కరోనా రహిత నగరంగా తీర్చిదిద్దాలి
విజయనగరం,పెన్ పవర్
కరోనా రహిత నగరంగా తీర్చిదిద్దేందుకు ప్రతి ఒక్కరూ కృషి చేయాలని నగర మేయర్ వెంపడాపు విజయలక్ష్మి పిలుపునిచ్చారు. సోమవారం ఉదయం స్థానిక ఆబాద్ వీధిలోని 14 వ నెంబర్ సచివాలయంలో వ్యాక్సినేషన్ కేంద్రాన్ని ఆమె ప్రారంభించారు. కరోనా వ్యాక్సిన్ పట్ల ప్రజలలో మరింత చైతన్యం తీసుకువచ్చేందుకు, ప్రజలలో అపోహలు తొలగించేందుకు ఆమె కూడా కోవిడ్ వ్యాక్సినేషన్ వేయించుకున్నారు.
ఈ సందర్భంగా మేయర్ విజయలక్ష్మి మాట్లాడుతూ 45 సంవత్సరాలు దాటిన ప్రతి ఒక్కరు కరోనా వ్యాక్సిన్ వేయించుకోవాలన్నారు. కరోనా రహిత నగరంగా తీర్చిదిద్దేందుకు తాము చేస్తున్న కృషిలో ప్రతి ఒక్కరూ భాగస్వాములు కావాలన్నారు. స్వీయ రక్షణ చర్యలు పాఠిస్తూనే, భౌతిక దూరం అలవర్చుకోవడం, మాస్క్ ధరించడం, ఎప్పటికప్పుడు చేతుల పరిశుభ్ర పరుచుకోవడం అలవాటుగా చేసుకోవాలన్నారు.కరోనా కేసులు పెరుగుతున్న దృష్ట్యా మరింత అప్రమత్తంగా ఉండాలని ప్రజలకు పిలుపునిచ్చారు. ఈ కార్యక్రమంలో స్థానిక నాయకులు, వైద్యులు పాల్గొన్నారు.
No comments:
Post a Comment