రబీలో రికార్డు స్థాయిలో వరి సాగు..

 

    రబీలో రికార్డు స్థాయిలో వరి సాగు..

జిల్లా వ్యాప్తంగా 1221 కొనుగోలు కేంద్రాలు..

15 లక్షల  95 వేల741 మెట్రిక్ టన్నుల  వరి ధాన్యం  దిగుబడి అంచనా..

రైతులకు ఇబ్బందులు కలుగకుండా టోకెన్లు...

వ్యవసాయ అధికారులు ,రైతు సమన్వయంతో పని చేయాలి.

   ----: మంత్రి గంగుల కమలాకర్

కరీంనగర్, పెన్ పవర్

కరీంనగర్ ఉమ్మడి జిల్లాలో రబి లో  రికార్డు స్థాయిలో  2019 -20 కి గాను 7 లక్షల 92 వేల 576 ఎకరాలలో  వరి సాగు చేయడం జరిగిందని , సుమారు 15 లక్షల 95వేల 741 మెట్రిక్ టన్నుల వరిధాన్యం దిగుబడి రావొచ్చునని అంచనా వేయడం జరిగింది ని ,ఇందుకు గాను 1221 కొనుగోలు కేంద్రాలు ఏర్పాటు చేశామని తెలంగాణ బీసీ సంక్షేమ పౌరసరఫరాల శాఖ మంత్రి వర్యులు గంగుల కమలాకర్ ప్రకటన లో పేర్కొన్నారు...

గత సంవత్సరo 2018-19 రబి (వేసవికాలం)లో 3లక్షల 72 వేల 842 ,ఎకరాల్లో వరిసాగు విస్తీర్ణంలో  9 లక్షల 14 వేల 490 మెట్రిక్ టన్నుల  వరి సాగు దిగుబడి వచ్చిందని , దిగుబడి కి తగ్గట్లుగా ఉమ్మడి జిల్లా వ్యాప్తంగా 933 వరిధాన్యం కేంద్రాలు ఏర్పాటు చేశామని అన్నారు...

రబీలో ధాన్యం కొనుగోళ్లు పగడ్బంధీగా చేపట్టాలని ,రైతులకు ఇబ్బందులు కలుగకుండా అధికారులు చొరవ తీసుకోవాలని సూచించారు.. దిగుబడికి తగ్గట్లుగా ప్రతి గ్రామంలో ఒక ధాన్యం కొనుగోలు కేంద్రాలు ఏర్పాటు చేషామనిఅన్నారు..రైతులకు కనీస మద్దతు ధర కల్పించేందుకు ప్రభుత్వం సిద్ధంగా ఉందని అన్నారు...
                                                                                                                                                                       
  కరోనా వైరస్ నేపథ్యంలో ధాన్యం కొనుగోలు కేంద్రాల వద్ద తగిన చర్యలు తీసుకోవాలని సూచించారు. రాష్ట్ర ప్రభుత్వ ఆదేశాల మేరకు జిల్లా లో అన్ని గ్రామాల్లో ధాన్యం కొనుగోలు కేంద్రాల ను ఏర్పాటు చేయాలని  ఆదేశించారు. ప్రతీ ధాన్యం కొనుగోలు కేంద్రాల వద్ద  పరిశుభ్రత పాటించడం తో పాటు మంచి నీరు, విద్యుత్ సదుపాయాలు కల్పించాలని ఆదేశించారు. అలాగే ధాన్యం కొనుగోలుకు అవసరమైన గన్ని బ్యాగులు అందుబాటులో ఉంచాలని, కేంద్రాల వద్ద టెంట్లు ఏర్పాటు చేయాలని, ముఖ్యంగా వర్షాకాలం సీజన్ ప్రారంభానికి ముందు అకాల వర్షాలు వచ్చే అవకాశాలు ఉన్నందున వరి ధాన్యం తడవకుండా ఉండెందుకు టార్ఫాలిన్ ను అందుబాటులో ఉంచాలని ఆయన అన్నారు.  ముఖ్యంగా కొనుగోలు చేసిన ధాన్యాన్ని ఎప్పటికప్పుడు గోదాములకు తరలించే ఏర్పాట్లు చేయాలని అన్నారు... అన్ని గ్రామాలలో వరి ధాన్యం కొనుగోలు కేంద్రాలు ఏర్పాటు చేసి ఎక్కడికక్కడే కొనుగోలు చేసి సాధ్యమైనంత వరకు కొనుగోలు చేసిన ధాన్యాన్ని ఆయా గ్రామాల్లోనే నిలువ చేసే విధంగా ఏర్పాట్లు చేయాలని, ధాన్యం కొనుగోలు సందర్బంలో ఎక్కువ మంది వచ్చిన సందర్భంలో దూరం దూరం పాటిస్తూ రెండేసి కాంటాలు ఏర్పాటు చేసి తూకం వేయాలని ఆయన అధికారులకు సూచించారు. అంతేగాక రైతుల వద్ద కొనుగోలు చేసిన ధాన్యం రైతుల పూర్తి వివరాలు బ్యాంక్ అకౌంట్ నెంబర్లు ఎలాంటి పొరపాట్లు లేకుండా జాగ్రత్తగా రిజిష్టర్లలో నమోదు చేయాలని పేర్కొన్నారు.. రైతులకు టోకెన్ లజారి ప్రక్రియ ను వ్యవసాయ అధికారులు ,రైతు సమన్వయ సమితి సభ్యులకు అప్పగించడం జరిగిందని వారు సమన్వయం తో పని చేయాలని ఆదేశాలు జారీ చేశారు..

