నూతన సర్పంచ్ కొమ్మిరెడ్డి పరశురామారావు ప్రమాణ స్వీకార మహోత్సవం
తాళ్లపూడి మండలం వేగేశ్వరపురం గ్రామ పంచాయతీ లో కార్యదర్శి కే.వి.యస్.రాజు సమక్షంలో శనివారం నూతన సర్పంచ్ కొమ్మిరెడ్డి పరశురామారావు అధికారికంగా ప్రమాణ స్వీకారం చేసి, కేటాయించిన కుర్చీలో కూర్చోండి, పదవీభాధ్యతలు చేపట్టారు. అదేవిధంగా వార్డు మెంబర్లు కూడా ప్రమాణ స్వీకారం చేశారు. సర్పంచ్ పరశురామారావు మాట్లాడుతూ రాష్ట్ర స్త్రీ, శిశు సంక్షేమ శాఖ మంత్రి డాక్టర్ తానేటి వనిత ఆశీస్సులతో గ్రామాన్ని అన్ని విధాలుగా అభివృద్ధిపరుస్తానని తెలియజేశారు. జరగబోయే జెడ్పిటిసి, ఎంపీటీసీ ఎన్నికల్లో ప్రజలు పంచాయతీ కి ఇచ్చినట్లు అత్యధిక మెజారిటీతో వైసీపీ ని గెలిపించాలని కోరారు. ఈ కార్యక్రమంలో ఎంపిటిసి అభ్యర్థులు కొమ్మిరెడ్డి వెంకటేశ్వరరావు, రావిపాటి లక్ష్మణరావు, వైసీపీ నాయకులు శీర్ల బ్రహ్మానందం, సూలా పోసియ్య, కాళ్ళ రమణ, వేగేశ్వరపురం వైసీపీ నాయకులు, గ్రామ వాలంటీర్లు, పంచాయతీ సిబ్బంది, కార్యకర్తలు, అభిమానులు, తదితరులు పాల్గొన్నారు.
No comments:
Post a Comment