ఆటా ఆధ్వర్యంలో నిత్యావసర సరుకుల పంపిణీ

 

ఆటా ఆధ్వర్యంలో నిత్యావసర సరుకుల పంపిణీ

ఎటపాక.పెన్ పవర్

 

ప్రపంచ దేశాలను వణికిస్తున్న కరోనా వైరస్ మహమ్మారి వ్యాప్తిని అరికట్టేందుకుగానూ భారతదేశ ప్రభుత్వం , రాష్ట్ర ప్రభుత్వం లాక్ డౌన్ విధించడాన్ని బట్టి ఎటపాక మండల పరిధిలోని పిచ్చుకలపాడు గ్రామపంచాయతీ - గుండం గ్రామంలోని ఆదివాసీలకు ప్రస్తుత పరిస్థితుల్లో పనులు లేకపోవడంతో ఇబ్బందులు పడుతున్నా నేపధ్యంలో ఆట ఆధ్వర్యంలో గ్రామంలోని ఆదివాసీలకు నిత్యవసర వస్తువులైన కూరగాయలను అందజేశారు.అనంతరం వారు మాట్లాడుతూ...వైరస్ వ్యాధి గురించి, లక్షణాలు, వ్యాప్తి, మరియు తీసుకోవలసిన జాగ్రత్తలు మాస్క్ వాడకం, హ్యాండ్ వాష్  - విధానం , భౌతిక దూరం ఆవశ్యకత గురించి  అవగాహన కల్పించడం జరిగింది. ఆట రాష్ట్ర నాయకులు పూసం శ్రీను, జిల్లా నాయకులు కణితి రామకృష్ణ, నూప అనిల్, ఆదివాసీ మెడికల్ మరియు హెల్త్ ఎంప్లాయిస్ అసోసియేషన్ జిల్లా నాయకులు గుజ్జ సీతమ్మ, సీనియర్ సిస్టర్ పి. అన్నపూర్ణ, హెల్త్ అసిస్టెంట్ పెనుబల్లి గంగరాజు సమానవ్యకర్త మడివి నెహ్రూ, నాయకులు పోడియం హరిబాబు, పండా కిరణ్, పోడియం రామకృష్ణ తదితరులు పాల్గొన్నారు

 

 

 

విపత్తు సమయం లో మీడియా మిత్రులకు, ప్రజలకు సహాయం చెయ్యడం అభినందనీయం

విపత్తు సమయం లో మీడియా మిత్రులకు, ప్రజలకు సహాయం చెయ్యడం అభినందనీయం

 

పోలవరం డీఎస్పీ ఎం వెంకటేశ్వరరావు

 

పశ్చిమగోదావరి జిల్లా ఇంచార్జ్, పెన్ పవర్ 

 

 కరోనా వైరస్ ప్రభావంతో లాక్ డౌన్ అమలులో ఉన్నందున ఇళ్ల కే పరిమితమైన పోలవరం మండలం గూటాల గ్రామం లో నివసిస్తున్న ప్రతి కుటుంబానికి నిత్యవసర వస్తువులైన కూరగాయలను వైసిపి సీనియర్ నాయకులు సుంకర వెంకటరెడ్డి  అందజేశారు. ఇటువంటి  విపత్తు సమయాలలో సహాయం చేయడం అభినందనీయమని  పోలవరం డీఎస్పీ ఎం వెంకటేశ్వరరావు అన్నారు. బుధవారం పోలవరం మండలం గూటాల పంచాయతీలో సుమారు 1500 కుటుంబాలకు సేంద్రియ పద్దతిలో పండించిన కూరగాయలు పంపిణీ చేశారు. ఈ కార్యక్రమాన్ని లాంఛనంగా ప్రారంభించిన డీఎస్పీ మాట్లాడుతూ ఇలాంటి విపత్కర పరిస్థితుల్లో బయటకు ఎవరూ తిరగకూడని పరిస్థితుల్లో నేరుగా ఇంటింటికీ కాయగూరలను పంచడం అభినందనీయమని వైసీపీ పోలవరం నియోజకవర్గ కన్వీనర్ సుంకర వెంకటరెడ్డిని ప్రసంసించారు. ఈ కార్యక్రమంలో పత్రికా విలేఖరులకు,మీడియా ప్రతినిధులకు నిత్యావసరాలు బియ్యం , కిరాణా, కూరగాయలను గూటాల ఎస్  వి ఆర్ గ్యారేజ్ సభ్యులు, సుంకర వెంకటరెడ్డి, గూటాల సొసైటీ అధ్యక్షులు సుంకర అంజిబాబు  అందజేశారు . ఈ కార్యక్రమంలో పోలవరం సిఐ అల్లు నవీన్ నరసింహమూర్తి, ఎస్ఐ ఆర్ శ్రీను , ఎంపీడీవో జే మన్మధరావు, పట్టిసీమ పంచాయతీ సెక్రెటరీ దత్తు, గూటాల వీఆర్వో ప్రసాద్, వైసీపీ నాయకులు, సుంకర అంజిబాబు,సుంకర కొండబాబు ,పండు ,తదితరులు పాల్గొన్నారు.

