జగ్జీవన్ రామ్ కు ఎమ్మార్పీఎస్ ఘన నివాళులు..
అణగారిన వర్గాల హక్కుల కోసం, అలుపెరగని సమరం సాగించిన సామాజిక విప్లవయోదుడు బాబు జగ్జీవన్ రామ్ కు ఎమ్మార్పీఎస్ మరియు దళిత సంఘాలు ఘనంగా నివాళులు అర్పించారు.. డాక్టర్ బాబు జగ్జీవన్ రామ్ జయంతి పురస్కరించుకొని ఎమ్మార్పీఎస్ మరియు దళిత సంఘాల ఆధ్వర్యంలో సూరారం కాలనీ చివరి బస్ స్టాప్ లో మహనీయుని జయంతి వేడుకలో భాగంగా భారత ఉప ప్రధాని డాక్టర్ బాబు జగజీవన్ రామ్ 114 వ జయంతి వేడుకలు జరుపుకున్నారు.. ఈ కార్యక్రమంలో వక్తలు మాట్లాడుతూ భారత ప్రభుత్వం ఇకనైనా వారి సేవలు గుర్తించి భారతరత్నతో వారిని గౌరవించాలని డిమాండ్ చేశారు..స్వాతంత్ర్యం కోసం పోరాడుతూనే సామాజిక సమానత్వం కోసం కృషిచేశారని కొనియాడారు.. తను చదువుకున్న పాఠశాలలోనే అంటరాని తనాన్ని చవిచూశారని దళిత నాయకులు పేర్కొన్నారు..జగ్జీవన్ రామ్ దీక్ష,పట్టుదల, క్రమశిక్షణతో ఉండేవారని వారు తెలిపారు.. ఎమ్మార్పీఎస్ నాయకులు సిలివేరు శ్రీనివాస్ మాదిగ, రాచమల్ల యాదగిరి మాదిగ, సీనియర్ దళిత నాయకులు అవి జై జేమ్స్,దొంతుల బిక్షపతి మరియు కళాకారులు కరాటే శంకర్, ఈశ్వరం రమేష్, సంగి మహేష్ మాదిగ, మట్టా నర్సింలు, ఏడుకొండలు, నారాయణ, జిహెచ్ఎంసి రాజేష్ తదితరులు పాల్గొన్నారు..
No comments:
Post a Comment