అక్రమ మద్యం పట్టివేత ముగ్గురు అరెస్ట్

అక్రమ మద్యం పట్టివేత ముగ్గురు అరెస్ట్

 

 

(కాకినాడ స్టాఫ్ రిపోర్టర్)

 

 

 బుధవారం మధ్యాహ్నం కాకినాడ జె ఎన్ టి యు వద్ద జరిపిన దాడిలో  ఇద్దరు వ్యక్తుల నుండి అక్రమ మద్యాన్ని స్వాధీనం చేసుకున్నట్టు  స్పెషల్  ఫోర్స్ మెంట్ బ్యూరో కాకినాడ నార్త్ సీఐ .జి వెంకట లక్ష్మి తెలిపారు .

ఈ సందర్భంగా ఆమె మాట్లాడుతూ మాకు వచ్చిన సమాచారం మేరకు,ఏపీ39 డిఓ155అను నెంబర్ గల ఆటో లో పిఠాపురం నుండి కాకినాడకు మద్యం తరలిస్తున్నట్లు సమాచారం వచ్చిందని, తదనంతరం ఆ సమాచారం ఆధారంగా స్థానిక జె.ఎన్.టి.యు మెయిన్ గేట్  సమీపంలో సదరు ఆటోను ఆపి తనిఖీ చేయగా అందులో 180 ఎం.ఎల్.గల 40 మద్యం బాటిల్ ను కనుగొనడం జరిగిందని , వీటిని తరలిస్తున్న కాకినాడ రూరల్ మండలం సూర్యాపేటకు చెందిన ముమ్మిడి శివ శంకర్ సన్నాఫ్ ప్రకాష్ రావు, మరియు ఆవ శ్రీనివాసు సన్నాఫ్ అప్పారావును అరెస్ట్ చేసి మద్యాన్ని, ఆటోను సీజ్ చేసినట్లు చెబుతూ, వీరుఈ మద్యాన్ని పిఠాపురం ప్రభుత్వ మద్యం షాపు నుండి  కొనుగోలు చేసి కాకినాడ కొత్తపేట మార్కెట్ సమీపంలో అధిక ధరలకు విక్రయించుటకు తీసుకెళ్తునట్లు ఆమె తెలిపారు. అలాగే కాకినాడ అన్నమ్మ ఘాటీ కి చెందిన ఎదలాడ చంటి అనే వ్యక్తి నుండి 180ఎం.ఎల్.12 మద్యం సీసాలను స్వాధీనం చేసుకుని ఇతను కూడా అరెస్టు చేసినట్లు సి ఐ జి వెంకట లక్ష్మి తెలిపారు.ఆటో సీజ్ తో  పాటు, వీరి ముగ్గురి పై  కేసులు నమోదు చేసి కోర్టు తరలించినట్లు చెప్పారు.ఈ దాడులలో

సి.ఐ .జి.వెంకట లక్ష్మీ ,తోపాటు ఎస్.ఐ,యస్.ఈ.బి సిబ్బందిపాల్గొన్నారు.

 

 

మొక్కల తోనే పర్యావరణ పరిరక్షణ

మొక్కల తోనే పర్యావరణ పరిరక్షణ.

 

 

 అక్కయ్యపాలెం ,పెన్ పవర్ 

 

 

రాష్ట్ర ప్రభుత్వం ప్రతిష్టాత్మకంగా ఏర్పాటు చేసిన జగనన్న పచ్చతోరణం కార్యక్రమంలో భాగంగా జీవీఎంసీ 46వ వార్డు పరిది లక్మనారాయణపురం-1లో మాజీ కార్పొరేటర్ సేనాపతి అప్పారావు మొక్కలు నాటారు.ఈ సందర్భంగా సేనాపతి అప్పారావు మాట్లాడుతూ  మొక్కల తోనే పర్యావరణ పరిరక్షణ అని,మానవ మనుగడకు మొక్కలు పెంపకమే జీవనాదరమని అన్నారు. ఈ కార్యక్రమంలో తారకేశ్వరరావు,దూది నర్సింగరావు,రాఘవులు, రామారావు తదితరులు పాల్గొన్నారు.

