విస్తృతంగా టెస్ట్ లు

కరోనా నివారణకు విస్తృతంగా టెస్ట్ లు నిర్వహించాలి

సీపీఎం మండల కన్వీనర్ పి.మాణిక్యం

         

  పరవాడ ,పెన్ పవర్

 

పరవాడ:మండలంలో కరోనా వైరస్ వ్యాప్తి వలన ప్రజలు భయ బ్రాoతులు చెందుతున్నారు అని కరోనా ని నివారించేందుకు మండలంలో ప్రభుత్వ ఆసుపత్రిలో విస్తృతంగా టెస్ట్ లు నిర్వహించాలి అని మండల సిపిఎం కన్వీనర్ పి.మాణిక్యం తహశీల్దార్ గంగాధర్ కి వినతిపత్రం అందించారు.అనంతరం మాణిక్యం మాట్లాడుతూ విశాఖపట్నం జిల్లా లో పెరుగుతున్న కరోనా కేసులను దృష్టిలో పెట్టుకొని తగిన్నన్ని కరోనా కేర్ సెంటర్లను ఏర్పాటు చేయాలని అన్నారు.ప్రపంచంలో కరోనా కేసుల లెక్కల్లో భారత దేశం 2వ స్థానానికి రావడం భారత దేశంలో ఆంద్రప్రదేశ్ 4 వ స్థానంలోకి రావడం ఎంతో ఆందోళన కలిగిస్తోంది అని ఆవిడ అన్నారు.దేశంలో ఈ విధంగా కరోనా కేసులు పెరగటం ప్రభుత్వాల వైఫల్యాలను సూచిస్తోంది అని అన్నారు.కేరళ తరహాలో కరోనా నివారణకు నిధులు కేటాయించి ప్రజలు రోడ్లపైకి రాకుండా వారి ఇళ్లకే నిత్యావసరాలు సరఫరా చేయాలని సూచించారు.కరోనా నివారణకు అహర్నిశలు శ్రమిస్తున్న వైద్య సిబ్బందికి కావలిసిన మాస్కలు, పి.పి కిట్లు లాంటి వి నిరంతరాయంగా సరఫరా చేయాలి అని.కరోనా నివారణకు పనిచేస్తున్న ప్రభుత్వ అధికారులకు 50 లక్షల వ్యక్తిగత భీమా కల్పించాలి అని డిమాండ్ చేశారు.ఈ కార్యక్రమంలో సిపిఎం మండల నాయకుడు ఏ.రామస్వామి,సిఐటియు జిల్లా కార్యదర్శి గనిశెట్టి సత్యన్నారాయణ,సిపిఎం పి.చిన్నా పాల్గొన్నారు.

 

 

 

 

 

 

ఫ్లైఓవర్ పై వాహనాలు రాకపోకలు

 నేటి నుంచి ఎయిర్ పోర్ట్ విశాఖ సిటీల మధ్య 

ఫ్లైఓవర్  పై వాహనాలు రాకపోకలు

మంత్రి బొత్స

     

