క‌రోనా నియంత్ర‌ణ‌కు ప‌టిష్ట‌మైన చ‌ర్య‌లు

సంక్షోభ స‌మయంలో దోచుకోవ‌డం టిడిపి నైజం
అతి త‌క్కువ ధ‌ర‌కే కొరియానుంచి కిట్ల‌ను కొనుగోలు చేశాం
క‌రోనా నియంత్ర‌ణ‌కు ప‌టిష్ట‌మైన చ‌ర్య‌లు
మంత్రి బొత్స స‌త్య‌నారాయ‌ణ‌

విజ‌య‌న‌గ‌రం, పెన్ పవర్ ప్రతినిధి : డేవిడ్ రాజ్

 

 విప‌త్తులు, సంక్షోభాలు త‌లెత్తిన‌ప్పుడు ఇదే అవ‌కాశంగా ప్ర‌జాధ‌నాన్ని దోచుకోవ‌డం టిడిపికి అల‌వాట‌ని రాష్ట్ర మున్సిప‌ల్‌, ప‌ట్ట‌ణాభివృద్ది శాఖామంత్రి బొత్స స‌త్య‌నారాయ‌ణ విమ‌ర్శించారు. అటువంటి అల‌వాటుగానీ, దృక్ఫ‌థం గానీ త‌మ పార్టీకి లేవ‌ని ఆయ‌న స్ప‌ష్టం చేశారు. విజ‌య‌న‌గ‌రంలో సోమ‌వారం సాయంత్రం ఆయ‌న మీడియాతో మాట్లాడారు.

