శ్రీ శారదా పీఠాధిపతి శ్రీ స్వరూపానందేంద్ర స్వామినీ కలిసిన టి.టి.డి, ఈ.ఓ, జవహర్ రెడ్డి
పెందుర్తి, పెన్ పవర్
విశాఖ శ్రీ శారదా పీఠాధిపతి శ్రీ స్వరూపానందేంద్ర స్వామి ని తిరుమల తిరుపతి దేవస్థానం ఈవో జవహర్ రెడ్డి మర్యాదపూర్వకంగా కలిశారు. ఈ సందర్భంగా టీటీడీకి సంబంధించి శ్రీ స్వరూపానందేంద్ర స్వామి తో ఈవో చర్చించారు. ఈ భేటీలో భాగంగా కొన్ని కీలక అంశాలను స్వరూపానంద స్వామి, జవహర్ రెడ్డి దృష్టికి తీసుకువెళ్లారు. టిటిడి తరఫున నిర్వహించబోతున్న కళ్యాణమస్తు కార్యక్రమం మారుమూల ప్రాంతానికి చెందిన భక్తులకు సైతం చేరువ అయ్యే విధంగా చర్యలు తీసుకోవాలని స్వరూపానంద స్వామి సూచించారు. అదేవిధంగా టిటిడి తరఫున గిరిజన గ్రామాలలో నిర్మించడానికి తలపెట్టిన ఆలయాల పని త్వరితగతిన పూర్తి చేసేందుకు ప్రత్యేక శ్రద్ధ తీసుకోవాలని జవహర్ రెడ్డి కి స్వరూపానంద స్వామి సూచించారు. స్వరూపానంద స్వామి చేసిన సూచనలపై ఈవో జవహర్ రెడ్డి సానుకూలంగా స్పందించారు. త్వరలో వాటికి సంబంధించి తగిన చర్యలు తీసుకుంటామని హామీ ఇచ్చారు.
No comments:
Post a Comment