శాసన మండలి ప్రతిపక్షనేత, పొలిట్ బ్యూరో సభ్యులు యనమల రామకృష్ణుడు ను మండపేట ఎమ్మెల్యే వేగుళ్ళ జోగేశ్వరరావు కాకినాడ లోని ఆయన స్వగృహం లో కలిసి పుట్టినరోజు శుభాకాంక్షలు తెలియజేసారు. తుని నియోజకవర్గ టిడిపి ఇన్ ఛార్జ్ యనమల కృష్ణుడు , జిల్లా గ్రంధాలయ సంస్ధ మాజీ చైర్మన్ నల్లమిల్లి వీర్రెడ్డి, మండపేట మండల మాజీ ఎంపిపి అడబాల బాబ్జి , జిల్లా ఆత్మకమిటి డైరెక్టర్ పిల్లా వీరవెంకట్రాజు తదితరులు ఎమ్మెల్యే వెంట ఉన్నారు.
మండపేట రామచంద్రపురం నియోజకవర్గం ఇతరమండలాలనుండి వలస కూలీలు ప్రకాశం జిల్లా త్రిపురాంతకం గ్రామంలో బట్టీ పని చేయడానికి అనేక కుటుంబాలు వలస వెళ్లాయి అయితే లాక్ డౌన్ తో గత నలభై రోజులుగా అక్కడ చిక్కుకుపోవడంతో కేంద్ర రాష్ట్ర ప్రభుత్వాలు జోక్యంతో మండపేట ఏడిద రోడ్ లో ఉన్న విజయ ఫంక్షన్ హాల్ 157 మంది బాధితులు వచ్చారు భారతీయజనతాపార్టీ రాష్ట్ర అధ్యక్షులు కన్నా పిలుపు మేరకు జిల్లా అధ్యక్షులు వేమా ఆదేశాలతో అమలాపురం పార్లమెంటు క్వారంటైన్ విజిటర్స్ టీమ్ సభ్యులు, నియోజకవర్గ కన్వీనర్ కోనసత్యనారాయణ వారి యోగక్షేమాలు అడిగి తెలుసుకున్నారు వీరందరికీ బుధవారం రక్త పరీక్షలు తీసుకున్నారని అలాగే తమకు ఇక్కడ వసతి సదుపాయాలు బాగానే ఉన్నాయని బాధితులు తెలిపారు మీరందరూ సామాజిక దూరం పాటిస్తూ, మాస్క్ లు ధరించాలని ఇబ్బందులు ఉంటే ఉన్నతాధికారులతో మాట్లాతానని వారికి హామీ ఇచ్చారు. అలాగే రాయవరం మండలం రాయవరం గ్రామంలో హై స్కూల్ వద్ద 72 మందిని త్రిపురాంతకం గ్రామంనుండి రామచంద్రపురం , కే గంగవరం అనపర్తి కపిలేశ్వరపురం రాయవరం బిక్కవోలు తాళ్ళరేవు మండలాల కుటుంబాలు ఈ రెండు చోట్ల ఉన్నారని వీర్ని యోగ క్షేమాలు తెలుసుకున్నారు ఆయన వెంట మండపేట అద్యక్షులు మద్దుల సుబ్బారావు, రాయవరం మండల అధ్యక్షులు చింతా అమ్మిరెడ్డి నాగిరెడ్డి త్రిమూర్తులు పాల్గొన్నారు
క్వారంటైన్ కేంద్రాల్లో నాణ్యమైన భోజన సదుపాయాలు
- చేతులు కడిగే అలవాటును ప్రోత్సహించాలి
కేంద్రాల నిర్వహణపై అప్రమత్తంగా వుండాలి
-ఒక కేంద్రంలో వుండే వారందరికీ ఒకేసారి పరీక్షలు జరపాలి
జిల్లా కలెక్టర్ డా.హరి జవహర్ లాల్
విజయనగరం,
: జిల్లాలోని క్వారంటైన్ కేంద్రాల్లో ఉంటున్న వారికి నాణ్యమైన, పోషక విలువలతో కూడిన భోజనం అందించాలని జిల్లా కలెక్టర్ డా.ఎం.హరిజవహర్ లాల్ చెప్పారు. ప్రతి కేంద్రం లోను పారిశుద్ధ్య నిర్వహణ పట్ల ప్రత్యెక శ్రద్ధ చూపాలని మండల స్థాయి అధికారులను ఆదేశించారు. ఈ కేంద్రాల్లో ఉంటున్న ప్రతి ఒక్కరికీ మాస్క్ లు అందజేయడం తో పాటు ప్రతి ఒక్కరు కేంద్రాల్లో వుండే సమయంలో భౌతికదూరం పాటిస్తూ సంచరించేలా చర్యలు చేపట్టాలని సూచించారు. మండలస్థాయి అధికారులతో జిల్లా కలెక్టర్ డా.ఎం.