కొంపల్లి మున్సిపాలిటీలో మహిళా దినోత్సవ వేడుకలో పాల్గొన్న ఎమ్మెల్యే...

 కొంపల్లి మున్సిపాలిటీలో మహిళా దినోత్సవ వేడుకలో పాల్గొన్న ఎమ్మెల్యే...

జీడిమెట్ల,పెన్ పవర్

కుత్బుల్లాపూర్ నియోజకవర్గం, కొంపల్లి మున్సిపాలిటీ 4వ వార్డు పరిధిలోని సాయికృప అపార్టమెంట్స్ వద్ద అంతర్జాతీయ మహిళా దినోత్సవం సందర్భంగా ఏర్పాటు చేసిన వేడుకలో సోమవారం ఎమ్మెల్యే కేపి వివేకానంద్, స్థానిక చైర్మన్ సన్న శ్రీశైలం యాదవ్, ముఖ్య అతిథులుగా పాల్గొన్నారు. ఈ సందర్భంగా ఎమ్మెల్యే, మాట్లాడుతూ మహిళా దినోత్సవ శుభాకాంక్షలు తెలిపారు. మహిళలు బాగుంటేనే దేశం, రాష్ట్రం బాగుంటుందని పేర్కొన్నారు. ఆత్మ విశ్వాసం, ధైర్యం ప్రధాన ఆయుధాలుగా మహిళలు జీవితంలో ముందుకు సాగాలన్నారు. ముఖ్యమంత్రి కేసీఆర్ మహిళలు ఉన్నతంగా ఎదిగేందుకు ఇప్పటికే వి-హబ్ లాంటివి ఏర్పాటు చేశారని గుర్తు చేశారు. మహిళలకు రాజకీయంగా అవకాశాలు కల్పిస్తూ వారి అభ్యున్నతికి కృషి చేస్తున్నారని అన్నారు.ఈకార్యక్రమంలో స్థానిక కౌన్సిలర్ మాదంశెట్టి సువర్ణ తదితరులు పాల్గొన్నారు.