1400 కుటుంబాలకు కూరగాయలు, గుడ్లు, పంపిణీ చేసిన,బూరుగుపాలెం, వైఎస్ ఆర్ నాయకులు.

1400 కుటుంబాలకు కూరగాయలు, గుడ్లు, పంపిణీ చేసిన,బూరుగుపాలెం, వైఎస్ ఆర్ నాయకులు.

మాకవరపాలెం. పెన్ పవర్

 

మండలంలో బూరుగుపాలెం, అప్పన్నదొరపాలెం,తాడపాల, పంచాయతీల  పరిధిలోని   గ్రామాలలోని 1400 కుటుంబాలకు వైయస్సార్ సిపి మండల అధ్యక్షుడు రుత్తల సత్యనారాయణ, మరియు వైఎస్ ఆర్ నాయకులు తమ సొంత నిధులు రూ.లక్షా 20 వేలతో నిత్యావసర సరుకులు, కూరగాయలు పంపిణీ చేశారు. ఈ సందర్భంగా సత్యనారాయణ మాట్లాడుతూ   లాక్ డౌన్ కారణంగా గ్రామంలోని ప్రజలు ఇబ్బంది పడకూడదనే ఉద్దేశంతో తమ సొంత నిధులతో ఈ సరుకులు పంపిణీ చేస్తున్నామని, అదేవిధంగా గా వైరస్ వ్యాప్తి చెందకుండా జాగ్రత్తలు తీసుకోవాలని కోరామని తెలిపారు. ప్రజలకు ఏ విధమైన కష్టమొచ్చినా  ఎమ్మెల్యే పెట్ల ఉమా శంకర్ గణేష్ సహకారంతో ఎప్పుడు అండగా ఉంటామని అన్నారు. ఈ కార్యక్రమంలో   పంచాయితీ గ్రామ పెద్దలు వైయస్సార్ సిపి నాయకులు, భీమిరెడ్డి గోవిందరావు,రమణ,నాయుడు నాయకులు, కార్యకర్తలు పాల్గొన్నారు. అలాగే మాకవరపాలెంలో స్టీల్ ప్లాంట్ ఉద్యోగి ఎల్లంపల్లి వెంకటరమణ 170 మంది పేదలకు ఐదు కిలోల బియ్యం, కిలో ఉల్లిపాయలు పంపిణీ చేశారు.

పట్టాలమ్మ తల్లి కమిటీ అన్నదానం

పట్టాలమ్మ తల్లి కమిటీ అన్నదానం    

 

పెన్ పవర్ , నర్సీపట్నం 

 

పాములవాక గ్రామం పట్టాలమ్మతల్లి ఆలయకమిటీ ఆధ్వర్యంలో శుక్రవారం  నర్సీపట్నం వుడా   పెట్రోల్ బంక్ వద్ద అన్నదాన  నిర్వహించారు. ఈ కార్యక్రమానికి  ముఖ్యఅతిథిగా నర్సీపట్నం రెవిన్యూ డివిజనల్ అధికారి కె.లక్ష్మీ శివ జ్యోతి, టౌన్ సిఐ స్వామి నాయుడు,  కృష్ణా ప్యాలస్ యజమాని బంగారుబాబు పాల్గొని అన్నదానం చేశారు. ఆలయ ధర్మకర్త ఎస్. వి. రమణ మాట్లాడుతూ గత ఐదు సంవత్సరాల నుంచి పట్టాలమ్మ ఆలయం వద్ద అన్నదాన కార్యక్రమం నిర్వహిస్తున్నామని తెలిపారు. ఈరోజు నర్సీపట్నం పెట్రోల్ బంక్ వద్ద ఏర్పాటు చేయడం జరిగిందని, లాక్ డాన్ పూర్తయ్యేవరకు నర్సీపట్నం ప్రాంతంలో అన్నదానం ఏర్పాటు చేస్తామని తెలిపారు.

