పర్యావరణ పరిరక్షణకు - మొక్కలు నాటండి

పర్యావరణ పరిరక్షణకు - మొక్కలు నాటండి

రాజవొమ్మంగి,పెన్ పవర్ 

రాజవొమ్మంగి తాసిల్దార్ సుబ్రహ్మణ్య చార్య

ప్రస్తుత పరిస్థితుల్లో మానవ మనుగడ కొనసాగాలంటే ప్రతి ఒక్కరూ మొక్కలు నాటాలని దీంతో పర్యావరణాన్ని
పరిరక్షించుకోవచ్చు అని రాజవొమ్మంగి తాసిల్దార్ సుబ్రహ్మణ్య చార్య అన్నారు.
జగనన్న పచ్చతోరణం కార్యక్రమం లో భాగంగా శుక్రవారం స్థానిక తాసిల్దార్ కార్యాలయం ఆవరణలో తాసిల్దారు, సిబ్బంది కలిసి వివిధ జాతుల మొక్కలను నాటారు ఈ కార్యక్రమంలో డిప్యూటీ తాసిల్దార్ ఏ సత్యనారాయణ, స్థానిక ఎస్ఐ వినోద్ బాబు, వీఆర్వో భారతి, నానాజీ, నాయుడు తదితరులు ఉన్నారు. 

ప్రభుత్వ నిర్లక్ష్యం ప్రజలు అవగాహన లోపమా

 

ప్రభుత్వ నిర్లక్ష్యం  ప్రజలు అవగాహన లోపమా

 

 

పశ్చిమగోదావరి జిల్లా బ్యూరో: పెన్ పవర్

 

 కరోనా, కరోనా, ఎటు చూసిన కరోనా,ఏ ఊరిలో చూసిన కరోనా, ఎవరి నోట విన్నా కరోనా, ఈ పేరు ప్రపంచంలో ఏ ఒక్కరికీ పరిచయం చేయవలసిన అవసరం లేని పేరు. ఎందుకంటే ప్రపంచవ్యాప్తంగా  విలయతాండవం చేస్తున్న మహమ్మారి అది. అంతటి విలయతాండవం చేస్తున్న కరోనా గురించి ప్రజలకు సరైన అవగాహన లేకపోవడం చాలా బాధాకరం. మా రాష్ట్రంలో ఇన్ని కేసులు వచ్చాయి, మా ఊరిలో ఇన్ని కేసులు వచ్చాయి అను చెప్పుకుంటూ సోషల్ మీడియాలో, వాట్సాప్ గ్రూప్ లో, స్టేటస్ లలో ఇతర టెక్నాలజీలతో ప్రపంచానికి సందేశం ఇస్తున్న ప్రతి ఒక్కరూ తనను, తన కుటుంబాన్ని, తన రాష్ట్రాన్ని, తమ దేశాన్ని ఈ మహమ్మారి నుండి రక్షించుకోవడానికి తీసుకుంటున్న జాగ్రత్తలు ఏపాటివో తనకి తాను ఆత్మవంచన చేసుకోవాలి. ప్రభుత్వ సూచనలను పెడచెవిన పెట్టి, పోలీస్ అధికారుల నిర్ణయాలను తప్పుబట్టి, ఎవరో పాటిస్తూ లేదు అని ఎవరికో చెప్పి నీవు చేస్తున్నది ఏమిటి? మనకి రక్షణగా నిలిచిన వైద్యులను, పోలీసులను, ప్రభుత్వ ఉద్యోగులను, కుల మత వర్గ విభేదాలు లేకుండా ఆఖరికి రాజకీయ నాయకులను సైతం వదలని ఈ మహమ్మారి ఏ ఒక్కరిని వదిలి పెట్టడం లేదు కదా.. మరి ఇది ప్రభుత్వ వైఫల్యమా? ప్రజల అవగాహన లోపమా? డాక్టర్లు మాస్క్ ధరించ  మంటే బద్ధకం పోలీసులు లాఠీ దులిపితే కోపం ప్రభుత్వం ఇంటివద్దే ఉండమంటే అసహనం మరి ఈ వ్యాధి పూర్తిగా నిర్మూలన  కావాలంటే ఎలా? వ్యాక్సిన్ వచ్చేవరకు ఈ వ్యాధి ప్రాభలుతూనే  ఉంటాది. సామాన్య ప్రజల్లో పూర్తి స్థాయిలో అవగాహన రానంతవరకూ ఈ వ్యాధి మరింత పెరిగే అవకాశమే ఎక్కువ.. ప్రజలలో మార్పు రానంత వరకు ఇంతే.. ప్రతి ఒక్కరూ మాస్కు ధరించి, భౌతిక దూరం పాటించి, వ్యక్తిగత పరిశుభ్రత పాటిస్తే రాబోయే రోజుల్లో నైనా ఈ మహమ్మారిని తరిమివేయడం సాధ్యమవుతుంది మరి.. ఇకనైనా మారతారని ఆశిస్తూ మీ పెన్ పవర్ తెలుగు దిన పత్రిక యాజమాన్యం..

