సర్వ సభ సమీక్ష సమావేశం నిర్వహించిన ఎంపీపీ

 సర్వ సభ సమీక్ష సమావేశం నిర్వహించిన ఎంపీపీ....

పెన్ పవర్, మేడ్చల్

మేడ్చల్ మండల ప్రజా పరిషత్ కార్యాలయంలో  ఎంపీపీ అప్పమ్మాగారి పద్మజగన్ రెడ్డి అధ్యక్షతన సమావేశము జరిగినది. ఈ సమావేశంలో షెడ్యూల్ కులములకు చెందిన చిన్న మరియు సన్నకారు రైతులకు తీగ జాతి పంటలు వేయుటకు పందిర్లు నిర్మించుట కొరకు ఎస్సీ యాక్షన్ ప్లాన్ 2018 - 19 నందు సబ్సిడీ పై ఋణములు పొందుటకు ప్రభుత్వ మార్గదర్శకాలను ఎంపిడివో శశిరేఖ వివరించారు. తీగ జాతి పంటలు వేసినచో అధిక లాభము పొందవచ్చునని ఆర్థికముగా స్వయము సమృద్ధి సాధించవచ్చునని తెలిపారు. ఈ అవకాశమును మేడ్చల్ మండలంలోని షెడ్యూల్ కులముల రైతులు వినియోగించుకోవాలని పద్మజగన్ రెడ్డి పిలుపునిచ్చారు. ఈ సమావేశానికి మేడ్చల్ మండలంలోని ప్యాక్స్ ఛైర్మన్ రందిప్ రెడ్డి, ఎంపిటిసిలు గోపని వెంకటేష్, మెట్టు అనుప, సలేంద్ర కుమార్, మాలోత్ అంకిత, సర్పంచులు, పంచాయతీ కార్యదర్శులు, వ్యవసాయ మరియు ఉద్యానవన శాఖ అధికారులు హాజరైనారు.