కుకునూరు రైతు భరోసా కేంద్రంలో రైతు దినోత్సవం

 

కుకునూరు రైతు భరోసా కేంద్రంలో రైతు దినోత్సవం

 

తాళ్ళపూడి,  పెన్ పవర్: 

 

వై.యస్.రాజశేఖర్ రెడ్డి జయంతి రోజున రైతు దినోత్సవంగా జరుపుతున్నారు. ప్రతీ రైతు భరోసా కేంద్రంలో బుధవారం రైతు దినోత్సవం జరిపారు.   తాళ్ళపూడి మండలం లోని కుకునూరు గ్రామంలో ఉన్న రైతు భరోసా కేంద్రంలో ముందుగా దివంగత ముఖ్యమంత్రి వై.యస్.రాజశేఖర్ రెడ్డి చిత్రపటానికి పూలమాల వేచి నివాళులు అర్పించారు. అదేవిధంగా  అక్కడ రైతు భరోసా కేంద్రంలో రైతు దినోత్సవ వేడుకలు జరిపామని తాళ్ళపూడి 2 సెక్రెటరీ యస్.శ్రీను తెలిపారు. ఈ కార్యక్రమంలో రైతులకు సంబంధించిన పథకాలు గురుంచి, పొలంబడి గురుంచి, రైతు భరోసా వినియోగo, లబ్ధి తదితర విషయాలపై అవగాహన కల్పించామన్నారు. ఈ కార్యక్రమంలో వి.ఎ.ఎ.లు ఆనంద్, రేవతి, వి.ఆర్.ఒ. లీలావతి, రైతులు, గ్రామపెద్దలు, నాయకులు పాల్గొన్నారు.

వైయస్సార్ జయంతి సందర్భంగా పలు సేవా కార్యక్రమాలు .

 

వైయస్సార్  జయంతి సందర్భంగా పలు సేవా కార్యక్రమాలు .

వైసిపి పోలవరం మండల అధ్యక్షుడు బుగ్గా మురళీకృష్ణ..

పోలవరం,  పెన్ పవర్

వైయస్సార్ జయంతిని పురస్కరించుకుని పోలవరం మండలం   స్థానిక పంచాయతీ ఆవరణలో వైసిపి జిల్లా ప్రధాన కార్యదర్శి సుంకర వెంకట రెడ్డి, మండల అధ్యక్షులు బుగ్గా మురళీకృష్ణ  లు  స్వర్గీయ వైయస్ రాజశేఖర్ రెడ్డి విగ్రహానికి పూలమాలలు వేసి నివాళులర్పించారు. కేక్ కటింగ్ చేసి కార్యకర్తలకు, నాయకులకు పంచిపెట్టారు. అనంతరం పలు సేవా కార్యక్రమాల్లో పాల్గొన్నారు. ప్రాథమిక ఆరోగ్య కేంద్రం లోని రోగులకు పండ్లు పంపిణీ చేశారు. అనంతరం బుగ్గా మురళీకృష్ణ మాట్లాడుతూ రాష్ట్ర ప్రజలకు అనేక సంక్షేమ పథకాలను ప్రవేశపెట్టి అమలు చేసిన వైయస్ రాజశేఖర్ రెడ్డి ప్రజల గుండెల్లో చిరస్థాయిగా నిలిచి ఉంటారని అన్నారు. ఆరోగ్యశ్రీ, 108 అంబులెన్స్, ఫీజు రియంబర్స్మెంట్, రైతు రుణమాఫీ వంటి మరెన్నో పథకాలు పేద ప్రజలకు చేరువయ్యేలా పరిపాలన కొనసాగించారని అందుకే ఆయనను అపర భగీరథుడు, రైతు బాంధవుడు, ప్రజల ఆశాజ్యోతి గా ప్రజల గుండెల్లో నిలిచి ఉన్నారని అన్నారు. ఆయన దూరమైన ఈ 12 సంవత్సరాల కాలంలో ఏ ఒక్కరూ ఆయన్ని మరిచిపోలేదని గుర్తు చేశారు. ప్రజా పాలనలో, సంక్షేమ పథకాలు ప్రవేశ పెట్టడంలోను, వాటిని అమలు చేయడంలోనూ తండ్రికి మించిన తనయుడుగా ముఖ్యమంత్రి వైయస్ జగన్మోహన్ రెడ్డి ప్రజల మన్ననలు పొందుతున్నారు అని అన్నారు. ఈ కార్యక్రమంలో వైసిపి నాయకులు సుంకర వెంకట రెడ్డి, బుగ్గా మురళీకృష్ణ, షేక్ పాతి మున్నీసా, దాకే మంగాయమ్మ, గంగు అనిల్ కుమార్,  పాదం రాజబాబు, డి రమేష్, సోబ్బాన మోహన్, ఘంటా శ్రీను, గోక చిట్టి రాజు, కె రాజు, శివ ప్రసాద్, రాణి, దుర్గ, అప్పారావు, వైసిపి నాయకులు, కార్యకర్తలు పాల్గొన్నారు. 