కొండ పై నివసించే కొండరెడ్లకు నిత్యవసర వస్తువులు పంపిణీ

 

పెన్ పవర్, కూనవరం

ప్రకృతిని ఆరాధ్య దైవంగా భావించి గుట్టలపైనే  ఆవాసాలు ఏర్పరుచుకుని జీవించే కొండరెడ్లు కరోనా వైరస్  మహమ్మారి ఎక్కడ సోకుతుందెమొనని గుట్టపై నుండి క్రిందకు రాకుండా ఆవాసాలకే పరిమితం అయ్యారు. నిత్యావసర వస్తువులు లేక ఇబ్బందులకు గురవుతుండం గమనించిన కూనవరం మీడియా  ఆధ్వర్యంలో  మంగళవారం నాడు ముఖ్యఅతిథిగా చింతూరు పిఓ ఆకుల వెంకటరమణను ఆహ్వానించి ఆయన చేతుల మీదుగా 150 కుటుంబాలకు నిత్యవసర వస్తువులను పంపిణీ చేసారు. ఈ సందర్భంగా ఆయన మాట్లాడుతూ ఇలాంటి విపత్కర పరిస్థితుల్లో మీడియా మిత్రులు  ముందుకు వచ్చి  తమ వంతుగా కొండరెడ్లకు నిత్యవసర వస్తువులు పంపిణీ చేయడం చాలా సంతోషంగా ఉందని కృతజ్ఞతలు తెలిపారు. అదే విధంగా ప్రతి ఒక్కరూ ముందుకు వచ్చి తమ వంతుగా పేదవారికి సహాయం చేయాలని కోరారు. ప్రభుత్వం ప్రకటించిన బ్లాక్ డౌన్ కార్యక్రమని ప్రతి ఒక్కరూ తమంతట తాముగా స్వీయ నిర్బంధం  పాటించినట్లయితే కోవిడ్ 19ని మనదేశం నుండి మన పట్టణం నుండి మన గ్రామం నుండి తడిమివేయడంలో  భాగస్వాములు కావాలని పిలుపునిచ్చారు. గ్రామాల్లోకి ఎవరైనా కొత్తవారు వచ్చినట్లయితే గ్రామ వాలంటరీలకు వెంటనే సమాచారం తెలియపరచాలని, ఎవరైనా జలుబు, దగ్గు, ఆయాసం,  తుమ్ములు వచ్చినట్లయితే వెంటనే ప్రభుత్వ ఆసుపత్రి సంప్రదించాలని సూచించారు. పరిసరాలను పరిశుభ్రంగా ఉంచుకోవాలని, చేతులను 20సెకన్ల పాటు సబ్బుతో శుభ్రంగా కడుక్కోవాలి, బయటి నుంచి ఇంటికి వచ్చినట్లయితే ముందుగా కాళ్ళు, చేతులు, మొహం కడుక్కొని లోపలికి వెళ్లాలని తెలిపారు. వి.ఆర్.పురం సాక్షి రిపోర్టర్ అశోక్ స్వచ్ఛందంగా కొండరెడ్లకు మజ్జిగ పంపిణీ చేశారు. ఈ కార్యక్రమంలో మండల తాసిల్దార్ కె వి ఎల్ నారాయణ, ఎంపీడీవో సత్యనారాయణమూర్తి, ఎస్సై గుణశేఖర్ గ్రామ పంచాయతీ సెక్రెటరీ చారి, మీడియా మిత్రులు సాక్షి రిపోర్టర్ కోట బాబురావు, ఏబీఎన్ సత్యనారాయణ, విజన్ యండి భాష,ఆంధ్రభూమి బెల్లంకొండ లోకేష్, పెన్ పవర్ వేమన సతీష్, విశాలాంధ్ర నెల్లూరు రమేష్, కోస్తా సమయం గడ్డ వెంకటేశ్వర్లు పాల్గొన్నారు.

