సమాజానికి సంపద అందించింది మీరే.. భీశెట్టి అరుణ

 సమాజానికి సంపద అందించింది మీరే.. భీశెట్టి అరుణ

పెన్ పవర్,విజయనగరం

     సమాజంలో ఇంత మంది ప్రశాంతంగా జీవిస్తున్నారు అంటే మీ లాంటి తల్లులు సంపద సృష్టించి ప్రజలకు అందించారని అందుకే నేటి ఆధునిక కాలంలో మహిళలకి మంచి గౌరవం లభిస్తుందని జిల్లా మహిళా సాధికారత సంస్థ అధ్యక్షురాలు భీశెట్టి అరుణ అన్నారు,మహిళా దినోత్సవం సందర్భంగా సోమవారం బి.ఎన్. ఆర్.అశ్రమం లో మహిళా దినోత్సవం ఘనంగా నిర్వహించారు ఈ కార్యక్రమంలో ముఖ్య అతిథిగా పాల్గొన్న ఆమె మాట్లాడుతూ రోజు రోజుకి మహిళల అవసరం సమాజంలో పెరుగుతుందని మహిళలు ముఖ్యంగా వృద్ధులు ఈ సమాజంలో చాలామందికి బ్రతకడానికి కావలసిన మార్గాలు చూపించారని ప్రతి ఒక్కరికి వృద్ధాప్యం తప్పదని ఆమె గుర్తు చేశారు ఆశ్రమంలో మహిళా దినోత్సవం వృద్ధుల మధ్య జరుపుకోవడం తనకి ఎంతో ఆనందంగా ఉందని అన్నారు, సభకు అధ్యక్షత వహించిన మహిళాస్ఫూర్తి అధ్యక్షరాలు ఆళ్ల శిరీష మాట్లాడుతూ వృద్ధులు నేటి తరంకి మార్గదర్శకులని వారిని సత్కరించటం ఎంతో అభినందనీయమని మహిళలు అన్ని రంగాల్లో ముందుకు దూసుకుపోతున్నారని,ప్రభుత్వం మహిళలకి ఇంకా ప్రోత్సాహకాలు అందించాలని కోరారు.

అశ్రమం నిర్వాహకులు భీశెట్టి అరుణను, దొర సునీతను ఘనంగా సన్మానించారు ఈ కార్యక్రమంలో మహిళా సంఘాలు నేతలు దొర సునీత,రెడ్డిపల్లి కల్యాణి,శిరీష, కాండ్రేగుల ప్రసాద్,కాండ్రేగుల శివ,అశ్రమం లోని వృద్ధులు పెద్ద సంఖ్యలో పాల్గొన్నారు.