రైతు మిత్ర ఏజెన్సీస్ ప్రో"రంబాల. కార్తీక్ ఆధ్వర్యంలో ఆదివాసులకు నిత్యవసర వస్తువులు అందజేత.

రైతు మిత్ర ఏజెన్సీస్ ప్రో"రంబాల. కార్తీక్ ఆధ్వర్యంలో ఆదివాసులకు నిత్యవసర వస్తువులు అందజేత.

ఎటపాక, పెన్ పవర్ 

ప్రపంచ దేశాలను వణికిస్తున్న కరోనా వైరస్ మహమ్మారి వ్యాప్తిని అరికట్టేందుకుగాను కేంద్ర, రాష్ట్ర ప్రభుత్వాలు లాక్ డౌన్ విధించడంతో ప్రజలకు ఏర్పడిన విపత్కర పరిస్థితులను బట్టి  ఎటపాక మండల పరిధిలోని లక్ష్మీపురం పంచాయతీలో గల మద్దిమడుగు,చింతలపాడు, పూసుగూడెం గ్రామాల్లోని ఆదివాసీలకు  ప్రస్తుత పరిస్థితుల్లో పనులు లేకపోవడంతో రైతు మిత్ర ఏజెన్సీస్ ప్రో " రంబాల .కార్తీక్, నాగేశ్వరరావు ఆధ్వర్యంలో ఆదివాసీలకు నిత్యవసర వస్తువులైన కూరగాయలను వాళ్ల గ్రామాలకు వెళ్ళి రంబాల.కార్తీక్ చేతుల మీదుగా పంపిణి చేశారు .ఈ కార్యక్రమంలో రంబాల. కార్తీక్, గల్లా.శివ ,బద్దెపూడి.జాన్,డాక్టర్. శ్రీను ,రంబాల.రాహుల్,కట్ట.కార్తీక్ ,బొప్పని.  నరేష్ ,గ్రామ వాలంటరీ నాగేశ్వరరావు పాల్గొన్నారు .

స‌మాజ సేవ‌కు వైద్యులు ముందుకు రావాలి

స‌మాజ సేవ‌కు వైద్యులు ముందుకు రావాలి

ఇదొక సామాజిక బాధ్య‌త‌గా గుర్తించండి

జిల్లా క‌లెక్ట‌ర్ డాక్ట‌ర్ ఎం.హ‌రి జ‌వ‌హ‌ర్‌లాల్‌

 

