ఫిబ్రవరి 22న జడ్డంగిలో మాదిగల సభ
రాజవొమంగి మండలంలోని జడ్డంగి గ్రామం మాదిగ పేటలో జరిగే సభలో మాదిగ కులస్తులు పాల్గొనాలని జిల్లా ఇంఛార్జి ముమ్మిడివరం చిన సుబ్బారావు తెలిపారు. డివిజన్ పరిధిలోని దండోరా నాయకుల ఆధ్వర్యంలో ఈ సభ జరుగుతుందని అన్నారు. వచ్చే నెల మార్చి లో జిల్లాలో రాష్ట్ర మాదిగ సంఘ అధ్యక్షుడు మందకృష్ణ మాదిగ ఆధ్వర్యంలో భారీ సభ ఉంటుందన్నారు. మన మాదిగలు ఈ ఏజెన్సీ ప్రాంతంలో ఎంత మంది ఉన్నారో ఈ సభ ద్వారా తెలుస్తుందన్నారు. కావున ప్రతి ఒక్కరూ జిల్లా లో నిర్వహించే భారీ సభకు హాజరు కావాలన్నారు.
లంక ప్రాంతాల్లో మట్టి త్రవ్వకాలను అరికట్టాలి
కడియం మట్టి త్రవ్వకాలను కండిస్తున్న పలువురు అధికార పార్టీ నేతలు లంక భూముల్లో మట్టి రవాణా నిలువరించాలి....
సహజ వనరులను పరిరక్షించి రైతులను ఆదుకోవాలి...
జనసేన పొలిటికల్ ఎపైర్స్ కమిటీ సభ్యులు కందుల దుర్గేష్..
ఆలమూరు, పెన్ పవర్
కడియపులంక కు బంగారు మణిహారం లంకభూమి.పూలతోటలు, కూరగాయలు, మొక్కల తో పచ్చ'ధనం' సిరిసిల్లే చక్కని భూములవి.అటువంటి భూముల్లో మట్టిత్రవకాలకు ప్రభుత్వం ఎలా అనుమతించిందని జనసేన పొలిటికల్ ఎపైర్స్ కమిటీ సభ్యులు కందుల దుర్గేష్ ప్రశ్నించారు. లంక ప్రాంతాల్లో మట్టి త్రవ్వకాలను ఖండిస్తూ జనసేన,తెలుగుదేశం పార్టీ నాయకులు కడియపులంక లో శుక్రవారం విలేఖర్ల సమావేశం నిర్వహించారు. సహజవనరుల దోపిడీ అరికట్టాలని కడియం తాశీల్దార్ భీమరావు కు వినతిపత్రం అందించారు. ఈ సందర్భంగా దుర్గేష్ మాట్లాడుతూ రాష్ట్ర ప్రభుత్వ అరాచక విధానాలకు లంకభూముల్లో మట్టిత్రవ్వకాలు పరాకాష్ట అన్నారు. మట్టి త్రవ్వకాలకు అనుమతి పొందిన 147 సర్వే నెం. రెవెన్యూ అధికారుల చే వివాదాస్పద భూమిగా రెడ్ మార్క్ చేయబడిందన్నారు.తాశీల్దార్ నిరభ్యంతర పత్రం ఇవ్వకుండా పర్యావరణ అనుమతులు లేకుండా మైన్స్ అధికారులు ఏకపక్షంగా అనుమతులు ఇచ్చారంటే వెనుక ఎవ్వరున్నారో అర్ధం చెసుకోవచ్చన్నారు.నదీ గర్భం లో ఈ మట్టి తవ్వకాల వల్ల త్రవ్విన భూములతో పాటు ఒడ్డున ఉన్న భూములు వరదలకు కొట్టుకుపోయి సహజత్వం దెబ్బతింటుందన్నారు. తాత్కాలిక అనుమతులపై పరిమిత క్యూబిక్ మీటర్ల మట్టి త్రవ్వకాలకు అనుమతిపొంది నాలుగు యంత్రాలతో నిత్యం వందల లారీల్లో వేల క్యూబిక్ మీటర్ల మట్టి తరలించుకుపోతున్నా పట్టించుకొనే అధికారి కరువయ్యారన్నారు.ప్రశించిన రైతులను పోలీసులచే బెదిరిస్తున్నారని దుర్గేష్ తెలిపారు.ఈ దోపిడీ అపకుంటే ఉద్యమం తప్పదని హెచ్చరించారు. ఈ కార్యక్రమంలో టిడిపి రాష్ట్ర కార్యదర్శి వెలుగుబంటి సత్యప్రసాద్, మండల టిడిపి అధ్యక్షులు మార్గాని సత్యనారాయణ, కడియపులంక సర్పంచ్ మార్గాని అమ్మాణిఏడుకొండలు, కడియపు సావరం సర్పంచ్ చెక్కపల్లి మురళి కృష్ణ, మాజీ సర్పంచులు గట్టి నరసయ్య,పుల్లా రామారావు, ఉప సర్పంచులు వెలుగుబంటి రఘురామ్, పాటంశెట్టిరాంజీ, రత్నం అయ్యప్ప,తిరుమలశెట్టిబాబు,పాటంశెట్టి ప్రకాశం,పలువురు జనసేన, టిడిపి నాయకులు కార్యకర్తలు పాల్గొన్నారు
