చెన్న జానకిరామ్ ను ఘనంగా సన్మానించిన రాష్ట్ర రెల్లికుల నాయకులు
మహారాణి పేట, పెన్ పవర్
ఇటీవల జీవీఎంసీ ఎన్నికలలో 37 వ వార్డు కార్పొరేటర్ గా వైయస్సార్ సిపి పార్టీ తరఫున విజయం సాధించి జివిఎంసి డిప్యూటీ ఫ్లోర్ లీడర్ గా, స్టాండింగ్ కమిటీ మెంబర్ గా, ఎస్సీ, ఎస్టీ వెల్ఫేర్ కమిటీ చైర్మన్ గా పదవులు పొందిన చెన్నా జానకిరామ్ కు ఆంధ్రప్రదేశ్ రాష్ట్ర రెల్లి కుల సంక్షేమ సేవా సంఘం రాష్ట్ర ఉపాధ్యక్షుడు చెన్నా వెంకటరావు, రాష్ట్ర ప్రధాన కార్యదర్శి డాక్టర్. చెన్న గౌరీశంకర్ తదితరులు ఘనంగా సన్మానించారు. ఏవిఎన్ కాలేజ్ దరి వైఎస్ఆర్సిపి పార్టీ ఆఫీసులో జరిగిన ఈ కార్యక్రమంలో చెన్న వెంకటరావు, డాక్టర్.చెన్న గౌరీ శంకర్ లు మాట్లాడుతూ దళితుల్లోని అట్టడుగు స్థాయిలో ఉన్న రెల్లి కులస్తులకు రాజకీయంగా ఉన్నత స్థితిని కల్పిస్తున్న సీఎం జగన్మోహన్ రెడ్డీ కు సందర్భంగా ధన్యవాదాలు తెలిపారు. సీఎం జగన్, ఎంపీ విజయసాయిరెడ్డి, నగర అధ్యక్షుడు వంశీకృష్ణ శ్రీనివాస్ తదితర వైసిపి నాయకులు అందరూ తమ రెల్లి కులస్తుల అభివృద్ధికి, ఉన్నతికి ఎనలేని కృషి చేస్తున్నారని ఈ సందర్భంగా వెంకట్రావు, డాక్టర్.చెన్న గౌరీశంకర్ లు కొనియాడారు. కార్పొరేటర్ చెన్న జానకిరామ్ మాట్లాడుతూ తమ రెల్లి కులస్తులకు అన్ని రంగాల్లో సముచిత స్థానం కల్పిస్తుంది సీఎం జగన్ కు ధన్యవాదాలు తెలిపారు. ఈ సన్మాన కార్యక్రమంలో చొక్కాకుల శ్రీనివాస్ తదితరులు పాల్గొని ఎల్లప్పుడూ వైఎస్ఆర్సిపి బలోపేతానికి కృషి చేస్తామని పేర్కొన్నారు.
No comments:
Post a Comment