పరిశోధించారు... పతకాన్ని సాధించారు

పరిశోధించారు... పతకాన్ని సాధించారు

విశాఖ ద్వారాకానగర్,పెన్ పవర్ 

ఆంధ్ర వైద్య కళాశాల పెథాలజి విభాగ జూనియర్ వైద్యులు  డాక్టర్ కిల్లాన సంతోష్ రూప అండాశయ  క్యాన్సర్ కు కారణాలపై పరిశోధన సాగించారు. ఇమ్మోనో  హిస్టో కెమిస్ట్రీ  ( ఐ. హెచ్.సి. ) ఆధారంగా సి.కె. 7 , సి.కె. 20 పద్దతిలో కొనసాగించామని , క్లినికల్ పరిశీలనలో పెద్ద ప్రేగు , పొట్ట భాగాల నుండి వచ్చే క్యాన్సర్ కారణాలవల్ల కూడా అండాశయా క్యాన్సర్ లు అధికంగా వస్తున్నట్టు తన పరిశోధనలో తేలిందని  ఆమె వివరించారు.  అంతేకాకుండా  ఆయా కారణాలను వ్యాధి ప్రారంభ దశలో గుర్తిస్తే వ్యాధి గ్రస్తులకు  కీమో  మరియు రేడియో తెరఫీ ల అవసరం లేకుండానే శస్త్ర చికిత్స ద్వారా క్యాన్సర్ ను నయం చేయవచ్చని సూచించారు. 60 మంది పేషెంట్ ల నుండి నమూనాలను  సేకరించి  వాటిని  పెథాలజి  ప్రొఫెసర్  డాక్టర్    ఎ. భాగ్యలక్ష్మి పర్యవేక్షణలో పరిశోధన చేసి పరిశోధన పత్రం రూపొందించారు. ఈ పత్రానికి బహుమతిగా  డాక్టర్ ఇ. పెద వీర్రాజు రజత పతకం లభించింది. పరిశోధన లో కొత్త విషయాలను వెలుగులోకి తెచ్చిన డాక్టర్ కిల్లాన సంతోష్ రూప ను అందరూ అభినందించారు.