పేద కుటుంబాలకు ఆసరా

పేద కుటుంబాలకు ఆసరా 

పెన్ పవర్ , నర్సీపట్నం.

నర్సీపట్నం మున్సిపాలిటీ పరిధి మూడో వార్డులో వైసీపీ నాయకుడు మామిడి శ్రీనివాసరావు, మాజీ కౌన్సిలర్ మామిడి అరుణ దంపతులు 350 కుటుంబాలకు బియ్యం,  గుడ్లు అందజేశారు. కరోనా వైరస్ కట్టడికి దేశ వ్యాప్తంగా లాక్ డౌన్ ప్రకటించిన నేపథ్యంలో, దినసరి పనులు లేక ప్రజలు అల్లాడిపోతున్నారు. ఈ పరిస్థితుల్లో తన కుమార్తె రేణుకా బార్గవి పుట్టిన రోజును పురస్కరించుకొని తన వార్డులోని 350 కుటుంబాలకు ఐదు కేజీల బియ్యం, అరడజను గుడ్లు అందజేశారు.  ఈ కార్యక్రమాన్ని మున్సిపల్ కమీషనర్ చేతుల మీదుగా ప్రారంభించారు. తన కుటుంబానికి కష్టసుఖాల్లో అండగా ఉండే వార్డు ప్రజలకు ఈ కష్టకాలంలో సాయం చేయడం కనీసం ధర్మంగా భావించానని మామిడి శ్రీనివాసరావు తెలిపారు. ప్రభుత్వ సూచనలు మేరకు సామాజిక దూరాన్ని పాటిస్తూ ఈ పంపిణీ కార్యక్రమాన్ని నిర్వహించారు. ఈ కార్యక్రమంలో యువ నాయకులు చింతకాయల వరుణ్ , చెరుకూరి సత్యనారాయణ, మళ్ళ గణేష్,  మాకిరెడ్డి అప్పారావు తదితరులు పాల్గొన్నారు.

రేపటి నుండి ఇంటింటికీ వెయ్యి రూపాయలు

రేపటి నుండి ఇంటింటికీ వెయ్యి రూపాయలు

నర్సీపట్నంలో 8,24,72,000/- పంపిణీ

ప్రెస్ మీట్ లో ఎమ్మెల్యే గణేష్ వెల్లడి

పెన్ పవర్, నర్సీపట్నం 

నర్సీపట్నం నియోజకవర్గంలో తెల్లరేషన్ కార్డు లబ్ధిదారులకు 8,24,72,000/-  పంపిణీ చేస్తున్నట్లు ఎమ్మెల్యే ఉమాశంకర్ గణేష్ మీడియాకు తెలిపారు. కరోనా వైరస్ కట్టడిలో భాగంగా దేశవ్యాప్తంగా లాక్ డౌన్ ప్రకటించిన నేపథ్యంలో, పేద ప్రజల ఇబ్బందులను గుర్తించి తెల్లరేషన్ కార్డు కలిగిన ప్రతి కుటుంబానికి 1000 రూపాయలు ఇస్తామని ముఖ్యమంత్రి హామీ ఇచ్చిన విషయాన్ని ఎమ్మెల్యే గుర్తు చేశారు. ఆ హామీ నెరవేర్చే  ప్రక్రియలో భాగంగా నర్సీపట్నం నియోజకవర్గంలో 78 సచివాలయాల పరిధిలో 82,472 రేషన్ కార్డులు ఉన్నాయని, ఒక్కొక్క కుటుంబానికి వెయ్యి రూపాయల చొప్పున 8,24,72,000/-  పంపిణీ చేస్తున్నట్లు తెలిపారు. కరోనా మహమ్మారిపై చేస్తున్న యుద్ధంలో సహకరిస్తున్న ప్రజలకు కృతజ్ఞతలు తెలిపారు. మరికొద్ది రోజుల పాటు ప్రభుత్వ సూచనలు పాటిస్తూ ఇంట్లోనే ఉండాలని,  ప్రభుత్వం మీకు అండగా ఉంటుందని భరోసా ఇచ్చారు.

