PEN POWER

వేoకటాపురం గ్రామంలో ప్రతి ఇంటికి శానిటైజర్ బాటిల్స్ పంపిణీ

వేoకటాపురం గ్రామంలో ప్రతి ఇంటికి శానిటైజర్ బాటిల్స్ పంపిణీ చేసిన

బలిరెడ్డి శ్రీనివాసరావు

మునగపాక పెన్ పవర్

మునగపాక మండలం:భారతీయ జనతా కిసాన్ మోర్చా జిల్లా ప్రధాన కార్యదర్శి బలిరెడ్డి శ్రీనివాసరావు ఆద్వర్యంలో వెంకటాపురం గ్రామంలో ప్రతీ ఇంటికీ శానిటైజర్ బాటిల్స్ పంపిణీ చేయడం జరిగినది.ఈ కార్యక్రమానికి కిసాన్ మోర్చా రాష్ట్ర ప్రధాన కార్యదర్శి గొంతిన భక్త సాయిరామ్ ముఖ్య అతిధిగా విచ్చేశి నరేంద్ర మోదీ రెండవ సారి ప్రధాన మంత్రిగా భాద్యతలు చేపట్టిన ఈ సంవత్సరకాలంలో ఆయన చేపట్టిన అనేక సంస్కరణలు, ప్రజాప్రయోజన కార్యక్రమాలను తెలియజేసారు ,కరోనా మహమ్మారి నుండి భారతదేశాన్ని , దేశ ప్రజలను సంరక్షించుటకు తీసుకున్న నిర్ణయాలకు ప్రపంచ వ్యాప్తంగా మన్ననలు పొందారు, అని తెలిపారు.ఈ కార్యక్రమంలో బిజెపి రాష్ట్ర కార్యవర్గ సభ్యులు గంగుపాం నాగేశ్వరరావు,పార్టీ జిల్లా ఉపాధ్యక్షులు పొలమరశెట్టి నాగేశ్వరరావు, జిల్లా కార్యదర్శి వూడా రమేష్ ,పార్టీ కార్యకర్తలు పాల్గొన్నారు

మిస్టర్ లోన్లీ సినిమా పోస్టర్ ఆవిష్కరించిన ఎంపీ ఎం వి వి సత్యనారాయణ.

మిస్టర్ లోన్లీ సినిమా పోస్టర్ ఆవిష్కరించిన ఎంపీ

ఎం వి వి సత్యనారాయణ.

విశాఖపట్నం_బ్యూరో ఛీప్ (పెన్ పవర్)

ఎస్ కె ఎమ్ ఎల్ మోషన్ పిక్చర్స్ నేతృత్వంలో రూపొందుతున్న మిస్టర్ లోన్లీ చిత్రం పోస్టర్ ను విశాఖ ఎంపీ, సినీ ప్రొడ్యూసర్ ఎం.వి.వి.సత్యనారాయణ వారం ఆయన కార్యాలయంలో ఆవిష్కరించారు.

సినీ ప్రొడ్యూసర్ కాండ్రేగుల ఆదినారాయణ, డైరెక్టర్ ముక్కి హరీష్ కుమార్ సమక్షంలో జరిగిన ఈ కార్యక్రమంలో ఎంపీ ఎం వి వి సత్యనారాయణ మాట్లాడుతూ ఈ చిత్రం విజయం సాధించాలని, కథాంశం అందరినీ ఆకట్టుకుంటుందని అభిప్రాయపడ్డారు. నిర్మాత కాండ్రేగుల ఆదినారాయణ మాట్లాడుతూ యువత నేపథ్యంలో ప్రేమకథ తో సాగే ఈ చిత్రం అన్ని వర్గాల ప్రజలను కచ్చితంగా ఆకట్టుకుంటుంది అన్నారు.