విజ‌య‌న‌గ‌రం, పెన్ పవర్ 

ఈ క్లిష్ట స‌మ‌యంలో స‌మాజానికి సేవ‌చేసే బాధ్య‌త  ప్ర‌తీ డాక్ట‌ర్ పైనా ఉంద‌ని జిల్లా క‌లెక్ట‌ర్ డాక్ట‌ర్ ఎం.హ‌రి జ‌వ‌హ‌ర్‌లాల్ స్ప‌ష్టం చేశారు. ప్ర‌యివేటు వైద్యులంతా స్వ‌చ్ఛందంగా ముందుకు రావాల‌ని ఆయ‌న పిలుపునిచ్చారు. క‌రోనా నియంత్ర‌ణ‌లో భాగ‌స్వాముల‌ను చేసేందుకు ప్ర‌యివేటు న‌ర్సింగ్  హోమ్ అసోసియేష‌న్‌, ఐఎంఏ ప్ర‌తినిధుల‌తో క‌లెక్ట‌రేట్‌లో మంగ‌ళ‌వారం స‌మావేశాన్ని నిర్వ‌హించారు. ఈ సంద‌ర్భంగా క‌లెక్ట‌ర్ మాట్లాడుతూ క‌ట్టుధిట్ట‌మైన నియంత్ర‌ణా చ‌ర్య‌ల కార‌ణంగా ఇంత‌వర‌కూ మ‌న జిల్లా సుర‌క్షితంగా ఉంద‌న్నారు. గ్రామీణ ప్రాంతాల‌కు, ప‌ట్ట‌ణ ప్రాంతాలకూ వేర్వేరు వ్యూహాల‌ను అనుస‌రిస్తూ క‌రోనా క‌ట్ట‌డికి కృషి చేస్తున్నామ‌ని చెప్పారు. ప్ర‌ధానంగా  విజ‌య‌న‌గ‌రం లాంటి ప‌ట్ట‌ణ ప్రాంతాల్లో కొన్ని ర‌కాల ఇబ్బందులు  ఎదుర‌వుతున్నాయ‌ని, ఇలాంటి చోట వైద్యుల సేవ‌లు చాలా అవ‌స‌ర‌మ‌ని చెప్పారు. అందువ‌ల్ల జిల్లా కేంద్రంలో ప్ర‌తీ డివిజ‌న్‌లో సేవ‌లందించేందుకు డాక్ట‌ర్లు ముందుకు వ‌చ్చి జాబితాను ఇవ్వాల‌ని కోరారు. వార్డు స‌హాయ‌కులు, వార్డు ఆరోగ్య కార్య‌క‌ర్త‌, శానిట‌రీ సిబ్బంది ప్ర‌తీరోజూ వార్డుల్లో ఇంటింటికీ తిరుగుతూ ప్ర‌జ‌ల ఆరోగ్య ప‌రిస్థితిని వాక‌బు చేస్తున్నార‌ని చెప్పారు. వీరి స‌ర్వేలో ఎవ‌రికైనా జ‌లుబు, ద‌గ్గు, జ్వ‌రం లాంటి ల‌క్ష‌ణాలు క‌నిపించినవారికి, హైరిస్క్ వారికి త‌గిన ప‌రీక్షలు నిర్వ‌హించి అవ‌స‌ర‌మైత చికిత్స‌ను అందించేందుకు, ప్ర‌తీవార్డుకూ వైద్యులతో కూడిన బృందాల‌ను ఏర్పాటు చేస్తున్న‌ట్లు చెప్పారు. దీనికి ప‌లువురు వైద్యులు అంగీకారం తెలిపి, బుధ‌వారం నాటికి జాబితాను అంద‌జేస్తామ‌ని చెప్పారు. ఈ స‌మావేశంలో జాయింట్ క‌లెక్ట‌ర్ డాక్ట‌ర్ జి.సి.కిశోర్‌కుమార్‌, జెసి-2 ఆర్‌.కూర్మ‌నాధ్‌, డిఆర్ఓ జె.వెంక‌ట‌రావు, మున్సిప‌ల్ క‌మిష‌న‌ర్ ఎస్ఎస్ వ‌ర్మ‌, డిసిహెచ్ఎస్ డాక్ట‌ర్ జి.నాగ‌భూష‌ణ‌రావు, కోవిడ్‌-19 ఆసుప‌త్రి వైద్యాధికారి సుబ్ర‌మ‌ణ్య హ‌రి కిష‌న్‌, ఐఎంఏ జిల్లా అధ్య‌క్షులు డాక్ట‌ర్ శ్రీ‌నివాస‌రావు, ఇంకా ప్ర‌ముఖ  వైద్యులు వెంక‌టేశ్వ‌ర్రావు, చిట్టిరామారావు, జెఎస్ నాయుడు త‌దిత‌రులు పాల్గొన్నారు.

రక్తదానం చేసిన జిల్లా కలెక్టర్ నివాస్

రక్తదానం చేసిన జిల్లా కలెక్టర్ నివాస్

 

శ్రీకాకుళం, పెన్ పవర్ 

 

