వేడుకగా జరిగిన ఎమ్మెల్యే రమణ మూర్తి రాజు 68 వ జన్మదినo

వేడుకగా జరిగిన ఎమ్మెల్యే రమణ మూర్తి రాజు 68 వ జన్మదినo

        మునగపాక పెన్ పవర్ 

 మునగపాక: ఎలమంచిలి నియోజకవర్ఘం ఎమ్మెల్యే,టిటిడి బోర్డ్ మెంబర్ యు.వి.రమణ మూర్తి రాజు  (కన్నబాబు రాజు)జన్మదిన వేడుకలను పాటిపల్లి గ్రామంలో వైసీపీ యువ నాయకులు కోయిలాడ జగదీష్ ఆధ్వర్యంలో ఘనంగా నిర్వహించారు.  గ్రామ నాయకులు,అబిమానులు కార్యకర్తల సమక్షంలో కేక్ కటింగ్ చేసి  శుభాకాంక్షలు తెలిపారు, అనంతరం ఉపాధి హామీ (ఎన్.ఆర్.జి.యెస్) లో పనిచేసే సుమారు 200  మందికి పండ్లు పంపిణీ చేయడం జరిగింది. ఈ కార్యక్రమంలో సరిసా శ్రీను, దాడి స్వామి శేఖర్, సన్నిబాబు, వెంకట్, ప్రకాష్, శంకర్, ఆదిబాబు మరియు గ్రామ పెద్దలు, మహిళలు, గ్రామ వాలంటీర్స్, వైయస్సార్సీపి కార్యకర్తలు పాల్గొన్నారు.

ఆదివాసీలను ఆదుకోని అడ్డాకులు

ఆదివాసీలను ఆదుకోని అడ్డాకులు

అడ్డాకులు సేకరణలో ఆదివాసీ లకు అవస్థ లే.
      వారపు సంతలో దళారుల దోపిడి.