శ్రీ కుంకుళ్లమ్మ తల్లి కుంకుమార్చన

శ్రీ కుంకుళ్లమ్మ తల్లి కుంకుమార్చన

 

 ద్వారకాతిరుమల,పెన్ పవర్

 

పశ్చిమగోదావరి జిల్లా ద్వారకా తిరుమల

 ప్రముఖ పుణ్యక్షేత్రం చిన్న వెంకన్న స్వామి వారి దత్తత దేవాలయమైన శ్రీ కుంకుళ్లమ్మ అమ్మవారి ఆలయంలో మొదటి శ్రావణ శుక్రవారం పురస్కరించుకొని అమ్మవారికి ఆలయ అర్చకులు ప్రత్యేక పూజలు కుంకుమార్చనలు నిర్వహించారు ఈ పూజా కార్యక్రమంలో  ఆలయ ఈవో ఆర్ ప్రభాకర్ రావు పాల్గొన్నారు.అయితే ప్రతి సంవత్సరం శ్రావణ మాసంలో     భక్తుల రద్దీతో కలకలలాడే ఆలయం కరోనా  వైరస్ కారణంగా భక్తులు లేక వెల వెల బోతుంది శ్రావణ శుక్రవారం రోజున కుంకుమ పూజ చేయించుకునేందుకు ప్రతి సంవత్సరం మహిళలు పెద్ద ఎత్తున తరలి వచ్చేవారు కరోనా మహమ్మారి విజృంభించడంతో భక్తులు భయపడి ఆలయాలకి రావటం లేదు అయితే దేవాలయ అధికారులు వైరస్ నియంత్రణ చర్యలలో భాగంగా శానిటైజర్ ధర్మల్ స్కానింగ్ సామాజిక దూరం పాటిస్తూ అమ్మవారి దర్శనానికి ఏర్పాట్లు చేశారు.

 

 

పాము కాటుకు గురై వ్యక్తి మృతి

పాము కాటుకు గురై వ్యక్తి మృతి

రాజవొమ్మంగి,పెన్ పవర్ 

మండలంలోని దూసరపాము గ్రామానికి చెందిన ఒక వ్యక్తి పొట్టకూటి కోసం పక్క జిల్లా వెళ్లి పాము కాటుకు గురై మృతి చెందిన సంఘటన ఆలస్యంగా వెలుగులోకి చూసింది.
బంధువులు తెలిపిన వివరాల ప్రకారం స్థానిక రాజవొమ్మంగి మండలం దూసరపాము గ్రామానికి చెందిన పంతం బుల్లయ్య (35) అనే వ్యక్తి నాడు - నేడు పనుల నిమిత్తం విశాఖ జిల్లా గొలుగొండ గ్రామంలో నివాసముంటున్నారు. అయితే గురువారం రాత్రి 10 గంటల సమయంలో బుల్లయ్య బహిర్భూమికి వెళ్లి వస్తుండగా పాము కాటు వేయడంతో స్థానికులు, తోటి పనివాళ్ళు బుల్లి య్యను సంఘటన స్థలం నుండి నర్సీపట్నం ప్రభుత్వాసుపత్రికి తరలిస్తుండగా మార్గమధ్యంలోనే మృతి చెందినట్లు బంధువులు తెలిపారు. మృతుడికి భార్య ఇద్దరు పిల్లలు ఉన్నారని బుల్లయ్య మృతిచెందడంతో వారి వీధి పడ్డారని వీరిని ప్రభుత్వం ఆదుకోవాలని స్థానికులు కోరుతున్నారు. 

