ఒడిశా అడవుల్లో మావోలు పోలీసుల మధ్య ఎదురు కాల్పులు

ఒడిశా అడవుల్లో మావోలు పోలీసుల మధ్య ఎదురు కాల్పులు

నలుగురు మావోలు మృతి. పలువురికి తీవ్ర గాయాలు.ఏవోబీ  పరిధిలో అప్రమత్తమైన పోలీసులు
ఆంధ్రా ఒరిస్సా సరిహద్దుల్లో గాలిస్తున్న పోలీస్ బలగాలు

        విశాఖపట్నం_బ్యూరో ఛీప్ (పెన్ పవర్)
ఒడిశా అడవుల్లో ఆదివారం మావోయిస్టుల పోలీసుల మధ్య ఎదురుకాల్పులు చోటుచేసుకున్నాయి. ఈ సంఘటనలో నలుగురు మావోయిస్టులు మృతి చెందగా భారీ సంఖ్యలో   మావోయిస్టులు తీవ్ర గాయాల పాలైన ట్లు   సమాచారం పోలీస్ వర్గాల ద్వారా వస్తుంది. కొందమాల్ జిల్లా అటవీ ప్రాంతంలో పోలీసులు మావోయిస్టులు ఎదురు పడడంతో కాల్పులకు దారితీసింది. ఈ ప్రమాదంలో మావోయిస్టులకు భారీగా ఎదురుదెబ్బ తగిలింది. గాయాలపాలైన మావోయిస్టులు ఆంధ్ర ఒరిస్సా సరిహద్దుల్లో చేరుతారన్న సమాచారంతో ఏవోబీ పరిధిలో  పోలీసులు అప్రమత్తమయ్యారు. ఆంధ్ర ఒరిస్సా పోలీసులు  గాయాలపాలైన మావోయిస్టుల ఆచూకీ  కోసం  జల్లెడ పడుతున్నట్లు స మాచారం. కరోనా మహమ్మారి  నియంత్రణలో భాగంగా పోలీసులు లాక్ డౌన్ నిబంధనలు అమలు చేస్తున్నారు. ఇదే  అదునుగా మావోయిస్టులు యాక్షన్ టీంలు రిక్కీ నిర్వహిస్తున్నారు. మావోయిస్టుల ప్రభావానికి చెక్ పెట్టాలని  పోలీసు బలగాలు  ఆంధ్ర  ఒడిశా సరిహద్దుల్లో గాలింపు చేస్తున్నారు. అటవీ ప్రాంతాల్లో కాకుండా  కల్వర్టులు  ప్రధాన కూడళ్లు  వారపు సంతలో పోలీసులు తనిఖీలు ముమ్మరంగా సాగిస్తున్నారు. క్షతగాత్రులైన మావోయిస్టులు కోసం విస్తృతంగా గాలిస్తున్నారు.  మావోయిస్టులకు కోలుకోలేని దెబ్బ తగిలిందని పోలీస్ వర్గాలు భావిస్తున్నాయి.

బాలికపై అత్యచారం

బాలికపై అత్యచారం

పోలీసుల అదుపులో ముగ్గురు వ్యక్తులు

తల్లిదండ్రులు లేని బాలికపై కొంతకాలంగా అత్యాచారానికి పాల్పడిన ముగ్గురు వ్యక్తులు

 

బాలిక గర్భం దాల్చడంతో వెలుగులోకి వచ్చిన వైనం

 

     విశాఖపట్నం_బ్యూరో ఛీప్ (పెన్ పవర్)

 