చింతపల్లి,  పెన్ పవర్

మన్యంలోని అటవీ ఉత్పత్తుల పేరు చెప్పగానే చటుక్కున గుర్తుకు వచ్చేది అడ్డాకులు. వ్యవసాయ, ఉద్యాన పంటలు దెబ్బతిన్నా ఏడాది పొడవునా అటవీ ఉత్పత్తుల్లో ఒకటైన అడ్డాకుల సేకరణ ప్రధానంగా చేసుకుని కొన్నివేల గిరిజన కుటుంబాలు జీవనం సాగిస్తున్నాయి. విశాఖ మన్యంలోని దట్టమైన అటవీ ప్రాంతంలో పుష్కలంగా లభించే అడ్డాకులను ఆధారంగా చేసుకుని ప్రత్యక్షంగానూ, పరోక్షంగానూ కొన్ని వేల గిరిజన కుటుంబాలు ఆధారపడుతున్నాయి. మన్యంలో ఇంతటి ప్రాధాన్యత ఉన్నా చిన్నతరహా పరిశ్రమల ఏర్పాటుకు అనేక అవకాశాలు న్నప్పటికీ ఇటు గిరిజన సహకార సంస్థ గాని అటు ఐటిడిఎ గాని ఎటువంటి చర్యలు తీసుకోవడం లేదు. గిరిజనులకు సహకరించాల్సిన గిరిజన సహకార సంస్థ పేరుకే! ఆచరణలో మాత్రం గిరిజనులకు "కారం" రుచి చూపిస్తుంది. మద్దతు ధర ప్రకటించి (ఇచ్చి) అటవీ ఉత్పత్తులను కొనుగోలు చేయాల్సిన గిరిజన సహకార సంస్థ అధికారులు మౌనం దాల్చడంతో దళారులు  ఆదివాసీలను నిలువునా ముంచుతున్నారు. గిరిజనులు సేకరించే అడ్డాకులతో పాటు అన్ని అటవీ ఉత్పత్తులను జి సి సి కొనుగోలు చేయాలి. కానీ, అడ్డాకులను నిల్వ చేసేందుకు తమ వద్ద తగినన్ని గోదాములు లేవనే కారణాన్ని సాకుగా చూపించి ఆ శాఖ వీటిని కొనుగోలు చేయడం లేదు.పోనీ అడ్డాకులకు గిట్టుబాటు ధర ప్రకటిస్తుందా? అంటే అదీ లేదు. తాము కొనుగోలు చేయని అడ్డాకులకు గిట్టుబాటు ధరలు ప్రకటించడంపై జి సి సి  వెనకాడుతోంది.ఏటా మార్చి నుంచి తొలకరి జల్లులు కురిసే వరకు మన్యంలో వ్యవసాయ పనులేమి ఉండవు. ఈ సమయంలో గిరిజనులు కొద్దిమేర ఆర్థిక ఇబ్బందులను ఎదుర్కొంటారు. దీంతో వారు అటవీ ఉత్పత్తులపై ఆధారపడతారు. అడవుల్లోకి వెళ్లి అడ్డాకులు సేకరించి వాటిని వారపు సంతలకు తీసుకువచ్చి విక్రయిస్తారు. అడ్డాకులను విక్రయించగా వచ్చిన సొమ్ముతో అవసరాలు తీర్చుకోవడంతోపాటు అడవుల నుంచి ఎంతో శ్రమించి వారం రోజులపాటు సేకరించిన అడ్డాకులను వ్యయ, ప్రయాసలతో వారపు సంతలకు తీసుకు వస్తే తగిన గిట్టుబాటు ధర లభించక పోవడంతో వారు నష్టాలు చవిచూడాల్సి వస్తుంది.సుమారు రూ.1వేయి నుంచి రూ.12 వందలకు ధర పలికే కావిడ అడ్డాకులను వారపు సంతల్లో దళారులు కేవలం రూ.6 వందలకు కొనుగోలు చేసి గిరిజనులను నిలువునా దోపిడీ చేస్తున్నారు. మైదాన ప్రాంతం నుంచి వచ్చే వ్యాపారులు మన్యంలోని అన్ని వారపు సంతల్లో భారీగా అడ్డాకులను తక్కువ ధరకు కొనుగోలు చేసి లక్షల్లో లాభాలు పొందుతున్నారు.  అటవీ ఉత్పత్తులను గిరిజన సహకార సంస్థ మాత్రమే కొనుగోలు చేయాల్సిన గుత్తాధిపత్యాలు గిరిజన సహకార సంస్థ కే ఉన్నాయి.

ఆర్వినగర్లో వ్యాపార్లు స్వచ్ఛందంగా లాక్ డౌన్.

ఆర్వినగర్లో వ్యాపార్లు స్వచ్ఛందంగా లాక్ డౌన్.

      గూడెం కోత్త వీధి _పెన్ పవర్

 కరోనా మహామ్మారి భయం తో గూడెం కోత్త వీధి మండలం ఆర్వి.నాగర్ లో వ్యాపార్లు స్వచ్ఛందంగా లాక్ డౌన్ పాటిస్తున్నారు.
శ్రివరసిద్దివినాయక వర్తకసంఘం ఆద్వర్యంలో  శుక్రవారం సాయంత్రం జరిగిన సమావేశంలో . ఈనెల11 నుండి 25 వరకు లాక్ డౌన్ పొడిగించాలని సంఘం పెద్దలు నిర్ణయించారు. గత నెల రోజులగా లాక్ డౌన్ లోఉన్నాము. ఇప్పుడు ఉన్న పరిస్థితులని బట్టి మళ్ళీ లాక్ డౌన్ సడలించిన. సమయం. సాధారణం రోజులో ఉదయం 7 నుండి మధ్యాహ్నం 2 గంటల వరకు. సంత జరిగే వారం. సోమవారం. గురువారం ఉదయం 7 నుండి సాయంత్రం 4 గంటల వరకు మాత్రమే దుకాణాలు తెరిచేందుకు నిర్ణయం తీసుకున్నారు. పై నిర్ణయిచిన నిబంధనలు ఉల్లంఘించిన వర్తకులవారిపై ఆరోజు కి1000 రూపాయలు జరిమానా విధించాలని సభ్యులు ఏకగ్రీవంగా ఆమోదించారు. సంఘం ఉపాధ్యక్షుడు గారుత్తలరామరాకృష్ణ. సహాయ కార్యదర్శి గా కోరాబు సత్యనారాయణ లను ఏకగ్రీవంగా ఎన్నికయ్యారు. మళ్ళీ 24 నసంఘం సమావేశం నిర్వహించేందుకు నిర్ణయం తీసుకున్నారు ఈసమావేశంలో సంఘం సభ్యులు పాల్గొన్నారు.

