అగ్ని ప్రమాద బాధితులకు నిత్యావసరాలు, బట్టలు, చీరలు,దుప్పట్లు పంపిణీ:

అగ్ని ప్రమాద బాధితులకు నిత్యావసరాలు, బట్టలు, చీరలు,దుప్పట్లు పంపిణీ:

 

జగ్గంపేట, పెన్ పవర్

 

బాధితులను అన్నీ రకాలుగా ఆదుకుంటామని హామీ

 

 జగ్గంపేట మండలం, నరేంద్ర పట్నం గ్రామంలో రెండు పెద్ద తాటాకుల ఇల్లు నిప్పు అంటుకుని కాలిపోవడంతో  మూడు కుటుంబాలకు చెందిన చిత్తార పు యేసయ్య ,చిత్తాలపు నాగరాజు, చిత్తారపు నాగయ్య , కుటుంబాలవారు నిరాశ్రయులయ్యారు,  వారిని బుర్రి చక్రబాబు అద్వర్యంలో  రాష్ట్ర వై ఎస్ ఆర్ సేవాదళ్ ప్రధాన కార్యదర్శి, అమలాపురం పార్లమెంటు జిల్లా బూత్ కమిటీల ఇంచార్జ్  ఒమ్మి రఘురామ్  జగ్గంపేట మండల నాయకులు  అత్తులూరి నాగబాబు గారు, బండారు రాజా గారు  బాధిత కుటుంబాలను పరామర్శించి వారికి నిత్యావసరాలు, బట్టలు, చీరలు, పంచులు దుప్పట్లు తుమాల్లు, బియ్యం  పంపిణీ చేశారు. బాదితులు సర్వస్వం కోల్పోయామని తమ గోడు వెలబుచ్చారు,దానికి రఘురామ్, నాగబాబు స్పందించి బాధితులకు మేము అందించిన సహాయం తాత్కాలిక ఉపసమనమని, వారిని ప్రభుత్వ పరంగా ముగ్గురు కుటుంబాలకు రావలసినవి ఆర్థిక సహాయం ఒకటి రెండు రోజులలోనే బ్యాంకు ఖాతాలలో జమ చేయిస్తామని, మూడు కుటుంబాలకు  పక్కా గృహాలు  శాసనసభ్యులు జ్యోతుల చంటిబాబు ద్వారా నిర్మించే బాధ్యత మేము తీసుకుంటామని ఏ విధంగాను అదైర్యపడవద్దని ధైర్యం చెప్పారు. పరామర్శలో బుర్రి రవి, నరేంద్రపట్నం గ్రామ నాయకులు,జగ్గంపేట ఎంపీటీసీ అభ్యర్థి చేకూరి మృత్యుంజయరాజు తదితరులు పాల్గొన్నారు.

ఎమ్మెల్యే అమర్నాథ్ చొరవ -- వ్యాపారాలకు అనుమతి

ఎమ్మెల్యే అమర్నాథ్ చొరవ

--  వ్యాపారాలకు అనుమతి

-- ప్రభుత్వ నిబంధనలు పాటించకుంటే జరిమానా

 

అనకాపల్లి , పెన్ పవర్

 

