ప్రెస్ క్లబ్ సహకారంతో జర్నలిస్టులకు నిత్యావసరాల పంపిణీ

ప్రెస్ క్లబ్ సహకారంతో జర్నలిస్టులకు నిత్యావసరాల పంపిణీ

         

 పరవాడ పెన్ పవర్

 

పరవాడ; కరోనా కష్టకాలంలో ఆర్థిక ఇబ్బందులు ఎదుర్కొంటున్న ఏపీయూడబ్ల్యూజే పరవాడ ప్రెస్ క్లబ్ కు చెందిన జర్నలిస్టులకు స్థానిక యూనియన్ సహకారంతో శుక్రవారం నిత్యవసర సరుకులు పంపిణీ చేశారు. ఒక్కొక్కరికి 10 కిలోల నాణ్యమైన బియ్యం, కిలో బెల్లం, కిలో గోధుమరవ్వ, కిలో గోధుమపిండి, కిలో ఇడ్లీ రవ్వ, కిలో ఫ్రీడమ్ ఆయిల్ ప్యాకెట్, అరకిలో మినప్పప్పు, అర కిలో పెసరపప్పు, రెండు మైసూర్ శాండల్ సబ్బులు చొప్పున ప్రెస్ క్లబ్  గౌరవా ఆధ్యక్షులు  పయిల సన్యాసిరావు, ఏపీయూడబ్ల్యూజే జిల్లా కార్యవర్గ కమిటీ సభ్యులు రవి అందజేశారు. ఈ సందర్భంగా జర్నలిస్టుల వారికి కృతజ్ఞతలు తెలిపారు.

 

 

భాజపా ఆధ్వర్యంలో వైద్యులకు పిపిఈ కిట్లు

భాజపా ఆధ్వర్యంలో వైద్యులకు పిపిఈ కిట్లు

 

అనకాపల్లి , పెన్ పవర్

 

 భారతీయ జనతాపార్టీ  ఆధ్వర్యంలో వైద్యులకు పీపీఈ కిట్లు శుక్రవారం అందజేశారు. జిల్లా అధ్యక్షులుు డాక్టర్ సత్యనారాయణ నేతృత్వంలో నాయకులు వైద్యులుకు అందజేశారు. ఎన్టీఆర్  ఏరియా ఆసుపత్రి సూపరింటెండెంట్ శ్రావణ్ కుమార్ కి ఇచ్చారు. ఈ సందర్భంగా అధ్యక్షులు సత్యనారాయణ మాట్లాడుతూ కరోనా కట్టడి  విషయంలో రోగులకు వైద్యం అందించడం లో వైద్యుల త్యాగం మరువలేనిదన్నారు. వైరస్ ప్రబలే అవకాశంం లేకుండా పి పి ఈ కిట్లు   లేక ఇబ్బంది పడుతున్నట్లు చెప్పారు. దీంతో పార్టీ ఆదేశాల మేరకు తాము వైద్యులకు వైద్య సిబ్బందికి రక్షణగా వీటిని అందజేశామన్నారు. భారతీయ జనతా పార్టీ నాయకులు ద్వారపురెడ్డి పరమేశ్వరరావు , మాజీ ఎంపిటిసి చదరం నాగేశ్వరరావు , దళిత మోర్చ జిల్లా అధ్యక్షులు కొండబాబు మాస్టారు,  అనకాపల్లి టౌన్ ప్రధాన కార్యదర్శి కర్రి రామకృష్ణ  , అనకాపల్లి మండల  అధ్యక్షులు  కసిరెడ్డి  శ్రీనివాస్  తదితరులు పాల్గొన్నారు.

 

 

 

 

 

 

 

లాక్ డౌన్ ప్రకటిస్తే బాగుంటుంది

లాక్ డౌన్ ప్రకటిస్తే బాగుంటుంది   కోప్పల రామ్ కుమార్

 

పూర్ణ మార్కెట్, పెన్ పవర్

 

 