ఘనంగా రథసప్తమి పూజలు
పంచారామా క్షేత్రమైన శ్రీ కుమార రామ భీమేశ్వరాలయంలో రధసప్తమి పూజలు శుక్రవారం ఘనంగా నిర్వహించారు. ఆలయ ఆ కార్యనిర్వహణాధికారి నారాయణమూర్తి ఆధ్వర్యంలో ఆలయంలోని ఉపాలయాల్లో ఉన్న సూర్యనారాయణస్వామి వారికి ఉదయం నుంచి మధ్యహ్నం వరకు విశేష పూజలను నిర్వహించారు. స్వామివారి ఆలయాన్ని పూలమాలలతో సుందరంగా తీర్చిదిది. స్వామివారికి పంచామృతాభిషేక పూజలను, స్వామివారి కళ్యాణ పూజలను నిర్వహించారు. అనంతరం ప్రత్యేక అలంకరణలో ఉంచి భక్తుల దర్శనార్థం అనుమతించారు. అనంతరం ఆలయంలో భక్తులకు ప్రసాద వితరణ కార్యక్రమాన్ని నిర్వహించారు. ఈ పూజల్లో ఆలయ
చైర్మన్ మట్టపల్లి రమేష్ బాబు, ఆలయ అర్చకులు, సిబ్బంది, భక్తులు పాల్గొన్నారు.
శాశ్వతమైన భూ హక్కు కల్పించేందుకే జగనన్న భూరక్ష -తహసీల్దార్ జి.చిన్నారావు
శాశ్వతమైన భూమి హక్కు కల్పించేందుకు జగనన్న భూరక్ష పథకం ద్వారా సర్వే నిర్వహిస్తున్నట్లు గండేపల్లి తహసీల్దార్ జి చిన్నారావు, సెంట్రల్ సర్వే ఆఫ్ ఇండియా డ్రోన్ పైలెట్ బసవరాజు లు అన్నారు. గండేపల్లి మండలం బొర్రంపాలెం లో సెంట్రల్ సర్వే ఆఫ్ ఇండియా ఆధ్వర్యంలో డ్రోన్ కెమెరా ద్వారా సర్వే నిర్వహించారు. ఈ సందర్భంగా తహసిల్దార్ చిన్నారావు,బసవరాజు లు మాట్లాడుతూ వంద సంవత్సరాల క్రితం భూ సర్వే నిర్వహించారని, తదనంతరం రాష్ట్ర ముఖ్యమంత్రి వై.ఎస్ జగన్మోహన్ రెడ్డి భూ రక్షా పథకం ద్వారా రాష్ట్ర వ్యాప్తంగా భూ సర్వే నిర్వహించి రైతులకు శాశ్వత భూ హక్కు కల్పించాలనే లక్ష్యంతో పని చేస్తున్నారన్నారు. రైతులు ప్రతీ ఒక్కరూ ఈ సర్వేకు సహకరించాలని సూచించారు. పెద్దాపురం డివిజన్ ఇంచార్జి డి ఐ షఫీ మాట్లాడుతూ మండలంలోని 19 మంది గ్రామ సర్వేయర్ లు భూ సర్వే నిర్వహించి సరిహద్దులను ఏర్పాటు చేయడమే కాకుండా జియో ట్యాగ్ చేయడం జరిగిందని తద్వారా డ్రోన్ కెమెరా ద్వారా సరిహద్దులను పరిశీలించి భూ సర్వే నిర్వహించడం జరుగుతుందన్నారు. గంటకు 500 నుంచి 600 ఎకరాలు డ్రోన్ కెమెరా ద్వారా సర్వే చేయడం జరుగుతుందన్నారు. రైతులు ప్రతి ఒక్కరు భూ సర్వే సద్వినియోగం చేసుకుని శాశ్వత భూహక్కు పొందాలన్నారు. ఈ కార్యక్రమంలో బొర్రంపాలెం మాజీ సర్పంచ్ పల్లపు విష్ణు, సర్పంచ్ సుబ్బారావు, డిప్యూటీ తాసిల్దార్ సరిత, ఆర్ ఐ నాగేశ్వరరావు, సర్వేయర్లు రెవెన్యూ సిబ్బంది పాల్గొన్నారు.