విగ్రహ ఆవిష్కరణలో మంత్రి వనిత

విగ్రహ ఆవిష్కరణలో మంత్రి వనిత

 

తాళ్లపూడి,  పెన్ పవర్:

 

 దివంగత ముఖ్యమంత్రి డాక్టర్ వై.ఎస్.రాజశేఖర్ రెడ్డి పరిపాలన స్వర్ణయుగమని రాష్ట్ర మహిళా, శిశు సంక్షేమ శాఖా మంత్రి తానేటి వనిత పేర్కొన్నారు. బుదవారం తాళ్లపూడి మండలం అన్నదేవరపేట లో వై.ఎస్.రాజశేఖర్ రెడ్డి 71 వ పుట్టినరోజు సందర్భంగా  పోసిన  శ్రీకృష్ణ దేవరాయలు ఆధ్వర్యంలో ఏర్పాటు చేసిన విగ్రహ ఆవిష్కరణ కార్యక్రమంలో మంత్రి ముఖ్య అతిధిగా పాల్గొన్నారు.  రాజశేఖర్ రెడ్డి విగ్రహాన్ని ఆవిష్కరించారు. తరువాత కేక్ కట్ చేశారు. మహానేత రాజశేఖర్ రెడ్డి పరిపాలనలో  ప్రతి కుటుంబం లబ్ది పొందిందని, ఆరోగ్య ప్రదాత, అపర భగీరధుడుగా పేరొందిన రాజశేఖర్ రెడ్డి అనేక సంక్షేమ కార్యక్రమాలు అమలు పరిచారని , ఆయన బాటలోనే ఆయన తనయుడు రాష్ట్ర ముఖ్యమంత్రి వై.ఎస్.జగన్ మోహన్ రెడ్డి కూడా పలు అభివృద్ధి కార్యక్రమాలు చేపట్టారని,  రాష్ట్ర లో 30 లక్జల మందికి సొంతింటి కల నెరవేర్చే పెద్ద కార్యక్రమం అతి త్వరలో జరుగుతోందని  మత్రి తెలిపారు.  అధికారులకు, నాయకులకు, కార్యకర్తలకు, పార్టీ అభిమానులకు వై.ఎస్.రాజశేఖర్ రెడ్డి పుట్టిన రోజు సందర్భం గా శుభాకాంక్షలు తెలిపారు. ఈ కార్యక్రమం లో  గోపాలపురం మాజీ శాసనసభ్యుడు జొన్నకూటి బాబాజి రావు , కొవ్వూరు సి.ఐ. సురేష్, తాళ్లపూడి ఎస్.ఐ. జి. సతీష్, తహసీల్దార్ ఎం.నరసిహమూర్తి, ఎం.డి.ఒ. ఎం.రాజశేఖర్, ప్రభుత్వ అధికారులు వైసిపి మండల అధ్యక్షులు  కుంటముక్కల కేశవ నారాయణ, కొమ్మిరెడ్డి పరశు రామారావు, కొమ్మిరెడ్డి వేంకటేశ్వర రావు, ఎస్.సి.సెల్ అధ్యక్షులు యాళ్ల బాబూరావు, తోట రామకృష్ణ  , బండ్రెడ్డి వేంకటేశ్వరరావు , యువజన నాయకులు  ఒంబోలు పోసిబాబు,  మరియు కార్యకర్తలు, వై.ఎస్. అభిమానులు పాల్గొన్నారు.