అనకాపల్లి పట్టణ  పరిధిలో ప్రధాన రహదారులకు ఇరువైపులా ఉన్న వ్యాపార సముదాయాలును నిర్వహించుకోవచ్చని జీవీఎంసీ జోనల్ కమిషనర్ శ్రీరామ్ మూర్తి తెలిపారు. లాక్ డౌన్ నేపథ్యంలో ప్రభుత్వ సడలింపు లో  భాగంగా కొన్ని వ్యాపారాలకు అనుమతి ఇస్తున్నామన్నారు. ఎమ్మెల్యే అమర్నాథ్ చొరవ చూపడంతో కలెక్టర్ ఆదేశాల మేరకు ప్రధాన రహదారుల్లో కూడా వ్యాపారాలు నిర్వహించుకునే వెసులుబాటును కల్పిస్తున్నట్లు వెల్లడించారు. వ్యాపార యాజమాన్యం తప్పక ప్రభుత్వ నిబంధనలు పాటించాలని భౌతిక దూరం తదితర జాగ్రత్తలు తీసుకోవాలని సూచించారు. గురువారం వైకాపా పట్టణ అధ్యక్షులు మందపాటి జానకి రామరాజు వార్డ్ ఇన్చార్జులు పలకా రవి, జాజుల రమేష్, కొణతాల భాస్కర్ , పీలా రాంబాబు తదితరులు పాల్గొని వ్యాపారులకు సూచనలు చేశారు. కంటెంట్మెంట్ జోన్ , బఫర్ జోన్ లలో లాక్ డౌన్ నిబంధనలు సడలింపు లతో కొనసాగుతున్నాయన్నారు. అనకాపల్లిలో ఎలాంటి కరోనా కేసులు లేకపోవడంతో ప్రధాన రహదారిలో కూడా వ్యాపారాలు అనుమతి ఇచ్చినట్లు తెలిపారు. వస్త్ర వ్యాపారాలు, బడా షాపింగ్ కాంప్లెక్స్ నువ్వు అనుమతి లేదన్నారు. సెలూన్ దుకాణాలకు వెళ్తే  ప్రజలు తప్పకుండా ఎవరు బ్లేడ్ వారే తీసుకువెళ్లాలని సూచించారు. దుకాణాలను సాయంత్రం 5 గంటలకల్లా మూసేయాలన్నారు. ప్రభుత్వం నిత్యావసర సరుకులకు సంబంధించే ప్రస్తుతానికి ఇచ్చినట్లు తెలిపారు. కొనుగోలుదారులు తప్పక భౌతిక దూరం పాటించేలా యాజమాన్యాలు బాధ్యత తీసుకోవాలన్నారు. దుకాణాల్లో సిబ్బంది తదితరులు వ్యక్తిగత శుభ్రత పాటించడం తో పాటు మాస్కులు వంటివి ధరించాలనారు. శానిటేజేషన్ వంటివి తప్పక ఏర్పాటు చేయాలన్నారు. ఈ సందర్భంలో వ్యాపార ప్రతినిధులు మాట్లాడుతూ తమకిచ్చిన సమయ వేళల్లో మార్పులు చేయాలని విన్నవించారు. ట్రాన్స్పోర్ట్ సౌకర్యం లేకపోవడంతో వ్యాపారాలకు అనుమతిచ్చిన తమకు లాభం లేదని వాపోయారు. 

 

 

 

 

 

తోపుడు బళ్ళు వ్యాపారస్తులు క్యూ పద్ధతి పాటించాలి

      తోపుడు బళ్ళు వ్యాపారస్తులు క్యూ పద్ధతి పాటించాలి

 

జగ్గంపేట, పెన్ పవర్

 

జగ్గంపేట మెయిన్ రోడ్డు పై వ్యాపారాలు నిర్వహించే వారందరూ క్యూ పద్ధతిని పాటించాలని జగ్గంపేట ఎస్ ఐ టి రామకృష్ణ తెలిపారు. తోపుడుబండ్ల ను కాంప్లెక్స్ ఆవరణంలో పెట్టుకుని, బండికి, బండికి మధ్య ఐదు మీటర్ల దూరం ఉండేవిధంగా  వ్యాపారాలు నిర్వహించుకోవాలని, ముఖ్యంగా భౌతిక దూరం పాటించే విధంగా వారి వ్యాపార దానికి ఎదురుగా రౌండ్ మార్కులను కచ్చితంగా వేయాలని సూచిస్తూ ఎస్సై రామకృష్ణ స్వయంగా శుద్ధ పట్టుకుని మార్జిన్ లైన్లను రోడ్డుపై గీసి అవగాహన కల్పించారు. ప్రతి ఒక్కరూ లాక్  డౌన్ నిబంధనలు పాటించాలి అన్నారు.

కాంట్రాక్ట్ జూనియర్ లెక్చరర్స్ ఆకలి కేకలు

కాంట్రాక్ట్ జూనియర్ లెక్చరర్స్ ఆకలి కేకలు......

 

స్టాఫ్ రిపోర్టర్  విశాఖపట్నం (పెన్ పవర్)

 

