నారాయణమూర్తి అకాల మృతికి సంతాపం వ్యక్తం చేసిన వైసీపీ జిల్లా కార్యదర్శి తోట రామకృష్ణ

తాళ్లపూడి, పెన్ పవర్

పెద్దేవం గ్రామం  సాయిబాబా సేవాదల్ కమిటి కన్వీనర్ నామన నారాయణమూర్తి బుధవారం అనారోగ్యంతో మరణించగా, ఆయన కుమారుడు నామన వెంకట్  అనారోగ్యంతో కొద్దిరోజుల క్రితం అకాల మరణం చెందినారు.  వారిరువురి మృతి పట్ల  సంతాపాన్ని రాష్ట్ర స్త్రీ, శిశు సంక్షేమ శాఖ మంత్రి డాక్టర్ తానేటి వనిత తెలియజేశారు. అదేవిధంగా  ప్రెసిడెంట్ తిగిరిపల్లి వెంకటరావు, వైయస్సార్సీపీ జిల్లా కార్యదర్శి మరియు వైస్ ప్రెసిడెంట్ తోట రామకృష్ణ, పంచాయతీ వార్డు మెంబర్ మైలవరపు రాధాకృష్ణ ,ఎంపీపీ అభ్యర్థి జొన్నకూటి పోసిరాజు, సాయిబాబా సేవాదళ్ కమిటీ సభ్యులు కోడి శంకర్, గురుస్వామి కోడి సత్యనారాయణ, నల్లాకుల సుబ్బారావు, యర్రంశెట్టి సత్యనారాయణ, జవ్వాది రాంబాబు, వేము రాంబాబు, బోడపాటి గంగరాజు, సంతాపాన్ని తేలియచేశారు. తోట రామకృష్ణ మాట్లాడుతూ నామన నారాయణమూర్తి చిన్ననాటి స్నేహితుడని, చిన్నప్పుడు కలసి ఆడుకున్నామని, మొన్న జరిగిన పంచాయతీ ఎన్నికల్లో నా విజయానికి నారాయణమూర్తి కృషి చాలా ఉందని, ఆయన మరణం నాకు చాలా బాధాకరంగా ఉందని,  ఆయన కుటుంబానికి అన్నివేళలా నా సేవలు అందుబాటులో ఉంటాయని తెలిపి, ఆయన కుటుంబ సభ్యులకు ప్రగాఢ సానుభూతి తెలిపారు.