      దేశంలోనే అతి త‌క్కువ ధ‌ర‌కు కొరియా నుంచి ర్యాపిడ్ కిట్ల‌ను కొనుగోలు చేశామ‌ని మంత్రి బొత్స తెలిపారు. ఇలాంటి క్లిష్ట స‌మ‌యంలో కూడా టిడిపి చౌక‌బారు విమ‌ర్శ‌లు చేయ‌డం సిగ్గుచేట‌ని అన్నారు.  క‌రోనా నిర్ధార‌ణ కోసం తొలిసారిగా కొరియా నుంచి ల‌క్ష‌ కిట్ల‌ను అతిత‌క్కువ ధ‌ర‌కు కొనుగోలు చేసి ముఖ్య‌మంత్రి వైఎస్ జ‌గ‌న్‌మోహ‌న రెడ్డి, దేశానికే ఆద‌ర్శంగా నిలిచార‌ని పేర్కొన్నారు. ఇప్పుడు కేంద్రం కూడా కొరియా నుంచి ఈ కిట్ల‌ను కొనుగోలుకు ముందుకు వ‌చ్చింద‌ని చెప్పారు.
      రాష్ట్రంలో క‌రోనా నియంత్ర‌ణ‌కు ముఖ్య‌మంత్రి ప‌టిష్ట‌మైన చ‌ర్య‌ల‌ను తీసుకున్నార‌ని మంత్రి బొత్స చెప్పారు. విజ‌య‌న‌గ‌రం జిల్లా ఇప్ప‌టివ‌ర‌కు సుర‌క్షితంగా ఉండ‌టానికి ప్ర‌జ‌ల స‌హ‌కార‌మే కార‌ణ‌మ‌ని పేర్కొన్నారు. ఇదే ప‌రిస్థితి కొన‌సాగాలంటే మరికొంత‌కాలం జిల్లా ప్ర‌జ‌లు స‌హ‌క‌రించాల‌ని మంత్రి కోరారు. జిల్లాలో క‌రోనా నియంత్ర‌ణ‌కు ప‌క‌డ్భంధీగా చ‌ర్య‌లు తీసుకున్నామ‌ని, ముందు జాగ్ర‌త్త‌గా ఆరు కోవిడ్‌-19 ఆసుప‌త్రుల‌ను సిద్దం చేశామ‌ని చెప్పారు. 40 క్వారంటైన్ కేంద్రాల‌ను ఏర్పాటు చేశామ‌ని, అనుమానితుల‌ను ఈ కేంద్రాల్లో 14 రోజుల‌పాటు ఉంచుతున్నామ‌ని చెప్పారు. అలాగే ద‌గ్గు, జ‌లుబు, జ్వ‌రం త‌దిత‌ర వ్యాధి లక్ష‌ణాలు క‌నిపించిన వారికి, ఇత‌ర ప్రాంతాల‌నుంచి వ‌చ్చిన వారికి ఎప్ప‌టిక‌ప్పుడు క‌రోనా నిర్ధార‌ణా ప‌రీక్ష‌ల‌ను నిర్వ‌హించ‌డం జ‌రుగుతోంద‌ని చెప్పారు. ఇలా ఇప్ప‌టివ‌ర‌కు 1795 మందికి ప‌రీక్ష‌లు నిర్వ‌హించిన‌ట్లు మంత్రి వెళ్ల‌డించారు.
       జిల్లాలో రైతులు ఇబ్బంది ప‌డ‌కుండా ధాన్యం కొనుగోలు కేంద్రాల‌ను ఏర్పాటు చేశామ‌న్నారు. అలాగే 30 మొక్క‌జొన్న కొనుగోలు కేంద్రాల‌ను ఏర్పాటు చేసి, రైతుల స్వ‌గ్రామాల్లోనే మొక్క‌జొన్న‌ను కొనేందుకు చ‌ర్య‌లు చేప‌ట్టామ‌న్నారు. డ్వాక్రా మ‌హిళ‌ల‌కు పెండింగ్‌లో ఉన్న వ‌డ్డీ రాయితీని ఈనెల 24న రాష్ట్ర‌వ్యాప్తంగా ముఖ్య‌మంత్రి జ‌గ‌న్‌మోహ‌న‌రెడ్డి రాజ‌ధాని నుంచి విడుద‌ల చేస్తార‌ని తెలిపారు. ఈ కార్య‌క్ర‌మం ద్వారా ఒక్క విజ‌య‌న‌గ‌రం జిల్లాలోనే మ‌హిళా సంఘాల‌కు సుమారు రూ.5కోట్ల రూపాయ‌ల ల‌బ్ది జ‌రుగుతుంద‌ని మంత్రి బొత్స తెలిపారు.
        ఈ మీడియా స‌మావేశంలో విజ‌య‌న‌గ‌రం ఎంఎల్ఏ కోల‌గ‌ట్ల వీర‌భ‌ద్ర‌స్వామి, వైకాపా రాజ‌కీయ వ్య‌వ‌హారాల ఇన్‌ఛార్జి మ‌జ్జి శ్రీ‌నివాస‌రావు పాల్గొన్నారు.

స‌ర్వ‌స‌న్న‌ద్దంగా ఉండాలి

స‌ర్వ‌స‌న్న‌ద్దంగా ఉండాలి
అల‌స‌త్వానికి తావివ్వొద్దు
1514 మందికి నిర్ధార‌ణా ప‌రీక్ష‌లు
పిహెచ్‌సిల్లో కూడా ర్యాపిడ్ టెస్టులు
జిల్లా క‌లెక్ట‌ర్ డాక్ట‌ర్ ఎం.హ‌రి జ‌వ‌హ‌ర్‌లాల్‌