హరిజవహర్ లాల్ గురువారం టెలి కాన్ఫరెన్స్ నిర్వహించి క్వారంటైన్ కేంద్రాల నిర్వహణ, వ్యాధి నిర్ధారణ పరీక్షల నిర్వహణపై పలు సూచనలు చేసారు. ఈ కేంద్రాలకు వివిధ ప్రాంతాల నుండి వచ్చే వారిని పలు తరగతులుగా వర్గీకరించి కరోనా వ్యాధి నిర్ధారణ పరీక్షలు పరీక్షలు చేపట్టాలన్నారు. గ్రీన్ జోన్ నుండి వచ్చే వారిని ఒక గ్రూప్ గా ఏర్పాటు చేసి వీరికి క్వారంటైన్ కేంద్రంలో చేరిన వెంటనే పరీక్షలు జరిపి నెగటివ్ గా నిర్ధారణ జరిగాక హోం క్వారంటైన్ కు పంపించవచ్చని పేర్కొన్నారు. ఆరంజ్, రెడ్ జోన్ ల నుండి వచ్చే వారిని కొద్ది రోజులపాటు కేంద్రంలో ఉంచిన తర్వాత వారికి పరీక్షలు జరిపి ఇంటికి పంపించాలని చెప్పారు. ఇతర రాష్ట్రాల నుండి వచ్చే వారిని కుడా ఆయా రాష్ట్రంలో కరోనా కేసుల ఆధారంగా కేంద్రంలో కొన్ని రోజుల పాటు ఉంచిన తర్వాత పరీక్షలు జరిపించాలని సూచించారు. ఎక్కువ రోజులుగా కేంద్రాల్లో ఉంటున్న వారికి తొలుత పరీక్షలు జరిపి వారిని పంపించాలని చెప్పారు. ఒక కేంద్రంలో వుండే వలస కులీలందరికీ ఒకేసారి పరీక్షలు జరపాలని చెప్పారు. ఆయా మండలాల వైద్యాధికారులు, ప్రొగ్రమ్ అధికారులు ఆయా కేంద్రాల్లో తహసీల్దార్లతో చర్చించి టెస్ట్ లు జరపాలని పేర్కొన్నారు. జిల్లా స్థాయిలో కరోనా నిర్ధారణ పరీక్షల నిర్వహణకు నోడల్ అధికారులుగా జిల్లా ఆసుపత్రి సూపరింటెండెంట్ డా.సీతారామరాజు, ఎస్.సి.కార్పొరేషన్ ఎక్జిక్యూటివ్ డైరెక్టర్ జి.జగన్నాధంలను నియమించామన్నారు.
త్వరలో జిల్లా కేంద్రాలకు రైట్ రైట్..
భౌతిక దూరంతో సిద్దం అవుతున్న బస్సులు.
స్టాఫ్ రిపోర్టర్ విశాఖపట్నం(పెన్ పవన్)
త్వరలో జిల్లా కేంద్రాలకు బస్సు సర్వీసులను పునరుద్ధరించేందుకు రాష్ట్ర రోడ్డు రవాణా సంస్థ ఏర్పాట్లు చేస్తుంది.కోవిడ్_19 ఆంక్షలు నిబంధనలు పాటిస్తూ ప్రజా రవాణాకు బస్సులు నడపాలని నిర్ణయించుకుంది. కరోనా లాక్ డౌన్ నేపథ్యంలో రవాణా స్తంభించిపోయింది. ఒకవైపు కరోనా మహమ్మారి విలయ తాండవం ఆడుతుంది. ప్రజలను కట్టడి చేస్తూ అంచలంచలుగా రవాణా వ్యవస్థను నడపాలని ప్రభుత్వం చర్యలు చేపట్టింది. మొదటి దశలో జిల్లా కేంద్రాలకు పరిమితి స్టాఫ్ లతో ఆల్ట్రా డీలక్స్ శమీ లగ్జరీ సర్వీసులను నడపనున్నారు ఆర్టీసీ బస్సులో కరోనా నిబంధనలు అమలు చేసేందుకు ప్రత్యేక చర్యలు తీసుకుంటున్నారు. మునుపటి వలె బస్సు రాగానే గొఱ్ఱెల మందల ఎక్కి పోవటానికి వీలులేదు. కౌంటర్ లో టికెట్లు తీసుకుని ఎవరి సీట్లో వారు కూర్చోవడానికి వీలు కల్పిస్తున్నారు. సూపర్ లగ్జరీ బస్సుల్లో మూడు వరుసల సింగిల్ సీట్లను ఏర్పాట్లు జరుగుతున్నాయి . ఆల్ట్రా డీలక్స్ లో మూడు సీట్లలో మధ్య సీట్లను నిర్వహిస్తున్నారు ఇద్దరు సీట్లలో ఒక సీటు కె అవకాశం ఇస్తున్నారు. కూర్చునే సీట్లకు నంబర్లు వేస్తున్నారు మినహాయించిన వాటికి ఇంటూ మార్క్ వేస్తున్నారు. ప్రభుత్వం గ్రీన్ సిగ్నల్ ఇవ్వగానే జిల్లా కేంద్రాలకు ఆర్టీసీ సర్వీసులు ప్రారంభం కానున్నాయి.