పేదల నివాసానికి అనుకూలంగా ఇండ్ల స్థలాలు ఇవ్వాలి: గొల్లపల్లి

పేదల నివాసానికి అనుకూలంగా ఇండ్ల స్థలాలు ఇవ్వాలి: గొల్లపల్లి

రాజోలు, :పెన్ పవర్

 

 

రాజోలు మండల రెవెన్యూ తహసీల్దార్ కి మాజీ మంత్రివర్యులు గొల్లపల్లి సూర్యారావు  పేదలకు నివాసానికి అనుకూలంగా ఉండేలా ఇండ్ల స్థలాలు ఇవ్వాలని డిమాండ్ చేస్తూ వినతిపత్రం సమర్పించారు .ఈ సందర్బంగా గొల్లపల్లి మాట్లాడుతూ ఇటీవల రాష్ట్ర ప్రభుత్వం పేదలకు ఇండ్ల స్థలాలు ఇవ్వాలి అని నిర్ణయించింది, కానీ ఈ కార్యక్రమం పట్ల రాష్ట్ర ప్రభుత్వానికి చిత్తశుద్ధి లేదని అన్నారు.గతంలో ఇచ్చిన ఇండ్ల పట్టాలు రద్దు చేసి కొత్తవారికి ఇవ్వటం చాలా దారుణం అని, ప్రజా వాసాలకు దూరంగా నివాసానికి అనువుగా లేని చోట్ల మరియుస్మశానాలకు దగ్గరలోను,గోదావరి వరద ముంపునకు గురి అయ్యే ప్రాంతాలలో ను ఇండ్ల స్థలాలు ఇవ్వడం వల్ల ప్రజలకు ఉపయోగం ఉండదని గొల్లపల్లి అన్నారు, ప్రజలకు ఇచ్చే స్థలాలు కప్పుదల  చేసే మట్టి ని  కొన్ని చోట్ల స్మశానంలలో ఎముకల తో కూడిన మట్టిని, పంట కాలవలోను, డ్రైనేజీలలోను గుడ్డముక్కలు, చెత్త చెదారం తో కూడిన వండ్రి మట్టితోను,  పూడ్చడం జరిగింది, మానవజీవితంలో సొంత ఇల్లు అనేది ఒక కల అంటువంటి స్థలం ఇచ్చేటప్పుడు ప్రభుత్వం ఇంత నిర్లక్ష్యం గా వ్యవహరించడం చాలా దారుణం అని గొల్లపల్లి అన్నారు, ఇండ్ల స్థలాల కొనుగోలులో కూడ రాజకీయ దళారుల ప్రమేయం తో తక్కువ రేటు భూములను చాలా ఎక్కువ రేటుకు కొంటూ వివిధ పన్నుల రూపాలలో ప్రభుత్వానికి కట్టిన ప్రజల సొమ్మును దోచుకు తినే పనిలో ఉన్నరారని ఆయన అన్నారు. ఇటువంటి కార్యక్రమం అవినీతి లో కూరుకుపోవడం బాధగా ఉందని గొల్లపల్లి ఆవేదన వ్యక్తపరిచారు.నేను తెలియజేసిన అన్నీ విషయాల మీద విచారణ చెయ్యాలని, పేదలకు నివాసానికి  అనువైన ఇండ్ల స్థలాలు ఇవ్వాలని ,  మీ ద్వారా ప్రభుత్వాన్ని కోరుచున్నాను అని గొల్లపల్లి అన్నారు. ఈ కార్యక్రమం మండల టీడీపీ సెక్రటరీ చాగంటి స్వామి, మట్టపర్తి లక్ష్మి, బేతినీడి శ్రీనివాస్, కోళ్ల వెంకన్న, కట్టా సూరిబాబు, నార్కేడమిల్లి కనకం,రావి మురళికృష్ణ, పామర్తి రమణ, అడబాల విజయ్ , చెల్లింగి శ్రీనివాస్,కడలి వెంకటేశ్వరావు, పెట్టాను సూరిబాబు, చెల్లుబోయిన శ్రీనివాస్, కసుకుర్తి త్రినాధస్వామి,  రాయుడు రామశంకర్, బోళ్ల వెంకటరమణ, కడలి వెంకటరమణ , దాడి కృష్ణ, నార్కేడమిల్లి విష్ణు, కుసుమ ప్రసాద్, కత్తి రాజు, కడలి నాగేశ్వరావు,  సూరిబాబు తదితరులు పాల్గొన్నారు...