విలేకరులకు నిత్యావసర వస్తువుల పంపిణీ..

 

ఆర్.ఎమ్.ఎమ్.ఎ ఆధ్వర్యంలో  విలేకరులకు నిత్యావసర వస్తువుల పంపిణీ

 

 రూ 72,500  విలువైన నిత్యవసర వస్తువులు పంపిణీ

 

దాతల సహాయం అభినందనీయం - సిఐ వి.కృష్ణ

 

రావులపాలెం, పెన్ పవర్

 

కరోనా వైరస్ నేపథ్యంలో లాక్ డౌన్ అమలు చేస్తుండడంతో రావులపాలెం మండల మీడియా అసోసియేషన్ (ఆర్.ఎం.ఎం.ఏ) ఆధ్వర్యంలో విలేకరులకు నిత్యావసర వస్తువులను పంపిణీ చేశారు. మంగళవారం రావులపాలెం లోని అసోసియేషన్ కార్యాలయం వద్ద జరిగిన కార్యక్రమంలో సి.ఐ వి.కృష్ణ, మండల అభివృద్ధి అధికారి, జి రాజేంద్రప్రసాద్, తహసీల్దారు యూసుఫ్ జిలానీ లు ముఖ్య అతిధులుగా పాల్గొన్నారు. ఈ సందర్బంగా 22  మంది  విలేకరులకు ఒక్కొక్కరికి 50 కేజీల బియ్యం,ఆయిల్ 3లీటర్లు, ఒక కేజీ పంచదార, ఒక కేజీ కందిపప్పు,  ఒక కేజీ గోధుమ పిండి, ఒక కేజీ బెల్లం, ఒక కేజీ చింతపండు ఐదు కేజీల ఉల్లిపాయలు, ఒక కెజి కరాచీ నూక చొప్పున  అందజేశారు.  ఈ సందర్బంగా సిఐ కృష్ణ మాట్లాడుతూ, ప్రపంచ వ్యాప్తంగా కరోనా వ్యాప్తి చెందడంతో ప్రభుత్వం విధించిన  లాక్ డౌన్ కారణంగా సమాజంలో ప్రజలు, ప్రభుత్వానికి వారధిగా పనిచేస్తున్న  విలేకరులు తీవ్ర ఇబ్బందులకు గురికావడంతో వారిని ఆదుకోవాలనే ఉద్దేశంతో  గ్రామస్థులు స్వచ్ఛందంగా  సహాయం అందించటం  అభినందనీయమన్నారు. ఈ సంధర్భంగా రూ. 72,500 తో  నిత్యవసర వస్తువులు సమకూర్చిన దాతలు స్వగృహ కనస్ట్రక్షన్స్ అధినేత కర్రి వీర్రెడ్డి, వాడపల్లి దేవస్థానం చైర్మన్ రుద్రరాజు రమేష్ రాజు, మాజీ ఎంపిటీసి కుడిపూడి శ్రీనివాస్ , టింబర్ అసోసియేషన్ అధ్యక్షుడు పోతంశెట్టి కనికిరెడ్డి మాజీ ఉప సర్పంచ్ అధికారి నాగేశ్వరరావు, రాచకొండ శ్రీనివాస్, ఎమ్.ఎస్, కొవ్వూరి అప్పారెడ్డి, 