భయాందోళనలో పెనికేరు ప్రజలు

భయాందోళనలో పెనికేరు ప్రజలు
ఆలమూరు, పెన్ పవర్

  భయానికి గురి చేస్తున్న పెనికేరు ఓ. ఎన్.జీ.సీ.  భయాందోళనలో పెనికేరు గ్రామ ప్రజలుపెనికేరు గ్రామంలో ఉన్నటువంటి 
ఓ.ఎన్.జీ.సీ. నుంచి వస్తున్న విషవాయువులు గ్యాస్ మరియు పొగ ఇవన్నీ కలిపి గత నాలుగు రోజుల నుంచి యధావిధిగా రావడం అక్కడ ఉన్నటువంటి గ్రామ ప్రజలు భయానికి గురి అవ్వడం జరుగుతుంది దీనిపైన యాజమాన్యం చూసీచూడనట్టుగా వ్యవహరించడం జరుగుతుంది కాబట్టి ఎక్కడ ఎటువంటి ప్రాణనష్టం పాడి పంటలు నష్టం జరగకుండా చూడాల్సిన బాధ్యతలు ఉన్నాయి కాబట్టి సంబంధిత అధికారులు వెంటనే ఈ యొక్క ఓ. ఎన్.జీ.సీ. గ్యాస్ లైను సరి చేయవలసిందిగా కోరుకుంటున్నారు.

భద్రతా ఏర్పాట్లను పర్యవేక్షించిన ఎస్సై రవీంద్రారెడ్డి

భద్రతా ఏర్పాట్లను పర్యవేక్షించిన ఎస్సై  రవీంద్రారెడ్డి

 

బేస్తవారిపేట, పెన్ పవర్

 

 బేస్తవారిపేట పట్టణంలో శుక్రవారం బేస్తవారిపేట ఎస్సై రవీంద్రారెడ్డి రెడ్ జోన్, బఫర్ జోన్, కంటోన్మెంట్ జోనల్ లో భద్రతా ఏర్పాట్లను పర్యవేక్షించారు. బేస్తవారపేట పట్టణంలోని రాణిపేట లైన్, గాంధీ బజారు, ఆంజనేయులుస్వామి బజారులో ఒక్కొక్కటి చొప్పున కరోనా పాజిటివ్ కేసులు నమోదు కావడంతో అక్కడ రెడ్ జోన్, కంటోన్మెంట్ జోన్లు ఏర్పాటు చేసి ఎస్సై రవీంద్రారెడ్డి భద్రతా ఏర్పాట్లను పర్యవేక్షిస్తున్నారు.ఈ సందర్భంగా తన సిబ్బందితో బయటి వారిని ఎవరినీ కంటోన్మెంట్ జోన్ లోకి ప్రవేశించకుండా జాగ్రత్తలు తీసుకోవాలని, అలాగే కంటోన్మెంట్లో నుండి కూడా ఎవరూ బయటకు వెళ్లకుండా జాగ్రత్తలు తీసుకోవాలని సిబ్బందికి ఆదేశించారు.

అక్రమంగా తెల్లరాయి తరలింపు

  అక్రమంగా తెల్లరాయి తరలింపు

 సిపిఎం జిల్లా కార్యవర్గ సభ్యులు చిన్నయ్య పడాల్.