కరోనా విలయతాండవం  రోజు రోజుకీ విజరంభిస్తున్న వేళ, రాష్ట్ర ప్రభుత్వం లాక్ డౌన్  ప్రకటించే దిశగా ఆలోచిస్తే బాగుంటుందని దక్షిణ నియోజక వర్గం బి.జె.పి.  కన్వీనర్ కొప్పల రామ్ కుమార్ డిమాండ్ చేశారు. ఇప్పటికే కరోనా వైరస్ కేసులు ఎక్కువ అవుతుండడం వలన లాక్ డౌన్ ప్రకటిస్తే కేసులను కొంత  వరకు కంట్రోల్ చేయవచ్చన్నారు. దక్షిణ నియోజకవర్గంలో  గల పూర్ణా మార్కెట్లోని వ్యాపారస్తులు స్వచ్ఛందంగా ఊదయం 6 గంటల నుండి మధ్యాహ్నం 2 గంటల వరకే వ్యాపార కలాపాలు నిర్వహిస్తున్నందుకు వారికి ధన్యవాదాలు తెలిపారు. ప్రజల ఆరోగ్యం ద్రుష్టిలో పెట్టుకొని రాష్ట్ర  ప్రభుత్వం వెంటనే నిర్ణయం తీసుకుంటే బాగుంటుందని తెలియజేశారు.

 

 

వారోత్సవాలు కొనసాగింపా వాయిదా

మావోయిస్టు అమరవీరుల సంస్మరణ వారోత్సవాలు కొనసాగింపా వాయిదా

 

చింతపల్లి  ,పెన్ పవర్

 

ఆంధ్రా-ఒడిస్సా సరిహద్దు అటవీ ప్రాంతంలో  సిపిఐ మావోయిస్టు అమరవీరుల సంస్సరణవారోత్సవాలు విజయవంతం  చేసుకోవడానికి మవోయిస్థులు శతవిధాల ప్రయత్నాలు చేస్తున్నారు.ఈ నెల 28 నుంచి వచ్చే నెల3 వరకు మావోయిస్టులు నిర్వహించే సంస్మరణ వారోత్సవాల సందర్భంగా పోలీసులు  ఏ ఓ బి లో కుంబింగ్ ముమ్మరం చేరారు. ఈ నేపథ్యంలోనే ఈ నెల19,  22న, మావోయిస్టులకు పోలీసులకు మధ్య కాల్పులు జరిగాయి.ఈ ఎదురు కాల్పుల్లోమావోయిస్టు అగ్రనేతలకు తీవ్ర గాయాలయినట్లు పోలీసులు వర్గాలు భావిస్తున్నాయి.ఇటువంటి పరిస్థితుల్లో మావోయిస్టు అమరవీరుల సంస్మరణ వారోత్సవాలు జరుపుకోవాలా? లేక వాయిదా వేసుకోవాలా? అనే దానిపై మావోయిస్టులలో సందిక్తత నెలకొన్నంటుంది. అయితే ప్రతీ ఏడాది ఏవోబి అటవీ  ప్రాంతంలో ఉన్న అమరవీరుల సంస్కరణ స్థూపాలను సుందరంగా తీర్చిదిద్ది విప్లవ గేయాలతో, గ్రామ సభలు నిర్వహిస్తూ వారోత్సవాలు ఘనంగా జరుపుకునే వారు. వారోత్సవాలు మరో పది రోజులు వుందనగా గతంలో నిర్మించిన స్థూపాలకు రంగులు వేసేవారు.కానీ మరో 4 రోజులలో మావోయిస్టు సంస్మరణ వారోత్సవాలు ప్రారంభం కానున్నప్పటికి  ఎప్పుడో నిర్మించిన స్థూపాలకు నేటికీ రంగులు వేయలేక పోయారు.పోలీస్ నిర్బంధం,గాలింపు చర్యలు విస్తృతంగా వుండడం వలన మావోయిస్టు కార్యకలాపాలు సాగడం లేదు. గత కొన్నేళ్లుగా వారోత్సవాలు అడ్డుకొవడానికి పోలీస్  బలగాలు ఏవో బి అటవీ ప్రాంతంలో జల్లెడ పడుతునే ఉన్నాయి. ఈ ఏడాది కూడా ఏవోబీ అటవీ ప్రాంతంతో పాటు ఏజెన్సీ గ్రామాలలో ఎక్కడ ఎటువంటి అవాంఛనీయ సంఘటనలు చోటు చేసుకోకుండా, స్తూపాలకు రంగులు వేసేందుకు అవకాశం లేకుండా పోలీసులు ముమ్మర గాలింపు చర్యలు చేపడుతూ,వాహన తనిఖీలు ముమ్మరంగా నిర్వహిస్తున్నారు. మావోయిస్టులు మాత్రం ఏదో ఒక ప్రాంతంలో సంస్మరణ సభ నిర్వహించే తీరుతారని ప్రచారం జరుగుతోంది. ఏ ఓ బి,విశాఖ ఏజెన్సీ అంతటా పోలీసు యంత్రాంగం  ముందుగానే అప్రమత్తమై మావోయిస్టుల కోసం జల్లెడ పడుతున్నారు. ఇరు వర్గాల చర్యలతో ఏ క్షణం ఏం జరుగుతుందోనని మన్య వాసులు భీతిల్లుతున్నారు.