జిల్లాలో రక్త యూనిట్ల నిల్వలు తగ్గిపోతున్నాయి. కరోనా మహమ్మారి సమయంలో రక్త నిల్వలు తగ్గిపోవడం కొంత ఆందోళన కలిగించే విషయమం. జిల్లాలో ఇప్పటి వరకు కరోనా మహమ్మారి ఛాయలు కనిపించకపోవడం సంతోషించదగిన విషయమే అయినప్పటికి ఎటువంటి పరిస్ధితినైనా ఎదుర్కొనుటకు సిద్ధంగా ఉండాలనే ఉద్దేశ్యంతో రక్త నిల్వలపై కూడా దృష్టి సారించారు జిల్లా కలెక్టర్ జె నివాస్. జిల్లాలో ప్రస్తుతం కేవలం 38 యూనిట్ల రక్త నిల్వలు ఉండటం వలన అత్యవసర పరిస్ధితిలో సరఫరా లేక ఇబ్బందులు ఎదురు అవుతాయని నేను సైతం అంటూ స్వయంగా రంగంలోకి దిగి రక్తదానానికి ముందుకు వచ్చారు నివాస్. కరోనా వ్యాప్తి నివారణ కార్యక్రమంలో ప్రణాళికలు సిద్ధం చేయడంలో తలమునకలై ఉన్నప్పటికి ప్రజా సంక్షేమమే ధ్యేయంగా కర్తవ్య నిర్వహణకు పూనుకున్నారు.  మంగళ వారం సాయంత్రం రెడ్ క్రాస్ రక్త సేకరణ కేంద్రానికి నేరుగా వచ్చి రక్త దానం నిర్వహించి ఆదర్శప్రాయంగా నిలిచారు. జిల్లాలో రక్త నిల్వలు తగ్గుముఖం పట్టడం జరుగుతోందని కలెక్టర్ నివాస్ అన్నారు. రక్త నిల్వలు పెంచాలని పిలుపునిచ్చారు. రోజు వారీ వైద్య చికిత్సల కార్యక్రమానికి కూడా కొరత ఏర్పడటం వలన ప్రాణాలు కాపాడుకోలేని అవకాశం ఉంటుందని అన్నారు. ఈ క్రమంలో భాగంగా రక్త నిల్వలు పెంచాల్సిన ఆవశ్యకత ఉందని చెప్పారు. ప్రతి రోజు ఉద్యోగులు రక్త దానం చేయుటకు చర్యలు చేపడతామని అన్నారు. ఈ మేరకు అన్ని శాఖలకు సూచనలు ఇస్తామని పేర్కొన్నారు. 

మేము సైతం :  జిల్లా కలెక్టర్ స్వయంగా రక్తదానం చేయడంతో మేము సైతం అంటూ జర్నలిస్టుల తరపున జెకెసి సీనియర్ పాత్రికేయులు ఎం.వి.ఎస్.ఎస్.శాస్త్రి రక్తదానం చేసి ఆదర్శప్రాయంగా నిలిచారు.  గుడ్ ఫ్రైడే ఇంటి వద్దనే : గుడ్ ఫ్రైడ్ ఇంటి వద్దనే నిర్వహించుకోవాలని జిల్లాకలెక్టర్ పిలుపునిచ్చారు. చర్చిలకు వెళ్ళ వద్దని, ర్యాలీలు నిర్వహించరాదని ఆయన కోరారు. ఇటీవల ఉగాది, శ్రీరామ నవమి అందరూ ఇళ్ళ వద్దనే నిర్వహించుకున్నారని అదేవిధంగా గుడ్ ఫ్రైడేను నిర్వహించుకోవాలని పేర్కొన్నారు. కరోనా వ్యాప్తి నివారణలో భాగంగా లాక్ డౌన్ ఉందని, 144వ సెక్షన్ అమలులో ఉందని పేర్కొంటూ ప్రతి ఒక్కరూ ఇళ్ళలోనే ఉండాలని, భౌతిక దూరం పాటించాలని ఆయన కోరారు. కరోనా వ్యాప్తి నివారణకు ప్రతి ఒక్కరూ సహకరించాలని ఆయన అన్నారు. 

అనంతరం పేదలకు రెడ్ క్రాస్ సంస్ధ తరపున నిత్యావసర సరుకులను జిల్లా కలెక్టర్ పంపిణీ చేసారు. ఈ కార్యక్రమంలో రెడ్ క్రాస్ రాష్ట్ర ఉపాధ్యక్షులు పి.జగన్మోహన రావు, రెవిన్యూ డివిజనల్ అధికారి ఎం.వి.రమణ, తహశీల్దారు దిలీప్ చక్రవర్తి, రెడ్ క్రాస్ సభ్యులు గీతా శ్రీకాంత్ తదితరులు పాల్గొన్నారు.

