ఘన స్వాగతం పలికిన సిబ్బంది

అనారోగ్యం నుండి కోలుకుని విధులకు హాజరవుతున్న

ఎస్సై శ్రీనివాసరావు కి ఘన స్వాగతం పలికిన సిబ్బంది గ్రామస్థులు

     

   మునగపాక పెన్ పవర్

 

మునగపాక:కరోనా వైరస్ వ్యాప్తి నివరణా చర్యల్లో భాగంగా ప్రజలను కరోనా నుండి కాపాడటానికి అహర్నిశలు పగలు ఆనక,రాత్రి అనక విధినిర్వహణలు నిర్వహిస్తూ కుటుంబానికి సైతం దూరంగా ఉన్న మునగపాక ఎస్సై డి.శ్రీనివాసరావు అనుకోని పరిస్థితుల్లో అనారోగ్యం బారినపడి కోలుకుని తిరిగి విధినిర్వహణలకు హాజరు అవుతున్న ఎస్సై డి.శ్రీనివాసరావు కు స్టేషన్ స్టాఫ్ మరియు గ్రామస్థులు పూల మాలవేసి ఘన స్వాగతం పలికారు.

 

 

రు"3.26లక్షల ఆర్థిక సహాయం

ఉద్దేశ్ వైద్యానికి భరణికం హెల్పింగ్ హాండ్స్ బృందం అందించిన ఆర్ధిక సహాయం 

రు"3.26లక్షల ఆర్థిక సహాయం కుటుంబ సభ్యులకు అందజేత.

         

 పరవాడ పెన్ పవర్

 

పరవాడ :  తమ ఊరికి చెందిన బాలుడు లుకేమియా బ్లడ్ క్యాన్సర్ తో ప్రాణాలతో పోరాడుతున్నాడని తెలుసుకున్న భరణికం హెల్పింగ్ హాండ్స్ బృంద సభ్యులు చలించిపోయారు. తమ కళ్ళముందే ఆడుతూపాడుతూ తిరుగుతూ చలాకీగా కనిపించే ఉద్దేశ్ కి ఎంత కష్టం వచ్చింది అని వాపోయారు. ఇంత చిన్న వయసులోనే లుకేమియా తో తమిళనాడు సి.ఎం.సి. ఆసుపత్రిలో చావు బతుకుల మధ్య పోరాడుతున్నాడని తెలుసుకొని  కన్నీటిపర్యంతమయ్యారు. బాలుడి వైద్యానికి భారీగా ఖర్చు అవుతుందని, ఆ ఖర్చును బాలుడు తల్లిదండ్రులు భరించలేరని తెలుసుకున్న భరినికం హెల్పింగ్ హాండ్స్ బృందం సభ్యులు, గ్రామస్థులతో కలిసి  చేయి చేయి కలిపారు. దీనికి వైసీపీ మండల యూత్ అధ్యక్షులు పెదశెట్టి శేఖర్ ఆధ్వర్యంలో నడుంబిగించారు. బాలుడు వైద్యానికి అవసరమైన నిధులను సేకరించే పనిలో నిమగ్నమయ్యారు. వారి ప్రయత్నాలకు గ్రామస్తులు పూర్తిగా సహకరించడంతో రు"మూడు లక్షల ఇరవై ఆరు వేలు రూపాయలు సమకూరాయి. ఈ నగదును సోమవారం ఉదయం బాలుడు కుటుంబ సభ్యులకు అందజేశారు. తమ ఊరు కి చెందిన నాలుగేళ్ల బాలుడికి కష్టం వస్తే గ్రామస్తులు స్పందించిన తీరు చూసి చుట్టు గ్రామాల ప్రజలు హర్షం వ్యక్తం చేశారు. బాలుడు త్వరగా కోలుకొని చిరునవ్వుతో తమ గ్రామానికి తిరిగి రావాలని గ్రామస్తులు యువత ఆకాంక్ష వ్యక్తం చేశారు. తమ కుమారుడు వైద్యం కోసం ఇంతగా సహాయం చేస్తున్న భరణికం హెల్పింగ్ హాండ్స్ బృంద సభ్యులకు, గ్రామస్తులకు ఎంతగానో రుణపడి ఉంటామని, వారి రుణం ఎప్పటికీ తీర్చుకోలేమని బాలుడు తల్లితండ్రులు జర్నలిస్టు బొండా నాని దంపతులు  కన్నీటి పర్యంతంతో హృదయపూర్వక కృతజ్ఞతలు తెలియజేశారు.ఈ కార్యక్రమంలో  మాజీ సర్పంచ్ బొండా తాతారావు, గ్రామ పెద్దలు గణేష్ రాజు, సూర్యనారాయణ మాస్టర్, పిల్లి అప్పారావు, భరణికం హెల్పింగ్ హాండ్స్ సభ్యులు రవికుమార్,భరత్ కుమార్ ,రమేష్ కుమార్,మహేష్ కుమార్,జయప్రకాష్,నాయుడు,శరణ్య,పూజ, శ్రావ్య తదితరులు పాల్గొన్నారు.