ఈ చిత్రంలో ఫోటో గ్రఫీ ఆనంద్ గారా, నటీనటులు విక్కీ, , కియారెడ్డి , సోనాలి వర్ధమ్ లోహిత తదితరులు ఈ కార్యక్రమంలో పాల్గొన్నారు.

అంతరించిపోతున్న అడ్డాకుల చెట్లు

*ఆదివాసీలకు అడ్డాకు చెట్టు పై

అటవీశాఖ అవగాహన కల్పించాలి

చింతపల్లి పెన్ పవర్

ఏ శుభకార్యమైనా విస్తరాకులు వేయాల్సిందే! దానిలో పప్పన్నం తినాల్సిందే! కానీ నేడు కాలం మారింది.ఆధునిక పేరుతో జనాలు మన సంస్కృతి, సాంప్రదాయాలు విస్మరించారు. భోజనం చేయడానికి కూడా తీరిక ఉండడం లేదు. కృత్రిమంగా తయారుచేసిన పేపర్ ప్లేట్ లో నిలబడి( బఫె) హడావిడిగా తినేస్తున్నారు. అడ్డాకులతో చేసిన విస్తరాకులకు ఆదరణ తగ్గింది. అయినప్పటికీ గుళ్లు, గోపురాల్లో ఇంకా విస్తరాకులు వినియోగిస్తున్నారు. అడ్డాకులు అంతరించిపోయే పరిస్థితి నెలకొంది. ఆదివాసీలకు అటవీశాఖ అవగాహన కల్పించాల్సిన అవసరం ఎంతైనా ఉంది. విశాఖ మన్యంలో ప్రకృతి సిద్ధంగా లభించే తీగజాతి సంతతికి చెందినది ఈ అడ్డ చెట్టు. ఏ జాతి చెట్టయినా దానిలో కొన్ని భాగాలు మాత్రమే ఉపయోగపడతాయి.ఉదాహరణకు అడవిలో టేకు చెట్టు కలప గృహ అలంకరణ కు మాత్రమే ఉపయోగకరంగా ఉంటుంది. కానీ అడ్డ చెట్టు అలా కాదు. దాని ఆకులు,కాండం,పిక్కలు ఏ ఒక్కటి కూడా పనికి రాదు అనడానికి వీలు లేదు. అడ్డాకుల తో విస్తరాకులు తయారు చేస్తారు. అడ్డ పిక్కలు వేపుకొని తింటే ఆరోగ్యానికి ఎంతో మంచిది. ఈ పిక్కలు తినడం వలన ఏ మాత్రలు వాడకుండా చిన్న పిల్లలతో పాటు పెద్దవారి కడుపులో నులి పురుగులు చనిపోతాయి. ఇక కాండం. శీతాకాలంలో కాండం మీద ఉన్న పొరను ఒలిచి తాడులా ఉపయోగిస్తారు. ఈ తాడు ఇనుప తీగ కంటే గట్టిగా ఉంటుంది. ఈ అడ్డ చెట్టు ను చిన్న చిన్న ముక్కలుగా చేసి ఎండబెడతారు. శీతాకాలంలో వీటిని మంట పెట్టుకుంటే తెల్లవార్లు నిప్పులు అలాగే ఉండి గదిలో వేడిగా ఉంటుంది. గిరిజనులు చలి నుంచి ఉపశమనం పొందేందుకు విరివిగా ఈ చెట్లను బలి తీసుకుంటున్నారు. ఇప్పటికైనా గిరిజనుల్లో అవగాహన కల్పించకుంటే విస్తరాకు లకు అంతం ప్రారంభమైనట్లే.

మా మోర ఆలకించండి సారూ..

అంబులెన్స్ అందుబాటులో లేక గిరిజనుల అవస్థలు.

చింతపల్లిలో ఉంటున్న గూడెం 108వాహనం.