రాష్ట్ర వ్యాప్తంగా 3729 మంది కాంట్రాక్ట్ జూనియర్ లెక్చరర్స్ , ప్రభుత్వ జూనియర్ కళాశాలల్లో గత 2 దశాబ్దాలుగా సేవలు అందిస్తున్నారు. ప్రతి సంవత్సరం వీరి సేవలను పొడిగిస్తూ ప్రభుత్వం ఉత్తర్వులు జారీ చేసేది. గడిచిన సంవత్సరం నుండే 10 రోజుల వ్యవధి తో 12 నెలలకు జీతాలు వొచ్చెల ఇప్పటి ప్రభుత్వం ఉత్తర్వులు ఇచ్చింది. దీనితో కాంట్రాక్ట్ జూనియర్ లెక్చరర్స్ జీవితంలో ఆనందం వెరిసింది.  దీని ప్రకారం ఈ సంవత్సరం ఏప్రియల్ 1 తేదీ నుండి వీరి సేవలు పునారుర్దింపబ డాలి. కానీ దీని నిమిత్తం ప్రభుత్వం నుండి ఎటువంటి ఉత్తర్వులు రాలేదు.  జీతాలు లేక కుటుంబ పోషణ కు ఒప్పంద గురువులకు దిక్కుతోచని స్థితిలో ఉన్నారు. రాష్ట్ర ప్రభుత్వ ఒప్పంద అధ్యాపక సంగం పిలుపు మేరకు ప్రస్తుత సమస్యలు తెలిపేందుకు విద్యాశాఖ మంత్రి శ్రీ. ఆదిములపు సురేష్ మెయిల్ కు ప్రతీ కాంట్రాక్ట్ అధ్యాపకులు ఆర్జీ ని ఈ రోజు పంపారు.మరి కొంత మంది 1902కి ఫోన్ చేసి సమస్య వివరించారు. ఇందులో నాన్ సంక్షన్ లో పని చేసే అధ్యాపకులకు దాదాపుగా 8నెలల నుండి జీతాలు లేదు. వీరి సమస్యలు తొందరగా పరీక్షించాలని ప్రభుత్వాన్ని,  ప్రభుత్వ ఒప్పంద అధ్యాపకుల సంగం వినయ పూర్వకం గా కోరుతున్నది. కరోనా నేపధ్యం లో పరిస్తితి ని అర్దం చేసుకొని ఒప్పంద అధ్యాపకుల ఆకలి తీర్చమని ప్రభుత్వాన్ని వేడుకుంటున్నారు.

మండలంలో ప్రారంభమైన ఉపాధి హామీ పథకం

మండలంలో  ప్రారంభమైన ఉపాధి హామీ పథకం

 

కిర్లంపూడి, పెన్ పవర్

 

కిర్లంపూడి    గోనేడ నుండి రామవరం  వెళ్లే రహదారిలో  పంట కాలువలో ఉపాధిహామీ పనులు మొదలు పెట్టారు

కరోన లాక్ డౌన్ కారణంగా ఇన్నాళ్లు ఇ ళ్లకు పరిమితమైన దినసరి కూలీలకు లాక్ డౌన్ సడలింపులో భాగంగామళ్ళీ ఉపాధిహామీ పనులు మొదలు అయ్యాయి.మాస్క్ లు ధరింపజేసి సామాజిక దూరం పాటింపజేస్తూ పనులు చేయిస్తున్నామని, శాని టైజర్,తో పాటు త్రాగునీరు  కూడా అందుబాటు లో  ఉంచామని సుమారు 80 మంది ఉపాధి కూలీలు రోజుకు పని చేస్తున్నారని ఫీల్డ్ అసిస్టెంట్  కర్రి శ్రీను తెలిపారు ఉదయం 6.30 నుండి 10.30 వరకు రోజు పని జరుగుతుందని అన్నారు

 

 

 

జర్నలిస్టుల సంక్షేమం గురించి పట్టించుకోండి

జర్నలిస్టుల సంక్షేమం గురించి పట్టించుకోండి

 

 

 జగ్గంపేట, పెన్ పవర్ 

 