 

 

 

 

 

ఆంధ్రా ఒడిస్సా సరిహద్దు లో ఎదురుకాల్పులు

ఆ

ంధ్రా ఒడిస్సా సరిహద్దు లో ఎదురుకాల్పులు

మావోయిస్టు మృతి

చింతపల్లి , పెన్ పవర్

ఆంధ్రా ఒడిస్సా సరిహద్దుల్లో ప్రత్యేక పోలీసు బలగాలకు, మావోయిస్టులకు శనివారం సాయంత్రం ఎదురు కాల్పులు చోటుచేసుకున్నాయి. ఈ సంఘటనలో ఒక మావోయిస్టు మృతి చెందాడు. ఒడిస్సా రాష్ట్రం, మల్కన్ గిరి జిల్లా, చిత్రకొండ పోలీసు స్టేషన్ పరిధి, విశాఖ జిల్లా, జి.మాడుగుల మండలం,గజ్జెడు అటవీ ప్రాంతంలో ఈ సంఘటన చోటు చేసుకుంది. ఈ ఎదురుకాల్పుల సంఘటనలో జి.మాడుగుల మండలం, వాకపల్లి గ్రామానికి చెందిన పాంగి పేతురు అలియాస్ దయ (23) మృతిచెందాడు. ఈ ఎదురుకాల్పుల సంఘటనలో మావోయిస్టు అగ్రనేత అక్కిరాజు హరగోపాల్ అలియాస్ రామకృష్ణ (ఆర్ కె), ఉదయ్, అరుణ, జగన్ లు తప్పించుకున్నట్లు పోలీసులు భావిస్తున్నారు. మృతిచెందిన మావోయిస్టు పేతురు అలియాస్ దయ  రామ్ గూడ లో పోలీసులకు మావోయిస్టులకు 2016 లో జరిగిన ఎదురు కాల్పుల సంఘటనలో మృతి చెందిన మావోయిస్టు దొసో తమ్ముడు ఈ దయ. అన్న చనిపోవడంతో తమ్ముడు ఉద్యమంలో చేరాడు. సంఘటనా స్థలంలో పోలీసులు 303 తుపాకీ, 3 కిట్ బ్యాగులు,3 సెల్ ఫోన్లు స్వాధీనం చేసుకున్నారు. మావోయిస్టు మృతదేహాన్ని బలపం, కోరుకొండ అటవీ ప్రాంతం మీదుగా నర్సీపట్నం ఏరియా ఆసుపత్రికి పోస్టుమార్టం నిమిత్తం తరలించారు. తప్పించుకున్న మావోయిస్టు నేతల కోసం పోలీసులు  మన్యాన్ని జల్లెడ పడుతున్నారు. దీంతో ఏ ఓ బి లో ఉద్రిక్త వాతావరణం నెలకొంది.

