చంద్రబాబుకు బిన్ లాడెన్ కు లింకులు ఉన్నాయా....

ఎర్రచందనం స్మగ్లర్లతో కాపురం చేస్తుంది చంద్రబాబు అండ్ టీం
వార్డు మెంబర్గా కూడా గెలవలేని లోకేష్
ఆడలేక మద్దెల దరువు తెలుగుదేశం పార్టీ
నారా లోకేష్ మంత్రి పెద్దిరెడ్డి రామచంద్రారెడ్డి గారికి క్షమాపణ చెప్పాలి

పూతలపట్టు, పెన్ పవర్

వైసీపీ ప్రభుత్వానికి, జగన్మోహన్ రెడ్డి గారికి మరియు చిత్తూరు జిల్లా సింహం పెద్దిరెడ్డి రామచంద్రారెడ్డి గారికి ప్రజల్లో వచ్చే ఆదరణను చూసి తట్టుకోలేక చంద్రబాబు మరియు ఆయన కొడుకు లోకేష్ అసత్య ఆరోపణలు చేస్తున్నారని ఎర్రచందనం స్మగ్లర్లతో కాపురం చేస్తుంది పెద్దిరెడ్డి రామచంద్రారెడ్డి గారు కాదు అని అది కేవలం తెలుగుదేశం పార్టీ నాయకులు మాత్రమే అని ముఖ్యంగా మీరు అని వైయస్సార్ సిపి రాష్ట్ర మహిళా విభాగం ప్రధాన కార్యదర్శి మరియు రీజనల్ కోఆర్డినేటర్, పూతలపట్టు నియోజకవర్గ ఇంచార్జ్ శైలజా చరణ్ రెడ్డి మండిపడ్డారు. ప్రజలంతా ఒసామా బిన్ లాడెన్ కి మరియు చంద్రబాబు నాయుడు గారికి లింకులు ఉన్నాయని అనుకుంటున్నారని, ప్రజలకు ఏం సమాధానం చెబుతారని ఆమె ప్రశ్నించారు. చిత్తూరు జిల్లాలో మంత్రికి ఉన్న ఆదరణ చూసి ఓర్వలేక ఇప్పుడు కొత్తగా పెద్దిరెడ్డి రామచంద్రారెడ్డి గారిని ఎదుర్కోలేక ఎర్రచందనం స్మగ్లర్లతో పోల్చి బురదజల్లే ప్రయత్నం చేస్తున్నారని  ఆమె ధ్వజమెత్తారు. వార్డు మెంబరుగా కూడ గెలవలేని లోకేష్ తన స్థాయిని మర్చిపోయి పెద్దిరెడ్డి రామచంద్రారెడ్డి గారి పైన ట్విట్టర్ వేదికగా అసత్య ఆరోపణలు చేస్తున్నారని హనుమంతుని ముందు కుప్పి గంతులు ఏంటని ఆమె మందలించారు. డిక్కీ బలిసిన కోడి చికెన్ షాప్ ముందుకు వెళ్లి తొడగొడితే షాప్ ఓనర్ కోసి కారం పెడతాడని అలాగే మంత్రి పెద్దిరెడ్డి రామచంద్రారెడ్డి గురించి మరియు ఆయన కుటుంబం గురించి చౌకబారు మాటలు మాట్లాడితే చిత్తూరు జిల్లాలో తిరగనీయమని ఆమె హెచ్చరించారు.ఆడలేక మద్దెల దరువులా ప్రజలలో స్థానం కోల్పోయి, 2019 లో నే ఆంధ్ర రాష్ట్ర ప్రజలు తెలుగుదేశం పార్టీని బహిష్కరించిన బుద్ధి రాకుండా స్వార్థ రాజకీయాలకు తెర తీస్తూ సీఎం జగన్మోహన్ రెడ్డి  పైన అలాగే పెద్దిరెడ్డి రామచంద్రారెడ్డి  పైన నిందలు వేయాలని చూస్తే తగిన మూల్యం చెల్లించక తప్పదు అని ఆమె హితవు పలికారు.తక్షణమే పెద్దిరెడ్డి రామచంద్రారెడ్డి కి క్షమాపణ చెప్పాలని శైలజ చరణ్ రెడ్డి డిమాండ్ చేశారు.