రాత్రి కురిసిన వర్షానికి నీట మునిగిన పొలాలు

 

తాళ్ళపూడి,  పెన్ పవర్:

బుధవారం నాడు భారీ వర్షం కురిచిన కారణంగా పంట పొలాల్లో వర్షపునీరు పొలాలను ముంచింది. వరి వూడ్పులు ఈ మధ్యనే జరిగాయని, దీనివలన చిన్న వరి నాట్లు ఈ వర్షపు నీరుతో మునిగిపోవుట వలన వరినాట్లు పాడవుతాయని రైతులు ఆందోళన చెందుతున్నారు. తాళ్ళపూడి మండల గ్రామాలు అయిన తాళ్ళపూడి, వేగేశ్వరపురం, బయ్యారం, బల్లిపాడు, తిరుగుడుమెట్టలలో బుధవారం కురిసిన వర్షానికి పంట పొలాలు నీట మునిగాయని తాళ్ళపూడి మండల అగ్రికల్చర్ అధికారి జి.మోహనరావు తెలిపారు. ఆయన తమ సిబ్బందితో నీట మునిగిన పొలాలను పర్యవేక్షించారు. రైతులకు జరిగిన నష్టం ప్రభుత్వం దృష్టికి తీసుకెళ్తానన్నారు. తాళ్ళపూడి మండలంలో ఎ.ఒ. జి.మోహనరావు విధి నిర్వహణ సక్రమంగా అమలు చేస్తున్నారు అని రైతులు అంటున్నారు. ఈ కార్యక్రమంలో వి.ఎ.ఎ. లు ఆనంద్, ఈశ్వర్, శ్యామ్ పాల్గొన్నారు

సర్వే ఉద్యోగ సంఘం 54వ ఆవిర్భావ దినోత్సవం.

సర్వే ఉద్యోగ సంఘం 54వ ఆవిర్భావ దినోత్సవం.

గోకవరం పెన్ పవర్.

ఆంధ్రప్రదేశ్ రాష్ట్ర  సర్వే ఉద్యోగల సంఘం ఆవిర్భావ దినోత్సవ సందర్భంగా  సంఘం స్థాపకులు స్వర్గీయ పట్టాభిరామయ్య కు జోహార్లు తెలియజేస్తూ మరియు  11158 గ్రామ సర్వేయర్ పోస్ట్ లు ఇచ్చిన ముఖ్యమంత్రి వైయస్ జగన్మోహన్ రెడ్డికి కృతజ్ఞతలు తెలుపుతూ గోకవరం మండలం తాసిల్దార్ వారి కార్యాలయం వద్ద ముఖ్యమంత్రి చిత్రపటానికి పాలాభిషేకం చేశారు. ఈ కార్యక్రమంలో తాసిల్దార్ పోసి బాబు, రెవెన్యూ ఇన్స్పెక్టర్ ప్రదీప్ కుమార్, మండల సర్వేయిర్ మరియు గ్రామ సర్వేయిర్ పాల్గొన్నారు.

10 లీటర్ల నాటు సారాయి స్వాధీనం ఒ వ్యక్తి అరెస్ట్.

10 లీటర్ల నాటు సారాయి  స్వాధీనం 

800 లీటర్ల పులసిన బెల్లపు ఊట ధ్వంసం        

                             
ఒక వ్యక్తి   అరెస్ట్.           

జగ్గంపేట,  పెన్ పవర్ :

 

పెద్దాపురం  స్పెషల్  ఎన్ ఫోర్స్ మెంట్  బ్యూరో టీమ్ లు  దాడులు  నిర్వహించగా రంగం పేట మండలం  వెంకటాపురం  గ్రామ పరిధిలో    దుళ్ళ లాజరు అను వ్యక్తి  ని 10  లీటర్ల సారాయి తో పట్టుకుని అరెస్ట్ చేశారు. పెద్దాపురం  మండలం   పులిమేరు  గ్రామ పరిధిలో  సారాయి తయారీ కు నిల్వుంచిన   800 లీటర్ల  పులసిన బెల్లపు ఊట ను  కనుగొని, కేసు  నమోదు చేసి  బెల్లం ఊట ధ్వంసం చేయడం జరిగిందని పెద్దాపురం ఎక్సైజ్ సి ఐ. ఎం. రామ కృష్ణ దాస్ తెలిపారు.ఈదాడుల్లో పెద్దాపురంఎక్సైజ్   ఎస్ ఐ. లు    జె.విజయకుమార్ ,కె.తాతారెడ్డి తదితర సిబ్బంది   పాల్గొన్నా రు.