విజ‌య‌న‌గ‌రం, పెన్ పవర్ ప్రతినిధి : డేవిడ్ రాజ్ 

జిల్లా గ్రీన్ జోన్‌లో ఉన్న‌ప్ప‌టికీ ఏమాత్రం అల‌స‌త్వాన్ని చూప‌కుండా, స‌ర్వ‌స‌న్న‌ద్దంగా ఉండాల‌ని జిల్లా క‌లెక్ట‌ర్ డాక్ట‌ర్ ఎం.హ‌రి జ‌వ‌హ‌ర్‌లాల్ అధికారుల‌ను ఆదేశించారు. జిల్లా టాస్క్‌ఫోర్స్ స‌మావేశం క‌లెక్ట‌రేట్‌లో సోమ‌వారం నిర్వ‌హించారు. ఈ సంద‌ర్భంగా కోవిడ్‌-19 ఎదుర్కొన‌డంలో జిల్లాలోని ప్ర‌భుత్వ‌ శాఖ‌ల స‌న్న‌ద్ద‌పై క‌లెక్ట‌ర్ మ‌రోసారి స‌మీక్షించారు. ఈ సంద‌ర్భంగా క‌లెక్ట‌ర్ మాట్లాడుతూ క‌రోనా నియంత్ర‌ణ‌లో వివిధ‌ అంశాల ప్రాధాన్య‌త‌ను  వివ‌రించారు.

స‌ర్వైలెన్స్ స్ట్రాట‌జీ

        కోవిడ్‌-19ను ఎదుర్కొన‌డంలో స‌ర్వైలెన్స్ స్ట్రాట‌జీ చాలా ముఖ్య‌మైన‌ద‌ని క‌లెక్ట‌ర్ స్ప‌ష్టం చేశారు. వ్య‌క్తుల్లో వ్యాధి లక్ష‌ణాల‌ను గుర్తించ‌డం, ఇంటింటికీ స‌ర్వే చేయ‌డంతోపాటు తాజాగా ఆరోగ్య సేతు యాప్ ద్వారా ఇంటింటికీ ఎఎన్ఎంల ద్వారా స‌ర్వే చేయ‌డం జ‌రుగుతోంద‌న్నారు. దీనిలో జ్వ‌ర పీడితుల‌ను గుర్తించి, వారికి జిల్లాలో ఉన్న ర్యాపిడ్ టెస్ట్ కిట్ల‌ద్వారా ప‌రీక్ష‌లు నిర్వ‌హిస్తామ‌ని చెప్పారు. జిల్లాలో విటిఎం విధానం ద్వారా ఇప్ప‌టివ‌ర‌కూ 1109 మందికి క‌రోనా నిర్ధార‌ణా ప‌రీక్ష‌ల‌ను నిర్వ‌హించ‌గా, అంద‌రికీ నెగిటివ్ వ‌చ్చింద‌ని తెలిపారు. అలాగే విజ‌య‌న‌గ‌రం, పార్వ‌తీపురం, సాలూరులో ప‌రీక్షా కేంద్రాల‌ను ఏర్పాటు చేసి, ఇప్ప‌టివ‌ర‌కు 405 మందికి ట్రూనాట్ కిట్ల ద్వారా ప‌రీక్షించామ‌ని, వారంద‌రికీ కూడా నెగిటివ్ వ‌చ్చింద‌ని చెప్పారు. జిల్లాకు మ‌రో 1700 ర్యాపిడ్ టెస్ట్ కిట్లు వ‌స్తున్నాయ‌ని, సిబ్బందికి శిక్ష‌ణ ఇచ్చి పిహెచ్‌సిల్లో కూడా క‌రోనా నిర్ధార‌ణా ప‌రీక్ష‌ల‌ను త్వ‌ర‌లో ప్రారంభిస్తామ‌ని క‌లెక్ట‌ర్ వెళ్ల‌డించారు.

క్వారంటైన్ సెంట‌ర్లు

       జిల్లాలో అనుమానితుల‌ను, ఇత‌ర ప్రాంతాల‌నుంచి వ‌చ్చిన వారిని ఉంచేందుకు మొత్తం 40 క్వారంటైన్ కేంద్రాల‌ను ఏర్పాటు చేసి, 4,302 ప‌డ‌క‌ల‌ను సిద్దం చేశామ‌ని జిల్లా రెవెన్యూ అధికారి జె.వెంక‌ట‌రావు చెప్పారు. వీటిలో ప్ర‌స్తుతం ఆరు కేంద్రాల‌ను ఇప్ప‌టికే ప్రారంభించ‌డం జ‌రిగింద‌ని, వీటిలో ప్ర‌స్తుతం 206 మందికి వ‌స‌తి క‌ల్పించామ‌ని, 116 మంది ఈ కేంద్రాల‌నుంచి గ‌డువు అనంత‌రం పంపించేశామ‌ని వెళ్ల‌డించారు.