రాజన్న రాజ్యం జగనన్నతోనే సాధ్యం. ఎమ్మెల్యే పర్వత

రాజన్న రాజ్యం జగనన్నతోనే సాధ్యం. ఎమ్మెల్యే పర్వత

 

 ఏలేశ్వరం

ఆంధ్రప్రదేశ్ రాష్ట్ర మాజీ ముఖ్యమంత్రి స్వర్గీయ డాక్టర్ వైఎస్ రాజశేఖరరెడ్డి  ప్రతి నిరుపేదకు విద్య ,వైద్యం, సొంతిల్లు అందాలని కన్న కలలు జగన్ ద్వారా సాధ్యమవుతుందని ప్రత్తిపాడు శాసనసభ్యులు పర్వత పూర్ణచంద్ర ప్రసాద్ అన్నారు. మండల పరిధి పెద్దనాపల్లి గ్రామంలో రాజశేఖర్ రెడ్డి జన్మదినం సందర్భంగా నూతనంగా నిర్మించిన ఆయన విగ్రహాన్ని ఆవిష్కరించిన అనంతరం సచివాలయం నిర్మాణ పనులతో ఆయన శంకుస్థాపన చేశారు. ఈ సందర్భంగా ఎమ్మెల్యే మాట్లాడుతూ తెలుగువాడు ఉన్నంత వరకూ రాజశేఖర్ రెడ్డిని మరువలేము అన్నారు. ఈ కార్యక్రమంలో వైకాపా నాయకులు గొల్లపల్లి బుజ్జి, బది రెడ్డి గోవింద్, గొల్లపల్లి కాశీ విశ్వనాథ్, బుద్ధ ఈశ్వరరావు, ఎంపీడీవో డిఎన్ రత్నకుమారి తదితరులు ఉన్నారు.

ముదిరిన' వెలి 'వివాదం

ముదిరిన' వెలి 'వివాదం

 

- అధికారుల సమక్షంలోనే ఒక వర్గంపై మరొక వర్గం దాడి..

- ఒక మహిళ, ముగ్గురు యువకులకు తీవ్ర గాయాలు, 

- గ్రామంలో పోలీసు పికెటింగ్ ఏర్పాటు

 

రావులపాలెం మండలం లక్ష్మీపోలవరంలో గత కొన్నేళ్లుగా సాగుతున్న వెలి వివాదం ముదిరి దాడులకు దారి తీసింది.

తమను వెలి వేసి సంఘ కార్యక్రమాలలో పాల్గొనకుండా అడ్డుకుంటున్న కుల పెద్దలపై చర్యలు తీసుకుని న్యాయం చేయాలని కోరుతూ సోమవారం లక్ష్మీపోలవరం గ్రామానికి చెందిన కొంతమంది దళితులు అమలాపురంలో ఆర్.డి.ఓ భవానీ శంకర్ కు వినతి పత్రం సమర్పించారు. గత నాలుగు సంవత్సరాలుగా తమ సొసైటీకి చెందిన సుమారు 15 ఎకరాల భూమి, కొబ్బరి చెట్లు,చెరువు , లీజుకు  పాటలు పెట్టగా వచ్చిన ఆదాయాన్ని మాకు చెందకుండా అడ్డుకుంటున్నారని,

