ముస్లిం మహిళ మృతి..అనాథగా మారిన చిన్నారి

 ముస్లిం మహిళ మృతి..అనాథగా మారిన చిన్నారి

సూర్యాపేట,పెన్ పవర్ 

సూర్యాపేట జిల్లా కేంద్రం 30వ వార్డులో ఒక అనాథ  ముస్లిం మహిళ అనారోగ్యంతో మంగళవారం చనిపోయింది. ఆ మహిళకు చిన్న పాప అనాథ అయిన సందర్భం చూపరులను కంటతడి పెట్టించింది. 30వ వార్డు బీజేపీ  కౌన్సిలర్ పలస మహాలక్ష్మి మల్సూర్ గౌడ్ చేరుకొని ఆ పాపను అక్కున చేర్చుకుని పోలీస్ డిపార్ట్మెంట్ కి ,మున్సిపల్ సిబ్బందికి మరియు సఖి సిబ్బందికి విషయం తెలియజేసి వారి సహకారంతో చనిపోయిన మహిళ యొక్క చిన్న పాపని సఖి సెంటర్ కి అప్పగించారు. ఆ మహిళా శవాన్ని ఏరియా ఆస్పత్రికి తరలించారు. ఈ సందర్భంగా సహకరించిన మున్సిపల్ కమిషనర్ రామానుజుల రెడ్డికి  మరియు పోలీస్ సిబ్బందికి కృతజ్ఞతలు తెలియజేసారు.

రిలయన్స్ ఫౌండేషన్ ఆధ్వర్యంలో మాస్కుల పంపిణి

 రిలయన్స్ ఫౌండేషన్ ఆధ్వర్యంలో మాస్కుల పంపిణి 

ఇంద్రవెల్లి (ఆదిలాబాద్), పెన్ పవర్

ఇంద్రవెల్లి మండలంలోని జడ్పీఎస్ఎస్ పాఠశాలలో మంగళవారం రిలయన్స్ ఫౌండేషన్ తరుపున విద్యార్థులకు మాస్కుల పంపిణీ చేశారు.

ఈ సందర్భంగా రిలయన్స్ ఫౌండేషన్ ఉట్నూర్ డిస్ట్రిబ్యూటర్ బాలు కేంద్రే మాట్లాడుతూ 2020 సంవత్సరం నుంచి ప్రపంచాన్ని వణికిస్తున్న కరోనా మళ్ళీ 2021లో తిరిగి తన ఉగ్రరూపాన్ని చూపిస్తూ మళ్ళీ వేగంగా వ్యాప్తి చెందుతుందని ఇప్పటి వరకు చాలా మంది ఈ మహమ్మారి కారణంగా చనిపోయారని కావున ప్రతి ఒక్కరూ తమవంతు బాధ్యతగా మాస్కులు దరిస్తూ భౌతిక దూరం పాటిస్తూ ప్రతి 5 నిమిషాలకు ఒకసారి శానీటైజార్,లేదా సబ్బుతో చేతులను శుభ్రంగా కడగాలని సూచించారు. అనంతరం విద్యార్థులకు వారి ఫౌండేషన్ తరుపున ఉపాద్యాయులతో కలసి 300 మాస్కులు విద్యారులకు పంపిణీ చేశారు.ఈ కార్యక్రమంలో జీయో కంపెనీ జేపీఎం నేరేళ్ళ రామకృష్ణ, జడ్పీ 

ఎస్ఎస్ పాఠశాల ప్రధాన ఉపాధ్యాయుడు గోపాల్ సింగ్ తిలావత్, ఉపాధ్యాయులు ముస్లే సుభాష్ ఉపాధ్యాయులు బృందం,విద్యార్థులు తదితరులు పాల్గొన్నారు.

