మా భూములు ఆక్రమిస్తే సహించేది లేదు 

 రాజమహేంద్రవరం, పెన్ పవర్

రాజమహేంద్రవరం రూరల్ మండలం రాజవోలు గ్రామం పుంత రోడ్డులో ఉన్న చర్చి పాస్టర్ అక్కడి సమీపంలోని అన్ని వర్గాలకు చెందిన భూములు ఆక్రమిస్తున్నారని రాజవోలు గ్రామస్తులు ఆరోపించారు. ఈ మేరకు రాజమండ్రి ప్రెస్ క్లబ్ లో ఏర్పాటు చేసిన విలేకరుల సమావేశంలో రాజవోలు గ్రామానికి చెందిన కోటి రాజశేఖర్, బీసీ నాయకులు పేట రామకృష్ణ తదితరులు మాట్లాడారు.సదరు పాస్టర్ పండు, డాని అనే ఇద్దరు రౌడీ షీటర్లను అడ్డు పెట్టుకుని స్థానిక ప్రజలు, రైతులను బెదిరించి భూ కబ్జాకు పాల్పడుతున్నారని ఆరోపించారు. అదే ప్రాంతంలో రాజమహేంద్రవరం నగరానికి చెందిన జెట్టీ జ్యూయలర్స్ వారికి చెందిన స్థలం కూడా ఉందని, దానిని ఆక్రమించిన నేపథ్యంలో సదరు జ్యూయలర్స్ వారు అధికారులకు ఫిర్యాదు కూడా చేశారని వివరించారు. అయితే ఈ కజ్జా వ్యవహారాన్ని గ్రామ మాజీ సర్పంచ్ నక్కా రాజబాబుకు ఆపాదించి ఆయన పై బురద చల్లేందుకు ప్రయత్నాలు చేస్తున్నారని, సదరు పాస్టర్ కుట్ర చేస్తున్నారని ఆరోపించారు. స్థలాల కబా వ్యవహారానికి నక్కా రాజబాబుకు ఎటువంటి సంబంధం లేదని రాజశేఖర్, రామకృష్ణలు స్పష్టం చేశారు. కావాలనే ఆయనపై బుదర చల్లే ప్రయత్నాలు చేస్తున్నారని విమర్శించారు. స్థలాల కట్టా మొత్తానికి పాస్టరే సూత్రదారని వారు ఆరోపించారు. ఈ కబ్జా వ్యవహారం పై అధికారులకు ఫిర్యాదు చేస్తామన్నారు. విలేకరుల సమావేశంలో నక్కా క్రాంతి,బూరి రాజేష్,అజయ్, రత్నకుమార్, నక్కా స్వామి, నక్కా మణికుమార్ తదితరులు పాల్గొన్నారు.