కేంద్ర రాష్ట్ర ప్రభుత్వాలు జర్నలిస్టుల సంక్షేమం కోసం పట్టించుకోవాలని రిపబ్లికన్ పార్టీ ఆఫ్ ఇండియా రాష్ట్ర ప్రధాన కార్యదర్శి పులి ప్రసాద్ అన్నారు కరోనా మహమ్మారి ప్రపంచాన్ని గడగడలాడిస్తున్న ది లాక్ డౌన్ కారణంగా జనజీవనం స్తంభించి ఇప్పుడిప్పుడే సడలింపు లతో రోడ్ ఎక్కుతున్నారు అయినప్పటికీ కరోనా వ్యాప్తి ఆగలేదు రికార్డులు బద్దలు కొట్టి మరి కరోనా పాజిటివ్ కేసులు నమోదవుతున్నాయి ప్రపంచం నలుమూలల ఏమి జరుగుతుందో ప్రజలు టీవీ పేపర్లో ద్వారా తెలుసుకుంటారు టీవీల దగ్గర కూర్చుని మరీ తెలుసుకుంటారు పత్రికలు చదువుకుంటూ పరిస్థితులను విశ్లేషించుకుంటూన్నారు కరోనా కోసం కష్టపడి పని చేసేటటువంటి అధికారులకు ప్రభుత్వం నుండి వేతనాలు అందుతున్నాయి తగిన గుర్తింపు ప్రజల నుండి ప్రశంసలు వస్తున్నాయి వారి అందరితో పాటు ఈ కరోనా కష్టకాలంలో ఫ్రంట్ లైన్ లో నిలబడి సమాచార సేకరణసేచి దేశప్రజలకు అందించే దేశవ్యాప్తంగా ప్రింట్ అండ్ ఎలక్ట్రానిక్ మీడియా కు తీవ్ర నష్టం వాటిల్లింది ఇండియన్ న్యూస్ పేపర్ సొసైటీ ప్రకటించిన లెక్కల ప్రకారం ఇప్పటికే 4వేల 500 కోట్లు మేరకు ప్రకటన రూపంలో దినపత్రికలు ఆదాయం కోల్పోయిన ఈ కరోనా సంక్షోభం నుండి దేశం పూర్తిస్థాయిలో బయటపడే టప్పటికి  పదిహేను వేల కోట్ల మేరకు నష్టాలు ఉంటాయి ఈ లెక్కన 15వేల పత్రికల నష్టం చూస్తే దాదా పు 40 వేల కోట్ల పై మాటే దేశవ్యాప్తంగా మీడియాలో ప్రత్యక్షంగా మూడు లక్షల పైచిలుకు ఉద్యోగాలు ఉన్నాయి పెద్ద పత్రికలు ఇప్పుడే వేల సంఖ్యలో సబ్ ఎడిటర్లు రిపోర్టర్లు డిజైనర్లు అడ్వటైజ్మెంట్ డిపార్ట్మెంట్ సిబ్బందిని తొలగిస్తున్నాయి మరికొంత మంది సిబ్బంది తో నడుస్తున్న పత్రికలు వేలాదిగా ఉన్నాయి చిన్న పత్రికల విషయానికొస్తే 10 నుండి 20 మంది సిబ్బందితో నడుస్తున్న పత్రికలు వేలాదిగా ఉన్నాయి ఇవన్నీ దాదాపుగా కరోనా వాగ్దానం మొదలైనప్పటి నుండి ప్రింటింగ్ నిలిపివేసి కేవలం పి.డి.ఎఫ్ కాపీ ని వాట్సాప్ గ్రూపు లో  పెట్టడానికి పరిమితమయ్యాయి పలు చిన్న పత్రికలు డిజైనర్లు సిబ్బందికి జీతాలు లేక పి.డి.ఎఫ్ కాపీ కూడా నిలిపివేస్తున్నారు యాజమాన్యాల ఆర్థిక సంక్షోభంలో కొట్టుమిట్టాడుతున్న ఈ పరిస్థితుల్లో జర్నలిస్టులు సంక్షేమానికి వారు చర్యలు తీసుకోవడం లేదని గగ్గోలు పెట్టలేని పరిస్థీతిలో జర్నలిస్టు ఉన్నారు ఇటువంటి తరుణంలో ప్రభుత్వాలు ఏమైనా కనికరిస్తాయా అని జర్నలిస్టులు కళ్లలో ఒత్తులు వేసుకుని ఎదురు చూస్తున్నారు ఈ కష్టకాలంలో జర్నలిస్టులకు నెలకు 10,వేలు ఆర్థిక సహాయం అందించాలి హర్యానా ప్రభుత్వం పది లక్షల బీమా సదుపాయం కల్పిస్తున్నట్లు ప్రకటిస్తే తమిళనాడు ప్రభుత్వం మూడు వేల చొప్పున ఆర్థిక సహాయం చేసింది కానీ కేంద్ర రాష్ట్ర ప్రభుత్వాలు తెలుగు రాష్ట్రాల్లో జర్నలిస్టుల సమస్యల వైపు కన్నెత్తి కూడా చూడడం లేదు జర్నలిస్టులకు ఎక్కడ ఏమి ఒరిగిందేమీ లేదు అక్కడ అక్కడ ఒక బియ్యం మూట కూరగాయలు నిత్యవసర వస్తువులు పంపిణీ చేసి జర్నలిస్టులను అవమానిస్తున్నారు ప్రభుత్వ గౌరవప్రదంగా ఆదుకునేది లేదు ఆంధ్రప్రదేశ్ విషయానికి వస్తే జర్నలిస్టుల ఆరోగ్య బీమా పథకం గడువు ముగిసి నెలరోజులు పైబడింది కరోనా కష్టకాలంలో జర్నలిస్టులు ప్రీమియం చెల్లించాలి జర్నలిస్టులను కర్వేపాకు మాదిరిగా తీసిపారేస్తున్నాయి  ప్రభుత్వాలు తెల్లారిలేస్తే ప్రభుత్వాలకు ప్రజాప్రతినిధులకు ప్రసారం కావాలి ఆ ప్రచారం చేసే జర్నలిస్టులకు మాత్రం భద్రత ఉండదు ఇప్పటికైనా కేంద్ర రాష్ట్ర ప్రభుత్వాలు జర్నలిస్టులకు 10 వేలు ఆర్థిక సహాయం అందించాలని పులి ప్రసాద్ అన్నారు .