విశాఖపట్నం, పెన్ పవర్

ఎయిర్ పోర్ట్ విశాఖ సిటీ మధ్య  ఫ్లై ఓవర్ పై  మంగళ వారం నుంచి  వాహనాల రాకపోకలకు అనుమతి  ఇచ్చామని రాష్ట్ర పట్టణాభివృద్ధి శాఖ మంత్రి బొత్స సత్యనారాయణ తెలిపారు. సోమవారం  ఆయనతోపాటు రాష్ట్ర పర్యాటక శాఖ మంత్రి అవంతి శ్రీనివాస్   విశాఖ ఎంపీ సత్యనారాయణలు  ఎన్ఏడి ఫ్లైఓవర్ పనులను పరిశీలించారు. నిర్మాణం దాదాపు పూర్తి కావడంతో అధికారులకు తగిన సూచనలు చేశారు. విశాఖ సిటీ నుంచి  ఎయిర్  పోర్టుకు వెళ్లే మార్గంమధ్యలో ఫ్లైఓవర్ పైనుంచి వాహనాలు నడుపు కోవచ్చని ప్రకటించారు. ఈ మేరకు అధికారులకు  ఆదేశించారు. మర్రిపాలం నుంచి గోపాలపట్నం మధ్యలో ఫ్లైఓవర్ ను  ఆగస్టు 15 నా ప్రారంభిస్తామన్నారు. పనులు కొద్దిగా మిగిలి ఉండడంతో వాటిని పూర్తి చేసి  ఆరోజున దానాలు రాకపోకలు అనుమతిస్తున్నారు. ఎంతో కాలంగా విశాఖ వాసులను వెంటాడుతున్న ట్రాఫిక్ జామ్ సమస్య నేటితో తీరిపోతుందని ఆయన ఆశాభావం వ్యక్తం చేశారు.  నగరంలో అతిపెద్ద ట్రాఫిక్ సమస్య  ఎన్ఏడి కొత్త రోడ్ వద్దనే అని  అది నేటితో తీరిపోతుందని  బొత్స సత్యనారాయణ తెలిపారు. ట్రాఫిక్ క్రమబద్ధీకరణకు అవసరం  అయినా చోట్ల ఫ్లై ఓవర్ బ్రిడ్జి లను నిర్మిస్తామని మంత్రి తెలిపారు. మంత్రులతోపాటు అధికారులు స్థానిక నాయకులు పాల్గొన్నారు.

 

 

 

గుట్టు రట్టు

సృష్టి ఆసుపత్రి కేంద్రంగా వెలుగుచూసిన పసిపిల విక్రయ రాకెట్
గుట్టు రట్టు చేసిన నగర పోలీస్ కమిషనర్ ఆర్కె మీనా.
ఆస్పత్రి ఎం డి తో  ఎనిమిది  మంది అరెస్ట్.
  పిల్లల సేకరణలో ఆశా కార్యకర్తల  పాత్ర కీలకం.

     

