హుషారుగా రన్ ఫర్ జీజస్...
సామర్లకోట, పెన్ పవర్
క్రీస్తు లేచెను జయహో జయహో అంటూ క్రైస్తవ ప్రజలు నినాదిస్తూ రన్ ఫర్ జీజస్ కార్యక్రమాన్ని అత్యంత ఉత్సాహభరితంగా, హుషారుగా సామర్లకోట పట్టణంలో నిర్వహించారు. ఈనెల 4వ తేదీ ఆదివారం యేసుక్రీస్తు పునరుత్థాన పండుగను గుర్తు చేసుకుంటూ ఆయన సమాదిని గెలిచి సజీవుడుగా తిరిగి లేచారనే వార్తను లోకానికి చాటి చెబుతూ సామర్లకోట మండల పాస్టర్ల అసోసియేషన్ ఆధ్వర్యంలో శనివారం ఉదయం 6 గంటలకు రన్ ఫర్ జీజస్ కార్యక్రమాన్ని నిర్వహించారు. స్థానిక సిబిఎం హైస్కూలు గ్రౌండ్స్ లో ఈ కోర్యక్రమాన్ని వైకాపా నాయకులు, రాష్ట్ర కార్మిక నాయకులు దవులూరి సుబ్బారావు జెండా ఊపి ప్రారంబించారు.
అనంతరం వేలాది మంది క్రైస్తవ ప్రజలు, పాస్టర్లు, నాయకులు పాల్గొనగా స్థానిక ప్రతిపాడు సెంటరు, పోలీసు స్టేషన్, ఫెన్షన్ లైను, మెహర్ కాంప్లెక్స్, మఠం సెంటరు మీదుగా స్టేషన్ సెంటరు రింగు సెంటరుకు ర్యాలీ చేరుకుంది. అక్కడ ప్రజల మానవహారాన్ని నిర్వహించగా ప్రతి ప్రధాన సెంటర్లలో నాయకులు దవులూరి సుబ్బారావుతో పాటు మున్సిపల్ వైస్ చైర్మన్ ఊభా జాన్ మోజెస్, అంతర్జాతీయ వర్తమానికులు, యువర్ ఎక్సలెన్సీ అవార్డు గ్రహీత డా. ఈలి సత్య సువార్త రాజులు పాల్గొని యేసుక్రీస్తు శుభ శుక్రవారం రోజున సిలువలో మరణించి మూడో రోజున ఆదివారం మరణాన్ని గెలిచి తిరిగి లేచిన సంగతులను వివరించారు.అనంతరం కార్యక్రమం పిఠాపురం రోడ్డు మీదుగా గాంధీబొమ్మ సెంటరు, బళ్ళమార్కెట్ సెంటరు, పాత పోలీసు స్టేషన రోడ్డు మీదుగా సాగి స్థానిక ఆంధ్ర భాప్టిస్టు చర్చిలో ముగిసింది.
అనంతరం ఆంధ్ర భాప్టిస్టు చర్చి సహకారంతో నిర్వహించిన అల్పాహాఇర కార్యక్రమంతో రన్ ఫర్ జీజస్ కార్యక్రమాన్ని ముగించారు. ఈ కార్యక్రమాల్లో ఇంకా అసోసియేషన్ అధ్యక్షులు పాము సువర్ణకుమార్, కార్యదర్శి కెఎన్ సూర్యోదయ కుమార్, కోశాధికారి కె రామ్మోహనరావు, బాప్టిస్టు ఫీల్డ్ కౌన్సిల్ అధ్యక్షులు సల్లూరి కళ్యాణ్, కాపా నాయకులు గంగిరెడ్డి కృష్ణమూర్తి, కొన్ని లర్లు పెట్టా సత్యన్నారాయణ, పాలిక కుసుమచంటిబాబు, పాగా సురేష్ కుమార్, జట్ల మోహన్, ఈ సామ్యుల్ విక్టర్ సన్, ప్రతిభ పాఠశాల డైరెక్టర్ ఎస్.వివిజి ప్రకాశ్, కాకినాడ మెడికల్ కళాశాల ప్రిన్సిపల్ స్పర్జన్ రాజు, నాయకులు దూది రాజబాబు, అసోసియేషన్ నాయకులు ఎంఎ జేమ్స్, వి జాన్, మోజెస్, బెంజిమేన్, వల్లూరి నోవాహు, దాన ప్రకాశ్, టౌన్ యూత్ నాయకులు ఎండివి ప్రసాద్, బి రామారావు, యు చంద్రశేఖర్, భారీ సంఖ్యలో మండల పరిధిలోని క్రైస్తవ ప్రజలు పాల్గొన్నారు.
No comments:
Post a Comment