పోలవరంకు ఆర్టీసీ బస్ సర్వీస్ ప్రారంభం

పోలవరంకు ఆర్టీసీ  బస్ సర్వీస్ ప్రారంభం

పోలవరం పెన్ పవర్

పోలవరం టు రాజమండ్రి, పోలవరం టూ నిడదవోలు ఆర్టీసీ బస్సు సర్వీసులు గురువారం మొదలయ్యాయి. లాక్ డౌన్ కారణంగా 61 రోజుల విరామం అనంతరం రోడ్డెక్కిన ఆర్టీసీ బస్సులు తాళ్లపూడి, పోలవరంలో  కరోనా పాజిటివ్ కేసులు నిర్ధారణ కావడంత తాళ్లపూడి మీదుగా పోలవరం వచ్చే అన్ని డిపోల ఆర్టీసీ బస్సులను సుమారు 40 రోజుల క్రితం ఆయా డిపోలు నిలిపివేశారు. అయితే పోలవరం, తాళ్లపూడి లో  ఉన్న కంటోన్మెంట్ జోన్లు అధికారులు తీసివేయడం తో కొవ్వూరు, నిడదవోలు డిపో బస్సులు గురువారం పోలవరం చేరుకున్నాయి. పోలవరం బస్టాండ్ వద్ద ఆర్టీసీ సిబ్బంది ఐదుగురు విధులు నిర్వహిస్తున్నారు. బస్సు సీట్లను ఎప్పటికప్పుడు శానిటైజర్ చేయడం, బస్సు ఎక్కేవారికి ధర్మల్ స్కానింగ్ చేయడం , బస్సు సిటింగ్ సరిపడే 32 మందిని  మాత్రమే ఎక్కించడం, బస్సు ప్రయాణికుల ఆధార్ కార్డు నెంబరు, ఫోన్ నెంబరు, వివరాలను తీసుకోవడం, మాస్కు వాడటం వంటి జాగ్రత్తలు తీసుకుంటూ బస్సు ప్యాసింజర్ లకు సురక్షితమైన ప్రయాణానికి అన్ని ఏర్పాట్లు చేసినట్లు ఆర్టీసీ సిబ్బంది తెలిపారు. డిపో మేనేజర్ ఆదేశాల ప్రకారం పై నిబంధనలకు అనుగుణంగా విధులు నిర్వహిస్తున్నట్లు తెలిపారు. పోలవరం బస్ స్టాండ్ లో విధులు నిర్వహిస్తున్న ఆర్టీసీ సిబ్బంది రఫీఉల్లా , కరీం , టి ఆర్ రాజు, ఎస్ కృష్ణ, ఎన్ ఎస్ నారాయణ లు ఉన్నారు. 

తాళ్ళపూడి మండలంలో మరో కరోన పోసిటివ్

తాళ్ళపూడి మండలంలో మరో కరోన పోసిటివ్

తాళ్ళపూడి, పెన్ పవర్:

తాళ్ళపూడి మండలానికి చెందిన తిరుగుడు మెట్ట గ్రామంలో మరో కరోన పోసిటివ్ కేసు వచ్చిందని మలకపల్లి పి.హెచ్.సి. వైద్య అధికారిణి సుష్మా చౌదరి వెల్లడించారు. కరోన పోసిటివ్ కలిగిన వ్యక్తి హైదరాబాద్ లో వుంటూ రెండు రోజుల క్రితం తన స్వగ్రామం తిరుగుడుమెట్ట గ్రామానికి వచ్చిన వ్యక్తికి కరోన టెస్టులు చేయగా ఆ టెస్టుల్లో కరోన పోసిటివ్ అనితేలింది  అని చెప్పారు. ఎం.ఆర్.ఒ. ఎం.నరసింహమూర్తి ఆదేశాలు మేరకు ఆ ఏ రియా అంతా పంచాయతీ సెక్రెటరీ  పారిశుద్ధ్య కార్మికులుతో బ్లీచింగ్ చల్లించి, శానిటై జ్ చేయించారు.  కంటోన్మెంట్ జోన్ ఏర్పాటు చేశారు. కర్రలతో ఆ ఏరియా తడికలు కట్టారు. బయట వారు లోపలికి, లోపలివారు బయటకు వెల్లకుండా  యస్.ఐ. జి.సతీష్ తమ సిబ్బందితో బారీ బందోబస్తు ఏర్పాటు చేశారు. డాక్టర్ సుష్మా చౌదరి కంటోన్మెంట్ జోన్లో మెడికల్ క్యాంపు ఏర్పాటు చేశారు. ఎం.ఆర్.ఒ. ఎం.నరసింహమూర్తి తాళ్ళపూడి మండలంలో మొత్తం 4 కరోన పోసిటివ్ కేసులు నమోదయ్యాయి అని అన్నారు. ఈ కార్యక్రమంలో పంచాయతీ సిబ్బంది, సచివాలయ సిబ్బంది, గ్రామ వాలంటీర్లు పాల్గొన్నారు.