కరోనా నియంత్రణ ప్రభుత్వ వైఫల్యం

కరోనా నియంత్రణ ప్రభుత్వ వైఫల్యం

చింతపల్లి , పెన్ పవర్

కరోనా వైరస్ ప్రపంచాన్ని ముంచెత్తి, మృత్యువు విలయతాండవం చేస్తుంటే నిస్సహాయ పరిస్థితిలో ప్రభుత్వ యంత్రాంగం యొక్క నిర్లక్ష్యం స్పష్టంగా కనిపిస్తుందని గిరిజన సంఘం జిల్లా ఉపాధ్యక్షులు పాంగి ధనుంజయ్ అన్నారు. బుధవారం ఆయన స్థానిక విలేఖర్లతో మాట్లాడుతూ స్వీయ నిర్బంధం (లాక్ డౌన్) తరువాత మైదాన ప్రాంతీయులు జోరుగా ఏజెన్సీలో కలియ తిరగడంతో  కరోనా విస్తరిస్తుందన్నారు. ఈ పరిస్థితిని కట్టడి చేయవలసిన ప్రభుత్వ యంత్రాంగం ఏ మాత్రం ఆ దిశగా చొరవ చూపడం లేదని ఆయన ఆవేదన వ్యక్తం చేశారు. మైదాన ప్రాంత వ్యాపారస్తుల వలన శరవేగంగా మన్యంలో కరోనా వైరస్ వ్యాప్తి  చెందుతున్న దృశ్య స్వచ్చందంగా మన్య ప్రాంత వాసులు స్వీయ నిర్బంధం పాటిస్తూ, వారపు సంతలు రద్దు చేసి, మైదాన ప్రాంత వ్యాపారులను మన్యంలో అడుగుపెట్టకుండా అడ్డుకుంటుంటే పోలీసులు మన్య వాసులను భయపెట్టి మైదాన ప్రాంత వ్యాపారులను ఆహ్వానిస్తున్నారని  ఇది ప్రజా వ్యతిరేక చర్య అని ఆయన ఆరోపించారు. ప్రజల ప్రాణాలకు ముప్పు వాటిల్లకుండా చర్యలు తీసుకోవాల్సిన ప్రభుత్వమే చేతులెత్తేయడం అంటే అంతకంటే దయనీయమైన పరిస్థితి మరొకటి లేదన్నారు. ఇప్పటికైనా ప్రభుత్వ యంత్రాంగం పునరాలోచించి ప్రతి మారుమూల గిరిజన గ్రామాల్లో అవగాహన కల్పించి గిరిజనుల్లో మనోధైర్యాన్ని కలిగించాలని ఆయన కోరారు.

 

 

 

 

వాసవి క్లబ్ ఆధ్వర్యంలో మొక్కలు నాటు

వాసవి క్లబ్ ఆధ్వర్యంలో మొక్కలు నాటు

 

అనకాపల్లి,పెన్ పవర్ 

 

వాసవి క్లబ్ అంతర్జాతీయ వేడుకల్లో భాగంగా క్లబ్ ఆధ్వర్యంలో బుధవారం మొక్కలు నాటారు. సత్యనారాయణ పురం మండల ప్రాథమిక పాఠశాల ఆవరణలో క్లబ్ జిల్లా గవర్నర్ పూసర్ల నారాయణ చేతుల మీదగా మొక్కలు నాటారు. చైర్మన్ శంకర్రావు, అధ్యక్షులు వీరభద్రరావు,  కార్యదర్శి సత్య ప్రధానోపాధ్యాయులు కృష్ణంరాజు తదితరులు పెనుమత్స పాల్గొన్నారు.

 

 

 

 

 

ఆంధ్రప్రదేశ్‌లోని మత్స్యకారుల సంఘం కృతజ్ఞతలు

మోపిదేవి వెంకటరమణకు మరియు డా.సిదిరి అప్పలరాజుకు ఆంధ్రప్రదేశ్‌లోని మత్స్యకారుల  సంఘం కృతజ్ఞతలు

 

పూర్ణా మార్కెట్, పెన్ పవర

 

ఆంధ్రప్రదేశ్‌లోని మత్స్యకారుల సంఘం వార్షికోత్సవాలలో,జూలై 22, 2020 ఒక రెడ్ లెటర్ డే, అందులో పెద్దాయన మోపిదేవి వెంకటరమణ రావు ప్రమాణ స్వీకారం చేసిన పెద్దాల (రాజ్య) సభను ప్రతిష్టాత్మక పార్లమెంటు సభ్యుడిగా తీసుకున్నారు. మరియు చిన్నాయన  డా.సిదిరి.అప్పలరాజు ఆంధ్రప్రదేశ్ ప్రభుత్వంలో రాజ్‌భవన్‌ను విశిష్ట మంత్రిగా ప్రమాణ స్వీకారం చేశారు. మత్స్యకారుల సంఘం నుండి మన సహోదరులకు ఈ గౌరవనీయమైన పదవులను నామినేట్ చేసినందుకు గౌరవనీయ ముఖ్యమంత్రి  జగన్మోహన్ రెడ్డికి ఒక స్వరంతో లేచి, మన వినయపూర్వకమైన కృతజ్ఞతలు తెలియజేద్దాం.  ఈ సంఘటనను జరుపుకుందాం, కాని ఈ ఇద్దరు బలవంతులను రక్షించే బాధ్యతను తీసుకుందాం అని మాజీ వైస్ చాన్సలర్ ,ప్రొఫెసర్ చొడిపల్లి సుధాకర్, మరియు మూగి శ్రీరామ్ మూర్తి హర్షం వ్యక్తం చేశారు. 