పునరావాస గ్రామాల ప్రజలను తరలించే లోపే పూర్తి స్థాయిలో పరిష్కారం కావాలి.

పునరావాస గ్రామాల ప్రజలను తరలించే లోపే 
పూర్తి స్థాయిలో పరిష్కారం కావాలి.

ఐ టి డి ఎస్ స్వచ్ఛంద సేవా సంస్థ డైరెక్టర్ జి అనిల్ కుమార్

పోలవరం పెన్ పవర్

నిర్వాసితులకు సంబంధించిన ప్యాకేజీలు తలెత్తిన సమస్యలపై చర్చించేందుకు గురువారం పోలవరం మండలం స్థానిక సుజల గెస్ట్ హౌస్ కు ఆర్ అండ్ ఆర్ స్పెషల్ డిప్యూటీ కలెక్టర్ కె గీతాంజలి విచ్చేసారు. వివిధ సమస్యలతో ప్యాకేజీలు, పునరావాస లు, ఇల్లు, పొలాలు, జీరో అకౌంట్, అకౌంట్ ఫెయిల్ తదితర సమస్యలతో ఇబ్బందులు ఎదుర్కొంటున్న నిర్వాసితులు సంబంధిత పత్రాలతో స్పెషల్ డిప్యూటీ  కలెక్టర్ను కలిసి వినతి పత్రాలు సమర్పించారు. అనంతరం ఐ టి డి ఎస్ స్వచ్ఛంద సేవా సంస్థ డైరెక్టర్ అనిల్ కుమార్ మాట్లాడుతూ పోలవరం ఎమ్మెల్యే తెల్లం బాలరాజు ఆదేశాల మేరకు పోలవరం ప్రాజెక్టు నిర్వాసితుల సమస్యలు తెలుసుకునేందుకు స్పెషల్ డిప్యూటీ కలెక్టర్ ను  నియమించారని అయితే గురు, శుక్రవారం రెండు రోజులలో నిర్వాసితుల సమస్యలు తీరవని, పునరావాస గ్రామాల ప్రజలను తరలించే వరకు వారానికి ఒకరోజు అయిన  పునరావాస గ్రామాల ప్రజలకు అందుబాటులో ఉండేలా ఏర్పాటు చేయాలని ఎమ్మెల్యే బాలరాజు కోరారు .  పునరావాస గ్రామాల ప్రజల సమస్యలపై త్వరితగతిన స్పందించి ప్యాకేజీ, ఇల్లు, చెట్టులు, భూమికి భూమి, ఎకౌంట్స్ ఫెయిల్యూర్ వంటి సమస్యలతో ప్యాకేజీ అందక అనేక మంది ఇబ్బంది పడుతున్నారు అని వారందరి  సమస్యలను త్వరితగతిన పూర్తిచేసి పునరావాస గ్రామాల ప్రజలను తరలించే ఏర్పాట్లు చేయాలని కోరారు. పునరావాస గ్రామాల ప్రజలకు ఏ ఒక్కరికీ అన్యాయం జరగకూడదని ఆయన అన్నారు. పునరావాస గ్రామాల ప్రజలను తరలించే లోపే సమస్యలపై పూర్తి పరిష్కారం కావాలని కోరారు. 

కరోనా ఫీవర్ మండపేటను పట్టి పీడిస్తోంది

కరోనా ఫీవర్ మండపేటను పట్టి పీడిస్తోంది

మండపేట, పెన్ పవర్ 

ప్రస్తుతం కరోనా ఫీవర్ మండపేటను పట్టి పీడిస్తోంది. ఒకే రోజు మొత్తం 14 పాజిటివ్ కేసులు నమోదయ్యాయి. మున్సిపల్ కార్యాలయంలో ఒకరు, హౌసింగ్ కార్యాలయంలో మరొకరు ఈ వైరస్ బారిన పడ్డారు. మొత్తంగా చూసుకుంటే 26వ వార్డులో మూడు కేసులు, గొల్లపుంత కాలనీలో మరో మూడు, 14వ వార్డులోని కుక్కల వారి వీధిలో ఒకటి, 11వ వార్డు న్యూ కొలనీలో ఇంకొకటి, రజక పేటలో ఒకటి, శ్రీనగర్ మొదటి వీధిలో మరొకటి, ఆలమూరు రోడ్డులో ఒకటి, కొండపల్లి వారి వీధిలో మారొకటి, ఏడిద రోడ్డులోని పేరంటాలమ్మ గుడి వద్ద ఇంకొకటి, విజయలక్ష్మి నగర్ లో మరొకటి నమోదయ్యాయి. దీంతో ఒక్కసారిగా పారిశుధ్య కార్మికులకు రెట్టింపు పని భారం పడింది. మున్సిపల్ కమిషనర్ త్రిపర్ణ రామ్ కుమార్ ఆదేశాలు మేరకు  ఇంచార్జ్ సానిటరీ ఇన్స్పెక్టర్ ముత్యాల సత్తిరాజు ఆధ్వర్యంలో పారిశుధ్య సిబ్బంది పట్టణం లో ప్రత్యేక శానిటేషన్ చేపట్టారు. మున్సిపల్ కార్యాలయ సిబ్బంది ఒకరికి కరోనా రావడంతో అధికారులు కార్యాలయాన్ని ఖాళీ చేశారు. హైపో క్లోరైడ్ ద్రావణం తో కార్యాలయాన్ని సానిటైజ్ చేశారు. ప్రస్తుతం కార్యాలయం కంటైన్మెంట్ జోన్ పరిధిలోకి రావడంతో కొద్దీ రోజులు పాటు మూసివేయనున్నారు.