విశాఖపట్నం ,పెన్ పవర్

విశాఖ నగరంలో  సృష్టి ఆస్పత్రి కేంద్రంగా జరుగుతున్న పసిపిల్లల విక్రయ రాకెట్‌ను  పోలీసులు  ఎట్టకేలకు చేధించారు. ఈ కేసులో ఎనిమిది మంది నిందితులను అరెస్టు చేశారు. నగర పోలీస్ కమిషనర్ ఆర్కె మీనా ఆదివారం విలేకరుల సమావేశంలో సృష్టి హాస్పత్రి లో పసిపిల్లల  అమ్మకాల గుట్టు రట్టు చేశారు.  ప్రధాన ముద్దాయిగా సృష్టి ఆస్పత్రి ఎండి పచ్చిపాల నమ్రత ఇద్దరు ఆశా వర్కర్ లు (ఏ 2ఏ 3) కోడి వెంకటలక్ష్మి బొట్టు అన్నపూర్ణ ఏ4గా ఏజెంట్ ఆర్ డి రామకృష్ణ ఏ 5  డాక్టర్ తిరుమల ఏ6 లోపింటి చం గూగుల్ద్రమోహన్ ఏ7ఏ 8  లుగా పిల్లాడ్ని కొనుగోలు చేసిన పశ్చిమ బెంగాల్ కి చెందిన ఇద్దరు వ్యక్తులను  అరెస్టు చేశామని సి పి ఆర్కె మీనా వివరించారు.వైల్డ్ లైవ్ సంస్థ ఇచ్చిన ఫిర్యాదు మేరకు నగర పోలీస్ కమిషనర్   చాకచక్యంగా వ్యవహరించి పసిపిల్లల విక్రయ రాకెట్ను చేధించారు. వివరాల్లోకి వెళితే  మాడుగుల మండల కేంద్రం కనికర మాత కాలనీకి చెందిన ఒక వీడో  అవాంఛిత గర్భం ధరించింది. ఈ విషయం తెలుసుకున్న స్థానిక ఆశ కార్యకర్త బొట్ట అన్నపూర్ణ  చీడికాడ మండలం అర్జునగిరి  ఆశ కార్యకర్త కోడి వెంకటలక్ష్మికి  తెలిపింది. గర్భవతిని ఏజెంట్  రామకృష్ణ ద్వారా సృష్టి ఆస్పత్రి  తీసుకువెళ్లారు. ఉచితంగా డెలివరీ చేయడం బిడ్డకు కొంత డబ్బు ఇస్తామని చెప్పడంతో ఆమె అంగీకరించింది. వైద్యుల సూచన మేరకు  గర్భిణీ ని ఆశా  వెంకటలక్ష్మి డెలివరీ వరకు తన వద్ద ఉంచుకొని సాకంది.సుందరమ్మకు  మగ బిడ్డ పుట్టాడు. ఆ బిడ్డను పశ్చిమ బెంగాల్ కు చెందిన వారికి  అమ్మేసారు. అంగన్వాడీ  కేంద్రానికి వెళ్లిన సుందరము కార్యకర్త ఆరా తీసింది. ఈ విషయం ఉన్నత అధికారులకు తెలియజేయడంతో డొంక కదిలింది.చైల్డ్ లైవ్  సంస్థ పోలీసులకు తెలియజేయడంతో విచారణ మొదలైంది. విశాఖ జిల్లా పరిషత్ పరిధిలో యూనివర్సల్ సృష్టి ఆస్పత్రి  ఎండి పచ్చిపాల నమ్రత విశాఖ విజయనగరం శ్రీకాకుళం ఒడిశా ప్రాంతాల్లో ఉచిత వైద్య శిబిరాలు నిర్వహిస్తు అక్కడి ఆశా వర్కర్ లను ఆకర్షిస్తుంటారు.ఆ ప్రాంతాల్లో  పేద గర్భిణీలు అవాంఛిత  గర్భిణీలు  టార్గెట్ చేస్తున్నారు.  ఆ శాల ఆధ్వర్యంలో  వారికి డబ్బు ఎర చూపుతున్నారు. ఆశాలు దళారీల ఒత్తిడితో పసిపిల్లల సేకరణ పెద్ద సంఖ్యలో జరుగుతున్నట్లు తెలుస్తుంది. ఈ కేసు విచారణలో ఆసక్తికరమైన విషయాలు వెలుగు చూశాయి.

ఘన స్వాగతం పలికిన సిబ్బంది

అనారోగ్యం నుండి కోలుకుని విధులకు హాజరవుతున్న

ఎస్సై శ్రీనివాసరావు కి ఘన స్వాగతం పలికిన సిబ్బంది గ్రామస్థులు

     

   మునగపాక పెన్ పవర్

 

మునగపాక:కరోనా వైరస్ వ్యాప్తి నివరణా చర్యల్లో భాగంగా ప్రజలను కరోనా నుండి కాపాడటానికి అహర్నిశలు పగలు ఆనక,రాత్రి అనక విధినిర్వహణలు నిర్వహిస్తూ కుటుంబానికి సైతం దూరంగా ఉన్న మునగపాక ఎస్సై డి.శ్రీనివాసరావు అనుకోని పరిస్థితుల్లో అనారోగ్యం బారినపడి కోలుకుని తిరిగి విధినిర్వహణలకు హాజరు అవుతున్న ఎస్సై డి.శ్రీనివాసరావు కు స్టేషన్ స్టాఫ్ మరియు గ్రామస్థులు పూల మాలవేసి ఘన స్వాగతం పలికారు.

 

 

రు"3.26లక్షల ఆర్థిక సహాయం

ఉద్దేశ్ వైద్యానికి భరణికం హెల్పింగ్ హాండ్స్ బృందం అందించిన ఆర్ధిక సహాయం 

రు"3.26లక్షల ఆర్థిక సహాయం కుటుంబ సభ్యులకు అందజేత.