ఘనంగా వైఎస్ఆర్ జయంతి వేడుకలు

ఘనంగా వైఎస్ఆర్ జయంతి వేడుకలు

తాళ్ళపూడి, పెన్ పవర్:

తాళ్ళపూడిలో బుధవారం నాడు దివంగత ముఖ్యమంత్రి వై.యస్.రాజశేఖర్ రెడ్డి జయంతి వేడుకలు ఘనంగా నిర్వహించారు. ముందుగా  తాళ్ళపూడి లక్ష్మీదేవి ఆలయ ప్రాంగణంలో ఉన్న  వై.యస్. రాజశేఖర్ రెడ్డి విగ్రహానికి తాళ్ళపూడి వైయస్సార్సీపీ నాయకులు అందరూ పూల మాలలు వేసి, నివాళులు అర్పించారు. రాజశేఖర్ రెడ్డి ప్రవేశపెట్టిన పలు సంక్షేమ పథకాలు గుర్తుకు తెచ్చుకోవడం, జోహార్లు రాజశేఖర్ రెడ్డి అని నినాదాలు తెలిపారు. ఆయన పాలనలో ఆంద్రప్రదేశ్  ఒక స్వర్ణయుగం అని తాళ్ళపూడి  వైయస్సార్సీపీ నాయకులు అన్నారు. ఈ కార్యక్రమంలో వైయస్సార్సీపీ సీనియర్ బి.సి. నాయకులు నక్కా చిట్టిబాబు, వైయస్సార్సీపీ నాయకులు సిరిపురపు మదన్ మోహన్ రెడ్డి, మండల యువజన విభాగం అధ్యక్షులు ఒంబోలు పోసిబాబు, వైయస్సార్సీపీ నాయకులు బండ్రెడ్డి వెంకటేశ్వరరావు, సిద్దంశెట్టి కృష్ణ, బండారు నాగేశ్వరరావు, గూడా విజయ రాజు, మైగాపుల ఆంజనేయులు, బండ్రెడ్డి సత్యనారాయణ, నాయకులు, కార్యకర్తలు, తదితరులు పాల్గొన్నారు.

సారా అక్రమ రవాణా కేసులో ఇద్దరు వ్యక్తులు అరెస్ట్

 

సారా అక్రమ రవాణా కేసులో ఇద్దరు వ్యక్తులు అరెస్ట్

 

 

సారా అక్రమ రవాణా కేసులో ఇద్దరు వ్యక్తులను అరెస్టు చేసినట్లు జగ్గంపేట ఎస్ ఐ టి రామకృష్ణ తెలిపారు

 

జగ్గంపేట మండలం లోని మామిడాడ గ్రామానికి చెందిన దెయ్యాల వీర రాఘవులు(20),  సారాతో , అదేవిధంగా జగ్గంపేట మండలంలోని ఇర్రిపాక గ్రామానికి చెందిన పప్పల లోవరాజు( 20 )  సారాతో ఈ ఇద్దరు వ్యక్తులు వేరువేరు మార్గాల ద్వారా సారాను అక్రమంగా తరలిస్తున్న ట్లు జగ్గంపేట పోలీసులకు వచ్చిన సమాచారం మేరకు జగ్గంపేట ఎస్ ఐ టి రామకృష్ణ తమ సిబ్బందితో  తనిఖీ చేయగా సార అక్రమ రవాణా లో పట్టుబడ్డ వీరిద్దరిని అదుపులోకి తీసుకొని వారి వద్ద నుంచి ఒక్కొక్కరి వద్ద 20 లీటర్ల చొప్పున 40 లీటర్ల సారాను స్వాధీనం చేసుకుని, వారిపై కేసు నమోదు చేసి కోర్టులో హాజరు పర్చడం జరిగిందని ఎస్సై రామకృష్ణ తెలిపారు. ఈ సందర్భంగా వీరికి పెద్దాపురం మెజిస్ట్రేట్ 14 రోజులపాటు రిమాండ్ విధించినట్లు ఎస్ఐ తెలిపారు.

అభివృద్ధి పనులను సమీక్షించిన అధికారులు

అభివృద్ధి పనులను సమీక్షించిన అధికారులు

 

పెన్ పవర్, ఆత్రేయపురం

 

