క్వారంటైన్ సెంటర్ ను ఆకస్మికంగా తనిఖీ చేసిన మంత్రి. ముత్తంశెట్టి శ్రీనివాస రావు .

క్వారంటైన్ సెంటర్ ను ఆకస్మికంగా తనిఖీ చేసిన మంత్రి.    ముత్తంశెట్టి శ్రీనివాస రావు .

    విశాఖపట్నం_బ్యూరో ఛీప్ (పెన్ పవర్)

 నగరంలో ఆంధ్ర విశ్వవిద్యాలయం మహిళా ఇంజనీరింగ్ కళాశాల వసతి గృహంలో    నిర్వహిస్తున్న క్వారంటైన్  సెంటర్ ను ఆదివారం మధ్యాహ్న భోజన సమయంలో మంత్రి  ఆకస్మికంగా తనిఖీ చేశారు.
సెంటర్ లో సౌకర్యాలపై వారి అభిప్రాయాన్ని, అడిగి తెలుసుకున్నారు. భోజన నాణ్యతపై, ఏర్పాట్లపై సంతృప్తి వ్యక్తం చేశారు. ఈ సందర్భంగా మాట్లాడుతూ అంతర్జాతీయ విమానాల లో విదేశాల నుంచి వచ్చిన ప్రయాణికులను పరీక్ష చేసిన అనంతరం నెగిటివ్ వచ్చినవారిని ఐ సి ఎం ఆర్ మార్గదర్శకాల మేరకు 14 రోజులపాటు తప్పనిసరిగా క్వారంటైన్ లో ఉంచుతున్నారని తెలిపారు. ముఖ్యమంత్రి ఆదేశాల మేరకు వారి ఆరోగ్య పరిరక్షణకు అన్ని సదుపాయాలను కల్పించి, పౌష్టికాహారాన్ని అందిస్తున్నట్టు తెలిపారు. క్వారంటైన్ కేంద్రాలలో ఆహారాన్ని పరిశీలించడం జరిగిందని,భోజనం చాలా బాగుందని అన్నారు.దేశంలో ఏ రాష్ట్రంలో చేయని విధంగా ఏపీలో అధికంగా టెస్ట్ లు చేస్తున్నామన్నారు. జిల్లా వ్యాప్తంగా 64 క్వారంటైన్ కేంద్రాలు లలో మెరుగైన వసతులు కల్పిస్తున్నామన్నారు. ఈ నాలుగు నెలలు లో 16000 మంది క్వారంటైన్ కేంద్రాలు నుంచి డిశ్చార్జ్ అయ్యారని తెలిపారు. జిల్లా స్థాయిలో జాయింట్ కలెక్టర్ పర్యవేక్షణలో క్వారంటైన్ సెంటర్లను నిర్వహిస్తున్నట్టు తెలిపారు. వైద్య ఆరోగ్య శాఖ, రెవిన్యూ, పోలీసు, జీవీఎంసీ సమన్వయంతో పనిచేస్తున్నారని తెలిపారు ప్రస్తుతం జిల్లాలో 2186 మంది క్వారంటైన్ సెంటర్లలో ఉన్నారని తెలిపారు. నగరంలో కంటోన్మెంట్ జోన్ల కట్టడి పై సమీక్షిస్తున్నట్టు  తెలిపారు. ప్రజలు తప్పనిసరి అయితే తప్ప ఇళ్లలో నుంచి బయటకు రావద్దని, ఒకవేళ వచ్చినా భౌతిక దూరం పాటించాలని, మాస్క్ ను ధరించాలని, శానిటైజర్ లను వినియోగించాలని కోరారు. ఈ కార్యక్రమంలో జాయింట్ కలెక్టర్ ఎం. వేణుగోపాల రెడ్డి, ఆర్ డి ఓ పి. కిషోర్, వైద్య ఆరోగ్యశాఖ జిల్లా నోడల్ ఆఫీసర్ డాక్టర్ దేవి మాధవి, క్వారంటైన్ సెంటర్ డాక్టర్ శబ్నం, ఇతర అధికారులు, సిబ్బంది పాల్గొన్నారు.

