నాడు నేడు తో అంగన్వాడీ కేంద్రాల అభివృద్ధి      

 పెన్ పవర్, కందుకూరు

నాడు నేడు పథకం లో అంగన్వాడీ కేంద్రాల అభివృద్ధి జరుగుతుందని కొండేపి ప్రాజెక్టు సిడిపిఓ విజయ కుమారి అన్నారు. శనివారం పట్టణంలోని ఎంపీడీవో కార్యాలయంలో అంగన్వాడీ కార్యకర్తలు, సచివాలయ ఇంజనీరింగ్ సహాయకులు, మహిళా పోలీసులు, తల్లుల కమిటీతో అవగాహన కార్యక్రమం నిర్వహించారు. ఈ సందర్భంగా సిడిపిఓ విజయ కుమారి మాట్లాడుతూ కందుకూరు మండలం లో పందలపాడు, మాచవరం, దొండపాడు, ఓగూరు అంగన్వాడీ కేంద్రాలకు నూతన భవనాలు మంజూరు అయినట్లు తెలిపారు. పాత భవనాలకు మౌలిక సదుపాయాలతో పాటు నూతన భవనాల నిర్మాణం చేపట్టనున్నట్లు తెలిపారు. అంగనవాడి కేంద్రాల నిర్మాణాలు నాణ్యతగా త్వరితగతిన పూర్తిచేయాలని నిర్మాణ బాధ్యతలు  తల్లుల కమిటీ దేనని అన్నారు. ఈ కార్యక్రమంలో సూపర్వైజర్లు యు.ప్రభావతి, ఎల్. విజయ, ఎం ఎస్ కె లు, అంగన్వాడి కార్యకర్తలు, తల్లులు కమిటీ తదితరులు పాల్గొన్నారు.