ఏవోబీలో ఉద్రిక్త పరిస్థితులు
మావోయిస్టు పోలీసుల మధ్య సాగుతున్న ఎదురుకాల్పులు.
ఏవోబీలో ఉద్రిక్త పరిస్థితులు.
మావోల ప్లీనరీ పై సాయుధ పోలీసులు దాడి.
త్రుటిలో తప్పించుకున్న ఆర్కె.చలపతి అరుణలకు గాయాలు.
ఒడిశాలో గాయపడ్డ ఇద్దరు మావోల మృతి
విశాఖపట్నం_బ్యూరో ఛీఫ్ (పెన్ పవర్)
ఆంధ్ర ఒడిశా సరిహద్దుల్లో మావోయిస్టులు పోలీసుల మధ్య చోటు చేసుకున్న ఎదురుకాల్పుల దాడి ఇంకా కొనసాగుతూనే ఉంది. మావోయిస్టులు పోలీసులు వ్యూహం ప్రతి వ్యూహం తో కాల్పులకు తెగ పడుతున్నారు. మూడు రోజుల్లో రెండుసార్లు ఎదురు కాల్పులు జరిగాయి అంటే అర్థమవుతుంది. గాయపడ్డ మావోయిస్టులను పట్టుకోవాలని పోలీసులు గాలిస్తున్నారు. తప్పించుకునే పనిలో మావోయిస్టులు కొనసాగుతున్నారు. ఎదురుకాల్పుల్లో గాయపడ్డ మావోయిస్టులు ఇద్దరు మృతి చెందినట్లు సమాచారం. ఈనెల 28 నుంచి వచ్చే నెల మూడో తారీకు వరకు అమరవీరుల దినోత్సవాలను జరుపుకొంటారు. ఈ నేపథ్యంలో ఏ ఓ బి పరిధిలో ఉందిబుధవారం రాత్రి మావోయిస్టు అగ్రనేత అక్కిరాజు హరగోపాల్( ఆర్ కె) చలపతి అరుణల ఆధ్వర్యంలో ప్లీనరీ నిర్వహిస్తున్నట్లు సమాచారం అందడంతో సాయుధ పోలీస్ బలగాలు గాలింపు చర్యలు చేపట్టారు. ఎదురుపడ్డ మావోయిస్టులు పోలీసుల మధ్య కాల్పులు జరిగాయి. ఆర్ కె తృటిలో తప్పించుకున్న ఏ ఓ బి కార్యదర్శి చలపతి అరుణ లకు గాయాలైనట్లు తెలుస్తోంది. వారు విడిచి వెళ్ళిన కిట్ బ్యాగులు రైఫిల్ స్వాధీనపర్చుకున్నారు. పెదబయలు ముంచంగిపుట్టు అటవీ ప్రాంతాల్లో మావోయిస్టు చొరబడి నట్లు తెలిసి పోలీసులు ముమ్మరంగా గాలిస్తున్నారు. అడుగడుగున అణువు అణువున తనిఖీలు సోదాలు చేస్తున్నారు. ఒడిశా కోడుమూల్ జిల్లా కుమ్మడి బంద గ్రామం వద్ద మావోయిస్టులు పోలీసు బలగాలకు మధ్య జరిగిన ఎదురుకాల్పుల్లో పలువురు మావోయిస్టులకు గాయాలైనట్లు సమాచారం. నాలుగు రోజుల తర్వాత ఇద్దరు మావోయిస్టుల మృతి చెందినట్లు భోగట్టా. ఇటీవల బలి మల వద్ద ఎదురు కాల్పులు జరిగాయి. 16 19 22 తేదీల్లో మావోయిస్టు పోలీసుల మధ్య ఎదురు కాల్పులు జరిగాయి. మావోయిస్టు అగ్రనేత ఆర్ కె. తప్పించుకో గా ఏ ఓ బి కార్యదర్శి చలపతి అరుణ లు గాయాలతో బయట పడ్డారు. వీరిలో ఎవరో ఒకరు పట్టుబడక తప్పదని ఆంధ్ర ప్రదేశ్ పోలీస్ సాయుధ బలగాలు జల్లెడ పడుతున్నారు. ప్రతీకార చర్యల భయం మన్యాన్ని వెంటాడుతుంది.