భాస్కర స్వీట్స్ గొలుగూరి సోమిరెడ్డి , మన్యం సుబ్రహ్మణ్యం, కర్రి సుబ్బారెడ్డి, యస్. రామకృష్ణంరాజు, కోట చెల్లయ్య, భమిడిపాటి శ్రీనివాసరావులకు అసోసియేషన్ అధ్యక్ష కార్యదర్శులు చెల్లుబోయిన ఉమామహేశ్వరరావు, కొండేటి గంగాధర్ లు కృతజ్ఞతలు తెలిపారు. ఈ కార్యక్రమంలో యార్లగడ్డ జగజ్జీవన్ రావ్ గౌరవ అధ్యక్షులు కోటిపల్లి రామారావు, వైస్ ప్రెసిడెంట్ చిర్రా నాగరాజు, సంయుక్త కార్యదర్శి ఉందుర్తి సురేష్, కోశాధికారి దొండపాటి మూర్తి , కార్యవర్గ సభ్యులు గుత్తుల శ్రీనివాస్, కోనాల వెంకట్రావు, వెంకటేశ్వరరావు, మండపాటి గంగాధర్, ఆనంద్, చిట్టూరి నాగరాజు,   జాలాది సహదేవుడు, ఎల్.ఐ.సి నాగరాజు, గండ్రోతు సురేష్ తదితరులు పాల్గొన్నారు.

 

 

 

61 రోజుల పాటు సముద్ర చేపల వేట నిషేధం

 

61 రోజుల పాటు సముద్ర చేపల వేట నిషేధం

మత్స్య శాఖ ఉప సంచాలకులు టి. సుమలత

విజయనగరం, పెన్ పవర్ 

  సముద్రంలో చేపల వేటను ఈనెల 15 నుండి జూన్ 14వ తేది వరకు 61 రోజులపాటు నిషేధిస్తూ రాష్ట్ర ప్రభుత్వం జిఓ (జిఓఆర్టి నెం .80, పశు సంవర్దక, పాడి పరిశ్రమ మరియు మత్స్యశాఖ, తేది 26.3.2020) జారీచేసిందని మత్స్య శాఖ ఉప సంచాలకులు టి. సుమలత తెలిపారు.  సాంప్రదాయ బోటులకు (ఇంజను లేని పడవలకు)  ఈ నిషేద కాలము వర్తించదన్నారు. 

        చేపలు, రొయ్యలు సంతానోత్పత్తి కాలములో తల్లి చేపలు, రొయ్యలను సంరంక్షించుట, వాటి ఉత్పత్తిని పెంచుట తద్వారా మత్స్య సంపద అభివృద్ది సాధించుట ముఖ్య ఉద్దేశ్యంగా  ప్రతి సంవత్సరం ఈ వేట నిషేద కాలాన్ని పాటించడం జరుగుతుందన్నారు.  ఈ నిషేధ ఉత్తర్వులను అనుసరించి మెకనైజడ్, మోటరైజడ్ బోట్లు వినియోగించి సముద్ర జలాలలో చేపల వేట చేయరాదన్నారు.  వేట నిషేద ఉత్తర్వులు ఉల్లంఘించిన బోటు యజమానులపై ఎపిఎంఎఫ్ఆర్ చట్టం 1994 ప్రకారం చర్య తీసుకోబడుతుందన్నారు.  బోటు యజమానులందరూ ఈ నిషేద ఉత్తర్వులు పాటించాలని ఆమె కోరారు.