రోజు రోజుకీ విజృంభిస్తున్న కరోనా

రోజు రోజుకీ విజృంభిస్తున్న కరోనా 

 పెన్ పవర్,  ఉలవపాడు  

 

 ఉలవపాడు మండలంలో రోజు రోజుకీ విజృంభిస్తున్న కరోనా వైరస్ ప్రభావం ఎక్కువ అవుతుంది మండలంలో నాలుగు కరోనావైరస్ కేసులు  నమోదయ్యాయని డాక్టర్ శ్రీనివాసులు శనివారం తెలిపారు. ఉలవపాడు  పంచాయతీలోని హైస్కూల్ సంఘంలో 2, కృష్ణానగర్లో 1 , ఆత్మకూరు ఆది ఆంధ్ర కాలనీ లో 1 కరోనా కేసులు నమోదయ్యాయి. ఉలవపాడు లో 70 మందికి మన్నేటికోట లో 30 మందికి  కరోనా టెస్టులు నిర్వహించారు. పాజిటివ్  వచ్చిన ఈ నలుగురిని ఒంగోలు ఐసోలేషన్ కు తరలిస్తున్నట్లు డాక్టర్ శ్రీనివాసులు తెలిపారు. ఆయా ప్రాంతాల్లో పారిశుద్య కార్యక్రమాలు నిర్వహించారు. ఈ కార్యక్రమంలో ఆరోగ్య సిబ్బంది ఏఎన్ఎంలు వాలంటీర్లు సచివాలయ సిబ్బంది పాల్గొన్నారు.