విశాఖ జిల్లాలో దారుణ సంఘటన ఆలస్యంగా వెలుగులోకి వచ్చింది తల్లిదండ్రులు లేని ఓ బాలికను మాయమాటలు చెప్పి ముగ్గురు వ్యక్తులు కొంతకాలంగా అత్యాచారానికి పాల్పడ్డారు. ఇటీవల ఆ బాలిక అనారోగ్యానికి గురి కావడంతో వైద్య పరీక్షలు నిర్వహించిన ఆమె గర్భం దాల్చినట్లు గుర్తించారు. ఎలమంచిలి మండలం కొత్తలి గ్రామంలో ఈ దారుణం చోటుచేసుకుంది గ్రామానికి చెందిన 15 ఏళ్ల బాలిక తల్లిదండ్రులు చనిపోవడంతో నాన్నమ్మ తాతయ్య ల వద్ద ఉంటుంది. తొమ్మిదొ తరగతితో చదువు ఆపేసి ఆ బాలిక ఇంటి వద్దనే ఉంటుంది  నానమ్మ తాతయ్య వ్యవసాయ పనులకు వెళ్లిన సమయంలో గ్రామానికి చెందిన ముగ్గురు వ్యక్తులు మాయమాటలు చెప్పి అత్యాచారానికి పాల్పడ్డారు. ఇటీవల అనారోగ్యానికి గురైన ఆ బాలికను నానమ్మ ఆస్పత్రికి తీసుకెళ్లగా ఐదు నెలల గర్భవతి గా చెప్పారు. ఈమేరకు నిందితులు ఓ కార్పెంటర్.. భవన నిర్మాణ కార్మికుడు... దినసరి కూలీగా గుర్తించారు. బాలికను అనకాపల్లిలోని ప్రభుత్వ వైద్యశాలకు పంపించి వైద్య పరీక్షలు నిర్వహించారు.

ఘనంగా బాబూ జగజ్జివన్ రావు వర్ధంతి

 

ఘనంగా బాబూ జగజ్జివన్ రావు వర్ధంతి

 

అనకాపల్లి

 

 

భీమునిగుమ్మం  అరుంధతి సేవా సంఘం ఆధ్వర్యంలో 34వ బాబుజగజీవన్ రావు వర్ధంతి వేడుకలు  ఘనంగా జరిగాయి. ఈ కార్యక్రమానికి ముఖ్య అతిధిగా విచ్చేసిన పార్లమెంట్ పరిశీలకులు దాడి రత్నాకర్  పూలమాలలు వేసి నివాళులర్పించారు. రత్నాకర్ గారు మాట్లాడుతూ బాబుజగ్జీవన్ రావు  గొప్ప సంఘ సంస్కర్త, స్వతంత్ర సమరయోధులు , గొప్ప పార్లమెంట్రియన్గా జాతికి దేశానికి ఎంతో సేవ చేసారని కొనియాడారు. ఈ కార్యక్రమంలో వైస్సార్ పట్టణాధ్యక్షులు జానకి జానికిరమరాజు , అరుంధతి సేవా సంఘం నాయకులు కట్టుమూరి మంగరాజు , మహాలక్ష్మినాయుడు ,జైభీమ్ సేన సేవా సంఘం జిల్లా అధ్యక్షులు రేబాక మధుబాబు,  నాయుడు , చెవ్వేటి చంటి, 80 వ వార్డు ఇన్చార్జ్ కొణతాల భాస్కరరావు 81 వ వార్డు రాంబాబు గారు, దళిత సంఘాల నాయకులు, వైస్సార్ పార్టీ నాయకులు పాల్గొని నివాళులర్పించారు. అనంతరం పేదలకు కాయగూరలు పంపిణీ చేశారు.

 

 

 

గోకవరం లో లాక్ డౌన్ ఏర్పాటు చేయాలి

 

గోకవరం లో లాక్ డౌన్ ఏర్పాటు చేయాలని వినతి.

.... అధికారులకు వినతిపత్రం అందజేస్తున్న టిడిపి నాయకులు.

 

గోకవరం పెన్ పవర్.