వైరస్ ల నియంత్రణకు ఏక్వాప్రో ..

  వైరస్ ల నియంత్రణకు ఏక్వాప్రో ..
    మార్కెట్లోకి  జర్మనీ జియా కంపెనీ టాబ్లెట్
       పిచ్కారి తో వైరస్ మాయం

    విశాఖపట్నం_బ్యూరో ఛీప్ (పెన్ పవర్)
వైరస్ ల నియంత్రణకు జర్మనీ జియా కంపెనీకి చెందిన 
ఏక్వా ప్రో ఔషదము  అద్భుతంగా పనిచేస్తుందని జియా కంపెనీ.. ఏపీ డిస్ట్రిబ్యూటర్ కె.వి.యస్ రవికాంత్ తెలిపారు,,, ఆదివారం ఇక్కడ డాబా గార్డెన్స్ విజేఫ్  ప్రెస్ క్లబ్ లో  ఏర్పాటు చేసిన పాత్రికేయుల సమావేశంలో ఆయన మాట్లాడుతూ  1881 నుంచి ఈ కంపెనీ లిక్విడ్ రూపంలో వైరస్ల నియంత్రణ కు లిక్విడ్ రూపం లో పని  చేస్తుందన్నారు..     తాజాగా దీనినే ట్యాబ్లెట్ రూపంలో తీసుకురావడం జరిగింది అన్నారు   ,, పది లీటర్ల నీటిలో 1 గ్రాము టాబ్లెట్ కలిపి  పదినిమిషాల తర్వాత పిచికారి చేస్తే 36 గంటల వరకు వారిని  ఎటువంటి వైరస్ లు దరిచేరవు అన్నారు,,,,, అదే ఇరుకు గదుల్లో అయితే 72 గంటల వరకు కూడా వైరస్ల ప్రభావం ఉండదన్నారు,,,, మంచి నీటి ట్యాంకులు తో పాటు  భారీగా ఈ టాబ్లెట్లు కలపాలి  అనుకుంటే  ,,, వెయ్యి లీటర్ల కు 10 టాబ్లెట్లు కలపాలన్నారు,   ,,, ఇవి నోటిద్వారా వేసుకునే ట్యాబ్లెట్లు కావని..  కేవలం మంచి నీటిలో కలిపి పిచికారి చేసుకునే సురక్షితంగా ఉండవచ్చున న్నారు,,, ఈ టాబ్లెట్ ద్వారా కోవిడ్  తో పాటు ఇతర అన్ని వైరస్ లు  దూరంగా ఉంచుతుoదన్నారు , ఈ ప్రోడక్ట్ ఉత్పత్తికి తాము అవసరమైన అన్ని  అనుమతులు తీసుకోవడం జరిగిందన్నారు, దీని వల్ల ఎటువంటి సైడ్ ఎఫెక్ట్స్ ఉండవు అన్నారు,ఈ టాబ్లెట్ ను  తాజాగా మార్కెట్ లోకి విడుదల చేస్తున్నామని త్వరలోనే  దుకాణాలు లో కి అందుబాటులోకి వస్తుంది అని చెప్పారు.. ఇతర వివరాలు కు . 98481 96886 ఫోన్ నంబర్లో  సంప్రదించవచ్చని అన్నారు,,ఒక గ్రాము  టాబ్లెట్ ధర  60 రూపాయలు గా  నిర్ణయించామన్నారు, టాబ్లెట్ కలిపిన నీటిని ,,,పిచ్ కారి  చేసుకుని బయటకు వెళితే  36 గంటల వరకు సురక్షితంగా ఉంటారన్నారు...ఇది నోటి ద్వారా వేసుకునేది కాదన్నారు.. 
 ఈ సందర్భంగా పలువురు పాత్రికేయులు అడిగిన ప్రశ్నలకు రవి కాంత్ పూర్తిస్థాయి వివరాలు అందజేశారు.. దీంతోపాటు తమ సంస్థ  తరఫునుంచి టర్కీ దేశం నుంచి  కొనుగోలు చేసిన మిషన్లో  టాబ్లెట్ వేసి అక్కడే పిచ్ కారి చేసి చూపించారు.. .  
ఈ సమావేశంలో వైజాగ్ బ్రాంచ్ మేనేజర్ రాంగోపాల్.. జర్మనీ జియా సంస్థ ప్రతినిధి రమేష్.
ఎం. ప్రసాద్ తదితరులు పాల్గొన్నారు..

