కస్టమ్ హైరింగ్ నిర్వహణపై అవగాహనా కార్యక్రమం
తాళ్ళపూడి, పెన్ పవర్
శనివారం ఆత్మా తాళ్ళపూడి వారి సౌజన్యంతో కొవ్వూరు ఎడిఎ పి.చంద్రశేఖర్ ఆధ్వర్యంలో తాళ్ళపూడి మండలంలోని కస్టమ్ హైరింగ్ నిర్వహణ, నూతన వ్యవసాయ యాంత్రీకరణ పద్దతులపై అవగాహనా కార్యక్రమం తాళ్ళపూడి మండల వ్యవసాయ కార్యాలయం వద్ద నిర్వహించబడింది. ఈ కార్యక్రమంలో ఎడిఎ చంద్రశేఖర్ మాట్లాడుతూ ప్రభుత్వం ప్రారంబించబోతున్న కస్టమ్ హైరింగ్ సెంటర్లలో భాగంగా రైతులు 40% ప్రభుత్వ రాయితీ, 50% బ్యాంక్ లోన్, 10% రైతుల సొంత సొమ్ము ద్వారా దపదపాలుగా లేదా ఒకేసారి కావలసిన పరికరాలు గ్రూప్ ద్వారా కొని రైతుభరోసా కేంద్రానికి అనుసంధానంగా గ్రామంలో అద్దెకు తిప్పి, తద్వారా వచ్చే సొమ్ముతో ఉపాధి పొందవచ్చు నని, మరియు బ్యాంక్ రుణం తీర్చవచ్చునని తెలిపారు. ఈ కార్యక్రమంలో మండల వ్యవసాయ అధికారిని జి.రుచిత, ఆత్మా కమిటీ సభ్యులు ఎల్లిన శివయ్య, బత్తుల సూర్యచంద్రం, సిహెచ్సి గ్రూప్ సభ్యులు, విఎఎ లు, విహెచ్ఎ లు, తదితరులు పాల్గొన్నారు.
No comments:
Post a Comment