 

కరోనా కేసు నమోదు కావడంతో గోకవరం లో ని లాక్ డౌన్ ఏర్పాటు చేయాలంటూ స్థానిక టిడిపి నాయకులు సోమవారం అధికారులకు వినతిపత్రం అందజేశారు. ఉదయం ఆరు గంటల నుంచి మధ్యాహ్నం ఒంటి గంట వరకు లాక్ డౌన్ ను ఏర్పాటు చేసి మరో వ్యక్తిని కరోనా వైరస్ వ్యాప్తి అరికట్టే దిశగా చర్యలు తీసుకోవాలని వారు వివిధ శాఖల అధికారులకు లిఖిత పూర్వకంగా విజ్ఞప్తి చేశారు. ఈ కార్యక్రమంలో టిడిపి నాయకులు పాలూరి బోసు బాబు, పోసిన ప్రసాద్, గునిపే భరత్, నరేంద్ర  తదితర నాయకులు పాల్గొన్నారు.

కామరాజుపేట లో కరోనా కలకలం.

కామరాజుపేట లో కరోనా కలకలం.

 

గోకవరం పెన్ పవర్.

 

మండలంలోని కామరాజుపేట గ్రామంలో కరోనా సోకిన వ్యక్తి సంచరిస్తున్నాడనే సమాచారం కలకలం రేపింది. ఏలూరుకు చెందిన ఒక వ్యక్తి సుమారు వారం రోజుల క్రితం తన అత్తగారి స్వగ్రామమైన కామరాజుపేట రావడం జరిగింది. అయితే కామరాజుపేట రావడానికి ముందు ఆ వ్యక్తి కరోనా పరీక్షలు చేయించుకుని ఇక్కడికి వచ్చినట్లు సమాచారం. పరీక్షల్లో కరోనా పాజిటివ్ గా ఆదివారం రాత్రి నిర్ధారణ కావడంతో గుట్టుచప్పుడు కాకుండా సోమవారం తెల్లవారుజామున ఆ వ్యక్తి కామరాజుపేట నుంచి పరారి కావడం జరిగిందని గ్రామస్తులు చెప్పుకొస్తున్నారు.గ్రామంలో ఆ వ్యక్తి ఉన్న ఇంట్లో సుమారు పది మంది కుటుంబ సభ్యులు వరకు కలిసి ఉంటారని సమాచారం ఈ విషయం తెలుసుకున్న గ్రామస్తులు ఆందోళన నెలకొంది.స్థానిక అధికారులు సంబంధిత ఇంటికి చేరుకొని కుటుంబ సభ్యులు ఏ ఒక్కరు మీ ఇంటి నుంచి బయటకు రావద్దని ఆదేశాలు జారీ చేసినట్లు తెలియవచ్చింది.

మాదిగ అమరవీరులకు మాదిగ జేఏసీ ఆధ్వర్యంలో ఘన నివాళి

 