భాజపా బలోపేతానికి దళిత మోర్చా కృషి

భాజపా బలోపేతానికి దళిత మోర్చా కృషి

అనకాపల్లి  పెన్ పవర్

భారతీయ జనతా పార్టీ బలపడేందుకు దళిత మోర్చా క్షేత్రస్థాయిలో కృషి చేస్తుందని జిల్లా అధ్యక్షులు డాక్టర్ సత్యనారాయణ పేర్కొన్నారు. భాజపా కార్యాలయంలో దళిత మోర్చా ఆధ్వర్యంలో ఆదివారం జిల్లా కార్యవర్గ సమావేశం జరిగింది. వివిధ ప్రాంతాల నుంచి దళిత నాయకులు పలువురు పాల్గొన్నారు. ఈ సందర్భంగా అతిథిగా పాల్గొన్న ఆయన మాట్లాడుతూ రానున్న కాలంలో రాష్ట్రంలో బీజేపీ అధికారంలోకి రానుంది అన్నారు. పార్టీ విజయంలో దళిత పాత్ర కీలకం కానుందన్నారు. సమావేశానికి ఎస్సీ సెల్ అధ్యక్షులు కొండబాబు మాస్టర్ అధ్యక్షత వహించారు. జిల్లా ప్రధాన కార్యదర్శి పరమేశ్వరరావు తదితరులు పాల్గొన్నారు.

ఉపాధి కూలీలతో బీజేపీ సమావేశం

ఉపాధి కూలీలతో బీజేపీ సమావేశం

అనకాపల్లి పెన్ పవర్

 తగరంపూడి గ్రామంలో భారతీయ జనతా పార్టీ ఆధ్వర్యంలో జాతీయ గ్రామీణ ఉపాధి హామీ పథకం లబ్ధిదారులతో సమావేశం ఏర్పాటు చేశారు. భారతీయ జనతా పార్టీ రాష్ట్ర కార్యవర్గ సభ్యులు ఎన్ ఎన్ అప్పారావు, మాజీ ఎంపిటిసి చదరం నాగేశ్వరరావు , భారతీయ జనతా పార్టీ మండల అధ్యక్షులు ప్రధాన కార్యదర్శులు కసిరెడ్డి  శ్రీనివాసరావు, కప్పెర తాతారావు పాల్గొన్నారు.  ఉపాధి హామీ పథకం కూలీ రేటు ఇరవై రూపాయలు పెంచి 202 రూపాయలు చేయడమైనది అన్నారు. అదేవిధంగా రాబోయే మూడు నెలలు ఉచితంగా అర్హులైన అందరికీ రేషన్ ఇవ్వటము  అవుతుందని వచ్చే నెలలో  కిషాన్ సమ్మోహన నిధి కింద రెండు వేల రూపాయలు అర్హులైన రైతుల ఖాతాలలో జమ చేయడం అవుతుందని చెప్పారు .  ఒక సంవత్సర కాలంలో మోడీగారి సాధించిన విజయాల్ని చేసిన కార్యక్రమాల యొక్క ఆంధ్ర రాష్ట్రానికి కేటాయించిన నిధుల వివరాలను కరపత్రాల  పంపిణీ చేశారు.

