సీతానగరం లో మూడుకు చేరిన కరోనా పాజిటివ్ లు

 

 సీతానగరం లో మూడుకు చేరిన కరోనా పాజిటివ్ లు

పెన్ పవర్ , సీతానగరం

 

మండలం నందు పాజిటివ్ కేసులు మూడుకు చేరాయని వైద్యాధికారి డాక్టర్ హారిక పత్రికా విలేకరులకు తెలిపారు. డాక్టర్ హారిక మాట్లాడుతూ కరోనా వైరస్ మండల పరిధిలో ఇనుగంటివారి పేట గ్రామంలో కలకలం రేపింది అన్నారు. ఈ గ్రామానికి చెందిన వారు ఈనెల ఫస్ట్ తారీఖున డి హెచ్ నందు వైద్య పరీక్షలు చేయించుకోగా 4వ తారీకు సాయంత్రం నిర్ధారణ అయిందని వీరిలో 42 సంవత్సరాలు కలిగిన ఒక వ్యక్తి తన బామ్మర్ది విజయవాడలో కరోనా పాజిటివ్ తో మరణించగా అక్కడికి వెళ్లడం వలన కరోనా వైరస్ సోకిందని,25 సంవత్సరాలు కలిగిన మరొక వ్యక్తి కితన స్నేహితునికి కరోనా ఉండటంతో ఈ వ్యక్తికి సంక్రమించిందని డాక్టర్ హారిక తెలిపారు. ఇనుగంటివారి పేటకు చెందిన ఈ వ్యక్తులు ఇద్దరిని బొమ్మూరు కోవిడ్ కేర్ సెంటర్ కు తరలిస్తున్నామన్నారు. గతంలో ఆర్టీసీ గ్యారేజ్ నందు మెకానిక్ గా పనిచేస్తున్న ఒక వ్యక్తికి వైరస్ సోకకగా వైద్య సేవలు పొందుతున్నారనీ, అదే గ్రామానికి చెందిన మరొక వ్యక్తి తాడేపల్లి గ్రామంలోనే ఉండేవారని అతనికి కరోనా సంక్రమించగా భీమవరం నందు పరీక్షలు చేయించుకోవడం తో  ఈ వ్యక్తిని మండలంలో కి రాకుండానే బొమ్మూరు కోవిడ్ కేర్ నందు చేర్చి వైద్య సేవలు అందించడం జరుగుతుందని డాక్టర్ హారిక తెలిపారు. ఇప్పటివరకూ మండలంలో కరోనా కేసులు మూడుకు చేరుకున్నాయని పాజిటివ్ కలిగిన వ్యక్తులు ఎవరెవరిని కలిశారు అనే వివరాలు తెలియాల్సి ఉందనీ కనుక మండల ప్రజలు తగు జాగ్రత్తలు పాటించాలని నిర్లక్ష్య వైఖరి విడనాడి కరోనా మహమ్మారి సోకకుండా అప్రమత్తంగా ఉండాలని మండల ప్రజలకు వైద్యాధికారిణి తెలియజేశారు.

కొండయ్య మృతి పట్ల బిజెపి రాష్ట్రం కార్యవర్గ సభ్యులు వీరన్న చౌదరి సంతాపం

కొండయ్య మృతి పట్ల బిజెపి రాష్ట్రం కార్యవర్గ సభ్యులు వీరన్న చౌదరి సంతాపం

పెన్ పవర్, సీతానగరం 

 

జాలిమూడి మాజీ సర్పంచ్ కడుగుల కొండయ్య మృతిపట్ల బిజెపి రాష్ట్ర కార్యవర్గ సభ్యులు నీరు కొండ వీరన్న చౌదరి దిగ్భ్రాంతి వ్యక్తం చేశారు. వీరన్న చౌదరి తెలియజేస్తూ ఐ ఎఫ్ ఎస్ నందు విశేష సేవలు అందించారని విలువైన నాయకుడిని మండలం కోల్పోయిందనీ ఉన్నత రాజకీయ విలువలతో ప్రతిభను ఘనంగా చాటిన సీనియర్ నాయకుడు కొండయ్య మరణం విచారకరమన్నారు. ప్రజా సంక్షేమమే లక్ష్యంగా జీవితం గడిపిన నేత అని ప్రజాసేవలో జీవితాంతము గడిపిన గొప్ప వ్యక్తి అని కొనియాడారు. ఆయన మరణం మండల ప్రజలకు తీరని లోటు అన్నారు. కొండయ్య మరణవార్త తీరని దుఃఖంన్ని మిగిల్చిందని తెలిపారు.ఆ ఆదర్శ వాది ఆత్మకు శాంతి చేకూరాలని ఆ భగవంతుని ప్రార్ధిస్తూ ఆ కుటుంబ సభ్యులకు వీరన్న చౌదరి ప్రగాఢ సానుభూతిని తెలియజేశారు. పలువురు పార్టీలకతీతంగా కొండయ్య మరణంపై నేతలు దిగ్భ్రాంతి వ్యక్తం చేస్తున్నారు.