రాష్ట్ర బంద్ గోడపత్రికను విడుదల చేసిన - సిఐటియు జిల్లా కార్యదర్శి గనిశెట్టి

 రాష్ట్ర బంద్ గోడపత్రికను విడుదల చేసిన - సిఐటియు జిల్లా కార్యదర్శి గనిశెట్టి

పరవాడ,పెన్ పవర్  

  ఈ నెల 5న రాష్ట్ర బందును విజయవంతం చేయాలని గోడ పత్రికను సిఐటియు ఆధ్వర్యంలో లంకెలపాలెం జంక్షన్ సిఐటియు జిల్లా కార్యదర్శి గనిశెట్టి ఆధ్వర్యంలో నాయకులు  ఆవిష్కరించారు.ఈ సందర్భంగా సిఐటియు జిల్లా కార్యదర్శి గనిశెట్టి సత్యనారాయణ   మాట్లాడుతూ కేంద్రంలో బీజేపీ ప్రభుత్వం స్టీల్ ప్లాంట్ ప్రైవేటీకరణకు పూనుకోవడం అత్యంత దుర్మార్గమని ఈ చర్యలను వెంటనే ఉపసంహరించుకోవాలని డిమాండ్ చేశారు.ఈనెల 5న జరిగే బందులో కార్మిక సంఘాల సభ్యులు,అన్ని రాజకీయ పార్టీలు పెద్ద ఎత్తున పాల్గొని కేంద్ర ప్రభుత్వం ఇస్తున్న ప్రైవేటీకరణ విధానాలకు నిరసన తెలియజేయాలని ఆయన కోరారు. ఈ కార్యక్రమంలో సిఐటియు నాయకులు కర్ణం వెంకట్రావు,శ్రీను సత్తిబాబు,అప్పలరాజు తదితరులు పాల్గొన్నారు.

పెద్దగట్టు జాతరలో భక్తులకు కనీస అవసరాలు లేవు:దామోదర్ రెడ్డి

 పెద్దగట్టు జాతరలో భక్తులకు కనీస అవసరాలు లేవు:దామోదర్ రెడ్డి                    సూర్యాపేట,పెన్ పవర్ 

సూర్యాపేట జిల్లాలో జరిగే పెద్దగట్టు జాతరలో ప్రజలకు కనీస అవసరాలు మరుగుదొడ్లు మంచినీటి సౌకర్యం, మాస్కుల పంపిణీ చేయకుండా మున్సిపల్ అధికారులు యాదవ్ ల జాతరను తమ కబంధ హస్తాలకు తీసుకొని కోట్ల రూపాయల అవినీతి చేసారని దీనిపై కలెక్టర్ , ఆ పై ఉన్నతాధికారులకు చర్య తీసుకోవాలని, మాజీ మంత్రి దామోదర్ రెడ్డి కోరారు. మంగళవారం  శ్రీ లింగమంతుల స్వామి దర్శనం చేసుకున్న మాజీ మంత్రి రాంరెడ్డి దామోదర్ రెడ్డి దేవుని గుడి పై కూడా అక్రమాలు టిఆర్ఎస్ పాలనలో జరుగుతుందని తెలియజేశారు.

50 లక్షలు ఎక్స్ గ్రేషియో ప్రకటించాలని డిమాండ్

 50 లక్షలు ఎక్స్  గ్రేషియో ప్రకటించాలని డిమాండ్     

పెన్ పవర్ ,కందుకూరు 

కరోనా వ్యాక్సిన్ వికటించి మరణించిన సింగరాయకొండ మండలం కలిక వాయి గ్రామ అంగన్వాడీ కార్యకర్త సునీత కుటుంబాన్ని ఆదుకోవాలని,  50 లక్షలు  ఎక్స్ గ్రేషియా ప్రకటించాలని అంగన్వాడీ వర్కర్స్ అండ్ హెల్పర్స్ యూనియన్ (సిఐటియు) ఉలవపాడు ప్రాజెక్టు కమిటీ ఆధ్వర్యంలో కందుకూరు ఆర్టీవో ఆఫీస్ వద్ద ఆందోళన కార్యక్రమం నిర్వహించారు. కందుకూరు పట్టణంలో ప్రదర్శన నిర్వహించి పోస్ట్ ఆఫీస్ సెంటర్ లో రాస్తారోకో నిర్వహించారు. రాస్తారోకో ను ఉద్దేశించి సిఐటియు జిల్లా కార్యదర్శి జీవీబీ కుమార్,  అంగన్వాడీ వర్కర్స్ యూనియన్ ఉలవపాడు ప్రాజెక్ట్ కమిటీ సభ్యులు వాకా. లతా రెడ్డి మాట్లాడారు.

