ఐక్యత చాటిన ఆర్యవైశ్య మహిళలు

 ఐక్యత చాటిన ఆర్యవైశ్య మహిళలు  - 25వ వార్డులో విస్తృత ప్రచారం

నర్సీపట్నం, పెన్ పవర్ :

ఆర్యవైశ్య మహిళలు ఐక్యత చాటారు. నర్సీపట్నం మున్సిపాలిటీ ఎన్నికల్లో 25 వ వార్డు నుంచి పోటీ చేస్తున్న ఆర్యవైశ్య మహిళ దేవత అరుణకు మద్దతుగా ఆర్యవైశ్య మహిళలు ప్రచారం నిర్వహించారు. నర్సీపట్నం మున్సిపాలిటీలో ఆర్యవైశ్య మహిళలందరూ ఏకమయ్యారు. వీరికి తోడు జిల్లాలోని  వాసవి వనిత క్లబ్ ముఖ్య కేంద్రాలు నుంచి మహిళలు తరలివచ్చారు.  వాసవి కళ్యాణ మండపం నుంచి ప్రచారాన్ని ప్రారంభించారు. అయ్యరకవీధి,  మేదరవీధి, తోటవారి వీధి,  లగుడు వారి వీధి మొత్తం వార్డ్ అంతా గడప గడపకు బొట్టు పెట్టి ప్రచారం నిర్వహించారు.  తొలిసారి పోటీ చేస్తున్న మా ఆడపడుచును ఆదరించండని అన్ని వర్గాల ఓటర్లను అభ్యర్థించారు. వార్డు ప్రజల నుంచి అనూహ్య స్పందన లభించింది. హంగూ ఆర్భాటం లేకుండా స్వచ్ఛమైన రాజకీయాలు చేస్తున్న మీలాంటి వారికి ప్రజల మద్దతు ఎప్పుడూ ఉంటుందని వార్డు పెద్దలు ఆశీర్వదించారు. తనను గెలిపించి కౌన్సిల్లో కూర్చోబెడితే వార్డులో నిరంతర పారిశుద్ధ్య పనులు చేపడతానని, తాగునీటి సమస్యను పరిష్కరిస్తానని,  విద్యుత్ దీపాల సమస్య లేకుండా చేస్తానని హామీ ఇచ్చారు. నర్సీపట్నం మున్సిపాలిటీలోనే 25 వ వార్డును ఆదర్శవంతంగా తీర్చిదిద్దుతానని మాటిచ్చారు.