మాకు న్యాయం చేయండి

మాకు న్యాయం చేయండి

 

- నాలుగు సంవత్సరాలుగా వెలిలో ఉన్నాం

 

- సొసైటీ ఆదాయం తమకు చెందకుండా కుల పెద్దలు అడ్జుకున్నారంటూ ఆరోపణ

 

- లక్ష్మీపోలవరంలో దళితుల నిరసన

 

రావులపాలెం, పెన్ పవర్

 

తమను వెలి వేసి సంఘ కార్యక్రమాలలో పాల్గొనకుండా అడ్డుకుంటున్న కుల పెద్దలపై చర్యలు తీసుకుని న్యాయం చేయాలని కోరుతూ శనివారం రాత్రి లక్ష్మీపోలవరం గ్రామంలో కొన్ని కుటుంబాల దళితులు నిరసన చేపట్టారు. వారు తెలిపిన వివరాల ప్రకారం నాలుగు సంవత్సరాల క్రితం లూధరన్ దేవాలయంకు చెందిన స్ధలం మీదుగా గ్రామంలోని సంజీవయ్య మాల పేద కూలీ సంఘ పెద్దలు రోడ్డు వేయడానికి నిర్ణయించారు. అయితే ఈ సంఘ స్ధలం మీదుగా రోడ్డు వేయడాన్ని సంజీవయ్య పేద కూలీ సంఘంకు చెందిన 32 కుటుంబాల వారు వ్యతిరేకించారు. అయినప్పటికీ సంఘ అధ్యక్షుడు బండి సత్యనారాయణ ఆధ్వర్యంలో చర్చి స్ధలంలో ఉన్న ప్రహారీ గోడను కూల్చివేసారు. దీంతో గ్రామంలో శాంతి భద్రత సమస్యలు తలెత్తడంతో 2016 సెప్టెంబర్ 17వ తేదీన రావులపాలెం తహసీల్దారు కార్యాలయంలో అప్పటి తహసీల్దారు, సిఐ, మండల అధికారుల ఆధ్వర్యంలో ఇరువర్గాలతో శాంతి కమిటీ ఏర్పాటు చేసి చర్చలు జరిపారు. రోడ్డు వేయడానికి ఇరువర్గాలు అంగీకరించడంతో సమస్య పరిష్కారం అయ్యింది. సమస్య పరిష్కారం అయినప్పటికీ అప్పటి నుండి 32 కుటుంబాలకు చెందిన తమకు సంఘ ఆదాయం చెందకుండా అడ్డుకోవడంతో పాటు సంఘ కార్యక్రమాల్లో పాల్గొనకుండా చేసి కుల పెద్దలు తమను మానసిక వేదనకు గురుచేస్తున్నారంటూ ది 2020 మార్చి 6వ తేదీన తహసీల్దారు జిలానీ, ఎస్సై బుజ్జిబాబులకు ఫిర్యాదు చేశారు. దీంతో గ్రామ పంచాయతీ కార్యాలయం వద్ద ఇరు పక్షాల సమక్షంలో తహసీల్దారు, ఎస్సైలు విచారణ చేపట్టగా వీరిని సంఘం నుండి వెలివేయలేదని , సంఘ కార్యక్రమాలకు పిలుస్తామని అధ్యక్షుడు సత్యనారాయణ చెప్పడంతో అధికారులు వెళ్ళిపోయారు. ఈ నెల 2వ తేదీ సాయంత్రం సంఘ పెద్దలు రామాలయం వద్డ సంఘానికి చెందిన సుమారు 15 ఎకరాల భూమి, కొబ్బరి చెట్లు లీజుకు ఇచ్చేందుకు పాటలు పెట్టగా పాడేందుకు వెళ్లిన తమను మీరు సంఘంలో లేరు, మీకు పాడేందుకు అవకాశం ఇచ్చేది లేదు అంటూ తిరస్కరించారు. దీంతో శనివారం తహసీల్దారు జిలానీ, రావులపాలెం పోలీసులకు ఈ విషయం పై ఫిర్యాదు చేశామని, విచారించేందుకు వచ్చిన అధికారులు కనీసం తమతో మాట్లాడకుండా వెళ్ళిపోయారని వాపోయారు. దీంతో  దిక్కుతోచని స్థితిలో ఆందోళన చేపట్టామని, సమస్యను పరిష్కరించడానికి వచ్చిన అధికారులు స్థానిక ప్రజా ప్రతినిధి ఒత్తిడి మేరకే వెనుదిరికి వెళ్ళిపోయారని ఆరోపించారు. పై అధికారులు కలుగజేసుకుని మాకు న్యాయం చేయాలని డిమాండ్ చేశారు.