తక్షణమే లబ్ధిదారులకు ఇండ్లను అందజేయాలి

తక్షణమే లబ్ధిదారులకు ఇండ్లను అందజేయాలి

 

 

అనకాపల్లి, పెన్ పవర్

 

కేంద్ర ప్రభుత్వం ఆర్థిక సహాయంతో నిర్మించిన ఇళ్లను తక్షణమే లబ్ధిదారులకు అందజేయాలని బిజెపి జనసేన నాయకులు డిమాండ్ చేశారు. బుధవారం మండలంలోని మెగా లేఅవుట్ ఆవరణలో బిజెపి, జనసేన పార్టీ ఆధ్వర్యంలో ధర్నా కార్యక్రమం నిర్వహించారు. బిజెపి రాష్ట్ర కార్యవర్గ సభ్యులు గంగ పాము నాగేశ్వరరావు, జిల్లా ప్రధాన కార్యదర్శి కొణతాల అప్పలరాజు మాట్లాడుతూ  గత ప్రభుత్వ హయాంలో కేంద్ర పథకం పీఎంఏవై పథకం ద్వారా నిర్మించిన ఇండ్ల కోసం లబ్ధిదారులు ఎదురు చూస్తున్నారని, పేదలను ఇబ్బందులకు గురి చేయడం ప్రభుత్వానికి తగదన్నారు. టీడీపీ ప్రభుత్వ హయాంలో ఇండ్ల నిర్మాణం లో జరిగిన అవినీతిపై విచారణ చేయాలని వారు డిమాండ్ చేశారు. అనంతరం ఇటుక ఇటుక లో అవినీతి చంద్రన్న పాలన అని, అడుగు అడుగు లో అరాచక జగనన్న పాలన, ప్రతి పేదవాడికి ఇల్లు బిజెపి కళ అంటూ పెద్దపెట్టున నినాదాలు చేశారు. ఈ కార్యక్రమంలో బిజెపి జిల్లా ఉపాధ్యక్షులు పి. నాగేశ్వరరావు, బిజెపి నాయకులు కోలపర్తి  శ్రీను, వుడా రమేష్,  కిర్ల  అప్పారావు, నర్సింగ్ యాదవ్ జనసేన పార్టీ నాయకులు  జగదీష్, పెద్దిశెట్టి దుర్గ,  తాడి చక్రవర్తి తదితరులు పాల్గొన్నారు.

 

 

 

అవినీతిరహిత భారతం మనందరి లక్ష్యం కావాలి: ఉపరాష్ట్రపతి

 

అవినీతిరహిత భారతం మనందరి లక్ష్యం కావాలి: ఉపరాష్ట్రపతి

 

- రాజ్యాంగ పవిత్రతను కాపాడటం ప్రజలందరి బాధ్యత

- ప్రజాస్వామ్యానికి జవాబుదారితనం, పారదర్శకత, సుపరిపాలన పట్టుకొమ్మలు

- కాగ్ కార్యాలయ ప్రాంగణంలో డాక్టర్ బీఆర్ అంబేడ్కర్ విగ్రహావిష్కరణ సందర్భంగా గౌరవ ఉపరాష్ట్రపతి శ్రీ ముప్పవరపు వెంకయ్యనాయుడు

 

(పెన్ పవర్ ప్రత్యేక ప్రతినిధి, ఢిల్లీ నుంచి)

 

 

 

భారతదేశాభివృద్ధికి అవినీతి ఓ అవరోధంగా మారిందని.. దీన్ని దేశం నుంచి పారద్రోలేందుకు ప్రభుత్వంతోపాటు పౌరసమాజం, ప్రజలు సంయుక్తంగా పనిచేయాలని ఉపరాష్ట్రపతి శ్రీ ముప్పవరపు వెంకయ్యనాయుడు పిలుపునిచ్చారు. బుధవారం ఢిల్లీలోని కంప్ట్రోలర్ అండ్ ఆడిటర్ జనరల్ (కాగ్) కార్యాలయంలో రాజ్యాంగ నిర్మాత డాక్టర్ బీఆర్ అంబేడ్కర్ విగ్రహాన్ని ఆవిష్కరించిన అనంతరం ఉపరాష్ట్రపతి ప్రసంగించారు. 