సంవత్సర కాలంగా ఎదురు చూస్తున్న ప్రజలు

 

సంవత్సర కాలంగా ఎదురు చూస్తున్న  ప్రజలు

జి.మాడుగుల, పెన్ పవర్ 

 

జి.మాడుగుల మండలం బంధ వీధి గ్రామంలో ఉన్న వీధిలైట్లు పాడై పోవడంతో బంధ వీధి గ్రామ ప్రజలు  ఎవరైనా వచ్చి బాగు చేస్తారేమో అని సంవత్సర కాలంగా ఎదురు చూస్తున్నారు. విద్యుత్తు సిబ్బంది గాని, సచివాలయ సిబ్బంది గాని,  స్పందించక పోవడంతో,  ప్రజలే అందరూ ఒక్కటై ఆ గ్రామ పరిధిలో ఉన్న స్తంభాలకు వీధిలైట్లు ఏర్పాటు చేసుకున్నారు.

వీధిలైట్లు వెలగక రాత్రి వేళల్లో ఇబ్బందులు పడుతున్న ప్రజలు

వీధిలైట్లు వెలగక రాత్రి వేళల్లో ఇబ్బందులు పడుతున్న ప్రజలు

గూడెం కోత్తవీధి, పెన్ పవర్

మండలకేంద్రంలో వీధిలైట్లు సౌకర్యం మెరుగు పరచడానికి పంచాయితీ అధికారులు తక్షణమే చర్యలు చేపట్టాలని మండలవాసులు కొరుతున్నారు ప్రస్తుతం వున్న వీధిలైట్లులో నూటికి 80. శాతం పాడుఅయ్యిపోయయని దిని వలన మండలకేంద్ర వాసులు అంధకారంలో కాలక్షేపం చేయ్యవలసినపరిస్థితి ప్రస్తుతం నెలకొని ఉంది. వర్షాలు వలన విషసర్పలు పాములు రోడ్లు ఫైకి వస్తున్నాయి రాత్రి సమయంలో బయటకు రావాలి అంటే ప్రజలు భయం భాంత్రులకుగురికావలసివస్తుంది. ఇటువంటి సమాస్య గూడెం కోత్తవీధీ మండలకేంద్రంలో ఇలాగా వుంటే మిగిలిన గ్రామాలు పరిస్థితి ఏమిటి నీ పలువురు ప్రశ్నిస్తున్నారు ఇప్పటికైనా స్పందించి. పంచాయతీ శాఖ అధికారులకు మండలకేంద్ర వాసులు కొరుతున్నారు 

15రోజులుగా ఎమ్మార్వో ఆఫీస్ లో

15రోజులుగా ఎమ్మార్వో ఆఫీస్ లో సర్వర్లు పనిచేయడం లేదు

పూర్ణ మార్కెట్, పెన్ పవర్

విశాఖపట్నం, దక్షిణ నియోజకవర్గం, మహారాణి పేట,ఎమ్మార్వో ఆఫీస్ లో సర్వర్లు పని చేయక, చాలా సర్టిఫికెట్లు గత పదిహేను రోజులుగా పెండింగ్లో ఉన్నాయి. ప్రజలు రోజు ఎం.ఆర్.ఓ ఆఫీస్ కి వెళ్లి సర్టిఫికెట్లు  రాకపోవడంతో ఇబ్బంది పడుతున్నారు. ఎమ్మార్వో ఆఫీస్ లో అధికారులెవరు సీట్లలో ఉండటం లేదు.  తాసిల్దార్ని అడిగితే ప్రోటోకాలింగ్ అని చెప్తున్నారు. దీని గురించి అధికారులు ఎవరు పట్టించుకోవడం లేదు. సీనియర్ అసిస్టెంట్, జూనియర్ అసిస్టెంట్ లేకపోవడం వల్ల స్టాప్ కూడా ఇబ్బంది పడుతున్నారు.