జగన్ గూగ్లీకి టీడీపీ బౌల్డ్

జగన్ గూగ్లీకి టీడీపీ బౌల్డ్

వైఎస్ జగన్మోహన్ రెడ్డి తెలివిగా వేసిన గూగ్లీకి టీడీపీ క్లీన్ బౌల్డ్ అయింది. సెంటిమెంట్ తో కొట్టిన దెబ్బకు.. సెంటిమెంట్ గానే రియాక్ట్ అయింది. సన్నాయి నొక్కులు నొక్కుతూ.. అలా కాదు ఇలా కాదు అలా అంటూ చెప్పుకొచ్చింది. రెండు రోజులయ్యాక.. ఆలోచించుకుని.. ఇప్పుడు డొంక తిరుగుళ్లు మానేసి.. స్ట్రెయిట్ పాయింట్ కొచ్చేసింది. కాని అప్పటికే డ్యామేజ్ జరిగిపోయింది. ఇప్పుడిక ఏం చేసినా.. అది కవర్ అయ్యే సమస్యే లేదు. జగన్ సడెన్ డెసిషన్ తో సడెన్ గా రియాక్ట్ అవ్వాల్సి రావడంతో.. కన్ఫ్యూజ్ అయిపోయి.. ఇప్పుడు తల కొట్టుకుంటున్నారు.  ఇదంతా 125 అడుగు అంబేద్కర్ విగ్రహం గురించే. సడెన్ గా జగన్మోహన్ రెడ్డి విజయవాడ స్వరాజ్ మైదాన్ లో 125 అడుగుల అంబేద్కర్ విగ్రహం పెడతామని.. అక్కడే స్మృతివనం కూడా నిర్మిస్తామని ప్రకటించారు. ప్రకటించిన తెల్లారే శంకుస్థాపన చేస్తారని చెప్పారు. పెట్టేది అంబేద్కర్ విగ్రహం.. అది కూడా విజయవాడ నడిబొడ్డున.. అవుననాలా.. కాదనాలా అని ఆలోచనలో పడింది తెలుగుదేశం.  గతంలో చంద్రబాబు ఈ స్మృతివనం అమరావతి రాజధాని ప్రాంతంలో ప్లాన్ చేశారు. అది అక్కడ నిర్మించాల్సి ఉండగా.. జగన్ తెలివిగా దాన్ని విజయవాడకు మార్చేశారు. రాజధాని విశాఖకు మారిపోతున్నందున.. అమరావతిని మరింత బలహీనం చేసేందుకే ఈ ఎత్తుగడ వేశారని అందరికీ అర్ధమైంది. కాని టీడీపీ నేతలు మాత్రం ఈ మాట చెబుతూనే.. విగ్రహ ఏర్పాటును స్వాగతిస్తున్నాం అన్నారు. ఒకరోజు అయ్యాక.. విగ్రహం ఇక్కడ పెట్టినా స్మృతివనం అమరావతిలోనే పెట్టాలన్నారు. ఇప్పుడు క్లారిటీ వచ్చాక.. విగ్రహం, స్మృతివనం రెండూ అమరావతిలోనే పెట్టాలని డిమాండ్ చేస్తున్నారు. విజయవాడ టీడీపీ నేతలు ఏమీ మాట్లాడటం లేదు.. కాని గుంటూరు టీడీపీ నేత, మాజీ మంత్రి ఆనందబాబు మాత్రం అమరావతిలోనే స్మృతివనం, విగ్రహం పెట్టాలని.. లేదంటే ఉద్యమిస్తామని హెచ్చరించారు. జనానికి మాత్రం మొదటిరోజు స్వాగతిస్తున్నాం అని చెప్పిన టీడీపీ నేతల మాటలనే ఫాలో అయిపోయారు. వైసీపీ దళిత నేతలు మాత్రం దీనిని ఫుల్లు హైలెట్ చేసుకునే పనిలో పడ్డారు. అసలు మహానుభావుడు అంబేద్కర్ రాసిన రాజ్యాంగాన్ని ఏ మాత్రం గౌరవించకుండా.. ఆ నిబంధనలన్నిటికి తూట్లు పొడవటమే కాక.. తాననుకున్నదే రాజ్యాంగంలా ప్రవర్తిస్తున్న జగన్మోహన్ రెడ్డి అంబేద్కర్ విగ్రహం పెట్టడానికి అనర్హుడు.. ఈ మాట మాత్రం ఒక్క టీడీపీ నేత కూడా అనలేకపోయారు. ఎన్నికల కమిషనర్ వ్యవహారం, పంచాయతీ ఆఫీసుకు పార్టీ రంగుల వ్యవహారం, డిపార్ట్ మెంట్ల తరలింపు, మండలి రద్దు.. మండలిలో రెండుసార్లు బిల్లులు పెట్టడం.. ఇలా చాలా ఎగ్జాంపుల్స్ ఉన్నాయి..చెప్పడానికి .. కాని ఇవేమీ ఎత్తకుండా.. అంబేద్కర్ విగ్రహం అనే సబ్జెక్ట్ లో పడిపోయి.. టీడీపీవాళ్లు ఘోరంగా దెబ్బ తిన్నారు. అంతేకాదు.. ఇదే స్వరాజ్ మైదాన్ ను అమ్మేయాలని కూడా ప్రభుత్వం ప్రయత్నించింది.. ఆ విషయం కూడా ఎవరూ నొక్కి చెప్పలేదు. కాని ఇప్పుడు ఏం చెప్పినా.. ఎవరూ పట్టించుకునే పరిస్ధితిలో లేరు.