రహదారి పనులు పై నిరసన -మాజీ ఎమ్మెల్యే పెందుర్తి

రహదారి పనులు  పై నిరసన  -మాజీ ఎమ్మెల్యే పెందుర్తి

పెన్ పవర్ ,సీతానగరం

 

మండల కేంద్రం నందు రహదారి రోడ్డు పనులు త్వరితగతిన పూర్తి చేయాలని తెలుగుదేశం పార్టీ మాజీ ఎమ్మెల్యే పెందుర్తి వెంకటేష్ ఉదయం నుంచి సాయంత్రం వరకు నిరసన దీక్షను చేపట్టారు. ఈ సందర్భంగా పత్రికా విలేఖరులతో పెందుర్తి వెంకటేష్ మాట్లాడుతూ రాజమహేంద్రవరం నుంచి సీతానగరం వరకు గల జాతీయ రహదారిని తెలుగుదేశం హయామంలో ఆర్ అండ్ బి నుండి స్టేట్ హైవే గా మార్చి కాతేరు వరకూ పూర్తిచేసిన పనులను సీతానగరం వరకూ తక్షణమే పూర్తిచేయాలని ఈ నిరసన దీక్షను చేపట్టడం జరిగిందని అన్నారు. మండల ప్రజలు రాజమహేంద్రవరం  డయాలసిస్ పేషెంట్స్, వృద్ధులు,వికలాంగులు పలువురు వైద్య సేవల నిమిత్తమై వెళ్లాలంటే రహదారి తూట్లు తూట్లు కావడంతో ప్రజలు అనేక ఇబ్బందులు పడుతున్నా ప్రభుత్వ నాయకులు చూసీచూడనట్లు వ్యవహరిస్తున్నారని దుయ్యబట్టారు. ఇప్పటికైనా ఈ రోడ్డు దుస్థితి గమనించి తక్షణ చర్యలు చేపట్టాలని ప్రభుత్వ నాయకులను అధికారులను వెంకటేశ్ డిమాండ్ చేశారు. పేద బడుగు బలహీన వర్గాలకు అండగా నిలిచిన పెళ్ళికానుకను తమ ప్రభుత్వ పెళ్లి కానుకగా మార్చి సంవత్సర కాలం నుంచి ప్రజలకు ఎటువంటి న్యాయం జరగని దుస్థితి నెలకొందని అన్నారు. పథకాల పేరుతో ప్రజలను మభ్యపెడుతున్నారే తప్ప పేదలకు పూర్తి న్యాయం జరగడం లేదని సూచించారు.నీట మునిగిన పంట పొలాల రైతులను ఆదుకుని ఆ రైతులకు తగిన నష్టపరిహారం చెల్లించాలని అన్నారు. పేదలకు అందించే ఎస్సీ ఎస్టీ బీసీ కార్పొరేషన్ లోన్లు అదిగో ఇదిగో అంటూ కాలయాపన చేస్తున్నారని కరోనా మహమ్మారి తీవ్రంగా వృద్ధి చెందుతున్న సందర్భంలో సీతానగరం మండలంలో ప్రజా సమస్యలను తక్షణమే సేకరించేందుకు పోలీస్ స్టేషన్ నందు పర్మినెంట్ ఎస్సై లేకుండా ఇంచార్జ్ ఎస్ఐలతో నియోజకవర్గ పరిపాలన నడుస్తుందని అన్నారు. ఇప్పటికైనా సంబంధిత అధికారులు స్పందించి ప్రజల ఆరోగ్యాలతో చెలగాటమాడుతున్న నాటుసారా వ్యాపారాలకు అడ్డుకట్ట వేయాలని తెలిపారు. ఈ కార్యక్రమంలో వులవుల రాజా,కంటే వీరన్న చౌదరి,మింగి లక్ష్మీనారాయణ,పుక్కాల శ్రీను,అడబాల వీరబాబు,నాగా రమేష్, కొయ్య సామ్యేల్,పెందుర్తి రాజా,పోలిన కృష్ణ, గద్దే రసురేష్,మంచాల బాలాజీ,అఖిలపక్ష రైతు సమన్వయ కర్త కడపా శ్రీను తదితరులు  పాల్గొన్నారు.

