ఉపాధి వేతనదారులు లకు కరోనాపై అవగాహన

మెంటాడ, పెన్ పవర్

మెంటాడ మండలం లోని, కుంతిని వలస గ్రామ సర్పంచ్ పెద్ది రెడ్ల రమేష్ నాయుడు శనివారము జాతీయ గ్రామీణ ఉపాధి హామీ పథకం పనులు చేస్తున్న ఉపాధి వేతనదారులు వద్ద కు నేరుగా వెళ్లి కరోనాపై అవగాహన కార్యక్రమాన్ని నిర్వహించారు. ఈ సందర్భంగా సర్పంచ్ రమేష్ నాయుడు మాట్లాడుతూ కరోనా పట్ల ప్రతి ఒక్కరు అప్రమత్తంగా ఉండాలని ఆయన పేర్కొన్నారు. ఉపాధి పనుల్లో కూడా వేతనదారులు బహుదూరం పాటించాలని, తప్పనిసరిగా మాస్కులు ధరించాలని ఆయన సూచించారు. ఇళ్ల వద్ద కూడా ప్రతి ఒక్కరు వ్యక్తిగత, పరిసరాల పరిశుభ్రత పాటించాలని ఆయన అన్నారు. ప్రతి ఒక్కరు ఇంటి వద్ద వేడి నీటిని తాగాలని సూచించారు. ప్రతి కుటుంబం అప్రమత్తంగా ఉండాలని, ఏమాత్రము నిర్లక్ష్యం చేసిన కరోనా మహమ్మారి వలన ప్రాణ నష్టం జరిగే అవకాశాలు ఎక్కువగా కనిపిస్తున్నాయనీ ఆయన పేర్కొన్నారు. అవసరమైతే తప్ప ఇళ్లలో నుంచి బయటికి రాకూడదని అన్నారు. ప్రస్తుతం కరోన టీకాలు, టెస్టులు వేస్తున్నారని ప్రతి ఒక్కరూ స్వచ్ఛందంగా ముందుకు వచ్చి కరోనా టీకా వేసుకోవాలి అని ఆయన సూచించారు.