         

 పరవాడ పెన్ పవర్

 

పరవాడ :  తమ ఊరికి చెందిన బాలుడు లుకేమియా బ్లడ్ క్యాన్సర్ తో ప్రాణాలతో పోరాడుతున్నాడని తెలుసుకున్న భరణికం హెల్పింగ్ హాండ్స్ బృంద సభ్యులు చలించిపోయారు. తమ కళ్ళముందే ఆడుతూపాడుతూ తిరుగుతూ చలాకీగా కనిపించే ఉద్దేశ్ కి ఎంత కష్టం వచ్చింది అని వాపోయారు. ఇంత చిన్న వయసులోనే లుకేమియా తో తమిళనాడు సి.ఎం.సి. ఆసుపత్రిలో చావు బతుకుల మధ్య పోరాడుతున్నాడని తెలుసుకొని  కన్నీటిపర్యంతమయ్యారు. బాలుడి వైద్యానికి భారీగా ఖర్చు అవుతుందని, ఆ ఖర్చును బాలుడు తల్లిదండ్రులు భరించలేరని తెలుసుకున్న భరినికం హెల్పింగ్ హాండ్స్ బృందం సభ్యులు, గ్రామస్థులతో కలిసి  చేయి చేయి కలిపారు. దీనికి వైసీపీ మండల యూత్ అధ్యక్షులు పెదశెట్టి శేఖర్ ఆధ్వర్యంలో నడుంబిగించారు. బాలుడు వైద్యానికి అవసరమైన నిధులను సేకరించే పనిలో నిమగ్నమయ్యారు. వారి ప్రయత్నాలకు గ్రామస్తులు పూర్తిగా సహకరించడంతో రు"మూడు లక్షల ఇరవై ఆరు వేలు రూపాయలు సమకూరాయి. ఈ నగదును సోమవారం ఉదయం బాలుడు కుటుంబ సభ్యులకు అందజేశారు. తమ ఊరు కి చెందిన నాలుగేళ్ల బాలుడికి కష్టం వస్తే గ్రామస్తులు స్పందించిన తీరు చూసి చుట్టు గ్రామాల ప్రజలు హర్షం వ్యక్తం చేశారు. బాలుడు త్వరగా కోలుకొని చిరునవ్వుతో తమ గ్రామానికి తిరిగి రావాలని గ్రామస్తులు యువత ఆకాంక్ష వ్యక్తం చేశారు. తమ కుమారుడు వైద్యం కోసం ఇంతగా సహాయం చేస్తున్న భరణికం హెల్పింగ్ హాండ్స్ బృంద సభ్యులకు, గ్రామస్తులకు ఎంతగానో రుణపడి ఉంటామని, వారి రుణం ఎప్పటికీ తీర్చుకోలేమని బాలుడు తల్లితండ్రులు జర్నలిస్టు బొండా నాని దంపతులు  కన్నీటి పర్యంతంతో హృదయపూర్వక కృతజ్ఞతలు తెలియజేశారు.ఈ కార్యక్రమంలో  మాజీ సర్పంచ్ బొండా తాతారావు, గ్రామ పెద్దలు గణేష్ రాజు, సూర్యనారాయణ మాస్టర్, పిల్లి అప్పారావు, భరణికం హెల్పింగ్ హాండ్స్ సభ్యులు రవికుమార్,భరత్ కుమార్ ,రమేష్ కుమార్,మహేష్ కుమార్,జయప్రకాష్,నాయుడు,శరణ్య,పూజ, శ్రావ్య తదితరులు పాల్గొన్నారు.