ఆసుప‌త్రుల స‌న్న‌ద్ద‌త‌
       
       జిల్లా ఇప్ప‌టివ‌ర‌కు సుర‌క్షితంగా ఉంద‌ని, అయిన‌ప్ప‌టికీ ఆరు కోవిడ్ ఆసుప‌త్రుల‌ను సిద్దం చేసి, ఎదుర్కొనేందుకు స‌ర్వ‌స‌న్న‌ద్దంగా ఉన్నామ‌ని జాయింట్ క‌లెక్ట‌ర్-2 ఆర్‌.కూర్మ‌నాధ్ వివ‌రించారు.  మిమ్స్ ఆసుప‌త్రి, జిల్లా కేంద్రాసుప‌త్రి, క్వీన్స్ ఎన్ఆర్ఐ ఆసుప‌త్రి, గాయ‌త్రి ఆసుప‌త్రి, శ్రీ సాయి సూప‌ర్ స్పెషాలిటీ ఆసుప‌త్రి, పుష్ప‌గిరి కంటి ఆసుప‌త్రుల‌ను కోవిడ్‌-19 ఆసుప‌త్రులుగా రూపొందించి, అక్క‌డ ప‌రిక‌రాల‌ను, సిబ్బందిని, మందుల‌ను సిద్దంగా ఉంచామ‌న్నారు.

స‌హాయ‌ కేంద్రాలు ఏర్పాటు

        జిల్లాలో లాక్‌డౌన్ ప‌టిష్టంగా అమ‌లవుతున్న నేప‌థ్యంలో పేద ప్ర‌జ‌ల సంక్షేమానికి కూడా అత్య‌ధిక ప్రాధాన్య‌తినిస్తున్నామ‌ని చెప్పారు. దీనిలో భాగంగా నిరాశ్రయుల‌కు, వ‌ల‌స కూలీల‌కు, బిక్ష‌గాళ్ల‌కు, ఇత‌ర ప్రాంతాల‌నుంచి వ‌చ్చి ఇక్క‌డ చిక్కుకుపోయిన వారికోసం ప్ర‌భుత్వ ఆద్వ‌ర్యంలో 6, ప్ర‌యివేటు ఆధ్వ‌ర్యంలో 9 ఉప‌శ‌మ‌న‌ కేంద్రాల‌ను ఏర్పాటు చేసిన‌ట్లు జిల్లా అట‌వీశాఖాధికారి జి.ల‌క్ష్మ‌ణ్ చెప్పారు. ఈ కేంద్రాల్లో సుమారు 555 మంది ఆశ్ర‌యం పొందుతున్నార‌ని చెప్పారు. ఇవి కాకుండా ప్ర‌భుత్వ ఆధ్వ‌ర్యంలో మ‌రో 12, స్వ‌చ్ఛంద సంస్థ‌ల ఆధ్వ‌ర్యంలో 13 భోజ‌న కేంద్రాల‌ను ఏర్పాటు చేసి, ప్ర‌తీరోజూ సుమారుగా 3,613 మందికి రెండు పూట‌లా భోజ‌నాన్ని అందిస్తున్నామ‌ని చెప్పారు.