 

 చింతపల్లి , పెన్ పవర్

 

 ప్రపంచమంతా కరోనా వైరస్తో అతలాకుతలం అవుతుంటే మరో పక్క మైనింగ్ అక్రమార్కులు రెచ్చిపోయి తెల్లరాయి తరలిస్తున్నారని సిపిఎం జిల్లా కార్యవర్గ సభ్యులు బోనంగి చిన్నయ్య పడాల్ మండిపడ్డారు. శుక్రవారం మండలంలోని పెదబరడ పంచాయతీ లోని మడిగుంట,తెరపల్లి, రాజుపాకల గ్రామాలలో పర్యటించి కరోనా వైరస్ స్వీయ నిర్బంధ సమయంలో గిరిజనులు ఎదుర్కొన్న సమస్యలను అడిగి తెలుసుకున్నారు. తెరపల్లి గ్రామస్తులు మైనింగ్ వ్యాపారులు అక్రమంగా తెల్లరాయి (గ్రానైట్) తరలించుకుపోతున్నారని వివరాలు తెలిపారు. ఈ సందర్భంగా చిన్నయ్య పడాల్  మాట్లాడుతూ గత కేంద్ర, రాష్ట్ర ప్రభుత్వాల హయాంలో తెల్లరాయి, ఎర్ర మట్టి క్యారీలు బినామీల పేరిట మంజూరు చేసుకున్నాయని ఆయన ఆరోపించారు.1/70 చట్టం ప్రకారం ఈ క్వారీలు నిర్వహించకూడదని పలుమార్లు ఆందోళనలు చేపట్టి,అధికారులకు వినతి పత్రాల ద్వారా విన్నవించినా కనీసం చీమకుట్టినట్లు కూడా లేదని ఆయన ఆవేదన వ్యక్తం చేసారు. ఈ క్వారీల తవ్వకాల వలన గ్రామం చుట్టు ప్రక్కల ఉన్న భూగర్భ జలాలు మొత్తం అడుగంటి పోతున్నాయని ఆయన ఆవేదన వ్యక్తం చేశారు. అంతేకాకుండా త్రాగే నీరు పూర్తిగా కలుషితమ వుతున్నాయన్నారు.ఈ నీటిని సేవించడం వలన విషజ్వరాలు ప్రబలే అవకాశాలు ఉన్నాయని ఆయన తెలిపారు. ఈ తవ్వకాలు నిర్వహించడానికి అధికార పార్టీ నాయకులే కారణమని ఆయన ఆవేదన వ్యక్తం చేశారు.ఆందోళనలుచేసిన ప్రతిసారి అధికారులు, పాలకులు ఈ తవ్వకాలు రద్దు చేస్తామని ప్రజలకు మోసపూరిత ప్రకటనలు చేస్తూ ఈ క్వారీల ద్వారా నెలవారిమామ్ముళ్ళు దండుకుంటున్నారని ఆయన ఆరోపించారు.జీవో నెం 97 రద్దు చేసి ఉంటే గిరిజన ప్రాంతంలో ఉన్న మైనింగ్, గ్రానైట్ తవ్వకాలు నిలుపుదల చేసేవారని, జీవోనెం 97  అమలులో ఉండడం వల్లనే ఈ క్వారీల్లో అక్రమంగా తవ్వకాలు జరుగుతున్నాయని ఆయన గుర్తు చేశారు. గతంలో తెలుగుదేశం ప్రభుత్వం చేసిన తప్పే నేడు వైయస్సార్ కాంగ్రెస్  ప్రభుత్వం చేస్తుందని ఆయన అన్నారు.అక్రమంగా తరలిస్తున్న తెల్లరాయి క్యారీని వెంటనే రద్దు చేయకుంటే ఈ చుట్టుపక్కల గ్రామస్థులతో కలిసి ఆందోళనలు చేపడతామని ఆయన హెచ్చరించారు. ఈ కార్యక్రమంలో సిపిఎం పార్టీ మండల కార్యదర్శి పాంగి ధనుంజయ్, మర్రి అప్పారావు పాల్గొన్నారు.