గూడెం కోత్త వీధి, పెన్ పవర్

పేదలకు వైద్య సేవలు చేరువ చేయాలని ప్రభుత్వం ప్రతీ మండలంలో ఒక 108 అంబులెన్స్ ని ఏర్పాటు చేసింది. ఈనేపద్యంలో గూడెం కొత్తవీధి మండలానికి కేటాయించిన 108 అంబులెన్స్ వాహనం మాత్రం చింతపల్లి మండల కేంద్రం లో ఉంటుంది. అందువల్ల గూడెం కొత్తవీధి మండలం గిరిజనులు నానా అవస్థ లకుగురవుతున్నారు. మండలంలో శివారు గ్రామాలకు రహదారి సౌకర్యం లేక గిరిజనులు రాకపోకలకు వీలు లేకుండా పోయింది. గిరి పుత్రులు అనారోగ్యం కు గురైతే ఆసుపత్రి కి తరలించడం ప్రాణ సంకటంగా మారింది. అత్యవసర పరిస్థితుల్లో 108 వాహనం కోసం కాల్ చేస్తే గంటల తరువాత పక్క మండలం నుంచి వస్తుందని గిరిజనులు బాహాటంగా ఆరోపిస్తున్నారు. అంబులెన్స్ వెళ్లలేని ప్రాంతాల నుంచి రోగిని బైక్ అంబులెన్స్ ద్వారా తీసుకుని రోడ్డు సౌకర్యమున్న చోటికి చేర్చలి. మండలంలో అలా జరగటం లేదని గిరిజనులు వాపోతున్నారు ప్రమాదం సంభవించినా తరువాత ప్రాణం కోల్పోయిన స్థితిలో ఉన్న రోగులు ఫోన్ చేసినప్పటికీ కనీసం 108. కి పోన్ చెస్తే కాల్ కట్ చేస్తున్నారని . అత్యవసర పరిస్థితుల్లో ప్రాణానికి ముప్పు వాటిల్లే ప్రమాదం ఉన్నాందున అటువంటి సమయంలో కూడా సకాలంలో ఆసుపత్రికి తరలించేందుకు రావాల్సిన 108 అంబులెన్స్ కు సంబందిచి ఫోన్ చేస్తే కాల్ సెంటర్ నుండి గాని దానికి సంబంధించిన అధికారుల నుంచి గాని సరైన స్పందన లేదని మండల ప్రజలు, రోగులు ఆవేదన వ్యక్తం చేస్తున్నారు. ఇప్పటికైనా జిల్లా నాయకులు, అధికారులు చొరవతీసుకుని స్పందించాలని వేడుకుంటున్నారు .

ఎస్. ఐ ఆధ్వర్యంలో ప్రజలకు అవగాహన

ఐ.పోలవరం మండలం

కరోనా వైరస్ విలయతాండవం చేస్తున్న నేపథ్యంలో ఎదుర్లంక చెక్ పోస్ట్ వద్ద ఎస్.ఐ.రాము అవగాహనా కార్యక్రమం నిర్వహించారు. మాస్కులు లేకుండా నిర్లక్ష్యంగా రోడ్లపై తిరుగుతున్న వారితో ఫ్లకార్డులు చేతపట్టించారు.ప్రజలు మాస్కులు తప్పకుండా ధరించాలి,సామాజికదూరం పాటించాలంటూ ప్రజలకు విజ్ఞప్తి చేసారు.

పద్మనాభం 21 వ వర్ధంతి కాంగ్రెస్ ఘన నివాళులు.