గవర్నర్లు, లెఫ్టినెంట్ గవర్నర్లతో ఉపరాష్ట్రపతి వీడియో కాన్ఫరెన్స్

గవర్నర్లు, లెఫ్టినెంట్ గవర్నర్లతో ఉపరాష్ట్రపతి వీడియో కాన్ఫరెన్స్

- కరోనా నేపథ్యంలో ఆధ్యాత్మికవేత్తలు, మతపెద్దలతో మాట్లాడి సభలు, సమావేశాలు నిర్వహించకుండా చొరవతీసుకోవాలి

- పంటకోతలు, వ్యవసాయ ఉత్పత్తులు, ధాన్యం సేకరణ విషయంలో రైతులకు ఇబ్బందులు కలగకుండా తీసుకోవాల్సిన చర్యలపై దృష్టిపెట్టాలని సూచన

- వైద్యులపై దాడులు హేయమైన చర్య.. కరోనాపై పోరాటంలో ముందుండి నడిపిస్తున్న వారిపై దాడులు జరగకుండా ప్రజలను చైతన్య పరచాలి

- వలస కూలీలకు భోజన, వసతుల ఏర్పాట్లు చేయడాన్ని ప్రతి ఒక్కరూ బాధ్యతగా తీసుకోవాలని విజ్ఞప్తి

