రెమెడిసివర్ ఇంజెక్షన్ పక్కదారి.. 

విజయనగరం, పెన్ పవర్ 

 "ప్రాణం ఖరీదు" కథనంలో ఉటంకించిన వాస్తవాలు బుధవారం కోవిడ్ విజలెన్స్ దాడుల్లో వెలుగు చూశాయి. విజయనగరం క్వీన్స్ ఎన్ ఆర్ ఐ హాస్పిటల్ లో అక్రమాలు బయట పడ్డాయి.  ఆరోగ్య శ్రీ ద్వారా ఉచితంగా ఇచ్చే రెమిడేసివర్ ఇంజెక్షన్స్ ను సంబంధిత రోగికి వేయకుండా వాటిని బ్లాక్ చేసి, నగదు చెల్లించి ఖరీదైన వైద్యం చేయించుకుంటున్న వారికి కొందరు వైద్యులు, హాస్పిటల్ యాజమాన్యాలు పట్టుబడ్డాయి. అదే క్రమంలో అంతకు ముందు రోజు పట్టణంలోని క్వీన్స్ ఎన్ ఆర్ ఐ హాస్పిటల్ లో కోవిడ్ విజిలెన్స్ ఎన్ఫోర్స్ మెంట్ చేసిన దాడులు చేసింది. రికార్డుల తనికీ చేసింది. ఆరోగ్య శ్రీ ద్వారా ఉచితంగా ఇచ్చే ఇంజెక్షన్స్ పక్క దారి పడుతున్న విషయాన్ని, డ్రగ్ స్టోర్ ఇండెంట్, హాస్పిటల్ లోని రికార్డ్ ల్లో ఉన్న ఇండెంట్ కి మధ్య తేడాలను అధికారులు ఆధారాలతో సహా గుర్తించారు. అందుకు ప్రధాన బాద్యులుగా హాస్పిటల్ ఎండీ రమేష్, జనరల్ పిజిషియన్ వివేక్ ని అదుపులోకి తీసుకొని విచారించారు. దీంతో బుధవారం ఔషధ నియంత్రణ విభాగం వారు ఇచ్చిన ఫిర్యాదు మేరకు వన్ టౌన్ పోలీస్ లు..బాద్యులపై సెక్షన్  420తో పాటు, 188, 406, 120 బి, 468 కింద కేసులు నమోదు చేశారు. ఇంకా దర్యాప్తు కొనసాగుతోంది.