మండలం లో వివిధ ఇంజనీరింగ్ శాఖల ద్వారా జరుగుతున్న అభివృద్ధి పనులను స్థానిక మండల పరిషత్ కార్యాలయ సమావేశపు మందిరంలో ఎంపీడీఓ నాతి బుజ్జి సంబంధిత శాఖల అధికారులతో కలిసి గ్రామ సచివాలయ సిబ్బందితో సమీక్షించారు.‌ పేదలందరికీ ఇళ్లు పధకం లో గుర్తించిన లబ్ధిదారులకు హౌసింగ్ డిపార్ట్మెంట్ ద్వారా సర్వీసు కోడ్ జనరేట్ వేయాలని కొత్తపేట హౌసింగ్ డిఈ శ్రీనివాస్ సచివాలయ డిజిటల్ అసిస్టెంట్ లకు తెలిపారు. అలాగే ఆత్రేయపురం మండలంలో మంజూరు అయిన వ్యక్తిగత మరుగుదొడ్లకి సంబంధించి అర్హులైన వారి పేమెంట్ కొరకు ఆన్లైన్ ప్రక్రియ త్వరగా పూర్తి చేయాలని ఆర్ డబ్ల్యు ఎస్ అసిస్టెంట్ ఇంజనీర్ కృష్ణారెడ్డి ఇంజనీరింగ్ అసిస్టెంట్ లకు సూచించారు. మండలం లో జరుగుతున్న సచివాలయ భవనాల నిర్మాణం, నాడు నేడు పనులు, రైతు భరోసా కేంద్రాల నిర్మాణం, వెల్ నెస్ నిర్మాణంలో అంచనాల కనుగుణంగా నాణ్యతతో పనులు చేయాలని మండల ఇంజనీరింగ్ అధికారి వీరభద్రరావు తెలిపారు. ఈ సమావేశంలో హౌసింగ్ అసిస్టెంట్ ఇంజనీర్ శ్రీనివాస్,  ఇంజనీరింగ్ అసిస్టెంట్ లు, డిజిటల్ అసిస్టెంట్ లు, హౌసింగ్ కంప్యూటర్ ఆపరేటర్ లు పాల్గొన్నారు

ఏలేశ్వరం లో భారీ వర్షం

ఏలేశ్వరం లో భారీ వర్షం

 

జలదిగ్బంధంలో మార్కండేయ పురం.

 

 

ఏలేశ్వరం: ఏలేశ్వరం మండలంలో గురువారం తెల్లవారుజామున భారీ వర్షం కురిసింది. దీంతో మండల పరిధిలోని రమణయ్య పేట గ్రామానికి చెందిన మార్కండేయ పురం జలదిగ్బంధంలో చిక్కుకుంది. సుమారు 64.2 మి.మీ. వర్షపాతం నమోదు అయ్యింది. ఏలేశ్వరం  పట్టణంలో వీధులన్నీ జలమయమయ్యాయి. మురుగు కాలువల సైతం రోడ్లపై ప్రవహించాయి. మండలంలో పలు గ్రామాల్లో పంటపొలాలు చెరువులను తలపించాయి. అయితే తమ్ముడు ఏలేరు రిజర్వాయర్ నిర్వాసితులకు సుమారు 30 ఏళ్ళ క్రితం రమణయ్య పేట వద్ద ప్రభుత్వం ఇళ్ల స్థలాలు ఇచ్చింది. అయితే అప్పటి నుంచి అనేక ఇబ్బందులు పడుతున్న వీరు కనీస వసతుల కోసం ప్రభుత్వ అధికారులకు మరి పెట్టుకుంటున్న ఇప్పటికే ఫలితం లేకపోయిందన్నారు. మురుగు నీరు పోవడానికి సరైన డ్రైనేజీ వ్యవస్థ లేకపోవడంతో కొద్దిపాటి వర్షం కురిస్తే మొత్తం వీధులన్నీ బురదమయం అవుతున్నాయి. అయితే తే.గీ గురువారం కురిసిన భారీ వర్షానికి పంట పొలాల్లో వర్షపు నీరు ఇళ్ళ పై పడింది. మోకాళ్లలో వీటిలో మునిగిన తమ ఊరు ప్రజలు అనేక ఇబ్బందులు పడుతున్నారని ప్రజలు వాపోతున్నారు. వర్షపు నీటితో పాటు తేళ్ళూ, జెర్రెలు, విష సర్పాలు తమ ఇళ్లల్లోకి చొరబడి ఉన్నాయని వారు ఆవేదన చెందుతున్నారు. ఇకనైనా ప్రభుత్వ అధికారులు స్పందించి మార్కండేయ పురాన్ని ముంపు నుంచి కాపాడాలని కోరుతున్నారు.

పెరుగుతున్న గోదావరి నీటిమట్టం

పెరుగుతున్న గోదావరి నీటిమట్టం

పోలవరం, పెన్ పవర్

పోలవరం లో గోదావరి నీటిమట్టం క్రమంగా పెరుగుతోంది. బుధవారం నాటికి గోదావరి నీటిమట్టం 16.547 మీటర్లుగా నమోదయింది. ఎగువ ప్రాంతాలలో కురుస్తున్న వర్షాలకు శబరి, ఇంద్రావతి,ఇతర కొండవాగుల నీరు గోదావరిలో కలుస్తుండడంతో వలన గోదావరి నీటిమట్టం క్రమక్రమంగా పెరుగుతుంది. 2 లక్షల క్యూసెక్కుల వరద జలాలను సముద్రంలోకి విడిచిపెట్టినట్లు సిడబ్ల్యుసిఅధికారులు తెలిపారు. గురువారం పట్టిసీమ వద్ద గోదావరి నీటిమట్టం మరింత పెరగడంతో ఇసుక  తిన్నెలు పూర్తిగా మునిగిపోయాయి.