పాడేందుకు వెళ్లిన తమను మీరు సంఘంలో లేరు, మీకు పాడేందుకు అవకాశం ఇచ్చేది లేదు అంటూ తిరస్కరిస్తున్నారని ఎన్నిసార్లు అధికారులకు విన్నవించినా పట్టించుకోవడం లేదని వారు ఆర్డీఓ దృష్టికి తీసుకెళ్లారు. తమను వెలి నుండి తక్షణం ఉపసమనం కలిగేలా చర్యలు తీసుకోవాలని,లీజుకు పాట పాడేందుకు అవకాశం కల్పించాలని,సొసైటీ కి వచ్చే ఆదాయం మాకు కూడా చెందేలా చర్యలు తీసుకోవాలని కోరారు. ఈ నేపథ్యంలో మంగళవారం తహశీల్దార్ ఎం.డీ.యూసుఫ్ జిలానీ, సిఐ  వి కృష్ణ,ఎస్సై పి.బుజ్జిబాబులు గ్రామంలోని అంబేద్కర్ విగ్రహం వద్ద ఇరు వర్గాల సభ్యులతో చర్చలు జరిపారు. ఈ సందర్భంగా సంఘ పెద్దలు బాధిత ముప్పై మూడు కుటుంబాలను కుటుంబానికి రూ.4వేలు చొప్పున తప్పుగా చెల్లిస్తే సంఘంలో చేర్చుకుంటామని తేల్చి చెప్పారు. అయితే తామెందుకు డబ్బు కట్టాలని, ఒక్క రూపాయి కూడా కట్టేది లేదని తేల్చిచెప్పారు దీంతో శుక్రవారం రావులపాలెం తహశీల్దార్ కార్యాలయంలో మరో సమావేశం ఏర్పాటు చేసి చర్చిస్తామని ఇరు వర్గాల వారు రావాలని సూచించారు. దీంతో ఇరు వర్గాలు అక్కడినుంచి వెళ్తున్న సమయంలో బాధిత కుటుంబాలకు చెందిన పెనుమాల రిషిప్రియ పై సంఘంలోని కొందరు  రెండు పర్యాయాలు దాడి చేయడంతో అపస్మారక స్థితికి చేరుకుంది. దాడిని అడ్డుకునేందుకు వచ్చిన సఖిలే అనిల్ కుమార్, సఖిలే సునీల్ కుమార్, బాదం ప్రభు రోషన్లపై సంఘస్తులు దాడిచేయడంతో గాయాలపాలయ్యారు.వీరితో పాడు సంఘ సభ్యులు నక్కా వెంకటరత్నం, నక్కా చంద్రశేఖర్ లు గాయపడ్డారు. ఇరువర్గాల వారని కొత్తపేట ప్రభుత్వ ఆసుపత్రికి, రావులపాలెం ప్రైవేటు హాస్పిటల్ లకు తరలించారు.ఇరు వర్గాల వారు ఇచ్చిన ఫిర్యాదు మేరకు 24 మందిపై కేసులు నమోదు చేసినట్టు ఎస్సై పి బుజ్జిబాబు తెలిపారు.గ్రామంలో శాంతి భద్రతల సమస్యలు తలెత్తకుండా ముందు జాగ్రత్త చర్య గా పోలీసు పికెటింగ్ ఏర్పాటు చేశారు.

దాడికి పాల్పడిన వారిని శిక్షించాలి

 

ముంబైలో "బాబా సాహెబ్ అంబేద్కర్" నివాస రాజ గృహంపై దుండగుల దాడి కి   నిరసనగా దర్నా

 పూర్ణా మార్కెట్, పెన్ పవర్.

ముంబైలో  "బాబా సాహెబ్ అంబేద్కర్ "నివాస రాజ   గృహంపై దుండగుల దాడి, గృహం మొత్తం ధ్వంసం కి  నిరసనగా    విశాఖలో ఎల్ ఐ.సీ బిల్డింగ్ దగ్గర వున్న  బాబాసాహెబ్ అంబేద్కర్ విగ్రహం దగ్గర బీ.జె.పి విశాఖ ఎస్సీ  మూర్ఛ అద్యక్షులు చొక్కాకులు రాంబాబు మాట్లాడుతూ  ఈ దాడిని కండించారు, ఈ దాడి రాజ గృహంపై దాడి కాదని, దేశ వ్యాప్త దళితుల ఆత్మ గౌరవం పై దాడి అని, దాడి చేసిన వారిని వెంటనే శిక్షించాలని ఆయన డిమాండ్ చేశారు.ఈ కార్యక్రమంలో జగదీష్ కుమార్, ఏస్.రవి కుమార్, డీ. శ్రీనివాస్ రావు తదతరులు పాల్గొన్నారు.