ప్రజల ప్రాణాల పై దృష్టి పెట్టండి....

విజయనగరం, పెన్ పవర్

ప్రజల ప్రాణాల మీద దృష్టిపెట్టాలని,పథకాలమీదకాదని సన్మానాలు మరియు పార్టీ నాయకుల ఆడంబరాలు మీదకాదని జమ్ము ఆదినారాయణ పీసీసీ  రాష్ట్ర ప్రధాన కార్యదర్శి ప్రభుత్వానికి హితవుచెప్పారు. శనివారం మీడియాతో అయన మాట్లాడుతూ ముఖ్యమంత్రి జగన్మోహన్ రెడ్డి ఉప ముఖ్యమత్రులు మరియు మంత్రులు ఇంట్లో నుంచి కాలు బయటపెట్టకుండా పథకాలపేరుతో ప్రజలను మభ్యపెడుతున్నారని మండిపడ్డారు. రాష్ట్రంలో కరోనా ధాటికి అనేకమంది విగతజీవులుగా మారుతున్నా తగిన చర్యలు తీసుకోకుండా చోద్యం చూస్తున్నారన్నారు. 

ఆసుపత్రుల్లో బెడ్లు దొరక్క,మందులు లేక,ఆక్సిజన్ కొరతతో అనేకమంది ఇబ్బందులు పడుతున్నా ప్రభుత్వానికి చీమకుట్టినట్లైనా లేదన్నారు. మద్యం దుకాణాలు కరోనా వ్యాప్తి కేంద్రాలుగా మారుతున్నాయని. కనీస జాగ్రత్తలు కూడా తీసుకోవట్లేదని విమర్శించారు. వాక్సిన్ సెంటర్ల వద్ద కూడా సరైన ఏర్పాటు చెయ్యకుండా ప్రజలను ఇబ్బందులకు గురిచేస్తున్నారన్నారు. రాష్ట్రంలో జిల్లాలో ఆక్సిజన్, బెడ్స్ లేక క్లిష్ట పరిస్థితుల్లో ప్రజలు జీవిస్తున్నారని, ముఖ్యమంత్రి ఉప ముఖ్యమంత్రి మంత్రులు అధికారులు ఇప్పటికైనా కళ్లుతెరిచి ప్రజా సమస్యలపై స్పందించాలని కోరారు. పధకాల సన్మానాలు కంటే ముందు ప్రజల ప్రాణాలు నిలబెట్టేలా వైద్య సౌకర్యాలు మెరుగుపర్చాలని జమ్ము డిమాండ్ చేసారు.