భారతీయ జనతా పార్టీ 42వ ఆవిర్భావ దినోత్సవ వేడుకలు...

 భారతీయ జనతా పార్టీ 42వ ఆవిర్భావ దినోత్సవ వేడుకలు...

మహిళలకు తులసి మొక్కల పంపిణీ

మహారాణి పేట, పెన్ పవర్

29వ వార్డు అధ్యక్షురాలు పల్లా లక్ష్మి ఆధ్వర్యంలో  రామ జోగిపేట లో జరిగిన ఈ వేడుకల్లో పాల్గొన్న ఆంధ్రప్రదేశ్ భారతీయ జనతా పార్టీ వైద్య విభాగం కన్వీనర్ రూపాకుల రవికుమార్ ముందుగా బీజేపీ జెండా ఎగురవేసారు.ఈ సందర్భంగా ఆయన మాట్లాడుతూ 40 సంవత్సరాల క్రితం ఇద్దరూ పార్లమెంట్ సభ్యులతోటి మొదలుపెట్టిన ప్రయాణము నేడు ప్రపంచంలోనే అతిపెద్ద పార్టీగా, కోట్లాది మంది కార్యకర్తలు కలిగిన పార్టీగా ఆవిర్భవించినదని, భారతరత్న  వాజపేయి,ఎల్.కె.అద్వానీ, మురళిమనోహర్ జోషి, రాజమాత ఇంకా వేలాది మంది నాయకుల త్యాగము,కృషి ఫలితమే నేడు బిజెపి తిరుగులేని శక్తిగా   మారిందని అన్నారు.

బిజెపి సీనియర్ నాయకులు పల్లా చలపతిరావు మాట్లాడుతూ ఆంధ్రప్రదేశ్లో కూడా అతి తొందరలో పార్టీ అధికారంలోకి వస్తుందని ,కార్యకర్తలు అందరూ కలిసికట్టుగా పార్టీ ఉన్నత అభివృద్ధికై కృషి చేయాలని కోరారు.నగర  ఎస్సీ మోర్చ నాయకుడు  చుక్కాకుల రాంబాబు మాట్లాడుతూ  దళితులందరూ  ప్రధాని మోడీ చేయు అభివృద్ధి పనులకు బాసటగా నిలవాలని ,భారత అభివృద్ధి బీజేపీ వల్లే సాధ్యమని అన్నారు.ఈ కార్యక్రమంలో ఎస్ సి మోర్చా నాయకులు బండి లీలా ప్రసాద్,29వ వార్డు బీజేపీ నాయకులు  ఓ.వెంకట అప్పారావు,శ్రీను,గేదెల శ్రీహరి,కాగితపు రమేష్,బి.రాజు,కిలాన్ని రాజు,పల్లి. శ్రీనివాసు రావు, కోప్పల రామ్ కుమార్ తదితరులు పాల్గొన్నారు.ఈ సందర్భంగా అధిక సంఖ్యలో  మహిళలకు తులసి మొక్కలు పంపిణీ చేశారు.