పారిశుధ్యంపై ప్ర‌త్యేక దృష్టి

         జిల్లాలో పారిశుధ్యం మెరుగుప‌ర్చేందుకు ప్ర‌త్యేక చ‌ర్య‌ల‌ను చేపట్టామ‌ని క‌లెక్ట‌ర్ తెలిపారు. మున్సిప‌ల్ ప్రాంతాల్లో చేపట్టిని పారిశుధ్య కార్య‌క్ర‌మాల‌ను మున్సిప‌ల్ క‌మిష‌న‌ర్ ఎస్ఎస్ వ‌ర్మ వివ‌రించారు. రోజూ వార్డుల్లో స్పేయింగ్‌, బ్లీచింగ్ పౌడ‌ర్ జ‌ల్ల‌డం, కాలువ‌లు శుభ్ర‌ప‌ర‌చ‌డం చేస్తున్నామ‌న్నారు. అలాగే మున్సిప‌ల్ పారిశుధ్య సిబ్బంది 1360 మందికి ఇప్ప‌టివ‌ర‌కు మాస్కుల‌ను, శానిటైజ‌ర్ల‌ను పంపిణీ చేసిన‌ట్లు చెప్పారు.
        గ్రామీణ ప్రాంతాల్లోని సుమారు 5861 మంది పారిశుధ్య సిబ్బందికి 20వేల మాస్కుల‌ను, 300 లీట‌ర్ల శానిటైజ‌ర్‌ను పంపిణీ చేశామ‌ని జిల్లా పంచాయితీ అధికారి కె.సునీల్ రాజ్‌కుమార్ చెప్పారు. బ్లీచింగ్‌, ఫినాయిల్‌ను తెప్పించి నిత్యం గ్రామాల్లో పారిశుధ్య ప‌నుల‌ను నిర్వ‌హిస్తున్నామ‌న్నారు. అదేవిధంగా భౌతిక దూరాన్ని పాటించ‌డం, త‌ర‌చూ చేతుల‌ను శుభ్రంగా క‌డుగుకోవ‌డం త‌దిత‌ర అంశాల‌పై విస్తృతంగా ప్ర‌చారాన్ని నిర్వ‌హిస్తున్నామ‌ని డిపిఓ తెలిపారు.

నిత్యావ‌స‌రాల‌కు ఇబ్బంది లేదు

        జిల్లాలో నిత్యావ‌స‌రాల‌కు ఎటువంటి ఇబ్బంది రాకుండా చ‌ర్య‌ల‌ను తీసుకున్నామ‌ని జాయింట్ క‌లెక్ట‌ర్ డాక్ట‌ర్ జి.సి.కిశోర్‌కుమార్ తెలిపారు. క‌నీసం 15రోజుల‌కు స‌రిప‌డా స్టాకు ఉండేలా చూస్తున్నామ‌ని, రైతు బ‌జార్ల‌ను వికేంద్రీక‌రించి, అంద‌రికీ అందుబాటులో ఉంచామ‌ని తెలిపారు. అదేవిధంగా ఉచిత రేష‌న్ పంపిణీలో రాష్ట్రంలోనే మెరుగైన స్థానంలో ఉన్నామ‌ని జెసి చెప్పారు. గ‌త‌నెల‌లో 91.55శాతం పంపిణీ చేశామ‌ని, ఈ నెల‌కు సంబంధించి 88.52 శాతం పంపిణీ పూర్త‌య్యింద‌ని జెసి తెలిపారు. అనంత‌రం లాక్‌డౌన్ వెసులుబాటుకు సంబంధించి ప్ర‌భుత్వం జారీ చేసిన‌ జీవో 239పై అంశాల వారీగా చ‌ర్చించారు.
        ఈ స‌మావేశంలో జిల్లా ఎస్‌పి బి.రాజ‌కుమారి, అసిస్టెంట్‌ క‌లెక్ట‌ర్ కేత‌న్ గార్గ్‌, డిఎంఅండ్ హెచ్ఓ డాక్ట‌ర్ ఎస్‌వి ర‌మ‌ణ‌కుమారి, డిసిహెచ్ ఎస్ డాక్ట‌ర్ జి.నాగ‌భూష‌ణం, ఇత‌ర క‌మిటీ స‌భ్యులు పాల్గొన్నారు.

స్నేహితుడా... నీకు మేమున్నాం..