కోవిడ్ ఆసుపత్రి వైద్యులు సిద్ధంగా ఉండాలి

...

 

కోవిడ్ ఆసుపత్రి వైద్యులు  సిద్ధంగా ఉండాలి

కోవిడ్ ఆసుపత్రి సన్నద్దత పై కలెక్టర్ ఆదేశాలు                                                                                                                                                                

జిల్లా కలెక్టర్ డా. హరి జవహర్ లాల్

విజయనగరం, పెన్ పవర్ 

 ప్రస్తుత పరిస్థితుల్లో కోవిడ్ ఆసుపత్రికి అత్యంత ప్రాధాన్యత నివ్వాలని , అన్ని రకాల వసతులు, వనరులను సమకూర్చుకోవాలని జిల్లా  కలెక్టర్ డా. హరి జవహర్ లాల్ వైద్యాధికారు లను ఆదేశించారు.  మంగళవారం కలెక్టర్ మిమ్స్ కోవిడ్ ఆసుపత్రి లోని ఏర్పాట్లను వార్డులలో పర్యటించి  తనిఖీ చేసారు.  కోవిడ్ ఆసుపత్రిలో అందుబాటు లోనున్న వైద్యులు,  స్పెషలిస్టులు, నర్సింగ్ స్టాఫ్, పారా మెడికల్స్  , సెక్యూరిటీ  తదితర  అంశాల పై ఆరా తీసారు.  ఆసుపత్రి లో ప్రస్తుతం  అందుబాటులోనున్న  వైద్య పరికరాలు, వైద్యులు వినియోగించే వ్యక్తిగత రక్షిత  పరికరాలు, మాస్క్ లు, మందులు, అత్యవసర  వైద్యానికి అవసరమైన ఆక్సిజన్, వెంటిలేటర్లు , ఐ.సి.యు సేవలు తదితర అంశాలను తనిఖీ చేసారు.  వెంటిలేటర్లను నిర్వహించడానికి అవసరమైన సాంకేతిక సిబ్బంది, పేషెంట్  కేస్ మేనేజ్మెంట్ కు అవసరమైన అన్ని ఏర్పాట్లు ఉండాలని ఆసుపత్రుల సమన్వధికారి డా. నాగభూషణ రావు,  పల్మనాలజిస్ట్ డా. హరి కిషన్ కు ఆదేశించారు.  శాంపిల్ కలెక్షన్ టీం లను సిద్ధంగా ఉంచాలని, పేషెంట్ల తరలింపు కోసం అంబులెన్సు వాహనాలను , సెక్యూరిటీ, పారిశుధ్య సిబ్బందిని సన్నిద్దం చేయాలని , కేసులున్నా  లేకున్నా అందరూ  ప్రతి రోజు హాజరు కావాలని సూచించారు. మిమ్స్ వద్ద ఒక కోవిడ్ కంట్రోల్  రూమ్ ను ఏర్పాటు చేయాలని, అవుట్ పోస్ట్  సెక్యూరిటీ ని ఏర్పాటు చేయాలని , ప్రవేశ, బయట మార్గాలలో సి. సి. కెమెరా లను అమర్చాలని  సూచించారు.  ఎంత మంది వైద్యులు, సిబ్బంది అవసరం అవుతారో,  ఏమేమి ఇతర  అవసరాలున్నాయో వెంటనే తెలియజేయాలన్నారు.  కోవిడ్ ఆసుపత్రి వద్ద అవసరమైన ఏర్పాట్లన్నీ చూడాలని,  బ్లీచింగ్, పారిశుధ్యం, సెక్యూరిటీ తదితర అవసరాలను  ఏర్పాటు చేయడమే కాక, అను నిత్యం ఆసుపత్రి  అధికారులతో చర్చిస్తూ సమన్వం తో పని చేయాలని , ఎలాంటి లోపాలు లేకుండా చూడాలని  నెల్లిమెర్ల  తహసిల్దార్ రాము, నగర పంచాయతి కమీషనర్ అప్పల నాయుడు కు ఆదేశించారు.     