                రాస్తారోకో ను ఉద్దేశించి నాయకులు మాట్లాడుతూ సునీతకు జనవరి 20న కరోనా వ్యాక్సిన్ వేశారని, అప్పటి నుండి ఆమె వాంతులతో, జ్వరంతో బాధపడుతున్నారని అనేక హాస్పిటల్స్ లో చికిత్స చేయించినా, లాభం లేకుండా పోయిందని సోమవారం నాడు మరణించిందని పేర్కొన్నారు. కరోనా వ్యాక్సినేషన్ వల్లనే చనిపోయిందని,  ఆమె కుటుంబాన్ని ప్రభుత్వమే  ఆదుకోవాలని,50లక్షలు ఎక్స్ గ్రేషియా ప్రకటించాలని డిమాండ్ చేశారు. అంగన్వాడీలకు బలవంతపు వ్యాక్సినేషన్ ఆపాలని కోరారు.ఈ కార్యక్రమంలో అంగన్వాడి వర్కర్స్ యూనియన్ నాయకులు పద్మజ,.మార్తమ్మ, పీ.వీ శేషమ్మ,.పద్మ, , ప్రసన్న, రమాదేవి, . రాధా, పి. భారతి తదితరులు పాల్గొన్నారు.

పెద్దగట్టు జాతరను సందర్శించిన నకిరేకల్ మాజీ ఎమ్మెల్యే వీరేశం

 పెద్దగట్టు జాతరను సందర్శించిన నకిరేకల్ మాజీ ఎమ్మెల్యే వీరేశం                       
   సూర్యాపేట,పెన్ పవర్

సూర్యాపేట మున్సిపాలిటీ పరిధిలోని దురాజ్ పల్లి పెద్దగట్టు జాతరకు మంగళవారం నకిరేకల్ మాజీ ఎమ్మెల్యే వేముల వీరేశం హాజరవగా..ఉమ్మడి నల్గొండ జిల్లా డీసీఎంఎస్ ఛైర్మన్ వట్టే జానయ్య యాదవ్ ఘన స్వాగతం పలికి అనంతరం శాలువతో సత్కరించారు. ఈ సందర్బంగా మాజీ ఎమ్మెల్యే వీరేశం మాట్లాడుతూ..ప్రతి ఒక్కరు దైవచింతన అలవర్చుకోవాలని అన్నారు. జాతరకు వచ్చిన భక్తజనంపై లింగమంతుల స్వామి  ఆశీస్సులు ఉండాలని కోరుకున్నారు. ఈ కార్యక్రమంలో నకిరేకల్ టీఆర్ఎస్ నాయకులు పాల్గొన్నారు.

సూర్యాపేట ఖమ్మం రహదారిపై రోడ్డు ప్రమాదం

 సూర్యాపేట ఖమ్మం రహదారిపై రోడ్డు ప్రమాదం                                     

 సూర్యాపేట,పెన్ పవర్

సూర్యాపేట ఖమ్మం రహదారి చివ్వెంల మండల శివారులోని రవీంద్ర ఫార్బాయిల్ పక్కన మంగళవారం ఉదయం ఘోర ప్రమాదం సంభవించింది. మణుగూరు డిపోకు చెందిన ఆర్టీసీ డీలక్స్ బస్సు బైకును ఢీ కొట్టింది. ఈ ప్రమాదంలో బైక్ పై ఉన్న ఇద్దరిలో ఒకరి పరిస్థితి విషమంగా ఉండగా మరొకరికి తీవ్ర గాయాలయ్యాయి. క్షతగాత్రులను స్థానిక సూర్యాపేట ప్రభుత్వ ఆసుపత్రికి తరలించారు. గాయపడిన వ్యక్తి చివ్వెంల మండలం మున్యా నాయక్ తండ కు చెందిన రాముగా గుర్తించారు. ఘటనకు సంబంధించి పూర్తి వివరాలు తెలియాల్సి ఉంది.