రాజోలు, పెన్ పవర్

రాష్ట్ర మాజీ మంత్రివర్యులు, ప్రజా నాయకుడు స్వర్గీయ శ్రీ పంతం పద్మనాభం గారి 21 వ వర్ధంతి సందర్భముగా రాజోలు నియోజకవర్గం కాంగ్రెస్ పార్టీ ఆయనకు ఘనంగా నివాళులు అర్పించారు.ఆయన జిల్లాకే కాక రాష్ట్రానికి కులమతాలతో సంబంధం లేకుండా ఆయన ఎన్నో సేవలు చేశారని మెట్ట ప్రాంతంలో పంతం వారు కుటుంబానికి మంచి పేరు ప్రతిష్టలు ఉన్నాయని జిల్లా కాంగ్రెస్ కమిటీ ఉపాధ్యక్షుడు రుద్రరాజు గోపాలకృష్ణ రాజు లక్కవరంలో జరిగిన కార్యక్రమంలో అభిప్రాయపడ్డారు. ఈ కార్యక్రమములో కూనపు రెడ్డి కృష్ణ ,అల్లూరి మధు రాజు, చిలకపాటి శ్రీధర్ , అప్పన శ్రీ రామకృష్ణ, గెడ్డం వెంకటేశ్వరరావు,పెచ్చెట్టి పండు, అప్పారి శ్రీను, పెచ్చెట్టి శివశంకర్ తిరుమల గవర్రాజు, వలవల విజయ్ కుమార్ తదితరులు పాల్గొన్నారు.

ర్యాలి... గ్రామంలో జూనియర్ కళాశాల ఏర్పాటు చెయ్యాలి

పెన్ పవర్, ఆత్రేయపురం

మండలం రాష్ట్రంలో కొత్తగా జూనియర్ కళాశాలలు ఏర్పాటుకు ప్రభుత్వం చర్యలు చేపడుతున్నందున కొత్తపేట నియోజకవర్గం ఆత్రేయపురం మండలం ర్యాలి గ్రామంలో జూనియర్ కళాశాల ఏర్పాటు చేయాలని ఆత్రేయపురం మండల తెలుగుదేశం పార్టీ అధ్యక్షులు ముసునూరి వెంకటరాజు( గబ్దర్ సింగ్) డిమాండ్ చేశారు. ఆదివారం ర్యాలి గ్రామ టిడిపి అధ్యక్షులు మెర్ల నాగేశ్వరరావు స్వగృహం వద్డ ఏర్పాటు చేసిన సమావేశంలో ఆయన మాట్లాడారు.వెయ్యి మంది విద్యార్థులు కలిగిన ర్యాలి ప్రభుత్వ ఉన్నత పాఠశాలలోనే కళాశాల నిర్వహణకు గతంలోనే అధికారులు నివేదికలు సిద్దం చేశారని తెలిపారు.ఆత్రేయపురం మండలంలో 10వేలు జనాభా కలిగిన అతి పెద్ద గ్రామం ర్యాలిలోని విద్యార్థుల సంఖ్యను దృష్టిలో పెట్టకొని జూనియర్ కళాశాలను ఏర్పాటు చేయాల్సిన అవసరం ఉందని తెలిపారు.మండలంలో పూర్తి స్థాయిలో ప్రభుత్వ జూనియర్ కళాశాల లేక పోవడంతో అధిక ఫీజులు చెల్లించి ప్రయివేటు కళాశాలలో చదవాల్సి వస్తోందని ఆవేదన వ్యక్తం చేశారు.మండలంలో జూనియర్ కళాశాల అందుబాటులో లేకపోవడంతో 10తరగతి తరువాత ఆడపిల్లలు చదువులు ఆపేసే పరిస్థితి ఏర్పడిందన్నారు. పలు గ్రామాలకు కూడలిగా ఉన్న ర్యాలి గ్రామంలో జూనియర్ కళాశాల ఏర్పాటు చేయాలని తెలుగు దేశం పార్టీ పరంగా డిమాండ్ చేస్తున్నామన్నారు. ఈ సమావేశంలో మండల పార్టీ ప్రధాన కార్యదర్శి చిటికెన సత్యనారాయణ ,మండల ఎస్సీ సెల్ అధ్యక్షులు పాలింగి రవిచంద్ర,నాయకులు గార్లపాటి గోపాలకృష్ణ, ముత్యాల బాబ్జి,ముళ్ళపూడి భాస్కరరావు తదితరులు పాల్గొన్నారు

Followers