న్యూస్ డెస్క్, పెన్ పవర్

కరోనా వ్యాప్తి నేపథ్యంలో ఆధ్యాత్మికవేత్తలు, మతపెద్దలతో మాట్లాడి.. వారి అనుచరులు ఎలాంటి సభలు, సమావేశాలు నిర్వహించకుండా, సామాజిక దూరాన్ని పాటించేలా చొరవతీసుకోవాలని గవర్నర్లు, లెఫ్టినెంట్  గవర్నర్లకు గౌరవ ఉపరాష్ట్రపతి శ్రీ ముప్పవరపు వెంకయ్యనాయుడు సూచించారు. వ్యక్తిగత శుభ్రతను పాటిస్తూ.. ప్రభుత్వం సూచించిన జాగ్రత్తలను అమలు చేసేలా ఆధ్యాత్మికవేత్తలు, మతపెద్దలకు సూచించాలన్నారు. గౌరవ రాష్ట్రపతి శ్రీ రామ్‌నాథ్ కోవింద్‌తో కలిసి ఉపరాష్ట్రపతి ఇవాళ గవర్నర్లు, లెఫ్టినెంట్ గవర్నర్లతో వీడియో కాన్ఫరెన్స్ నిర్వహించారు. 
ఇటీవల జరిగిన ఓ ఘటన దేశవ్యాప్తంగా ప్రతికూల ప్రభావాన్ని చూపడాన్ని ఉటంకిస్తూ.. గవర్నర్లు, లెఫ్టినెంట్ గవర్నర్లు అప్రమత్తంగా ఉండాలని ఉపరాష్ట్రపతి సూచించారు. ‘మీ రాష్ట్రాల్లో ఎలాంటి ఆధ్యాత్మికపరమైన సభలు, సమావేశాలు జరగకుండా జాగ్రత్తలు తీసుకోండి. నచ్చజెప్పండి. వినకుంటే చట్టపరమైన తక్షణ చర్యలు తీసుకోవాలి’ అని పేర్కొన్నారు. ప్రజలందరు ఇళ్లలోనే ఉంటూ.. మత ప్రార్థనలు చేసుకోవాలని సూచించారు.
పంట కోతలతోపాటు వ్యవసాయ ఉత్పత్తులు, ధాన్యం సేకరణ, వీటి నిల్వల కోసం ఆయా రాష్ట్రాల్లో జరుగుతున్న ఏర్పాట్లపై ప్రత్యేక దృష్టిపెట్టాలని వారికి ఉపరాష్ట్రపతి కోరారు. రైతులకు ఇబ్బందులు కలగకుండా.. రాష్ట్ర ప్రభుత్వ యంత్రాంగం వ్యవసాయ యంత్రాలను సమకూర్చడంతోపాటు మిగిలిన సౌకర్యాలు కల్పించే విషయంలో గవర్నర్లు, లెఫ్టినెంట్ గవర్నర్లు చొరవతీసుకోవాలన్నారు. 100 శాతం ధాన్యం సేకరణ జరిగేలా చూడాలన్నారు.
పలుచోట్ల డాక్టర్లపై, వైద్య సిబ్బందిపై జరుగుతున్న దాడులను ఉపరాష్ట్రపతి ఖండించారు. దురదృష్టకరమైన ఇలాంటి ఘటనలు వైద్యుల నైతికస్థైర్యాన్ని దెబ్బతీస్తాయన్నారు. కరోనా మహమ్మారిపై జరుగుతున్న పోరాటాన్ని ముందుండి నడిపిస్తున్న వైద్యులు, పారామెడికల్ సిబ్బంది, పారిశుద్ధ్య కార్మికులపై దాడులు జరగకుండా ప్రజలను చైతన్య  పరచాలన్నారు. ఇలాంటి విపత్కర పరిస్థితుల్లో వైద్యులు అందిస్తున్న సేవలను మరువలేనివని.. వారు మనకోసం ప్రాణాలకు తెగించి పనిచేస్తున్నారనే విషయాన్ని ప్రజలకు అవగతం చేయించాలన్నారు.
విద్యార్థులకు ఆన్‌లైన్ కోర్సులు అందించేందుకు జరుగుతున్న ఏర్పాట్లను కూడా ఉపరాష్ట్రపతి అడిగి తెలుసుకున్నారు.
వివిధ ప్రాంతాల్లో చిక్కుకుపోయిన వలస కార్మికుల పరిస్థితి, ప్రజలకు అందాల్సిన నిత్యావసర వస్తువులు, మందుల పంపిణీకి సంబంధించిన వివరాలను కూడా ఉపరాష్ట్రపతి అడిగి తెలుసుకున్నారు. వలస కూలీల సమస్యల పరిష్కారానికి కేంద్ర, రాష్ట్ర ప్రభుత్వాలు శాయశక్తులా కృషిచేస్తున్నప్పటికీ.. సమాజం కూడా వారికి భోజనం, వసతి కల్పించడాన్ని బాధ్యతగా తీసుకోవాలన్నారు. 
దేశవ్యాప్తంగా లాక్‌డౌన్ సందర్భంగా ప్రజలు సామాజిక దూరంతోపాటు ప్రభుత్వం సూచించిన జాగ్రత్తలను పాటిస్తున్నారని ఉపరాష్ట్రపతి ప్రశంసించారు. ఇకపైనా నిబంధనలను అతిక్రమించకుండా.. ఇదే స్ఫూర్తితో ప్రజలు సహకరించాలని ఆయన విజ్ఞప్తి చేశారు. వైద్యులు, శాస్త్రవేత్తలు కూడా కేంద్ర ఆరోగ్య మంత్రిత్వ శాఖ, ఐసీఎంఆర్ సూచనలకు అనుగుణంగా నడచుకోవాలని సూచించారు. ప్రధాని నరేంద్ర మోదీ పిలుపునందుకుని ఏప్రిల్ 5న రాత్రి 9 గంటలకు 9 నిమిషాలపాటు దీపాలు వెలిగించాలని ఉపరాష్ట్రపతి సూచించారు. 
ఈ వీడియో కాన్ఫరెన్స్‌లో 35 మంది గవర్నర్లు, లెఫ్టినెంట్ గవర్నర్లు పాల్గొన్నారు. కరోనా మహమ్మారిని ఎదుర్కొనేందుకు వారి రాష్ట్రాల్లో తీసుకుంటున్న చర్యలను ఈ సందర్భంగా వారు వివరించారు.

32 మంది జర్నలిస్టులకు బియ్యం, కందిపప్పు పంపిణీ

32 మంది జర్నలిస్టులకు బియ్యం, కందిపప్పు పంపిణీ

కార్యక్రమాన్ని ప్రారంభించిన ఎమ్మెల్యే కుందురు నాగార్జునరెడ్డి

(పెన్‌పవర్‌, పొదిలి)