ఉప్పలపాడు లో ఘనంగా రథసప్తమి వేడుకలు
రథసప్తమి పర్వదినాన్ని పురస్కరించుకుని గండేపల్లి మండలం ఉప్పలపాడు లోని శ్రీ తోట వెంకటాచలం కళ్యాణ మండపంలో సూర్య భగవాన్ ఆలయం లో ప్రత్యేక పూజలు నిర్వహించారు. వేదపండితుల మంత్రోచ్ఛారణల మధ్య అడబాల కుందరరాజు ఆధ్వర్యంలో గ్రామ సర్పంచ్ అడబాల ఆంజనేయులు దంపతులు సూర్య నమస్కారాలు, హోమాలు నిర్వహించారు. భక్తులు స్వామివారిని దర్శించి తీర్థప్రసాదాలు స్వీకరించారు. అనంతరం భారీ అన్నదానం నిర్వహించారు. ఈ కార్యక్రమంలో ఉప్పలపాడు, మల్లేపల్లి, సుబ్బయ్యమ్మ పేట, తాళ్లూరు, బొర్రంపాలెం తదితర గ్రామాల నుండి భక్తులు అధిక సంఖ్యలో పాల్గొన్నారు.
సస్యరక్షణ చర్యలు పాటిస్తే వ్యాధుల నుంచి దూరంగా ఉండవచ్చు...
రైతు శిక్షణలో ఎడిఎ పద్మశ్రీ
పంట పొలాల్లో పంటల దశలను, వేసిన పంటలను బట్టి సస్యరక్షణ చర్యలు వ్యవసాయాధికారుల సూచనల మేరకు పాటిస్తే పంటలకు వ్యాప్తి చెందే వ్యాధుల నుంచి దూరంగా ఉండవచ్చునని జిల్లా వ్యవసాయ శాఖ సహాయ సంచాలకులు పద్మశ్రీ అన్నారు. సామర్లకోట మండలం వేట్లపాలెం గ్రామంలో శుక్రవారం ఆత్మ ప్రాజెక్టు ఆధ్వర్యంలో రైతులకు ప్రత్యేక శిక్షణా కార్యక్రమాన్ని నిర్వహించారు. మండల వ్యవసాయాధికారి ఐ సత్య అధ్యక్షతన నిర్వహించిన కార్యక్రమంలో కాకినాడ ఎడి పద్మశ్రీ విచ్చేసి పాల్గొన్నారు. ఆమె మాట్లాడుతూ పంట పొలాల్లో నీరు ఎక్కువ రోజుల పాటు ఎక్కువగా నిలిచి ఉంటే వెంటనే ఆ నీటిని భయటకు పంపించే ఏర్పాటు చేసుకోవాలన్నారు. అలాగాక మురుగునీరు పంట పొలాల్లో ఉంటే దాని వలన ప్రధానంగా దుబ్బుకుళ్ళు వ్యాధులు వచ్చే అవకాశం అధికంగా ఉంటుందన్నారు. ప్రస్తుత పంట కాలంలో దీనిని ప్రధానంగా రైతులు గమనించు కోవాలన్నారు. అలాగే వరిపంటకు సంబందించి ఎప్పటికపుడు వ్యవసాయాధికారుల సూచనలు పాటిస్తూ సస్యరక్షణ చర్యలు అవలంబించి లాభదాయక వ్యవసాయాన్ని పొందవచ్చునన్నారు. అలాగే పంటల భీమా, ఇన్ పుట్ సబ్సిడీ, సున్నావడ్డీ రుణాలు రైతులు పొందాలంటే విధిగా రైతులంతా ఇ-పంట "నమోదులు చేయించు కోవాలన్నారు. ఈ శిక్షణలో ఇంకా గ్రామ పరిదిలోని వ్యవసాయ సహాయాదికారులు, రైతులు పాల్గొన్నారు.
ఐ. సి. డి.ఎస్ అంగన్ వాడి స్టాఫ్ కు కోవిడ్ వ్యాక్షిన్
వి ఆర్ పురం మండలంలో ఉన్నా ఐ సి డి ఎస్ అంగన్ వాడికి సంబంధించినా టీచర్లకు,ఆయాలకు,శుక్రవారం రేఖపల్లి,మరియూ జిడిగుప్ప పి హెచ్ సి కేంద్రాలలో సుమారు వందమందికి కోవిడ్ వ్యాక్షిన్ లను చేసారు. ఈ కోవేక్షన్ అనేది ఇంతకముందు కోవిషిల్డ్ ఏక్షన్ వేయించుకున్నా వారికి మాత్రమే చేస్తాము అంటూ, ఈ వేక్షన్ వేయించుకున్నావారు ఇరవై ఎనిమిది రోజులు తరువాత మరల రెండోవ సారి ఇదే వేక్షన్ వేయించుకోవాలి.ఈ విధముగా మండలంలో ఉన్న రివెన్యూ,యండిఓ, పోలీసుశాఖ, ఫారెస్ట్ ,ఇలా అన్ని డిపార్ట్మెంట్ లకు ఈ వేక్షన్ తప్పనిసరిగా వేస్తాము అని రేఖపల్లి పి హెచ్ సి అధికారి డాక్టర్ సందీప్ నాయుడు మీడియాకు తెలిపారు . ఈ కార్యక్రమంలో సూపర్ వైజర్ శ్రీనివాస్ రావు,అంగన్ వాడి సి డి పి ఓ శంషాద్ బేగం,ఏ ఎన్ యం లు, తదితరులు పాల్గొన్నారు.