పేదవాడికి సాయం చేయడ మే కనీస ధర్మం

పేదవాడికి సాయం చేయడ మే కనీస ధర్మం

 

 

సఖినేటిపల్లి, పెన్ పవర్..

 

ఎక్కడ పేదవాడు ఉన్న అతడికి మన వంతు సహాయ పడటం మనిషిగా కనీస ధర్మమని రామేశ్వరం మాజీ సర్పంచ్, విలేజ్ వెల్ఫేర్ ఫస్ట్ ఫౌండర్ చైర్మన సరెళ్ళ. విజయప్రసాద్ అన్నారు. సఖినేటిపల్లి మండలం రామేశ్వరం లో గత ఎనిమిది సంవత్సరాలుగా గ్రామాల్లో ఉన్న నిరుపేదలైన వారికి బియ్యం, నగదు పంపిణీ సందర్భంగా ఆదివారం జరిగిన  కార్యక్రమంలో ఆయన ముఖ్య అతిథిగా పాల్గొన్నారు. ఈనెల 85 మంది నిరుపేదలకు బియ్యంతో పాటు వంద రూపాయల నగదు పంపిణీ చేశారు. గాడ్స్ వే ఆర్గనైజేషన్ ఆర్థిక సహాయం అందించిది. ఈ కార్యక్రమంలో సంస్థ అధ్యక్షులు తెన్నేటి. బర్నబాస్, జాలెం.శ్రీను, కాండ్రేగుల. కృష్ణ, కట్టా. ఉమామహేశ్వరరావు, అల్లూరి. మధు రాజు, లచ్చి రాజు, వెంకటేష్, తోపాటు పలువురు పాల్గొన్నారు.

మార్కాపురంలోకరోనా తొలి మరణం

మార్కాపురంలోకరోనా తొలి మరణం

 పెరిగిన   కరోనా పాజిటివ్ కేసులు

మార్కాపురం,

 అప్రమత్తమైన  పోలీస్ శుక్రవారం రాత్రిచనిపోయిన  సఖిల్ విష్ణు అను అతను  మహారాష్ట్రకు చెందిన వారు  గత 45 సంవత్సరాల నుంచి మార్కాపురం  పట్టణంలో బంగారం పనులు చేసుకుంటూ జీవిస్తున్నారు సదరు సఖీల్ విష్ణు గత ఐదు రోజులుగా జ్వరంతో బాధపడుతుండగా మార్కాపురం పట్టణం లోని కృష్ణా రెడ్డి హాస్పిటల్ నందు చికిత్స చేయించుకో గా జ్వరం తగ్గింది మళ్లీ గత రెండు రోజుల నుండి ఆయాసం దగ్గుతో బాధపడుతుండగా ఒంగోలులోని సంఘమిత్ర హాస్పిటల్ తీసుకెళ్లగా వాళ్ళు రిమ్స్ కి వెళ్ళమని సూచించడంతో రిమ్స్ లో అడ్మిట్ చేసినారు రిమ్స్లో చికిత్స పొందుతూ మృతి చెందినాడు చికిత్స సమయంలో కరోనా టెస్ట్ చేసి ఉన్నారు. శవాన్ని ఇంటికి తీసుకెళ్ళమని సూచించడంతో అంబులెన్స్లో తీసుకుని వస్తుండగా మార్గమధ్యంలో మృతునికి కరోనా పాజిటివ్ రిపోర్ట్ వచ్చిందని మార్కాపురం పట్టణంలో ని కి రానియవద్దని ఒంగోలు రిమ్స్ నుండి డాక్టర్లు పోలీస్ ఆఫీసర్లకు రెవెన్యూ డిపార్ట్మెంట్ కి డాక్టర్లకు చెప్పడంతో వారిని ఊరు బయట ఉన్న బోడపాడు రోడ్లో ఆపి వేసినారు ఆ తర్వాత సదరు విష్ణు యొక్క దహన సంస్కరణ గుండ్లకమ్మ వాగు పక్కన ఉండే స్థలంలో జెసిబి ద్వారా 04.00 గంటలకి గుంత తీసి పూడ్చి వేయడం జరిగింది   పట్టణంలో   శుక్ర శనివారాల్లో   30 కేసులు రావడం  ఒకరు మరణించడంతో  కలకలం రేగింది.    దీంతో     పట్టణంలో  లాక్ డౌన్ నిబంధనల    న   పటిష్టంగా  అమలు పరిచేందుకు  పోలీసులు   సమాయత్తం అయ్యారు.  పట్టణం చుట్టూ    రాకపోకలు ఆంక్షలు విధించి పట్టణంలో కూడా ప్రజలు తిరగకుండా పటిష్టమైన  చేపట్టారు.   కరోనాతో  వ్యక్తి   మృతి  చెందిన విషయం  తీసుకున్న పోలీసులు    ఉదయం ఏడు గంటలకే    దుకాణాలు  మూసివేయించారు.  రహదారుల వెంట   వివిధ  ప్రాంతాలలో    పోలీసులు  పికెటింగ్లు   ఏర్పాటు చేసి  కరుణా నియంత్రణపై  ప్రత్యేక దృష్టి సారించారు.