 

                                                                                             

ఏవోబీ సరిహద్దుల్లో ఎదురుకాల్పులు

ఏవోబీ సరిహద్దుల్లో  ఎదురుకాల్పులు 

కాల్పల ఘటనలో మావోయిస్టు మృతి

 

సీలేరు, పెన్ పవర్

మృతిచెందిన మావోయిస్టు పాంగి దయగా గుర్తింపు   జి.మాడుగుల మండలం వాకపల్లికి చెందిన పాంగి దయ గత ఆరేళ్లుగా మావోయిస్టు ఉద్యమంలో ఉన్న పాంగి దయ శనివారం సాయంత్రం 5 గంటల సమయంలో ఎదురుకాల్పులు సుమారు 4 గంటలపాటు కొనసాగిన ఎదురుకాల్పులు పోలీసులు, మావోయిస్టులకు మధ్య ఎదురుకాల్పులు మల్కన్‌గిరి జిల్లా సరిహద్దు గుజ్జేడు ప్రాంతంలో ఘటన మావోయిస్టు అగ్రనేతలు ఉండడంతో హోరాహోరీగా కాల్పులు ఘటనాస్థలంలో మందుపాతరలు నిర్వీర్యం చేసిన పోలీసులు 303 తుపాకి, పిస్తోల్‌, 3 కిట్ బ్యాగ్‌లు, 3 సెల్‌ఫోన్లు స్వాధీనం ఎదురుకాల్పులు జరిగిన ప్రదేశాన్ని పరిశీలిస్తున్న పోలీసులు.

కరోనా కట్టడిపై ప్రభుత్వం నిర్లక్ష్యం వహిస్తుంది

కరోనా కట్టడిపై ప్రభుత్వం నిర్లక్ష్యం వహిస్తుంది

సామర్లకోట, పెన్ పవర్

కరోనా ఉధృతి దేశంలో చూస్తే ఆంధ్ర ప్రదేశ్ లోను,రాష్ట్రంలో చూస్తే తూర్పుగోదావరి జిల్లాలోను అధికమవుతున్నా రాష్ట్ర ప్రభుత్వం దీనిని కట్టడి చేసే విషయంలో ఎంతో నిర్లక్ష్యన్ని కనపరుస్తుంది అని పట్టణ తెలుగుదేశం పార్టీ అధ్యక్షులు అడబాల కుమారస్వామి తదితరులు అన్నారు.స్థానిక తెదేపా కార్యలయంలో పార్టీ అధిష్టానం పిలుపు మేరకు ప్రత్యేక సమావేశంలో ప్రభుత్వ తీరును విమర్శించారు. వారు మాట్లాడుతూ పాజిటివ్ కేసులో  ఎంతో ఎక్కువ సంఖ్యలో పెరుగుతున్న పరీక్షలు చేయించుకునే వారికి సరిపడా కిట్లు అందించకుండా,ప్రజలకు ప్రత్యేక భద్రతా చర్యలు చేపట్టకుండా,కారంటెయిన్లో ఉన్న రోగులకు పోషకాహారం,మందులు పూర్తిస్థాయిలో అందించకుండా చాలా తేలికగా తీసుకుంటుంది అన్నారు.ఒక ప్రక్క ప్రాణనష్టం విపరీతమవుతున్నా పట్టించుకోవడం లేదన్నారు.క్వారంటైన్ లో ఉన్న రోగులకోసం రోజుకు 5 వందలు ప్రభుత్వం కేటాయించిన వారికి సరైన మెనును అమలు చేయకుండా నిర్లక్ష్యంగా వదిలి పెడుతున్నట్టు స్వయంగా ఆ రోగులు ఫోన్ లు చేసి ఆవేదన వ్యక్తం చేస్తున్నట్టు చెప్పారు.బ్రాందీ షాపులను తెరచి కరోనా ఉధృతి కి ప్రభుత్వం కారణమైంది అన్నారు.షాపులు వద్ద భౌతిక దూరం పాటించకుండా ఉండటం తో కేసులు పెరిగిపోతున్నాయి అన్నారు.తక్షణం వ్యాధి ఉధృతి తాగేంతవరకు బ్రాందీ షాపులను మూసివేసి పరీక్ష కిట్టులు తగినన్ని అందించడంతో పాటు క్వారంన్ టైన్ రోగులు తగిన సదుపాయాలను కల్పించాలని ఈ సందర్భంగా వారు డిమాండ్ చేశారు.ఈ సమావేశంలో ఇంకా పార్టీ కార్యదర్శి బడుగు శ్రీకాంత్,నాయకులు అందుగుల జార్జి చక్రవర్తి, కంటే జగదీష్, వాసు తదితరులు పాల్గొన్నారు.