మాదిగ అమరవీరులకు మాదిగ జేఏసీ ఆధ్వర్యంలో ఘన నివాళి

అశ్వాపురం, పెన్ పవర్

మాదిగ జేఏసీ ఆధ్వర్యంలో సొమవరం  అశ్వాపురం మండల కేంద్రంలో ఎస్సీ వర్గీకరణ సాధనకై గత ఇరవై-ఐదు సంవత్సరాలుగా అలుపెరగని ఉద్యమాలు చేసి అమరులైన మాదిగలను స్మరించుకుంటూ ఘనంగా నివాళులర్పించారు..ఈ సందర్భంగా మాదిగ జేఏసీ రాష్ట్ర ప్రచార కార్యదర్శి గద్దల.నాగేశ్వరరావు పాల్గోని మాట్లాడుతూ.. ఎస్సీ వర్గీకరణ సాధనలో భాగంగా అమరులైన మాదిగల త్యాగాలను మర్చిపోలేము అని..వారి త్యాగాలను వృధా కానివ్వమని..ఎస్సీ వర్గీకరణ సాధనకోసం-వారి ఆశయ సాధనకు కోసం..విద్యావేత్త.. మాదిగల మలిదశ ఉద్యమ రథసారథి-ఉస్మానియా యూనివర్సిటీ ఉద్యమ నాయుకుడు-తెలంగాణ రాష్ట్ర మొట్ట మొదటి ఎస్సీ కార్పోరేషన్ మాజీ చైర్మన్ డా.పిడమర్తి.రవి నాయకత్వంలో..వర్గీకరణ సాదించేందుకు మాదిగలు సిద్ధంగా ఉంటామని తెలిపారు..కేంద్రంలో ఉన్నటువంటి ప్రభుత్వాలు మాదిగలను..ఎన్నికల్లో హామీ ఇవ్వడం అధికారంలోకి వచ్చిన తర్వాత పట్టించుకోకుండా మాదిగలను మోసం చేస్తున్నారని దుయ్యబట్టారు...అనంతరం ప్రముఖ సంఘ సంస్కర్త..ప్రముఖ స్వాతంత్ర్య సమరయోధుడు-సమ సమాజ స్థాపన కృషీవలుడు.. భారత తొలి ఉప ప్రధాని.డా బాబు జగ్జీవన్ రాం వర్ధంతి సందర్భంగా వారి చిత్రపటానికి పూలమాలలు వేసి నివాళులర్పించారు..ఈ కార్యక్రమంలో మండల అధ్యక్షుడు.మందా.హుస్సేన్-మండల సీనియర్ నాయకులు.ఇరుగు.నాగరాజు-మేకల.అంజిబాబు-రావులపల్లి.నర్సింహారావు-ఇసంపల్లి-పున్నారావు-ఆర్టీసీ ఉద్యోగులు సంఘం భాద్యులు.ఇల్లటూరి.మహేష్-కోడారి.వేణు-ఇసంపల్లి.సురేష్-మంగళగిరి.రామకృష్ణ-తాళ్లూరి.శ్రీను-గుర్రం.రాములు.దమ్మయ్య-తదితరులు పాల్గొన్నారు

బి జే పీ ఆధ్వర్యంలో ఘనంగా గురుపౌర్ణమి

బి జే పీ  ఆధ్వర్యంలో ఘనంగా గురుపౌర్ణమి 

 

పూర్ణా మార్కెట్ ,పెన్ పవర్.

 

భారతీయ జనతా పార్టీ విశాఖ అధ్యక్షులు మేడపాటి రవీందర్ రెడ్డి సూచన మేరకు గురుపౌర్ణమి పర్వదినాన గురువుని సత్కరించు కార్యక్రమం దక్షిణ నియోజకవర్గ కన్వీనర్ రామ్ కుమార్ ఆధ్వర్యంలో నిర్వహించారు గురు పౌర్ణమి పర్వదినాన్ని పురస్కరించుకుని బిజెపి దక్షిణ నియోజకవర్గం కన్వీనర్ అయినటువంటి  కొప్పల.రామ్ కుమార్ ఆధ్వర్యంలో జ్ఞానపురానికి చెందిన బీజేపీ నాయకులు, ఉపాధ్యాయులు అయినటువంటి వంక సంజీవ రావు  అలాగే ప్రభుత్వ ఉపాధ్యాయ వృత్తి నుండి విరమణ పొందిన బేతా. రాణి వారిని ఈరోజు సత్కరించటం జరిగింది ఈ కార్యక్రమం అనంతరం రాణి  ప్రధాని  నరేంద్ర మోడీ గారి సుపరిపాలన విధానాన్ని చూసి తాను ఎంతో ఆకర్షితురాలిని అయ్యానని అందువలన భవిష్యత్తులో భారతీయ జనతా పార్టీ ఉజ్వల భవిష్యత్తు కొరకు విశాఖ నగరంలో కృషిచేస్తానని పార్టీ అధ్యక్షులు మేడపాటి రవీంద్ర రెడ్డి ఆధ్వర్యంలో పార్టీ కండువా వేసుకొని పార్టీలో చేరారు.

ఈ కార్యక్రమంలో బీజేపీ రాష్ట్ర నాయకులు ప్రకాష్ రెడ్డి , మోహన్ రావు , యువ మోర్చా రాష్ట్ర కార్యదర్శి విశ్వతేజ , దళిత మోర్చా నాయకులు చక్రవర్తి , రాంబాబు , స్థానిక బిజెపి నాయకులు సతీష్  తదితరులు పాల్గొన్నారు.