      ఆసుపత్రిలోని ఏర్పాట్ల పై డి.సి.హెచ్.ఎస్  నాగభూషణ రావు, డా. హరి కిషన్ కలెక్టర్ కు వివరించారు. కోవిడ్ ఆసుపత్రి లో 3 అంబులెన్స్ వాహనాలతో పాటు  50 ఆక్సిజన్ బెడ్స్ , 11 వెంటిలేటర్ లు, 50 పి.పి.ఇ లు, 300  ఎన్-95  మాస్క్ లు, వెయ్యి సర్జికల్  మాస్క్ లు, సిద్ధంగా ఉన్నాయని తెలిపారు. 200 మంది వైద్యులు, 90 మంది నర్సింగ్ స్టాఫ్, 70 మంది సానిటరీ సిబ్బంది, 50 మంది ల్యాబ్  టెక్నీషియన్స్  3 బాచ్ లుగా విధులు నిర్వర్తిస్తున్నట్లు వివరించారు.  కరోనా మరణాలు సంభవిస్తే  వాటి కోసం జిప్ బాగ్ లు అవసరమౌతాయని   ప్రస్తుతానికి కోవిడ్ ఆసుపత్రి లో కేసులను ట్రీట్ చేయడానికి అవసరమైన సామాగ్రి అంతా సిద్ధంగా ఉందని తెలిపారు.  ఈ తనిఖీ లో మిమ్స్ చైర్మన్ అల్లూరి మూర్తి రాజు,  ప్రిన్సిపాల్ లక్ష్మి కుమార్, సూపరింటెండెంట్ డా. సి. రఘు రామ్,  రెసిడెంట్ మెడికల్ ఆఫీసర్ డా. వర్మ రాజు,  వైద్యులు తదితరులు  పాల్గొన్నారు.

చేపలు తినాలా వద్దా...

చేపలు తినాలా వద్దా ?

- కరోనా శవాలు సముద్రంలో అంటూ వీడియో హల్చల్ 

- అధికారికంగా తేలే వరకు ఆందోళనెే అంటున్న  జనం 

 

అనకాపల్లి, పెన్ పవర్ 

 

ఇప్పటికే కరోనా మహమ్మారి విజృంభణతో ప్రపంచం వణికిపోతుంది. ఈ అంటువ్యాధి ఏ విధంగా వస్తుందో అన్న భయాందోళనలో జనం కొట్టుమిట్టాడుతున్నారు. ఈ భయాన్ని మరింతగా పెంచేదిగా సోషల్ మీడియాలో  చిత్రాలు వీడియోలు హల్చల్ చేస్తూనే ఉన్నాయి.  దీనిపై ప్రభుత్వాలు కఠినంగానే వ్యవహరిస్తున్నా కొత్త కొత్తవి షికార్లు కొడుతున్నాయి. ఇప్పుడు తాజాగా సముద్రంలో కరోనా  శవాలును  ఇతర దేశాలు పడేస్తున్నట్లు  సోషల్ మీడియాల్లో ప్రచారం జరుగుతుంది.   దీంతో ఒక్కసారిగా జనం ఉలిక్కి పడినట్లు అవుతుంది. నిజమా అబద్ధమా అన్నది పక్కన పెడితే ప్రస్తుత పరిస్థితుల్లో జనం మెదడులో ఓ విధమైన ఆందోళన నెలకొందంటే అతిశయోక్తి కాదు.  సముద్రం లో ఉత్పత్తులు అనేకం. చేపలు తదితర సముద్ర ఉత్పత్తులను చాలామంది తింటూనే ఉంటారు. ఈ నేపథ్యంలో హల్ చల్ చేస్తున్న వీడియోతో  ఒకింత డైలమాలో పడ్డారు. సముద్ర ఉత్పత్తుల ను    తినాలా వద్దా. కరోనా  శవాలను సముద్రం లొో పడేస్తున్నారనది ఏమేరకు వాస్తవమొ తెలియని పరిస్థితి.  అసలు ఈ వీడియో పాతదా నకిలీ దా అర్థంగాని పరిస్థితి. నమ్మకుండా ఉందామన్నా ప్రస్తుతం ప్రపంచంలో పరిణామాలు అనుమానాలు రేకెత్తించేలా ఉండడమే ఈ ఆందోళనకు  కారణం. చాలా దేశాల్లో కుప్పలు తెప్పలుగా  కరోనాతో మరణించిన వారి సంఖ్య తెలుస్తూనే ఉంది. ఈ నేపధ్యంలో శవాలను సముద్రంలో పాడేస్తున్నారు అన్న సందేశంతో కూడిన ఈ వీడియోతో ఆందోళన నెలకొంది. ఇదిలా వుంటే దీనిపై అధికార ప్రకటన వెలువడే వరకు సముద్ర ఉత్పత్తులను తినకపోతే మేలన్న భావన క్షేత్ర స్థాయిలో వ్యక్తమవుతుంది.    