కరోనా వైరస్‌ నేపథ్యంలో అహర్నిశలు కష్టపడుతున్న జర్నలిస్టు మిత్రులకు 25 కిలోల బియ్యం, 2 కిలోల కందిపప్పును అందించే కార్యక్రమానికి వైసీపీ రాష్ట్ర నాయకులు కెవి రమణారెడ్డి, కంభం ఎఎంసి ఛైర్మన్‌ వై వెంకటేశ్వరరావు సంయుక్తంగా పూనుకున్నారు. ఈ కార్యక్రమాన్ని శుక్రవారం మార్కాపురం నియోజకవర్గ శాసనసభ్యులు కుందురు నాగార్జునరెడ్డి జర్నలిస్టులకు నిత్యావసరాలు అందించి లాంఛనంగా ప్రారంభించారు. ఈ సందర్భంగా ఆయన మాట్లాడుతూ కరోనా వైరస్‌ వ్యాప్తి చెందకుండా ఉండేందుకు దేశ వ్యాప్తంగా గత 12 రోజులుగా లాక్‌డౌన్‌ కు ప్రధానమంత్రి పిలుపునిచ్చారన్నారు. గడిచిన 12 రోజులుగా ప్రింట్‌, ఎక్ట్రానిక్‌, సోషల్‌ మీడియా, ఇతర మీడియా ప్రతినిధులు పోలీసు, వైద్యారోగ్యశాఖలతో సమానంగా తమ వంతుగా ప్రజలకు కరోనాపై ఎప్పటికప్పుడు అవగాహన కల్పిస్తున్నారన్నారు. పొదిలి మండలంలో , పంచాయతీలో శానిటేషన్‌ సక్రమంగా అధికారులు నిర్వహించేందుకు ఎంతగానో కృషి చేశారన్నారు. ఎప్పటికప్పుడు ఏఏ ప్రాంతాల్లో సమస్యలు ఉన్నాయో వాటిని అధికారుల దృష్టి కి తేవడంతో వాటి పరిష్కారానికి చర్యలు తీసుకోవడం జరిగిందన్నారు. ప్రజల ప్రాణాలపై మీ స్థాయిలో ఎన్నో జాగ్రత్తలు తెలియజేయడంతో పాటు ప్రజలు ఎదుర్కొంటున్న సమస్యల పరిష్కారంలో కీకపాత్ర పోషిస్తున్నారన్నారు. మీరు చూపిన సహకారం మరువలేనిదన్నారు. పాలకులు చెపుతున్న విషయాలను ఎప్పటికప్పుడు ప్రజలకు చేరువ చేస్తూ వారికి మరింత అవగాహన పెంచడంలో కీలక పాత్ర పోషించింది మీడియా అన్నారు. ప్రపంచంలో జాగ్రత్తలు తీసుకోకపోవడం ద్వారా జరిగిన నష్టాన్ని, జాగ్రత్త పాటించడం వలన కలిగే లాభాలను ఎప్పటికప్పుడు ప్రజలకు అందించారన్నారు. ప్రతి ఒక్కరిని జాగృతి చేసేందుకు ప్రింట్‌ మీడియా పత్రికల్లో, ఎక్ట్రానిక్‌ మీడియా డిజిటల్‌ లో ప్రజలకు చూపారన్నారు. 24 గంటలు ప్రజల ప్రాణాలకు తీసుకోవాల్సిన జాగ్రత్తలను తెలియజేశారన్నారు. కోవిడ్‌ ` 19 లో మీడియా సేవ వెలకట్టలేనివి అన్నారు. ప్రజలకు, అధికారులకు మధ్య వారధులుగా మంచి పాత్ర పోషించారన్నారు. పొదిలి పంచాయతీలో ముఖ్యంగా శానిటేషన్‌ విషయంలో ఏ చిన్న సమస్య ఉన్నా వెంటనే ఆ విషయాన్ని వాట్స్‌ఆప్‌ ద్వారా అధికారులకు సమాచారం చేరవేయడం, అధికారులు వెంటనే వాటి పై చర్యలు తీసుకోవడం జరిగిందన్నారు. మీడియా మిత్రులు ప్రజలకు చేసిన సేవను గుర్తించిన వివేకానంద డిగ్రీ కళాశాల యాజమాన్యం మీడియా ప్రతినిధులు ఒక్కొక్కరికి 25 కిలో బియ్యం, 2 కిలో కందిపప్పును అందించినందుకు వారికి ప్రత్యేక అభినందలను ఆయన తెలిపారు. ఈ కార్యక్రమంలో వైఎస్‌ఆర్‌ కాంగ్రెస్‌ పార్టీ రాష్ట్ర నాయకులు కెవి రమణారెడ్డి, కంభం మార్కెట్‌ యార్డ్‌ చైర్మెన్‌ ఏలం వెంకటేశ్వర రావు, వివేకానంద డిగ్రీ కళాశాల అధ్యాపకులు పోలు శ్రీనివాసరెడ్డి, భక్తవత్సల రెడ్డి, అశోక్‌, సుబ్బారెడ్డి , నాగరాజు, వెంకట్రావు తదితరులు పాల్గొన్నారు.