ఆశీలు పేరుతో నిలువు దోపిడీ..

ఆశీలు పేరుతో నిలువు దోపిడీ..

 

లీలాకృష్ణ జోక్యంతో అడ్డుకట్టు..

 

మండపేట, పెన్ పవర్ : 

 

మండపేట పట్టణంలో ఆశీల పేరుతో ఆశీలు వసూలు చేసే దళారీలు వర్తకులను నిలువు దోపిడీ చేస్తున్నారు. మండపేట పట్టణంలో రోజు వారీ తోపుడు బండ్లు, సంచార  వర్తకులు వివిధ ప్రాంతాల నుండి మండపేట పట్టణానికి వచ్చి చిన్న చిన్న వ్యాపారాలు చేస్తూ ఉంటారు. పురపాలక సంఘం ఆశీల పాట దారుడు వీరి వద్ద నుండి కేవలం పది రూపాయలు మాత్రమే వసూలు చేయాలి. అయితే లాక్‌డౌన్‌ ను అదునుగా చూసుకొని 30 రూపాయలు వసూలు చేస్తున్నారు. మామిడి కాయల సీజన్ కావడంతో మామిడికాయల వ్యాపారుల నుండి వినియోగదారులు పచ్చడి కోసం మామిడి కాయలు కొనుగోలు చేస్తారు. ఈ నేపథ్యంలో పక్కనే ఉన్న మహిళల వద్దకు వెళ్లి మామిడి కాయలను పచ్చడి బద్దలుగా తరిగించు కోవడం జరుగుతుంది. దళారీల ముసుగులో ఉన్న ఆశీలదారులు మామిడికాయల వర్తకులను, పచ్చడి బద్దలు కోసే మహిళల వద్ద నుండి కూడా చెరొక 30 రూపాయలు వసూలు చేయడంతో మామిడి కాయల వ్యాపారాలు గగ్గోలు పెడుతూ ఈ విషయాన్ని మండపేట నియోజకవర్గ జనసేన పార్టీ ఇంఛార్జి వేగుళ్ల లీలా కృష్ణ దృష్టికి తీసుకువెళ్లారు. దీనిపై గురువారం ఉదయం వేగుళ్ల లీలా కృష్ణ మార్కెట్ కు చేరుకుని వర్తకులను అడిగి ఆశీల దోపిడి విధానాన్ని తెలుసుకున్నారు.  వెంటనే ఇదే విషయాన్ని మున్సిపల్ కమిషనర్ టి రామ్ కుమార్  దృష్టికి తీసుకురాగా ఆయన రెవెన్యూ ఇన్స్పెక్టర్  ప్రభాకర్ ను విచారణకు ఆదేశించారు. ఆర్ ఐ ప్రభాకర్ చౌదరి మామిడికాయల వర్తకులతో మాట్లాడుతూ పది రూపాయలకు మించి వసూలు చేయరాదన్నారు. రసీదు లేకుండా అధిక వసూళ్లకు పాల్పడితే ఫిర్యాదు చేయమన్నారు. ఆపై వెంటనే చర్యలు తీసుకుంటామని చెప్పారు. ఆశీలకు  తగిన రసీదులు ఇవ్వాలని మున్సిపల్ కమిషనర్ ఆదేశాలు జారీ చేశారు. ఆయన వెంట  జన సేన నాయకులు శెట్టి రవికుమార్, గోళ్ళ శ్రీనివాస్ ,  కోనాల చంద్ర బోస్, బొమ్మన సతీష్ కుమార్ తదితరులున్నారు.