ఆందోళనకు పిలుపునిస్తాం: ' అంబేద్కర్ విగ్రహం'పై నక్కా ఆనంద్ బాబు

రాత్రికి రాత్రి శంకుస్థాపన చేయాల్సిన అవసరం ఏముంది.. 
ఆందోళనకు పిలుపునిస్తాం: '
అంబేద్కర్ విగ్రహం'పై నక్కా ఆనంద్ బాబు

    అమరావతి ప్రాంతంలో అంబేద్కర్ స్మృతి వనం నిర్మాణంలో  ఉంది
    దాన్ని పూర్తి చేయకుండా విజయవాడలో నిర్మించాలనుకోవడం మంచిది కాదు
    తాడేపల్లిలో ఉండి ఆన్ లైన్లో శంకుస్థాపన చేశారు

విజయవాడలోని స్వరాజ్ మైదాన్ లో 125 అడుగుల అంబేద్కర్ విగ్రహానికి ముఖ్యమంత్రి జగన్ శంకుస్థాపన చేసిన సంగతి తెలిసిందే. ఈ నేపథ్యంలో సీఎంపై టీడీపీ నేత, మాజీ మంత్రి నక్కా ఆనంద్ బాబు విమర్శలు గుప్పించారు. అమరావతి ప్రాంతంలో ఇప్పటికే నిర్మాణంలో ఉన్న అంబేద్కర్ స్మృతి వనాన్ని పూర్తి చేయకుండా... విజయవాడలో నిర్మించాలనుకోవడం మంచిది కాదని విమర్శించారు. విజయవాడకు కూతవేటు దూరంలో ఉన్న తాడేపల్లిలో ఉండి కూడా ఆన్ లైన్లో శంకుస్థాపన చేశారని... ఇది అంబేద్కర్ ను కించపరిచినట్టేనని అన్నారు. ఈ అంశంపై కనీసం ఎవరితో చర్చించలేదని ఆనంద్ బాబు దుయ్యబట్టారు. ఇంత హడావుడిగా రాత్రికి రాత్రి శంకుస్థాపన చేయాల్సిన అవసరం ఏమొచ్చిందని ప్రశ్నించారు. అంబేద్కర్ స్మృతి వనాన్ని ఎక్కడ ఏర్పాటు చేశారో అక్కడే పూర్తి చేయాలని డిమాండ్ చేశారు. లేనిపక్షంలో రాష్ట్ర స్థాయి ఆందోళనకు పిలుపునిస్తామని హెచ్చరించారు. 

నెల్లూరులో డిగ్రీ విద్యార్థిని సెల్ఫీ సూసైడ్

నెల్లూరులో డిగ్రీ విద్యార్థిని సెల్ఫీ సూసైడ్

    ఫ్యాన్ కు ఉరేసుకుంటూ వీడియోలో చిత్రీకరించిన అమ్మాయి
    కుటుంబ సభ్యులు వచ్చేసరికి మృతి
    ముగ్గురు యువకుల వేధింపులే కారణమంటున్న తల్లిదండ్రులు

నెల్లూరులో బీవీ నగర్ లో ఓ డిగ్రీ విద్యార్థిని ఆత్మహత్య తీవ్ర కలకలం రేపింది. సెల్ఫీ వీడియో అనంతరం ఆమె తనువు చాలించడం కుటుంబ సభ్యులకు తీరని వేదన మిగిల్చింది. ఇంట్లో ఫ్యాన్ కు ఉరేసుకుంటూ వీడియోలో చిత్రీకరించింది. ఈ వీడియోను కుటుంబ సభ్యులు ఆలస్యంగా చూడడంతో అప్పటికే ఆమె ప్రాణాలు గాల్లో కలిసిపోయాయి. తలుపులు పగులగొట్టి చూసేసరికి విద్యార్థిని మృతి చెందింది. ముగ్గురు యువకుల వేధింపులే కారణమని ఆ అమ్మాయి తల్లిదండ్రులు పోలీసులకు ఫిర్యాదు చేశారు. ఘటనపై కేసు నమోదు చేసుకున్న పోలీసులు దర్యాప్తు ఆరంభించారు.