 

 

మధురవాడ, పెన్ పవర్ ప్రతినిధి సునీల్

 

వారందరూ ఒకే విద్యాలయంలో విద్యనభ్యసించిన  స్నేహితులు, ఆ ఉన్నత పాఠశాలలో చదువు పూర్తయి ఇప్పటికి 19 సంవత్సరాలు గడుస్తున్నా  ఆపదలో ఉన్న స్నేహితుడికి ఆర్థిక సాయం చేసి నీ వెనక మేమున్నామంటూ భరోసా ఇచ్చారు ఆ మిత్రులు. వారెవరో కాదు మధురవాడ చంద్రంపాలెం ఉన్నత పాఠశాలలో విద్యాభ్యాసం చేసిన 2001-2002 పూర్వ విద్యార్థులు. తోటి స్నేహితుడైన రేవళ్ళపాలెం కు చెందిన రాయన రామారావు భవన నిర్మాణ కార్మికులుగా జీవనం సాగిస్తున్నాడు, అతనికి ప్రమాదవశాత్తూ కాలుకి గాయం కావడంతో గత రెండు నెలలుగా ఇంటికే పరిమితమయ్యాడు, అది తెలుసుకున్న తోటి పూర్వ విద్యార్థులు ఆదివారం అతన్ని పరామర్శించి, 12 వేల రూపాయలు ఆర్థిక సహాయం చేశారు. కష్టకాలంలో తోటి స్నేహితుడిని ఆదుకున్న చంద్రంపాలెం ఉన్నత పాఠశాలకు చెందిన 2001-2002 పూర్ణ విద్యార్థులను రాయన రామారావు కుటుంబ సభ్యులే కాక ఊరి పెద్దలు అభినందించారు.

తన సహృదయన్ని చాటుకున్న పెన్ పవర్ రిపోర్టర్ చిరంజీవి

తన సహృదయన్ని చాటుకున్న పెన్ పవర్ రిపోర్టర్  చిరంజీవి 

                        

ఆత్రేయపురం మండలం ర్యాలీ గ్రామం కరోనా మహమ్మారి విలయ తాండవం చేస్తున్న వేల మన కొరకు శ్రమిస్తున్న వాళ్ళ పట్ల తన వంతు సాయం చేయాలని తన సహృదయంతో ముందుకొచ్చినా ఆత్రేయపురం పెన్ పవర్ విలేకరి. అత్తిలి చిరంజీవి తన స్నేహితుల సహాయం తీసుకుని కరోనా విపత్తు సమయంలో శ్రమిస్తున్న ఆత్రేయపురం పోలీస్ సిబ్బందికి ఆహార పంపిణీ చేస్తున్నారు . ఈ విపత్తు సమయంలో పారిశుద్ధ్య కార్మికులుకు, రావులపాలెం మండలం రావుడు పాడు గ్రామంలో రోడ్డు పక్కన ఉన్న వలస కార్మికులకు భోజనం పంపిణీ చేయడంజరిగింది.  ఈ కార్యక్రమంలో తనతో పాల్గొన్న తన స్నేహితులు జి నాగేంద్ర గౌడ్ కె కుమార్ గౌడ ఏ వెంకట్ గౌడ్ కె రమేష్ గౌడ్ డి రాజు కె రామ కోటేశ్వర గౌడ్ ఎం మురళి కృష్ణ గౌడ్ బాబి తన కృతజ్ఞతలు తెలుపుతూ కరుణ మహమ్మారిని మన దేశం నుంచి తరిమి కొట్టే దిశగా అడుగులు వేయాలని కేంద్ర ప్రభుత్వం ఇచ్చిన ఆదేశాల మేరకు మే 3 వరకూ లాక్ డౌన్ సమయంలో ప్రతి ఒక్కరు ఇంట్టి వద్దనే ఉండాలని అత్యవసర పరిస్థితుల్లో తప్ప మిగతా సమయంలో గృహనిర్బంధం చేసుకోవాలని కోరుకుంటు ప్రజలందరికీ ప్రజలకు నచ్చజెబుతున్నారు.