 

 

 

రోడ్డెక్కారు, భారీ మొత్తం డబ్బులు చెల్లించారు

 

రోడ్డెక్కారు, భారీ మొత్తం  డబ్బులు చెల్లించారు.

 

పెన్ పవర్,  జమ్మలమడుగు

 

కడప జిల్లా జమ్మలమడుగు లో కరోనా వైరస్ నివారణకు పోలీసులు కట్టుదిట్టమైన చర్యలు తీసుకుంటున్న ప్రజలు మాత్రం ఇవన్నీ  పట్టించుకోకుండా ద్విచక్ర వాహనాల పై ఆంక్షలు విధించిన ప్రదేశాల్లో రోడ్ల పై ఎక్కువ సంఖ్యలో రావడంతో ఆగ్రహించిన పోలీసులు భారీ మొత్తం ఛలానా రూపంలో డబ్బులు వసూలు చేస్తున్నారు, ఈ కరోనా మహమ్మారి భారీన పడకూడదని మీరందరూ మీ ఇంట్లో ప్రశాంతంగా ఉండమంటే మీరు ఇలా రోడ్ల పై ప్రయాణించడం మూలంగా చట్ట వ్యతిరేక చర్యలు తీసుకుంటామని పట్టణ ఎస్సై లు రంగారావు,రవి కుమార్ లు హెచ్చరించారు.

 

 

 

వైద్య సిబ్బంది కి మంచి నీళ్ల బాటిళ్లు వితరణ

వైద్య సిబ్బంది కి  మంచి నీళ్ల బాటిళ్లు వితరణ

 

పెన్ పవర్, జమ్మలమడుగు

 

కడప జిల్లా జమ్మలమడుగు లో కరోనా వైరస్ వ్యాప్తి నివారణకు మరియు దూర ప్రాంతాల నుంచి వచ్చిన వారి సమాచారం కోసం ఆంధ్రప్రదేశ్ ప్రభుత్వం ఆదేశాల మేరకు కరోనా వైరస్ భారిన పడకుండా ప్రజలకు ఇంటింటికి తిరిగి సలహాలు సూచనలు, జాగ్రత్తలు తెలియచేస్తూ నిత్యం ప్రజలకు అందుబాటులో ఉంటున్న వైద్యులు,ఆశా కార్యకర్తలు‌,నర్సులకు జమ్మలమడుగు లోని రోటరీ క్లబ్ మరియు లాయర్ల సంఘం ఆధ్వర్యంలో మంచి నీళ్ల బాటిల్స్ ను పంపిణీ చేశారు. ఈ కార్యక్రమంలో పట్టణ సిఐ మధుసూదన్ రావు, రోటరీ క్లబ్ మెంబర్లు ,లాయర్ల సంఘం సభ్యులు మురళి ధర్ రెడ్డి, భూతమాపురం సుబ్బారావు, ఆసుపత్రి సిబ్బంది పాల్గొన్నారు.