నేడు కరప గ్రామదేవత ఉప్పాలమ్మ తీర్థం

పెన్ పవర్, కరప

మండల కేంద్రమైన కరప గ్రామదేవత ఉప్పాలమ్మ తీర్థం మంగళవారం ఘనంగా నిర్వహించేందుకు ఆలయకమీటీ అన్ని ఏర్పాట్లు చేసింది. ప్రతియేట చైత్యమాసంలో పౌర్ణమిరోజున గ్రామదేవత తీర్థం జరుగుతుంది. గ్రామంలో 15 రోజులు ముందునుంచి అమ్మవారి ప్రతిరూపమైన గరగలను ఊరేగించి,ముందురోజు రాత్రి తెల్లవార్లు గరగ నృత్యాలు,గారడీ, డప్పువాయిద్యాలతో జాతర కార్యక్రమాన్నినిర్వహిస్తారు. కరప గ్రామదేవత ఉప్పలమ్మ తీర్థాన్ని గ్రామస్తులు ఇచ్చిన విరాళాలతో ఆలయ కమిటీ నిర్వహించడం పరిపాటి. గ్రామస్తులతో పాటు పరిసర గ్రామాల వారు వచ్చి ఉప్పాలమ్మ తల్లిని దర్శించుకుని మొక్కులు తీర్చుకుని, ప్రసాదాలు స్వీకరిస్తారు.