శిరోముండన కేసులో దోషులను వెంటనే అరెస్టు చెయ్యాలి

శిరోముండన కేసులో దోషులను వెంటనే అరెస్టు చెయ్యాలి

సామర్లకోట ,పెన్ పవర్

సీతానగరంలో దళితునిపై జరిగిన శిరోముండనం కేసులో దోషులను వెంటనే అరెస్టు చేసి బాధిత కుటుంబానికి న్యాయం చేయాలని పట్టణ తెదేపా దళిత నాయకులు మాజీ కౌన్సీలర్ అందుగుల జార్జి చక్రవర్తి డిమాండ్ చేశారు.తెదేపా కార్యలయం లో  ఆయన మాట్లాడుతూ ఎస్సి,ఎస్టీల పట్ల వైఎస్సార్ ప్రభుత్వం ఎంతో చులకన భావంతో ఉందన్నారు.వైసిపి నాయకులు ఏమి చెబితే వాటిని పోలీసులు చేస్తున్నారు అన్నారు.దానికి నిదర్శనమే ఈ శిరోముండన ఘటనగా ఆయన విమర్శించారు. బాధ్యత గల ఉన్న ఎస్ఐ ,ఒక కానిస్టేబులు కలసి ఇంతటి దారుణానికి పాల్పడటం వెనక ఆ గ్రామానికి చెందిన వైసిపి నాయకుల హస్తం ఉందని ఆయన ఆరోపించారు. వెంటనే వారిని పురిగొల్పిన వైసిపి నాయకులును అరెస్ట్ చేసి వారిపై ఎస్సీ, ఎస్టీ అట్రాసిటి కేసును నమోదు చేయాలన్నారు.అలాగే సామర్లకోట పట్టణంలో ఒకే గృహంలో కరోనాతో తల్లి,కుమారులు మృతిచెందగా ఆ కుటుంబాన్ని ఆదుకునే విషయంలో గాని, ఆ ప్రాంతంలో తక్షణ భద్రతా చర్యలు చేపట్టే విషయంలో గాని అధికారులు ఎంతో నిర్లక్ష్యాన్ని ప్రదర్శించినట్టు ఆయన ఆరోపించారు. ఇలాంటి ఘటనలు భవిష్యత్తులో పునరావృతం కాకుండా చూడాలని లేదంటే వైసిపి ప్రభుత్వానికి చివరి రోజులు వచ్చినట్టుగా తెలుసుకోవాలని ఆయన హెచ్చరించారు. ఈ సందర్భంగా  చక్రవర్తి వెంట తెదేపా నాయకులు అడబాల కుమారస్వామి,బడుగు శ్రీకాంత్, కంటే జగదీష్, వాసు పాల్గొన్నారు.

మెంటాడ లో కరోనా టెన్షన్

మెంటాడ లో కరోనా టెన్షన్

 

 

 మెంటాడ, పెన్ పవర్

 

మండల కేంద్రం లోని స్థానిక ఎంపిడిఓ కార్యాలయంలో గురువారం కరోనా పరీక్షలు నిర్వహించారు. గత రెండు రోజుల క్రితం మెంటాడ ఏవో మల్లికార్జున రావు కు కరోనా పాజిటివ్ రావడంతో అధికారు లో టెన్షన్ మొదలైంది. దీనితో స్థానిక ప్రాథమిక ఆరోగ్య కేంద్రం ఆధ్వర్యంలో ఎంపీడీవో,  వెలుగు,  తాసిల్దార్ కార్యాలయాల్లో విధులు 30 మందికి  నిర్వహిస్తున్న కరోనా పరీక్షలు నిర్వహించగా ఇందులో ఇద్దరికీ కరోనా పాజిటివ్ వచ్చినట్లు నిర్ధారించారు.  ప్రభుత్వ కార్యాలయాల్లో విధులు నిర్వహిస్తున్న పంచాయతీ,  రెవెన్యూ,  వెలుగు,  ఉపాధి,  గృహ నిర్మాణ శాఖ,  గ్రామ వాలంటీర్లకు,  సచివాలయాల సిబ్బందికి కరోనా పరీక్షలు నిర్వహించాలని కోరుతున్నారు.  జిల్లా కలెక్టర్,  జిల్లా వైద్య ఆరోగ్య శాఖ అధికారి స్పందించి పరీక్షలు నిర్వహించాలని అధికారులు కోరుతున్నారు.