డాక్టర్ లేక రోగులు సతమతం

డాక్టర్ లేక రోగులు సతమతం

అనకాపల్లి, పెన్ పవర్ 

పట్టణంలో విజయరామరాజుపేట వద్దనున్న ఎఎం సి కాలనీ లో ఆరోగ్యశ్రీ హెల్త్ వెల్ నెస్ పేరిట ఏర్పాటు చేసిన ఆస్పత్రిలో వైద్యులు లేక రోగులు సతమతమవుతున్నారు అని ఆమ్ ఆద్మీ నాయకులు కొణతాల హరనాథ్ బాబు అధికారులకు ఫిర్యాదు చేశారు. ఎనిమిదేళ్ల కిందట ఏర్పాటు చేసిన ఆస్పత్రిలో ఉన్న డాక్టర్ను కరోనా సేవల కోసం వేరే చోటికి పంపించారన్నారు. కానీ అక్కడ మరో డాక్టర్ను నియమించికపోవడంతో రోగులు వందల్లో రోజు ఇబ్బంది పడుతున్నారని వెల్లడించారు. ఆర్డిఓ అధికారులకు వినతి పత్రం అందజేసిన ఈ కార్యక్రమంలో  మా వూరి రవికుమార్ తదితరులు పాల్గొన్నారు.

ఎమ్మెల్యే కన్నబాబు జన్మదిన వేడుకలు ఘనంగా నిర్వహించాలి

 

ఎమ్మెల్యే కన్నబాబు జన్మదిన వేడుకలు ఘనంగా నిర్వహించాలి

మండల వైసీపీ అధ్యక్షుడు కాండ్రేగుల నూకరాజు

         మునగపాక, పెన్ పవర్ 

మునగపాక మండలం:ఈనెల 11 వ తేదీన జరుగనున్న ప్రియతమ నేత యలమంచిలి నియోజకవర్గం శాసనసభ్యులు కన్నబాబు రాజు గారి జన్మదినోత్సవాన్ని  ఘనంగా నిర్వహించాలి అని మండల వైఎస్ఆర్ కాంగ్రెస్ పార్టీ అధ్యక్షుడు కాండ్రేగుల నూకరాజు అధ్యక్షతన జరిగిన సమావేశంలో పార్టీ శ్రేణులకు పిలుపునిచ్చారు.జన్మదినం పురస్కరించుకుని ఆరోజు పార్టీ కార్యాలయంలో ఉదయం 10 గంటలకు కేక్ కటింగ్,ఆసుపత్రిలో చికిత్స పొందుతున్న రోగులకు పండ్లు పంపిణీ కార్యక్రమం ఈ కార్యక్రమంలో పార్టీ నాయకులు కార్యకర్తలు అభిమానులు అందరూ పాల్గొనాలని ఆయన కోరారు. సమావేశంలో ఆడారి గణపతి అచ్చియ్య నాయుడు , జెడ్ పి టి సి అభ్యర్థి పెంటకోట స్వామి సత్యనారాయణ ఎంపీటీసీ అభ్యర్థి మళ్ళ జయలక్ష్మి ,సూరిశెట్టి రాము , బొగడకుర్తి గణేష్ , సర్పంచ్ అభ్యర్థి కోనపల్లి రామ్మోహన్ రావు , ఉమ్మలాడ యాస్ ఆర్ , బొడ్డేడ లిల్లీ , అల్లవరపు రాంబాబు మరియు కార్యకర్తలు పాల్గొన్నారు.