 

 

 

 

 

ఆంధ్రా ఒడిస్సా సరిహద్దు లో ఎదురుకాల్పులు

ఆ

ంధ్రా ఒడిస్సా సరిహద్దు లో ఎదురుకాల్పులు

మావోయిస్టు మృతి

చింతపల్లి , పెన్ పవర్

ఆంధ్రా ఒడిస్సా సరిహద్దుల్లో ప్రత్యేక పోలీసు బలగాలకు, మావోయిస్టులకు శనివారం సాయంత్రం ఎదురు కాల్పులు చోటుచేసుకున్నాయి. ఈ సంఘటనలో ఒక మావోయిస్టు మృతి చెందాడు. ఒడిస్సా రాష్ట్రం, మల్కన్ గిరి జిల్లా, చిత్రకొండ పోలీసు స్టేషన్ పరిధి, విశాఖ జిల్లా, జి.మాడుగుల మండలం,గజ్జెడు అటవీ ప్రాంతంలో ఈ సంఘటన చోటు చేసుకుంది. ఈ ఎదురుకాల్పుల సంఘటనలో జి.మాడుగుల మండలం, వాకపల్లి గ్రామానికి చెందిన పాంగి పేతురు అలియాస్ దయ (23) మృతిచెందాడు. ఈ ఎదురుకాల్పుల సంఘటనలో మావోయిస్టు అగ్రనేత అక్కిరాజు హరగోపాల్ అలియాస్ రామకృష్ణ (ఆర్ కె), ఉదయ్, అరుణ, జగన్ లు తప్పించుకున్నట్లు పోలీసులు భావిస్తున్నారు. మృతిచెందిన మావోయిస్టు పేతురు అలియాస్ దయ  రామ్ గూడ లో పోలీసులకు మావోయిస్టులకు 2016 లో జరిగిన ఎదురు కాల్పుల సంఘటనలో మృతి చెందిన మావోయిస్టు దొసో తమ్ముడు ఈ దయ. అన్న చనిపోవడంతో తమ్ముడు ఉద్యమంలో చేరాడు. సంఘటనా స్థలంలో పోలీసులు 303 తుపాకీ, 3 కిట్ బ్యాగులు,3 సెల్ ఫోన్లు స్వాధీనం చేసుకున్నారు. మావోయిస్టు మృతదేహాన్ని బలపం, కోరుకొండ అటవీ ప్రాంతం మీదుగా నర్సీపట్నం ఏరియా ఆసుపత్రికి పోస్టుమార్టం నిమిత్తం తరలించారు. తప్పించుకున్న మావోయిస్టు నేతల కోసం పోలీసులు  మన్యాన్ని జల్లెడ పడుతున్నారు. దీంతో ఏ ఓ బి లో ఉద్రిక్త వాతావరణం నెలకొంది.

 

                                                                                             

ఏవోబీ సరిహద్దుల్లో ఎదురుకాల్పులు

ఏవోబీ సరిహద్దుల్లో  ఎదురుకాల్పులు 

కాల్పల ఘటనలో మావోయిస్టు మృతి

 

సీలేరు, పెన్ పవర్

మృతిచెందిన మావోయిస్టు పాంగి దయగా గుర్తింపు   జి.మాడుగుల మండలం వాకపల్లికి చెందిన పాంగి దయ గత ఆరేళ్లుగా మావోయిస్టు ఉద్యమంలో ఉన్న పాంగి దయ శనివారం సాయంత్రం 5 గంటల సమయంలో ఎదురుకాల్పులు సుమారు 4 గంటలపాటు కొనసాగిన ఎదురుకాల్పులు పోలీసులు, మావోయిస్టులకు మధ్య ఎదురుకాల్పులు మల్కన్‌గిరి జిల్లా సరిహద్దు గుజ్జేడు ప్రాంతంలో ఘటన మావోయిస్టు అగ్రనేతలు ఉండడంతో హోరాహోరీగా కాల్పులు ఘటనాస్థలంలో మందుపాతరలు నిర్వీర్యం చేసిన పోలీసులు 303 తుపాకి, పిస్తోల్‌, 3 కిట్ బ్యాగ్‌లు, 3 సెల్‌ఫోన్లు స్వాధీనం ఎదురుకాల్పులు జరిగిన ప్రదేశాన్ని పరిశీలిస్తున్న పోలీసులు.