స్టాప్ నర్సుల నుండి దరఖాస్తులు ఆహ్వనం

 

కోవిడ్ ఆసుపత్రులలో పనిచేయుటకు  స్టాప్ నర్సుల నుండి దరఖాస్తులు ఆహ్వనం

  జిల్లా వైద్య ఆరోగ్య శాఖాధికారి డా.యస్.వి.రమణకుమారి

       విజయనగరం, పెన్ పవర్ ప్రతినిధి : డేవిడ్ రాజ్ 

కేంద్ర ప్రభుత్వము కోవిడ్ 19 ను జాతీయ విపత్తుగా గుర్తించిందని, తగు నివారణా చర్యలు తీసుకోవాలని రాష్ట్ర ప్రభుత్వాలను ఆదేశించడమైందని జిల్లా వైద్య ఆరోగ్య శాఖాధికారి డా.యస్.వి.రమణకుమారి తెలిపారు. రాష్ట్ర ప్రభుత్వం ఆదేశాల మేరకు జిల్లా వైద్య ఆరోగ్య శాఖాధికారి, జిల్లా ఆసుపత్రి సేవల సమన్వయాధికారి వారి కోవిడ్ ఆసుపత్రులలో అత్యవసర చికిత్సా విభాగంలో రెండు సంవత్సరములు  పనిచేయుటకు అనుభవజ్నులైన స్టాప్ నర్సుల నుండి దరఖాస్తులు ఆహ్వనించుచున్నామన్నారు.  బిఎస్సి నర్సింగ్/జిఎన్ఎం అర్హత ఉండాలని, తమ ధరఖాస్తులతో పూర్తి దృవీకరణ పత్రాలు జతపర్చి జిల్లా కేంద్ర మహారాజ ఆసుపత్రికి ఈనెల 23వ తేదీలోపు కార్యాలయపు పనివేళలలో సామాజిక దూరము పాటిస్తూ సమర్పించాలన్నారు.  పూర్తి వివరాల కొరకు  www.vizianagaram.nic.in  వెబ్ సైట్ ను సందర్శించాలని తెలిపారు. 

మొదలైన ఉపాధి హామీ పధకం

 

 

 

ఆత్రేయపురం, పెన్ పవర్ ప్రతినిధి చిరంజీవి 

 

ప్రపంచ దేశాలను ఈ కరోనా మహమ్మారి విలవిలలాడిస్తున్న నేపధ్యంలో భారత ప్రభుత్వం రోజు కూలి పనిమీద ఆధారపడి బ్రతుకుతున్న కుటుంబాలకు పనికి ఆహార పథకం ప్రవేశపెట్టడం జరిగింది. ప్రస్తుత పరిస్థితుల్లో మన కేంద్ర ప్రభుత్వం తీసుకున్న నిర్ణయాల ప్రకారం లాక్డౌన్ మే మూడో తారీఖు వరకు పొడిగించడం జరిగిందని,  అలాగే కొన్ని వెసులుబాటును కల్పించారు, ఈ విషయాన్ని దృష్టిలో పెట్టుకొని ర్యాలీ గ్రామం లో ఉన్న రోజు కూలీలకు పనికి ఆహారం పధకం క్రింద స్థానిక అధికారులు,  కాలువల్లో గుర్రపు డెక్క తీయించడం, కాలువ లో చెత్తని కూడా తీయించారు. అలాగే వారి మద్య  సమ దూరాన్ని పాటిస్తూ పనులు చేయీస్తున్నామని  తెలిపారు. 

బెల్లపుఊటను ధ్వంసం

14 వేల లీటర్లు బెల్లపుఊటను ధ్వంసం

ఐ. పోలవరం ., పెన్ పవర్ ప్రతినిధి 

ఐ.పోలవరం మండలం భైరవపాలెం గ్రామ శివారు గవర కాలువ వద్ద నాటుసారా తయారుచేయడానికి సిద్ధంగా ఉంచిన బెల్లపుఊటను ముమ్మిడివరం ఎక్సైజ్ సీఐ. నాగవల్లి, ఐ పోలవరం పోలీసులు సంయుక్తంగా దాడులు చేసి 70 నాటు సారా కు తయారయ్యే 14 వేల లీటర్లు బెల్లపుఊటను ధ్వంసం చేశారని ముమ్మిడివరం సి ఐ. నాగవల్లి తెలిపారు.