‘రాజనీతిజ్ఞతతోపాటు సంఘ సంస్కర్తగా, తత్వవేత్తగా, మేధావిగా, న్యాయకోవిదుడిగా, ఆర్థికవేత్తగా, రచయితగా, మానవతా మూర్తిగా బహుముఖ ప్రజ్ఞ కలిగిన గొప్ప వ్యక్తి డాక్టర్ బీఆర్ అంబేడ్కర్. ప్రపంచంలోనే దృఢమైన రాజ్యాంగం కలిగుండటం భారతదేశ ప్రత్యేకత. దీని రూపకల్పనతోపాటు క్లిష్టమైన సమయంలో బాబాసాహెబ్ అంబేడ్కర్ పోషించిన పాత్ర అత్యంత కీలకం‘ అని ఉపరాష్ట్రపతి పేర్కొన్నారు. భారత రాజ్యాంగం నేటికీ దేశానికి ఓ మార్గదర్శిగా దారిచూపిస్తోందన్న విషయాన్ని గుర్తుచేశారు. అలాంటి రాజ్యాంగ పవిత్రతను కాపాడటంలో ప్రతి భారతీయుడు చిత్తశుద్ధితో పనిచేయాలన్నారు.

బడుగు, బలహీన, అణగారిన వర్గాల గుండెల్లో ప్రత్యేక స్థానం సంపాదించుకున్న డాక్టర్ అంబేడ్కర్.. తన జీవితంలో చివరి క్షణం వరకు సామాజిక అసమానత, కుల, లింగ వివక్షతకు వ్యతిరేకంగా మహిళా సాధికారతకోసం కృషిచేశారన్నారు. ‘ఇలాంటి మహనీయుల జీవితాన్ని, వారు చూపిన ఆదర్శాలను గుర్తుచేసుకుని.. వాటినుంచి మనతోపాటు భవిష్యత్ తరాలు స్ఫూర్తి పొందడమే.. వీరి విగ్రహాలను ఏర్పాటుచేయడం వెనక ఉద్దేశం’ అని ఉపరాష్ట్రపతి పేర్కొన్నారు. 

డాక్టర్ అంబేడ్కర్ దూరదృష్టి కారణంగానే.. కాగ్ వంటి సంస్థల ఏర్పాటుతోపాటు వీటికి స్వయం ప్రతిపత్తి దక్కిందని ఆయన గుర్తుచేశారు. జవాబుదారీతనం, పారదర్శకత, సుపరిపాలన ప్రజాస్వామ్యానికి పట్టుకొమ్మలన్న ఉపరాష్ట్రపతి.. స్వతంత్రత, నిష్పాక్షికత, సమగ్రత, విశ్వసనీయత, శ్రేష్ఠత, పారదర్శకత, సానుకూల దృక్పథం మొదలైన కాగ్ మూలవిలువలకు.. డాక్టర్ బీఆర్ అంబేడ్కర్ జీవితమే ప్రేరణ అని అన్నారు. ప్రభుత్వ కార్యకలాపాల నిర్వహణలో కార్యకుశలత, కార్యసాధత వంటివి పెరిగేందుకు.. ప్రభుత్వం యంత్రాంగం లోపాలను సరిదిద్దుకుని మార్పులు, చేర్పులతో మరింత సమర్థవంతంగా ముందుకెళ్లేందుకు కాగ్ ఇచ్చే నివేదికలు ఎంతగానో ఉపయోగకరమని ఆయన పేర్కొన్నారు. 

‘2022 కల్లా కాగితరహిత కార్యలాపాలు నిర్వహించాలన్న కాగ్ నిర్ణయం ముదావహం’ అని ఉపరాష్ట్రపతి అన్నారు. ఈ కార్యక్రమంలో కంప్ట్రోలర్ అండ్ ఆడిటర్ జనరల్ శ్రీ రాజీవ్ మెహర్షి, డిప్యూటీ కాగ్ శ్రీమతి అనితా పట్నాయక్ తదితరులు పాల్గొన్నారు.