కొత్తవారు ఎవరైనా వస్తే సమాచారం ఇవ్వండి : జిల్లా కలెక్టర్

 

 

విజయనగరం, పెన్ పవర్ 

 

గ్రామాలు, పట్టణాల్లోకి ఇతర ప్రాంతాల నుండి కొత్తవారు ఎవరైనా వచ్చినట్లయితే సంబంధిత సమాచారాన్ని గ్రామ సచివాలయానికి అందజేయాలని జిల్లా కలెక్టర్ డా.ఎం.హరిజవహర్ లాల్ తెలిపారు. ఇతర జిల్లాలు, రాష్ట్రాల నుండి వచ్చిన వారు తమ పేర్లు నమోదు చేసుకోవాలని కోరారు.  కరోనా నిరోధించడంలో అందరి సహకారం అవసరమని, ఈ సమాచారం యంత్రాంగానికి ఎంతో కీలకమని పేర్కొన్నారు. కొత్తగా వచ్చిన వారి వివరాలు దాచి ఉంచకుండా తెలియజేస్తే వారికి ఆరోగ్య తనిఖీలు నిర్వహించి వారి కారణంగా  వారి కుటుంబ సభ్యులు, బంధువులు, ఆ ప్రాంతంలో నివసిస్తున్న వారికి కరోనా ముప్పు లేకుండా చూసేందుకే ఈ విజ్ఞప్తి చేస్తున్నట్టు పేర్కొన్నారు. 

సమస్యాత్మక ప్రాంతాల్లో విస్తృతంగా రసాయనాలు జోడిస్తున్న జివిఎంసి పారిశుద్ధ్య అధికారులు,

 

 

 సమస్యాత్మక ప్రాంతాల్లో విస్తృతంగా రసాయనాలు జోడిస్తున్న జివిఎంసి పారిశుద్ధ్య అధికారులు,

 

విశాఖపట్నం, పెన్ పవర్ 

 

 కరోనా వైరస్ పాజిటివ్ లక్షణాలు గుర్తించిన వారి నివాసం ఉండే ప్రాంతాల నుండి 5 కి.మీ పరిధి వరకు కంటికి రెప్పలా పారిశుద్ధ్య  పనులు, రసాయనాలు చల్లడం వంటి కార్యక్రమాలు విస్తృతంగా చేపట్టాలని కమిషనర్ డా.జి.సృజన ముఖ్యవైద్య ఆరోగ్యశాఖాధికారి, బయాలజిస్టును మరియు అసిస్టెంటు మెడికల్ ఆఫీసర్లును ఆదేశించారు. ప్రస్తుతం చాలా కఠినమైన గడియలు నడుస్తున్నందువలన, ప్రజలు కరోనా బారీ నుండి రక్షించుకొనే నిమిత్తం, జివిఎంసి తరపున తగినంత సేవచేయాలని, నగర ప్రజల ఆరోగ్యాన్ని కాపాడుకొనేందుకు పారిశుద్ధ్య కార్మికుడు నుండి పై స్థాయి ఆరోగ్య అధికారులు వరకు సమస్యాత్మక ప్రాంతాల్లో సాధారణ పరిస్థితులు ఏర్పడే వరకు మరింత కష్టపడి పనిచేయాలని కోరారు. కమిషనర్ ఇచ్చిన సూచనలకు అనుగుణంగా, కరోనా సమస్యాత్మక ప్రాంతాలైన నాలుగవ జోన్‌లోని తాటి చెట్లపాలెం పరిసర ప్రాంతాల్లో, గాజువాకలోని ఉడాకాలనీ, కుంచమాంబకాలనీ పరిసర ప్రాంతాల్లో, రెండవజోన్లోని అక్కయ్యపాలెం మెయిన్ రోడ్ పరిసర ప్రాంతాల్లోను వాహాన యంత్రాల ద్వారా రసాయనాలు జివిఎంసి బయాలజిస్టు, ఆయా జోన్ల అసిస్టెంటు మెడికల్ ఆఫీసర్లు ఆధ్వర్యంలో విస్తృతంగా జల్లించారు. రసాయనాలు విరివిగా జల్లించడం పై ఆయా ప్రాంతాల ప్రజలు సంతోషాన్ని వ్యక్తపరిచారు.