అనుమానాస్పద స్థితిలో బాలుడు మృతి

 

అనుమానాస్పద స్థితిలో బాలుడు మృతి

 

పశువులుతో వెళ్ళి  అదృశ్యమైన బాలుడు

 

వారం తరువాత శవమై కనిపించాడు

 

సిరసపల్లిలో అలుముకున్న విషాద ఛాయలు

 

 పెదబయలు/విశాఖపట్నం బ్యూరో (పెన్ పవర్)

 

పశువులు తోలుకు వెళ్ళి న బాలుడు ఆరు రోజుల తరువాత శవమై కనిపించాడు. ఒక్కగానొక్క కొడుకు చనిపోవడంతో తల్లి దండ్రులు కన్నీరు మున్నీరుగా విలపిస్తున్నారు.పెదబయలు మండలం సిరసపల్లి గ్రామానికి చెందిన కృష్ణ రావు ఒక్కగానొక్క కుమారుడు రోహిత్ కుమార్ (13) గత ఆదివారం పశువుల కాపలకు  వెళ్లాడు. సాయంత్రం అయిన ఇంటికి తిరిగి రాకపోవడంతో తల్లి తండ్రులు వెతికారు.అయినా ఫలితం లేదు.అల్లారు ముద్దుగా పెంచుకుంటున్న  రోహిత్ కుమార్ కనిపించక తల్లిదండ్రులు వారం రోజులు నిద్ర ఆహారం లేక శోకసంద్రంలో పడిపోయారు.పాడేరు గాలింపు చర్యలు నిమిత్తం ఈరోజు ఉదయం అటు వైపు వెళ్లిన పలువురికి దుర్వాసన రావడంతో దగ్గరకు వెళ్లి చూడగా చెట్టు కొమ్మపై బాలుడి మృతదేహం వేలాడుతుంది. తక్షణమే సమాచారం అందుకున్న తండ్రి మృతదేహాన్ని పరిశీలించి శవం తన కుమారునిదే అని గుర్తించాడు.ఈ సంఘటన పై తండ్రి కృష్ణారావు పలు అనుమానాలు వ్యక్తం చేస్తున్నాడు .ఆదివారం తన కుమారుడు తో పసుపుల ఆనందరావు, చిట్టపులి భూపతి పడల్, కుంటూరు బొజ్జయ్య, వెచంగి హేమంత్ కుమార్ లు కలసి  పశువులకాపాలకు వెళ్ళారని కానీ రోహిత్ మాత్రం తిరిగి రాలేదని చెప్పారు. సాయంత్రం 7గంటలకు సెల్ఫోన్ ఎక్కడో పడిపోయిందని  ఆ నలుగురు తన వద్దకు వచ్చారని తెలిపారు. మరలా నాలుగు రోజుల తర్వాత పోయిన సెల్ ఫోన్ వారే తెచ్చారు అని తెలిపారు. గత కొన్నాళ్లుగా కుటుంబీకులతో తగాదాలు ఉన్నాయని దానితో వారిపై అనుమానాలు వ్యక్తం చేస్తున్నట్లు పోలీసులకు ఫిర్యాదు చేశాడు.... ఈ మృతిపై పూర్తిస్థాయిలో విచారణ జరిపి నిందితులను కఠినంగా శిక్షించి తమకు న్యాయం చేయాలని తండ్రి కోరుతున్నారు.... ఈ విషయంపై పెదబయలు ఏఎస్ఐ లక్ష్మణరావు కేసు నమోదు చేసి దర్యాప్తు చేస్తున్నామన్నారు .పంచనామా నిర్వహించి మృతదేహాన్ని కుటుంబానికి అప్పగిస్తామని తెలిపారు.

విస్తృత తనిఖీలు

జి.మాడుగుల, పెన్ పవర్   

సిపిఐ మావోయిస్టు వారోత్సవాలు దగ్గర పడుతుండడంతో మన్యంలో పోలీసులు విస్తృతంగా తనిఖీలు నిర్వహిస్తు, భద్రత కట్టుదిట్టం చేశారు జి.మాడుగుల తహశీల్దార్  కార్యాలయం సమీపంలో మండలంలోని నిత్యం మారుముల ప్రాంతాలకు  వెళ్లివచ్చే వాహనాలను విస్తృతంగా తనిఖీలు చేశారు. జి. మాడుగుల స్టెషన్  ఎస్సై, ఎ. ఎస్సై, సిబ్బంది పాల్గొన్నరు.