే ఓసిపి 22శాతం ఉత్పత్తిని సాధించినట్లు ఆయన వివరించారు. 2020-21 ఆర్థిక సంవత్సరానికి ఏరియా 49శాతం ఉత్పత్తి సాధించిందని, ఉత్పత్తి వివరాలను తెలియజేశారు.మార్చి నెలలో భూగర్భ గనుల ద్వారా 52 శాతం ఉత్పత్తి సాధించగా, ఓసిపి ల ద్యారా 65 శాతం ఉత్పత్తిని సాధించినట్లు ఆయన వివరించారు.2020-21 ఆర్థిక సంవత్సరంలో  నిర్దేశిత లక్ష్యానికి కేకే-1 గని 66శాతం,కేకే-5 గని 60శాతం,ఆర్కే 1ఎ గని 64శాతం,కాసిపేట గని 43శాతం,కాసిపేట-2 గని 25శాతం,శాంతిఖని గని 39శాతం,కేకే ఓసిపి 77శాతం, ఆర్కే ఓసిపి 27శాతం ఉత్పత్తి లక్ష్యాన్ని సాధించాయని వివరించారు.2020-21 ఆర్థిక సంవత్సరంలో నిర్దేశిత లక్ష్యంలో భూగర్భ గనుల ద్వారా 46 శాతం ఉత్పత్తి లక్ష్యాన్ని సాధించగా, ఓసిపి ల ద్యారా 49 శాతం ఉత్పత్తి  లక్ష్యాన్ని సాధించి,2020-21 ఆర్థిక సంవత్సరానికి ఏరియా 49శాతం ఉత్పత్తి సాధించిందని పేర్కొన్నారు.ఈ కార్యక్రమంలో  ఏరియా  ఇంజనీర్, ఏజిఎం జగన్మోహన్ రావు,ఐఇడి(డిజిఎం) రాజన్న,పర్సనల్ మేనేజర్ వరప్రసాద్, డివైపిఎం శ్యాం సుందర్,సీనియర్ పిఓ  సత్యబోస్ తదితరులు పాల్గొన్నారు. 

సిసిరోడ్డు పనులను ప్రారంబించిన ఎమ్మెల్యే

 సిసిరోడ్డు పనులను ప్రారంబించిన ఎమ్మెల్యే

పెన్ పవర్,  మల్కాజిగిరి

గౌతంనగర్ డివిజన్ బీహార్ బస్తి లో 16లక్షల వ్యయంతో సీసీ రోడ్డు పనులను ఎమ్మెల్యే మైనంపల్లి హన్మంతరావు కార్పొరేటర్ సునీత రాముయదవ్ లు ప్రారంభించారు. ఈ కార్యక్రమంలో రాముయదవ్ నాయకులు సతీష్ కుమార్, రాంచందర్, పిట్ల శ్రీనివాస్, బాబు,సత్యనారాయణ, ఉపేందర్ రెడ్డి, నరేష్ కుమార్,నవీన్ యాదవ్,ఉపేందర్, శంకర్ రావు,ఎస్ ఆర్ ప్రసాద్, రవి,అశోక్,సంతోష్,మోహన్ రెడ్డి, సంతోష్ రాందాస్, సుబ్బలక్ష్మి, తదితరులు పాల్గొన్నారు.

