ఆర్ఎస్ ప్రవీణ్ కుమార్ పై వ్యాఖ్యలు శోచనీయం...
దళిత, విద్యార్ధి సంఘాలు
తెలంగాణ సాంఘిక సంక్షేమ గురుకుల కార్యదర్శి డాక్టర్ ప్రవీణ్ పై కొందరు చేస్తున్న అసత్య ఆరోపణలు మానుకోవాలని, దళిత, బడుగు బలహీన వర్గాల పిల్లలు జీవితాలలో వెలుగులు నింపుతున్న గురుకులాల పై విషం కక్కడం తగదని, బహుజనులు, మేధావులు ప్రవీణ్ సార్ కి పూర్తి మద్దతు ప్రకటిస్తున్నామని దళిత విద్యార్థి సంఘాలు వెల్లడించారు. శుక్రవారం ఆదిలాబాద్ జిల్లా ఉట్నూర్ మండలంలో దళిత విద్యార్థి సంఘాల ఆధ్వర్యంలో నిరసన కార్యక్రమం చేపట్టారు.ఆక్స్ఫర్డ్ యూనివర్సిటీ గురుకుల మోడల్ ను కేసు స్టడీ గా తీసుకోవడంచే గురుకులాలు విశ్వవ్యాప్త ఖ్యాతి గడించిందని, అడవి బిడ్డలను ఎవరెస్టు అంత ఎత్తుకు అభివృద్ధి దిశగా నడిపిస్తున్న గురుకులాల కార్యదర్శి పై విమర్శలు చేస్తే సహించేది లేదని స్పష్టం చేసారు. ఈ కార్యక్రమంలో దళిత జేఏసీ కన్వినర్ కాంబ్లే ప్రజ్ఞశీల్, టిఎస్ ఎస్ ఓ జిల్లా అధ్యక్షులు జాడి వెంకటేష్, ఎన్ ఎస్ యు ఐ ప్రధాన కార్యదర్శి రాథోడ్ కళ్యాణ్, పరమేష్ అరికెల, నవీన్, సాగర్, దివాకర్ బొమ్మేనా తదితరులు పాల్గొన్నారు.
No comments:
Post a Comment