మంచిర్యాల పట్టణంలో ఐదు రోజులు సంపూర్ణ బంద్.

 మంచిర్యాల పట్టణంలో ఐదు రోజులు సంపూర్ణ బంద్. 

  -చాంబర్ ఆఫ్ కామర్స్ అసోసియేషన్ మంచిర్యాల.

 మంచిర్యాల , పెన్ పవర్

మంచిర్యాల పట్టణంలో కరోనా సెకండ్ వేవ్ చాలా తీవ్రంగా వ్యాపిస్తూ,  పట్టణ ప్రజలను వ్యాపారులను అనారోగ్యానికి గురి  చేస్తున్నందున తప్పనిసరి పరిస్థితులలో మే ఒకటి నుండి మే 5 వరకు ఐదు రోజుల సంపూర్ణ బంద్ ప్రకటించడం జరిగిందని చాంబర్ ఆఫ్ కామర్స్ అసోసియేషన్ మంచిర్యాల అధ్యక్షుడు  గుండా. సుధాకర్  గురువారం పత్రికా ప్రకటనలో తెలిపారు.  ఈ సందర్భంగా మంచిర్యాల చాంబర్ ఆఫ్ కామర్స్ అసోసియేషన్ అధ్యక్షుడు గుండ సుధాకర్ మాట్లాడుతూ మంచిర్యాల పట్టణ  ప్రజల మరియు వ్యాపారస్తుల క్షేమం కోరి ఈ నిర్ణయం తీసుకోవడం జరిగిందని తెలిపారు.  అదేవిధంగా ఈ విషయంపై పట్టణంలోని అన్ని వ్యాపార సంస్థల ప్రతినిధులను సంప్రదించి తప్పనిసరి పరిస్థితుల్లో ఈ నిర్ణయం తీసుకోవడం జరిగిందని తెలిపారు.  మే ఒకటి నుండి  మే 5 వరకు మంచిర్యాల పట్టణంలో అత్యవసర సర్వీసులు అయినా మెడికల్ షాప్స్, పాలు, పండ్లు, కూరగాయలు, చికెన్ సెంటర్స్ మాత్రమే అందుబాటులో ఉంటాయని తెలిపారు.ప్రజలు, వినియోగదారులు, అందరూ వ్యాపారస్తులు ఈ ఐదు రోజులు పూర్తి  బంద్ కు  సహకరించగలరని చాంబర్ ఆఫ్ కామర్స్ వెల్ఫేర్ అసోసియేషన్ మంచిర్యాల అధ్యక్ష, కార్యదర్శులు గుండ సుధాకర్,  ఇరుకుల్ల శ్రీనివాస్ విజ్ఞప్తి చేశారు.