జిఎం కార్యాలయంలో స్వచ్ఛతాహి సేవ కార్యక్రమం

 జిఎం కార్యాలయంలో స్వచ్ఛతాహి సేవ కార్యక్రమం

మందమర్రి, పెన్ పవర్

భారత్ కా అమృత మహోత్సవ కార్యక్రమంలో భాగంగా గురువారం ఏరియాలోని జిఎం కార్యాలయ ఆవరణంలో స్వచ్ఛతా హి సేవ కార్యక్రమాన్ని   ఏరియా జిఎం చింతల శ్రీనివాస్ ప్రారంభించారు. ముందుగా కార్యాలయ సిబ్బందితో స్వచ్ఛత హి సేవ ప్రతిజ్ఞ  చేయించారు.అనంతరం ఆయన మాట్లాడుతూ, పరిసరాలు పరిశుభ్రంగా ఉండాలంటే వారానికి 2 గంటలు, సంవత్సరానికి 100 గంటలు శ్రమదానం  చేయాలన్ని సూచించారు.చిన్ననాడు చదువుకున్న పాఠ్యపుస్తకాల ప్రకారం ఇంటి చుట్టుపక్కల పరిసరాల పరిశుభ్రత,చెట్లు నాటడం వలన ఆరోగ్యం కలుగుతుందని గుర్తు చేశారు.చిన్ననాటి నుండి పిల్లల్లో స్వచ్ఛత పై అవగాహన పెంచాలన్నారు.స్వచ్ఛతా హి సేవా కార్యక్రమాల్లో కుటుంబాలతో పాటు పాల్గొని విజయవంతం చేయాలని కోరారు.అనంతరం జిఎం కార్యాలయ వెనకాల పిచ్చి మొక్కలను తొలగించి శుభ్రపరిచారు.ఈ కార్యక్రమంలో ఏరియా ఎస్ ఓ టు జిఎం రామ్ మోహన్,ఏరియా ఇంజనీర్,ఏజిఎం జగన్ మోహన్ రావు,ఏజిఎం(ఎఫ్ అండ్ ఏ) చక్రవర్తి,ఏరియా పర్సనల్ మేనేజర్ వర ప్రసాద్, టీబీజీకేఎస్  స్ట్రక్చర్ కమిటీ సభ్యుడు శంకర్రావు, ఎఐటియుసి స్ట్రక్చర్ కమిటీ సభ్యుడు రెడ్డి,ఏరియా పర్యావరణ అధికారి ప్రభాకర్ , డివైపిఎం రెడ్డిమల్ల తిరుపతి, జిఎం కార్యాలయ అధికారులు, సిబ్బంది పాల్గొన్నారు.

గొల్లపెల్లి మండల కేంద్రంలో పలు అభివృద్ధి కార్యక్రమాల్లో పాల్గొన్న మంత్రి కొప్పుల ఈశ్వర్

 గొల్లపెల్లి మండల కేంద్రంలో పలు అభివృద్ధి కార్యక్రమాల్లో పాల్గొన్న మంత్రి కొప్పుల ఈశ్వర్

పెన్ పవర్,  గొల్లపల్లి

 గొల్లపల్లి మండల కేంద్రంలో పలు అభివృద్ధి కార్యక్రమాలకు శంకుస్థాపన రైతు వేదిక భవనం ప్రారంభోత్సవ గౌడ సంఘం మరియు ముదిరాజ్ సంఘం సి సి రోడ్డు శంకుస్థాపన కళ్యాణ లక్ష్మి చెక్కుల పంపిణీ కార్యక్రమంలో పాల్గొని కల్యాణ లక్ష్మి షాదీ ముబారక్ చెక్కుల పంపిణీ చేసిన  మంత్రి కొప్పుల ఈశ్వర్ ఈ కార్యక్రమంనకు హాజరైన జిల్లా పరిషత్ చైర్పర్సన్ దావ వసంత మరియు  జిల్లా కలెక్టర్ ఎంపీపీ నక్క శంకరయ్య జెడ్పిటిసి గోసుల జలంధర్ మార్కెట్ కమిటీ చైర్మన్ ఏం సి చైర్మన్ సుమన్ రావు ముస్కు లింగారెడ్డి రైతు సమన్వయ సమితి అధ్యక్షుడు కృష్ణారెడ్డి వైస్ ఎంపీపీ ఆవుల సత్యం మండల అధ్యక్షులు బొల్లం రమేష్ మారంపల్లి బాబు సర్పంచి నిశాంత్ రెడ్డి ఉప సర్పంచ్ మారం రాజశేఖర్ గుండా గంగాధర్ టిఆర్ఎస్ పట్టణ అధ్యక్షులు కార్యదర్శులు పాల్గొన్నారు.

రాజన్న సేవలో లక్నో హైకోర్ట్ జడ్జి సంగీత చంద్ర

 రాజన్న సేవలో లక్నో హైకోర్ట్ జడ్జి సంగీత చంద్ర..

వేములవాడ, పెన్ పవర్

 వేములవాడ శ్రీ రాజరాజేశ్వర స్వామి వారిని గురువారం లక్నో హైకోర్ట్ జడ్జి సంగీత చంద్ర కుటుంబ సమేతంగా  దర్శించుకొని ప్రత్యేక పూజలు నిర్వహించారు. ముందుగా ఆలయానికి చేరుకున్న వారికి జిల్లా ఎస్పీ రాహుల్ హెగ్గే పుష్ప గుచ్చం అందజేసి ఘనస్వాగతం పలికారు. అనంతరం ఆమె పోలీస్ గౌరవ వందనాన్ని స్వీకరించారు. స్వామివారికి ప్రత్యేక పూజలు నిర్వహించిన అనంతరం ఆలయ అర్చక స్వాములు నాగిరెడ్డి మండపంలో వేదోక్త ఆశీర్వచనం గావించి స్వామివారి తీర్థప్రసాదాలు అందజేశారు.