సదరు మృతుని యొక్క కుటుంబం షేక్ మహబూబ్ బాషా కరోనా పాజిటివ్ పర్సన్ యొక్క జూలరీ షాప్ పైన ఇంటిలో రెంటుకు ఉంటారు.వారికి ఇద్దరు కుమారులు  బంగారం పని చేస్తూ ఉంటారు.వర్క్ షాప్ కూడా ఆంధ్ర జూలరీ షాప్ కి ఎదురుగా ఉంటుంది ...విరు ఆంధ్ర జూలరీషాప్ కు సంబంధించిన బంగారం పనులు కూడా చేస్తూ ఉంటారు .అందువలన మృతుని యొక్క కుమారులకు కరోనా సోకి వారి ద్వారా తండ్రికి వచ్చి ఉండొచ్చని అనుకుంటున్నారు మృతుని కుమారులకు కరోనా పాజిటివ్ టెస్ట్ చేయలేదు. వారు ప్రస్తుతం ఒంగోలు రిమ్స్ నందు కరోనా టెస్ట్ కోసం ఉన్నారు. వారి ఇంటిలో వారు 9 మంది ఉంటారు. వీరికి ట్రావెల్ హిస్టరీ కూడా లేదు 

రెండు ఇసుక ట్రాక్టర్లు సీజ్...

రెండు ఇసుక ట్రాక్టర్లు సీజ్...

(టంగుటూరు, జరుగుమల్లి) .... జరుగుమల్లి మండలం లోని నందనవనం గ్రామం నుండి  శనివారం తెల్లవారుజామున మూడు గంటల సమయంలో అక్రమంగా ఇసుకను రవాణా చేస్తున్న కందుకూరు మండలానికి చెందిన రామనాథపురం గ్రామానికి ఇసుక తరలిస్తున్న శ్రీహరి మరియు హరిబాబు లను అరెస్టు చేసి 8 టన్నుల ఇసుకను జరుగుమల్లి పోలీస్ స్టేషన్ కి అప్పగించినట్లు అధికారులు తెలిపారు.

వెన్నురులో రెడ్ జోన్ అంక్షలు

ప్రకాశం కొండపి మండలం. వెన్నురులో  రెడ్ జోన్ అంక్షలు....ఎస్ఐ ప్రసాద్......

 

ప్రకాశం జిల్లా కొండేపి మండలం వెన్నురు పంచాయతీ లో కరోనా కేసు నమోదు అయినా నేపధ్యంలో రెడ్ జోన్ అంక్షలను ఉన్నతాధికారులు అదేశాలు మేరకు అమలు చేస్తున్నట్లు కొండేపి ఎస్ఐ ప్రసాద్ తెలిపారు. ఈ సందర్భంగా ఎస్ఐ మాట్లాడుతూ కరోనా పాజిటివ్ వచ్చిన కుటుంబ సభ్యులు తో పాటు పక్కన ఉన్న వాళ్లకి. గ్రామస్తులుకు కరోనా పరీక్షలు నిర్వహిస్తాం అన్నారు. కరోనా బాధితుడు ఎప్పుడు విజయవాడ నుంచి వచ్చాడు. ఎవరిని కలిశారు. ఎక్కడ తిరిగాడు వివరాలు సేకరిస్తున్నాం.గ్రామంలో.పంచాయతీ.వైధ్య అధికారులు సహకరంతో బ్లీచింగ్. పిచికారీ చేశాం అన్నారు. ప్రతి ఇంటికి నిత్యావసర సరుకులు అందేలా చర్యలు తీసుకుంటాము అన్నారు.